2 Timoti 1:8 - Kaa n Kəzə̀ n fəghə mə

⁸ Sey, kə wə i dədlə n tow kə ni təmi tiillə bòʼ Mûkəbii saa, kə wə nə dədlə soʼo n tow kə ni dza ndow nə̀ wə khənu mə wən n loʼ fa n ndaw tsaʼ bòʼ Klisto. Fət təmdzəŋi bə mə ni fəghə bòʼ tûm i dzuŋu zən. Wə khə ni fəghə n təŋkey Zə̀ kə n fuu wɔ n daʼa kə tii kə.

2 Timoti 1:8 ပူးပေါင်းရင်းမြစ်များ

Malakus 8:38

Wù wey tə dədlənə n tow kə bòʼ mə, nsə ghəə ghən n diinə fa n mbi zən nya ghə nəb ityim nsə bəbə bəbə tə aghə̂ tə kəmənə tii, mə, Waa wù sɔŋtsuʼ, mə i dədlə soʼonu n tow kə n kow wi abə mə i dzəŋŋə bənə n ghaʼ i Bày zə nsə tsətəndəghə tə Kəzə̀ tə zow tə.”

Lukas 9:26

Wù wey tə i dədlə n tow kə bòʼ mə nsə ghɔɔmə zuŋ zə, Waa wù sɔŋtsuʼ nə dədlə soʼo n tow kə tə wù tii abə tə nə bənə n kɔʼlə n wi mə, nsə kɔʼlə n Bày mə nsə tsətəndəghə tə Kəzə̀ tə zow tə.

Tùm i dzuŋu zə kuum Yeso Klisto tə Jɔn â tɔɔnə 15:27

Wû i ghaa, ghaa khə ni tiilə dza soʼo, bòʼ nə̀, ghaa â dzəŋi loʼ ghi mə nghee mə â kaʼ tsunə fwaʼ kuŋ kə.”

Tùm i dzuŋu zə kuum Yeso Klisto tə Jɔn â tɔɔnə 19:35

Wù wey tə â koʼ ghəə ghən, à loʼ wi tə tiilə dza bənə ghəə a tii ghə, ghɔɔmə i wi i loʼ isəŋə. Tə a ndzəm khə soʼo nə̀, ghəə zey tə tiilə dza bənə, loʼ isəŋə, sey nə̀ ghaa loʼ soʼo ni bəghəm fuu tə̀ Zə̀ kə.

Kəfwaʼ 5:41

Nghee ngəd tə Yeso tey zəghə tsunə ndaw tsə, ghə n nuu ndow, fəd duʼlə nə̀ Zə̀ kə n koʼ nə̀ ghə kɔʼ kpiinu ni fəghə, ghə keeli tow kə dədlə kə bòʼ Yeso.

Roma 1:16

N dədlə way n tow kə ni naʼa tûm i dzuŋu zə, n təŋkey, tûm i dzuŋu zən loʼ daʼa K-a-zə̀ kən kə bəghəshiənə ghə̂ ghey adzəm ghə bəghəmnə tə Klisto. Tûm tii zey tsu dzə n kow ghə̂ a Təjuu ghə tə̀ ghii zə ni ndow tə̀ ghə̂ ghən ghə way ghə̂ a Təjuu ghə.

Roma 16:25

N gɔŋŋə nə̀ saa mə fuu nkɔʼlə tə̀ Zə̀ kə. Tə loʼ ni ghəŋə nə̀ ghaa təmi taw tsu, ghaa gaʼ soʼo fə̀ŋ n kow wi. A wey loʼ ghəə zey tûm i dzuŋu zey n naʼlənə kuum Yeso Klisto dzanə. Ghəə zey tûm i dzuŋu zən dzanə kuum Klisto â nyi doʼonu n nùm tə ibam tə.

Roma 8:36

À wey loʼ ghə i tii zə i tɔ̀ɔ doʼo n màʼlə K-a-zə̀ nə̀, “À loʼ bòʼ wɔ a Zə̀ kə, ghey koʼonə və zə nəŋə tədzəm, Ghə ghəŋŋə ghi ghey tə a loʼ tənjì ghə dza i ndow wey.”

Roma 9:33

I loʼ tə i tɔ̀ɔ doʼonə n màʼlə K-a-zə̀ nə̀, “Koʼo, n naŋŋə tsu itay n naʼ i Zayɔn, i ghəŋŋənə nə ghə̂ a taŋŋə tii, N naŋa tsu kənaa kə i ghəŋŋə nə̀ ghə taŋŋə bwu tii. À kee loʼ nə̀ wù wey tə bəghəmnə tə Zə̀ kə, i keeli way tow kə dədlə kə.”

1 Kɔrint 1:6

Zə̀ kə n ghəŋə nə̀ tûm i dzuŋu zən bòʼ Klisto, mə â naʼanə tə̀ ghaa, i nyi taw tsu n kow ghaa.

