2 Timoti 1:12 - Kaa n Kəzə̀ n fəghə mə

¹² A wey loʼ zuŋ key n fəʼlə fa tii n ndaw tsaʼ. N kee dədlə dzə way n tow kə a dza n loʼ n ndaw tsaʼ n təŋkey n khənu wù wey n bəghəm fuunə tə wi, mə n tɔʼ khə soʼo nə̀ tə i kwɔɔ keelinu fə key tə â fuunə tə mə ni ndow kuum n tsuʼ fey tə i bəghə dzəŋŋənə ibam.

2 Timoti 1:12 ပူးပေါင်းရင်းမြစ်များ

Matyo 12:21

Sey nə̀, ghə̂ ghən ghə way ghə̂ a Təjuu ghə adzəm loʼ ni khə nə̀ ghə loʼ ibəghəshi n zəd i wi.”

Matyo 24:36

Yeso n kəm dza ndow tə ghə nə̀, “Wù loʼ khə way tsuʼ fey nkee nəŋə zey Waa weynum i bəghənə tii, kasə tsətəndəghə tə Kəzə̀ tən tə loʼnə idəŋ nkee Waa wi khə way, a khə kə Bày.

Matyo 7:22

Ndəmə aghə̂ ghə i dza tə̀ mə n tsuʼ fey Zə̀ kə i saʼanə mbi tii nə̀, ‘Mûkəbii, Mûkəbii, n dza ghey â naʼlə tûm Kəzə̀ n zəd zə ə? A n dzùm shi avəətsəə n kôw ghə̂ ghə n zəd zə, fwaʼ ndəmə ghəə a faalə ghə n zəd zə.’

Lukas 10:12

N kûm dza bə tə̀ ghaa nə̀, N tsuʼ fey Zə̀ kə i saʼanə mbi tii, buulə zə i buʼ lòʼ kow Sodom tsəghəshi naʼ i tii zə.”

Lukas 23:46

Yeso n dey shi kɔʼ n dzə̀ i taw zə dza, “Bày, zay kuŋ wɔɔ ghə.” Ambə tə dza tsunə sey, tə n tsəmə i tsu.

Tùm i dzuŋu zə kuum Yeso Klisto tə Jɔn â tɔɔnə 17:15

N gɔŋŋə dzə way nə wə ney nuu shi kɔʼ ghə n mbi, n kee gɔŋŋə nə̀ wə tsəd naŋa tsu ghə, kə̂ Satan nə mɔmnə ghə.

Tùm i dzuŋu zə kuum Yeso Klisto tə Jɔn â tɔɔnə 6:44

Wù maŋ way dzə ni bə doʼo dzə ghi mə, à may kə nə̀ a wi ney bə Bày wey tə tûmnə mə. Sey mə î zhəm dzəŋŋə bə wi, tə keeli imuu n tsuʼ fey mbi nə̂ maynə tii.

Kəfwaʼ 13:46

Pɔl nsə Banabas n ka tsəm tsəŋ ni dza tə ghə nə̀, “Zə â ndzəm kpiinu nə ghey naʼa dzə ghɔɔmə i Kəzə̀ tə ghaa. Nya wən ghaa tuu maʼanə ghɔɔmə i tii zə, dza nə̀ ghaa ka kɔʼ kpii dzə ni keeli muu zə itsali, ghey naʼlə ndow kə tə ghə̂ ghey ghə way ghə̂ a Təjuu ghə.

Kəfwaʼ 13:50

Ngəd tə Təjuu tə n fədlə kuu tənyɔʼ n kow gheyzən a səŋi ghə nsə gheynum a nii ghey ghə ngɔɔmənə Zə̀ kə fu inaʼ nə ghə nuu təmi kɔʼ n tow kə Pɔl nsə Banabas. Ghə n zey ndow ni chɔd Pɔl nsə Banabas, dzum shi daŋŋə ndow ghə fu n mboʼo tii.

