2 Timoti 1:4 - Kaa n Kəzə̀ n fəghə mə

⁴ Abə n moʼlə bənə nghee wə â deynə tii n nəŋə zey saa â sàli nuu tsunə, fə̀ŋ n baŋa mə ni koʼ wɔ, sey nə̀, mə i loʼ ni keeli iduʼlə naʼ idzəm.

2 Timoti 1:4 ပူးပေါင်းရင်းမြစ်များ

Tùm i dzuŋu zə kuum Yeso Klisto tə Jɔn â tɔɔnə 16:22

A wey bɔɔmə loʼ ghəə zey i shiənə nya ghi ghaa, ghaa mownu nya, a kee loʼ nə̀ mə i kəm koʼo kpiʼinu ghaa, fə̀ŋ tə ghaa tə i duʼlə n jìi zey wù loʼ nə kəm way ni ney nuu duʼlə i tii zə n wɔ ghaa.

Tùm i dzuŋu zə kuum Yeso Klisto tə Jɔn â tɔɔnə 16:24

Ni bə taa bə na, ghaa ka kam bəb fə kə loʼ kə n zəd zuŋ. Bəb tsu n na nya, Bày wuŋ i fu tə̀ ghaa, tə ghaa loʼ ni duʼlə naʼ idzəm.”

Kəfwaʼ 20:19

Ghaa a mgbaŋ khə nghee tə n fwaʼ kɔʼ bənə tii tə̀ Mûkəbii ə saa nə n kɔʼlə way wû wə, mə n fwaʼ soʼo n sə̂ mə nə asə̂ n nəŋə zey mə â keelinə chɔd wə bòʼ ghə̂ a Təjuu a loʼ ghə, ghə â bii kaabə tsənə mə.

Kəfwaʼ 20:31

Ney na ghə̂mə zə, ghaa i moʼlə tsu nghee tə n fəghə kɔʼ bənə tii nə tənum tətəghə n tsə tə nsə n tsuʼu tə nə̀ n tsəə kə ghaa.

Roma 1:11

Zuŋ key n mbuŋənə ni bə n səə ghaa loʼnə mə i loʼ ni kuu fəŋ tə ghaa n naamə kən Zay kə Zow kə fuunə tə mə ni ghəŋə nə̀ bəghəm i fə̀ŋ i ghaa zə i taw.

Filipi 1:8

Zə̀ kə loʼ ni tiillə dza nə̀ n dza isəŋə nə̀ ləghə zey n khənə n wɔ ghaa loʼ i zey i nuu bənə n wɔ Yeso Klisto n wû u wi wə.

Filipi 2:26

Tə n ngii mbuŋŋə ni bə koʼ ghaa, fə̀ŋ n ngii fəmmə soʼo wi, n təŋkey, ghaa mâ zow nə̀ tə â dzaŋanu.

1 Tesalonika 2:17

Waazə ghə, n tɔŋɔ fə inəŋə fən ghey â sali nuu tsunə ghi ghaa, ghaa loʼnu n fə̀ŋ tə ghey nəŋə tədzəm, â loʼ kə nə̀ jii way tə̀ ghey ni koʼ ghaa. Ghey n dəm kii ni bə koʼ ghaa n ndəmə tənəŋə, ghey ndzəmə ngii mbuŋŋənu ni bə koʼ ghaa.

2 Timoti 4:21

Dəmə tsu nə wə bə tən nya nə̀ nəŋə zə ufəb i ka kam bə. Yubulus tûm bə wɔ n tɔŋɔ zow zə. Pudens, Laynus, Klodia nsə dzûmə tə Klisto tən fa adzəm, tûm bə soʼo itɔŋɔ zow.

2 Timoti 4:9

Dəmə tsu ni mbad bə taa fa n səə mə,

1 Jɔn 1:4

Ghey tɔ̀ɔ bə nə̀ saa loʼ ni dzəŋi keeli iduʼlə naʼ idzəm.

Chi dii 21:4

Tə i zə̀d maʼa tsu sə mey n dzəm n loʼnə n sə a ghə. Ghə̂ ghə i kəm kpuu way. Ghə̂ ghə i kəm mow way, dey way zow soʼo way fɔɔbə zə n təŋkey, mbi i wey zə n tsəghə nuu.”

Chi dii 7:17

n təŋkey, Waa Nji wən tə baa loʼ kuu kə fɔɔ kə tii kə, tə i laalə tə ghə tə wù baʼa u tənjì u laalənə tə njì tə wi tə. Tə i ney ndow ghə n tɔŋ n tədzuu mən mmuu n tii n fuunə muu zə. Zə̀ kə i zəd maʼa sə̂ mey n dzəm n sə̂ a ghə.”