2 Kɔrint 6:7

Ghey dza isəŋə nəŋə tədzəm, Zə̀ kə u fuu soʼonə ghey n daʼa kə ni ghəŋŋə ghəə ghey a kpiinə. Ghəə a dzuŋu ghən ghey ghəŋŋənə loʼ tə̀ a loʼ fə u tsam u ghey n kpii kə zə̂ə kə nsə n kpii kə kwɔɔ kə.

Efesus 3:1

A loʼ boʼ ghəə ghey Zə̀ kə loʼ nə̀ kə n ghəŋŋə ni təmdzəŋi bə ghə̂ a Təjuu nsə ghə̂ ghən ghə way ghə̂ a Təjuu ghə nə kəfə kəmɔʼ, mə Pɔl, n loʼnə wù ndaw tsaʼ a Yeso Klisto n tow u ghaa ghən ghaa way ghə̂ a Təjuu ghə.

Efesus 3:13

Waazə ghə, a wən loʼ ghə i tii zə n dzanə nə̀, i kə fə̀ŋ nə baŋanə ghaa bòʼ chɔd mən n keelinə n tow u ghaa. N saa fəʼlə nə̀ ghaa i keeli nkɔʼlə.

Efesus 4:1

Mə wən n loʼnə wù ndaw tsaʼ boʼnə n fwaʼa tə̀ Mûkəbii, n buʼu bə kəwɔɔ tə̀ ghaa nə̀ ghaa i muu muu zey i kpiilənə tə̀ ghə̂ ghey Zə̀ kə sàynə ghə.

Efesus 4:17

À wən loʼ ghə i tii zə n dza i ghɔɔmə bə tə̀ ghaa n daʼa kən Mûkəbii fuunə tə̀ mə, tɔʼɔ zəllə tsu na. I kə̂ ghaa nə̂ kəm muulənə tə̀ a loʼ ghə̂ ghey ghə ka bəghəm tə̀ Zə̀ kə, ghə moʼlə kə ndzoʼo ghəə ghey a gaamə way wù.

Filipi 1:7

À loʼnu ghə i dzuŋu zə tə̀ mə̀ ni moʼlə ghaa n ndzoʼo jii zən, boʼnə n khə ghaa n fə̀ŋ i dzuŋu zə̀. Abə n loʼ kə n ndaw tsaʼ nkee n təmənə tsam, təmi tiilə kùm tûm i dzuŋu zə̀, ghaa loʼ dzəŋi ghi mə̀ nə kəfə kəmɔʼ n ndzuŋ ə Kəzə̀ zən tə funə tə̀ mə.

Filipi 3:10

Ghəə zey n ləghənə nya, à loʼ ni keeli Klisto nsə ni keeli daʼa kən Klisto â khənə n nəŋə zey Zə̀ kə â zhəm dzəŋŋə bənə wi nə ivə. N ləghə ni fəghə tə̀ tə â fəghənə, abə a loʼ kə ni kpu soʼo tə̀ tə â kpunə.

Filipi 4:13

N loʼnu ni ghəŋə aghəə adzəm n daʼa key Klisto fuunə tə̀ mə.

Kolose 1:11

N gɔŋŋə soʼo nə̀, Zə̀ kə, tə khənə daʼa wə udzəm, tə fuu ghaa n daʼa kə wi kə, sey nə̀ ghaa loʼ ni təmi taw n bəghəm i fə̀ŋ, kow fə̀ŋ nə aghəə adzəm.

Kolose 1:24

N duʼlənu n fəghə zən n fəʼlənə nya bòʼ ghaa, fəghə zən n fəʼlənə loʼ tə a loʼ tuʼ zuŋ n fəghə zən Klisto â fəghənə tə dzəŋi kə dzûmə tə Klisto, tɔŋɔ wû u wi.

1 Tesalonika 3:4

N dza sey n təŋkey, nghee ghey â loʼnə fey ghi ghaa, ghey mâ dza tə̀ ghaa nə̀ ghə i chɔdlɔnu ghey. Zə n bɔɔmə bə doʼo bə kə tə̀ ghey â dzanə tə̀ ghaa.

1 Timoti 2:6

À loʼ wi tə â fuunə wû u wi wə ni kùmshi tow u ghə̂ adzəm. Yeso â bə kpu n tow u ghə̂ adzəm tə a loʼ tsəə ni dii tsu nə̀ nəŋə zey Zə̀ kə â bayyə naŋa ni bəghəshi aghə̂ tii n kpii.

2 Timoti 1:10

Zə̀ kə â chi dii bə ghəə ghən adzəm tə saa n nəŋə zey Yeso Klisto wən tə loʼnə bəghəshi ə saa â bənə. Tə n ghəŋə və zə u kəm khə way daʼa kə n kow saa, tə u ghəŋə soʼo nə̀ saa i khə muu zə itsali zə n bam i tûm i dzuŋu zən tə diinə tə saa.

2 Timoti 1:12

A wey loʼ zuŋ key n fəʼlə fa tii n ndaw tsaʼ. N kee dədlə dzə way n tow kə a dza n loʼ n ndaw tsaʼ n təŋkey n khənu wù wey n bəghəm fuunə tə wi, mə n tɔʼ khə soʼo nə̀ tə i kwɔɔ keelinu fə key tə â fuunə tə mə ni ndow kuum n tsuʼ fey tə i bəghə dzəŋŋənə ibam.