Kəfwaʼ 21:13

Pɔl n dza tə ghə nə̀, “Ghaa sey jiə ngee? Ghaa baŋŋə fə̀ŋ zuŋ nə idey ə? Mə n tsəm bəghəm nə ghə kwu kow naŋa mə, ghə buʼ wey daŋŋə mə n Yerosalem bòʼ Mûkəbii Yeso.”

Kəfwaʼ 7:59

Nghee tə ghə təmmə nə wi sey, Sətifən n zey ndow ni gɔŋŋə dzanə, “Mûkəbii Yeso, ney zay kuŋ kə.”

Kəfwaʼ 9:16

Mə i diinu tə wi nghee tə khə ni fəghə tii bòʼ mə.”

Roma 1:16

N dədlə way n tow kə ni naʼa tûm i dzuŋu zə, n təŋkey, tûm i dzuŋu zən loʼ daʼa K-a-zə̀ kən kə bəghəshiənə ghə̂ ghey adzəm ghə bəghəmnə tə Klisto. Tûm tii zey tsu dzə n kow ghə̂ a Təjuu ghə tə̀ ghii zə ni ndow tə̀ ghə̂ ghən ghə way ghə̂ a Təjuu ghə.

Roma 9:33

I loʼ tə i tɔ̀ɔ doʼonə n màʼlə K-a-zə̀ nə̀, “Koʼo, n naŋŋə tsu itay n naʼ i Zayɔn, i ghəŋŋənə nə ghə̂ a taŋŋə tii, N naŋa tsu kənaa kə i ghəŋŋə nə̀ ghə taŋŋə bwu tii. À kee loʼ nə̀ wù wey tə bəghəmnə tə Zə̀ kə, i keeli way tow kə dədlə kə.”

1 Kɔrint 1:8

Tə i keyyə ghaa nə̀ ghaa i taw n bəghəm i fə̀ŋ i ghaa ni ndòw kùm ndow, sey nə̀, ghaa i khə way bwu i loʼ zə n muu i ghaa n tsuʼ fey Mûkəbii saa Yeso Klisto i bəghə dzəŋŋənə tii.

1 Kɔrint 3:13

N tsuʼ fey Zə̀ kə i saʼanə mbi tii, vəllə wə i dii bənu ndzoʼo fə key kay wù bəghə u təndaw u neynə ni bəghə ndaw tii. Vəllə u tii u nə mɔm koʼ tsu ni dii bə nə̀ wù tii â bəghə ndaw tii n fə wey u tawnə mɔ u wey u taw way.

Filipi 1:20

Moʼlə zuŋ nsə ləghə zuŋ i loʼ nə, kə n nə bwu koʼonə n fwaʼ kuŋ, nə̀ mə î fəd khə fə̀ŋ ni naʼlə tûm i dzuŋu zə, sey nə̀ wû wuŋ udzəm u loʼ ni fuu kɔʼləmə tə̀ Klisto nya nsə nə tənəŋə tədzəm, abə n loʼnə utaw nkee nə̀ mə n kpu.

Filipi 3:10

Ghəə zey n ləghənə nya, à loʼ ni keeli Klisto nsə ni keeli daʼa kən Klisto â khənə n nəŋə zey Zə̀ kə â zhəm dzəŋŋə bənə wi nə ivə. N ləghə ni fəghə tə̀ tə â fəghənə, abə a loʼ kə ni kpu soʼo tə̀ tə â kpunə.

Filipi 3:21

N daʼa key tə khənə ni ney naŋa bə ufə̂ udzəm n tənə wi, tə î kwey nuu kɔʼɔ vən fə uwû fə wù sɔŋtsuʼ fə saa fən, tə fuu saa n ndzoʼo vən fə uwû fey Zə̀ kə â fuunə tə wi nghee tə â zhəm dzəŋŋə bənə wi nə ivə.

