2 Timoti 1:1 - Kaa n Kəzə̀ n fəghə mə

¹ A loʼ mə Pɔl n tɔ̀ɔ bənə màʼlə kən. Â tsəm kɔʼ Kəzə̀ ni sày mə nə̀ n doʼo ngəd tə Yeso Klisto. Tə tûm bə mə nə̀ n bə naʼa tûm i dzuŋu zə tə ghə̂ ghə bòʼ muu zən tə â təb naŋa tə ghə̂ ghən ghə loʼnə nə kəfə kəmɔʼ ghi Yeso Klisto.

2 Timoti 1:1 ပူးပေါင်းရင်းမြစ်များ

Tùm i dzuŋu zə kuum Yeso Klisto tə Jɔn â tɔɔnə 10:28

N fuu ghə n muu zə itsali zə, ghə nə̂ kpu koʼ way. Wù umɔʼ tsəm way ni bəkeeli nuu ghə n wɔɔ kuŋ.

Tùm i dzuŋu zə kuum Yeso Klisto tə Jɔn â tɔɔnə 17:3

Muu zə itsali zən loʼ tə̀ ghə ni khə wɔ, nə̀ a may kə wɔ wə ndzəm loʼnə Zə̀ kə, nsə ni keeli soʼo Yeso Klisto wən wə â tûm bənə fa n mbi.

Tùm i dzuŋu zə kuum Yeso Klisto tə Jɔn â tɔɔnə 5:24

N dza bə isəŋə tə̀ ghaa nə̀, wù wey tə zownə ghɔɔmə zuŋ zə, bəghəm fu bə tə wù wey tə tûmnə mə, î keeli muu zə itsali. Zə̀ kə kəm way ni saʼ ghə boʼnə ghə n nuu shi bə nə ivə, ghə nya khə muu i fəghə zə.

Tùm i dzuŋu zə kuum Yeso Klisto tə Jɔn â tɔɔnə 6:40

I loʼ sey kuum nə̀, ghəə zey Bày wuŋ ləghənə loʼ nə̀ ghə̂ ghey ghə koʼnə Waa, bəghəm fu tə̀ wi, ghə keeli muu zə itsali. Mə i zhəm dzəŋŋə bə ghə n tsuʼ fey mbi nə̂ maynə tii.”

Tùm i dzuŋu zə kuum Yeso Klisto tə Jɔn â tɔɔnə 6:54

Ghə̂ ghey ghə fəənə wû wuŋ wə, mə̂ soʼo kaŋ tuŋ tən mə i fəələnə, i keeli muu zə itsali. Mə̀ i zhəm dzəŋŋə bə ghə n tsuʼ fey mbi nə̂ maynə tii.

Roma 1:1

À màʼlə kən tɔ̀ɔ bə mə Pɔl wù kəfwaʼ ə Yeso Klisto. Zə̀ kə mâ mə sày tə a loʼ ngəd ə Yeso, naŋa mə nə̀ mə i naʼlə tûm wi i dzuŋu zə.

Roma 5:21

Nghee tə bəb zə â khənə daʼa kə n kow ghə̂ ghə, ney bə ivə, à loʼ soʼo ighələ ndzuŋ ə Kəzə̀ khənə daʼa kə ni ghəŋə nə̀ ghə̂ ghə i loʼ tsətsəghə n sə kə wi ni keeli muu zən i nə may way n bam i Mûkəbii saa Yeso Klisto.

Roma 6:23

I loʼ sey n təŋkey, fə̂ key wù keelinə abə tə ghəŋŋənə ghəə a bəbə ghə, loʼ ivə. Naamə key Zə̀ kə kee fuunə tə̀ wù wey tə loʼnə nə kəfə kəmɔʼ ghi Mûkəbii saa Yeso Klisto loʼ muu zən i nə may way.

1 Kɔrint 1:1

À màʼlə kən tɔ̀ɔ bə mə Pɔl wən Zə̀ kə say kɔʼnə n ləghə i wi nə̀ n doʼo ngəd ə Yeso Klisto. N loʼ fa ghi waazə saa, tɔŋŋə Sɔstenes.

2 Kɔrint 1:1

À màʼlə kən tɔ̀ɔ bə mə Pɔl, mə wən Zə̀ kə sàynə nə̀ n doʼo ngəd ə Yeso Klisto. N loʼ fa ghi waazə saa Timoti. N tɔ̀ɔ bə tə̀ ghə̂ a Kəzə̀ ghey n naʼ i Kɔrint, nsə ghə̂ a Kəzə̀ ghey adzəm n mbuʼu Akaya idzəm.