2 Timoti 1:16

N gɔŋŋə nə̀ Zə̀ kə kwɔɔlə isî n kow Onesiforus nsə ghə̂ ghey adzəm ghə loʼnə n ndaw wi n təŋkey, tə â bə tsəmmə zeeli tsə mə n ndaw tsaʼ, tə n ka dədlə soʼo n tow kə ni bə koʼ mə.

2 Timoti 2:3

Wə khə ni fəʼlə soʼo ghi mə tə a loʼ sawgoʼ u dzuŋu wə tə Yeso Klisto.

2 Timoti 2:8

Keeli tsu nə̀ Zə̀ kə â zhəm dzəŋŋə bə Yeso Klisto wən tə loʼnə waa waa fɔ̀ɔ Devid nə ivə. À wən loʼ tûm i dzuŋu zən n naʼlənə.

2 Timoti 2:9

N fa fəʼlənu, ghə u kùm naŋa daŋŋə mə nə tətsaʼ tə a loʼ wù tsɔŋɔ n təŋkey n naʼlə tûm i dzuŋu zən. Ghə i dzuŋu i loʼ kə nə̀ ghə way ni kùm naŋa dzə ghɔɔmə i Kəzə̀ nə tətsaʼ.

2 Timoti 4:17

A kee loʼ nə̀ Mûkəbii â loʼ ghi mə, tə n fuu mə n daʼa kə nə̀ mə i loʼ ni naʼa may tûm i dzuŋu zə tə ghə̂ ghən adzəm ghə way ghə̂ a Təjuu ghə. Zə̀ kə sey bəghəshinu mə n wɔɔ kə ivə.

2 Timoti 4:5

A kee bə wɔ a Timoti, abə à shiə kə ghə i ghaa zə, kə wə tə tsəŋŋə n wû wə. Kow tsu fə̀ŋ ni fəghə bòʼ Mûkəbii, i dəmə ndow kə ni naʼa tûm i dzuŋu zə tə ghə̂ ghə, fwaʼa fwaʼ kə kədzəm tə a loʼ wù kəfwaʼ a Kəzə̀.

1 Pita 1:5

Nghee tə̀ ghaa bəghəmnə tə̀ Klisto, Zə̀ kə i keyyə ghaa n daʼa kə wi kən tə khənə ni ndow kuum n nəŋə zey Klisto i bəghənə. À loʼ n nəŋə i tii zə ghə i bəghəshiənə ghaa n nəŋə zey Zə̀ kə i saʼanə mbi tii.

1 Jɔn 4:14

Saa n koʼ, tiilə dza soʼo nə Bày a tûm bə waa wi nə̀ tə bə bəghəshi ghə̂ a mbi.

Màʼlə kə Jud tə̀ ghə̂ a Kəzə̀ ghə 1:24

N gɔŋŋə nə̀ saa adzəm i fuu kɔʼlə mə tə Zə̀ kə. Zə̀ kən kə loʼ ni kwu keeli saa nə̀ kə saa i bwu, nsə nə̀ saa i zow, ngii duʼlə soʼo n sə kə wi.

Chi dii 1:2

Sey, Jɔn loʼ wù wən tə tiilə dza may bənə ghəə ghey adzəm tə â koʼnə. Ghəə a tii a loʼ kuum ghɔɔmə i Kəzə̀ nsə ghəə asəŋ ghey Yeso Klisto â diinə tə̀ wi.

Chi dii 1:9

N loʼ Jɔn waazə ghaa wən tə fəʼlə dzəŋinə ghi ghaa n ghəə a fɔɔ u Kəzə̀, kow soʼonə fə̀ŋ tə̀ aloʼ ghaa n təŋkey saa loʼ nə kəfə kəmɔʼ ghi Yeso. Ghə â kwu naŋa mə n naʼ i loʼ zə dzuu dzəŋ tsəghə kɔʼnə n təŋkey mə â naʼlə ghɔɔmə i Kəzə̀, dza soʼo isəŋə zey Yeso â dza naŋanə. Ghə tɔŋŋə naʼ i tiizə nə̀ à loʼ Patmus.

Chi dii 12:11

Ghə â təm zə̂ wi n kaŋ tə Waa Nji tən ghə â fəələnə n zat kə fəkaʼ nsə nə isəŋə zən ghə â naʼlənə, dii tsu nə̀ ghə â tsəmə ləghənu ni fuu nuu muu i ghə, abə à buʼ loʼ kə ni kpu daŋŋə.

Chi dii 19:10

Mə n bwu ndow n tənə fuu i wi ni ngɔɔmə wi. Tə n fəd dza tə mə nə̀, “Ngaŋ ka ghəŋə sey! N loʼ soʼo wù kəfwaʼ tə a loʼ wɔ ghi ghə̂ ghən ghə bəghəmnə tə̀ Yeso. I ngɔɔmə Zə̀ kə! Boʼnə à loʼ Zay kə Zow kə, kə chi dii ghəə ghə tə̀ tûm tə Kəzə̀ tə kuum Yeso.”