Filipi 3:8

N ney ghəə a tii ghə adzəm tə a loʼ ghəə a kənunu tə̀ mə̀. Mə n maʼa ndow ghəə a tii ghə adzəm n tənkey, à dzɔb tsəghəshi ni tɔʼ keeli tsu Yeso Klisto, Mûkəbii wuŋ. Kùmnə a loʼ bòʼ wi mə â ndzəm maʼanə fə̂ wə udzəm, naŋa ndow nə̀ a loʼ udzə, sey nə̀ n keeli tsu kə Klisto,

1 Tesalonika 2:16

Ghə ndeemi iwû ni buu naŋa ghey nə̀ kə̂ ghey nə̂ naʼlənə ghɔɔmə i Kəzə̀ zə tə̀ ghə̂ ghən ghə way ghə̂ a Təjuu ghə, nə̀ ghə mbɔŋ keeli ibəghəshi. Ghə n sey zuŋŋə naŋa kɔʼ bə ghəə a bəbə ghə, sey, ngoʼ ə Kəzə̀ n bə n kow ghə.

1 Tesalonika 5:4

Waazə ghə ghaa way dzə n ka ghaa naŋa dzə nə̀ kələm n ghəə i zən, sey kə̂ tsuʼ fə tii fə nə̂ kwɔɔlənə ghaa nə̀ ghaa ka wû u bayyə tə̀ wù tsɔŋɔ nə̂ tsɔŋɔnə wù nə̀ tə ka keeli.

1 Timoti 6:20

Timoti, tɔʼɔ kwu keeli fə key Zə̀ kə fuu naŋanə tə wɔ nə̀ wə i keyyə. Kə wə nə zəllənə ghɔɔmə tən tə fuu way ngɔɔmə zə tə Zə̀ kə nsə ghɔɔmə tə laʼlə tən ghə̂ a loʼ a dza nə̀ a loʼ utɔb loʼ sey nə̀ à way dzə utɔb.

2 Timoti 1:14

N gɔŋŋə nə̀ Zay kə Zow kən kə loʼnə n kow saa, kə fuu wɔ n daʼa kə ni tɔʼ kwu keeli isəŋə zən Zay kə Zow kə fuu naŋanə tə wɔ.

2 Timoti 1:16

N gɔŋŋə nə̀ Zə̀ kə kwɔɔlə isî n kow Onesiforus nsə ghə̂ ghey adzəm ghə loʼnə n ndaw wi n təŋkey, tə â bə tsəmmə zeeli tsə mə n ndaw tsaʼ, tə n ka dədlə soʼo n tow kə ni bə koʼ mə.

2 Timoti 1:18

N gɔŋŋə nə̀ Zə̀ kə kwɔɔlə isî n kow wi n tsuʼ fey Mûkəbii i bəghənə tii. Wə tɔʼ khənu nghee tə â gaamənə mə tii n naʼ i Efesus.

2 Timoti 1:8

Sey, kə wə i dədlə n tow kə ni təmi tiillə bòʼ Mûkəbii saa, kə wə nə dədlə soʼo n tow kə ni dza ndow nə̀ wə khənu mə wən n loʼ fa n ndaw tsaʼ bòʼ Klisto. Fət təmdzəŋi bə mə ni fəghə bòʼ tûm i dzuŋu zən. Wə khə ni fəghə n təŋkey Zə̀ kə n fuu wɔ n daʼa kə tii kə.

2 Timoti 2:9

N fa fəʼlənu, ghə u kùm naŋa daŋŋə mə nə tətsaʼ tə a loʼ wù tsɔŋɔ n təŋkey n naʼlə tûm i dzuŋu zən. Ghə i dzuŋu i loʼ kə nə̀ ghə way ni kùm naŋa dzə ghɔɔmə i Kəzə̀ nə tətsaʼ.

