Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 Timoti 1:7 - Kaa n Kəzə̀ n fəghə mə

7 N dza sey n təŋkey, Zay key Zə̀ kə â fuunə tə saa ghəŋŋə dzə way nə̀ saa i tsəŋə ghəə ghə. Tə â fəd fuu saa n Zày key kə ghəŋŋənə nə̀ saa i khə daʼa kə, saa i ləghə wû i saa zə, saa i loʼ soʼo ni tɔʼ kwu keeli wû i saa.

အခန်းကိုကြည့်ပါ။ ကော်ပီ




2 Timoti 1:7
28 ပူးပေါင်းရင်းမြစ်များ  

Zəllə na, mə n fu ghaa n daʼa kə tə̀ ghaa lòʼ ni bwey nə təzuu, n kow nàŋ tə, nsə ni təm zə̂ daʼa u ghə̂ a təngəmə, fə kə lòʼ kə nə way ni mɔm bəəbə ghaa.


Ambə tɔb u wi u fən nyi bənə, tə n dza n fəŋ ə wi nə̀, ‘Ghə̂ a kəfwaʼ a bày wùŋ a zəə kownu, buʼu naŋŋə səə u loʼ wə, mə n loʼ fa kpuu kɔʼɔ bə n wɔ̂ dzəŋ.


Sey, abə n ndownə, mə i tûm bə wù wey Bày wùŋ idəŋ â dza naŋanə tə̀ ghaa. Sey, ghaa khə ni doʼo ləmə n naʼ i Yerosalem tə daʼa K-a-zə̀ kə tsu bə n kow ghaa.”


Ambə ghə̂ a bənə ni bə kòʼ ghə zey i shinə, ghə n bə kòʼ bə Yeso nsə wù wey Yeso â dzùm shinə zay u bwu wey n kow wi tə doʼnə fuu ghi Yeso nə tə n ndzə tə dzəŋŋə lòʼ dzɔb n tɔ̀b u wi wə̀. Tsəŋ zə n kwu ghə.


N fuu naŋŋə ghaa n buulə zə. À loʼ buulə zuŋ n fuu bənə tə̀ ghaa. Buulə zən n fuu bənə tə̀ ghaa way dzə ndzoʼo buulə zey ghə̂ a mbi a fuunə. Kə̂ fə̀ŋ tə nə̂ baŋanə ghaa, kə̂ ghaa nə tsəŋə soʼonə.


À kee loʼ nə̀, abə Zay kə Zow kə i nyi bənə n kow ghaa, ghaa i keeli tsu kədaʼa, ghaa i loʼ soʼo ni təmi tiilə bòʼ mə n Yerosalem, n mboʼo Judeya, Samaria nsə n badla tə mbi tədzəm.”


Ghaa khənu nghee Zə̀ kə â tsuʼ naŋanə Yeso, wù Nazaled, fuu tsu wi n Zay kə Zow kə nsə daʼa kə. Ghaa khə soʼonu nghee tə â bwey kaabənə, ghəŋŋə ndzuŋ, baŋŋə ghə̂ ghən adzəm ghə a loʼ nə n tənnə daʼa kə avəətsəə, n təŋkey, Zə̀ kə â loʼ ghi wi.


N tsəm ə buʼu ney way muu zuŋ zə tə a loʼ fə loʼ kə, n ləghə kə ni mayyə kɔʼ fwaʼ kən Mûkəbii Yeso fuu naŋanə tə mə. Fwaʼ kə tii kə loʼ ni təmi tiilə tûm i dzuŋu zə bòʼ ndzuŋ zən Zə̀ kə khənə n kow saa.


Pɔl n dza tə ghə nə̀, “Ghaa sey jiə ngee? Ghaa baŋŋə fə̀ŋ zuŋ nə idey ə? Mə n tsəm bəghəm nə ghə kwu kow naŋa mə, ghə buʼ wey daŋŋə mə n Yerosalem bòʼ Mûkəbii Yeso.”