2 Timoti 4:8

Naamə kə ləmmə mə nya idəŋ n fwaʼ kə dzuŋu kən n fwaʼnə ghii kə. Naamə kə tii kə way kə tə mə, kə loʼ soʼo tə ghə̂ ghey adzəm ghə ləghənə ni koʼ tsuʼ fey Klisto i bəghə dzəŋŋənə ibam. À naamə kə tii kə naŋa Mûkəbii wən tə saʼanə ghə̂ ghə n jìi zey i loʼnə tsətsəghə.

Taytus 3:8

Ghəə ghən n dza bənə fa tə̀ wɔ ndzəm loʼ isəŋə. N ləghə nə̀ wə i tɔʼɔ dza kuulə ndow ghəə ghən tə̀ ghə, sey nə̀ ghə̂ ghən ghə bəghəmnə tə̀ Zə̀ kə, loʼ ni khə zày ni ghəŋŋə ghəə ghey a dzɔbənə. Ghəə a tii a dzɔbənu, loʼ soʼo ni gaamə aghə̂ adzəm.

Hibru 12:2

Saa bɔɔmə naŋa ndow kə sə a saa n kow Yeso wən tə â ghəŋə nə̀ saa bəghəm tə̀ Zə̀ kə, gaamə soʼo saa nə̀ bəghəm i fə̀ŋ i saa zə i taw. Tə n kow tsu kə fə̀ŋ ni fəghə, tə bə kpu n zat kə fəkaʼ. Tə n ka dədlə kətow n ghə i tii zə n təŋkey, tə â khənu duʼlə zey tə i keelinə isə. Tə nya doʼ n kpii kə təmə kə n kuu kə fɔɔ K-a-zə̀.

Hibru 2:18

Nghee i loʼ nə̀ wû u wi, tə mâ fəghə, ghə n mɔm koʼ soʼo wi nə̀ tə bwù n ghəə a bəbə ghə, à wey loʼ ghə i tii zə tə loʼnə ni gaamə ghə̂ ghey ghə mɔm koʼo soʼonə ghə nə̀ ghə bwu n ghəə a bəbə ghə.

Hibru 7:25

À wey loʼ ghə i tii zə tə loʼ ni bəghəshiə ghə̂ ghey ghə bəghənə n səə Zə̀ kə nəŋə tədzəm nə̀ ghə tsəghə n baa wi n təŋkey, muu i wi i loʼ tən tsə kə ni buʼu wɔɔ kə tə̀ Zə̀ kə n tow u ghə.

1 Pita 1:5

Nghee tə̀ ghaa bəghəmnə tə̀ Klisto, Zə̀ kə i keyyə ghaa n daʼa kə wi kən tə khənə ni ndow kuum n nəŋə zey Klisto i bəghənə. À loʼ n nəŋə i tii zə ghə i bəghəshiənə ghaa n nəŋə zey Zə̀ kə i saʼanə mbi tii.

1 Pita 4:16

Abə i loʼ kə nə̀ wə fəʼlə n təŋkey wə loʼ dzûmə Klisto, kə wə i dədlə n tow kə, wə i fədlə fuu kali wə tə̀ Zə̀ kə nə̀ wə bəghəmmə zəd i Klisto.

1 Pita 4:19

Sey dzûmə tə Klisto tey tə fəʼlənə nə̀ a ləghə Kəzə̀ nə̀ ghə fəghə, ghə khə ni fwaʼa ndow kə fwaʼ kə ghə kə dzuŋu kə, fuu may ndow wû i ghə tə̀ Zə̀ key kə bɔmnə ghə n təŋkey kə taw naŋŋənu dzuu i wi zə.

Màʼlə kə Jud tə̀ ghə̂ a Kəzə̀ ghə 1:24

N gɔŋŋə nə̀ saa adzəm i fuu kɔʼlə mə tə Zə̀ kə. Zə̀ kən kə loʼ ni kwu keeli saa nə̀ kə saa i bwu, nsə nə̀ saa i zow, ngii duʼlə soʼo n sə kə wi.