Mə n chɔd ghə n ndəmə tənəŋə n ndaw tə udzəŋi tə ghə ni ghəŋə nə̀ ghə tuu maʼa Yeso. Mə n ngii baa ghə n jìi zey mə n bəghəm kaabə ndow ghə n naʼa tə tətùm ni chɔd ghə.”


Pɔl n kee beeli ndow wi nə̀, “N zəghə dzə way a mûkəbii Festus. Ghəə ghən n ghɔɔmə shiə bənə tə wɔ loʼ isəŋə, n bɔɔmə ghɔɔmə bə tə a loʼ wù wey tə zəghə way.


Sətifən â loʼ wù nə Zə̀ kə n fuu wi n ndzuŋ nsə daʼa kə naʼ idzəm. Tə n ghəŋŋə ndəmə ghəə a faalə ghə nsə ghəə a zum ghə idzuu ghə n fəŋŋə kə aghə̂.


Sɔl n fəd ndəmi nyi ndow uwû ni naʼa tûm i dzuŋu zə. Tə n dii nə təjìi tədzəm nə̀ Yeso ndzəm loʼ wù wey Zə̀ kə â dza naŋa nə̀ i tûm bənu. Tə n dii n jìi zey ghə̂ a Təjuu ghey n Damaskus n laʼ kii kɔʼ ghə i dza zə.


Ləmə zən saa ləmmənə, way dzə ni doʼo kənunu n təŋkey, Zə̀ kə n kuu naŋa ləghə i wi zə n fə̀ŋ tə saa naʼidzəm n wû u Zay kə Zow key tə fuunə tə saa.


Sey, Zay kə Zow key Zə̀ kə â fuunə tə ghaa ghəŋŋə dzə way nə̀ ghaa doʼo ukɔd, kə ghəŋŋə soʼo way nə̀ ghaa i tsəŋə. Zay kə Zow key Zə̀ kə â fuunə tə ghaa fədlə ghəŋŋə nə̀ ghaa i loʼ waa a Kəzə̀ ghə. À loʼ wi tə ghəŋŋənə nə̀ saa i tɔŋŋə ndow Zə̀ kə tɔŋŋə kuulə nə̀, “Bày! A Bày wuŋ!”


Tûm zən mə â naʼlənə, â maŋ way dzə ighɔɔmə i nuu bənə n wɔ wù sɔŋtsuʼ ni nəəbə ghaa tii, â fəd loʼ Zay kə Zow kə, kə â fuunə mə n daʼa kə, ni naʼa ghəə tii ghə adzəm tə̀ ghaa.


Ndzoʼo mwam wey Zay kə Zow kə ləghə nə̀ saa keeli loʼ, iləghə, iduʼlə, ibuulə, ni kow fə̀ŋ, fə̀ŋ i dzuŋu zə, ghəə a dzuŋu ghə, zə̀ələ kə fə̀ŋ,


À loʼ soʼo wi tə â tiilə dza bə nə tə ghey nghee Zay kə Zow kə ghəŋənə nə̀ ghaa i khə ləghə zə n wû i ghaa.


 loʼ kə n jìi zən Yeso â loʼnə ni ghəŋə nə̀ ghə̂ ghən ghə â muunə muu i ghə zə tə a loʼ ukɔd ghə tsəŋənə və zə n sə K-a-zə̀, kə ghə nə kəm doʼlənə kɔd wə.


Nya wən ghaa sow maʼa dzənə wû i ghaa zə nghee ghaa naŋŋənə isəŋə, sey nə̀, ghaa i ndzəmə ləghə wû i ghaa zə tə a loʼ a awaazə, i ndzəmə ləghə na wû i ghaa zə n fə̀ŋ tə ghaa tə tədzəm.


Tsəŋ i loʼ i way dzə abə wə ndzəmə ləghənə waazu. Ndzəm kə iləghə kə dzum maʼa itsəŋ n təŋkey tsəŋ i khə ighəə ni ghəŋə ghi ngoʼ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