2 Kɔrint 1:20

I loʼ sey n təŋkey, à loʼ Klisto tə luulənə ghəə ghey Zə̀ kə â təb naŋanə adzəm. À loʼ n bam i wi ghey loʼnə ni bəghəm dzəŋi nə̀, “Zə̀ i loʼ sey.” Fuu ndow nkɔʼlə n dzəm tə̀ Zə̀ kə.

Galeshia 3:26

Nya, à loʼ bəghəm i fə̀ŋ zən ghaa khə n kow Yeso Klisto, i ghəŋŋənə nə̀ ghaa doʼo waa a Kəzə̀.

Galeshia 3:28

Ghaa ghən ghaa bəghəm nə tə Yeso Klisto, ghaa nya loʼ kəfə kəmɔʼ ghi Yeso Klisto. Kweyyə kə loʼ kə way dzə a dza nə̀ u loʼ wù Juu nkee u way wù Juu, u loʼ kəkɔd nkee wù ngəŋ, u loʼ weyzən nkee weynum.

Efesus 3:6

Ghəə zey Zə̀ kə â nyi naŋanə loʼ nə̀, n bam i tûm i dzuŋu zə, ghə̂ ghən ghə way ghə̂ a Təjuu ghə, nya loʼ nə kəfə kəmɔʼ ghi ghə̂ a Təjuu ghə. Ghə nya loʼ tə̀ a loʼ wù umɔʼ. Sey, ghə i dzəŋi keelinu fə̂ key Zə̀ kə təb naŋanə tə̀ ghə̂ a wi ghə n bam i Yeso Klisto.

1 Timoti 6:19

Abə ghə ghəŋŋənə ghəə a dzuŋu ghən, ghə sey bayyə naŋŋə bənə u ghə u dzuŋu n mbi zən i bəghənə, sey ghə i loʼ ni keeli muu zən i ndzəm loʼnə muu zə.

2 Timoti 1:10

Zə̀ kə â chi dii bə ghəə ghən adzəm tə saa n nəŋə zey Yeso Klisto wən tə loʼnə bəghəshi ə saa â bənə. Tə n ghəŋə və zə u kəm khə way daʼa kə n kow saa, tə u ghəŋə soʼo nə̀ saa i khə muu zə itsali zə n bam i tûm i dzuŋu zən tə diinə tə saa.

2 Timoti 1:13

Tɔʼɔ kwu keeli dzɔb tsu ghəə ghən adzəm mə â dii bənə tə wɔ, tə a loʼ jìi zey i kpiinə tə wɔ ni dzûmə. Nghee wə bəghəmnə tə Klisto, khə soʼo iləghə n kow ghə̂ ghə, wə i loʼnu ni dzûmə jii zən n təŋkey wə loʼ nə kəfə kəmɔʼ ghi Yeso Klisto.

2 Timoti 1:9

Zə̀ kə â bəghəshi saa, sày soʼo saa nə saa doʼo ghə̂ a wi. Tə â ka sey ghəŋə dzə bòʼ ghə i dzuŋu i loʼ zə saa â ghəŋə nə̀ tə wi, â fəd loʼ n təŋkey, à loʼ ghəə ghey tə â khə bayyə naŋa zeynə bòʼ ndzuŋ ə wi tə saa. Tə â tsəghə n kow Yeso Klisto ni fuu saa n ndzuŋ zən nə̀ mbi ka kam kaʼ.

2 Timoti 2:1

Abə wɔ a Timoti, wə loʼ waa wuŋ u dzuŋu wə, n gɔŋŋə nə̀ wə i taw bòʼ ndzuŋ zən Zə̀ kə fuunə tə wɔ nghee saa loʼnə nə kəfə kəmɔʼ ghi Yeso Klisto.

2 Timoti 2:10

À wey loʼ i ghii n kownə fə̀ŋ nə aghəə adzəm n tow u ghə̂ ghən Zə̀ kə sàynə ghə, sey nə̀, ghə loʼ ni keeli soʼo ibəghəshi n bam i Yeso Klisto, ghə keeli soʼo kɔʼlə mən n nə may way.

2 Timoti 2:3

Wə khə ni fəʼlə soʼo ghi mə tə a loʼ sawgoʼ u dzuŋu wə tə Yeso Klisto.

2 Timoti 3:15

Keeli tsu soʼo nə̀ wə â khə keeli tənu ghɔɔmə i Kəzə̀ zə nə̀ wə nam loʼ wiinətəghə. À loʼ ghɔɔmə i Kəzə̀ zən i fuunə wɔ n tɔb wə, ghəŋə nə̀ keeli ibəghəshi nghee wə bəghəmnə tə Yeso Klisto.

Taytus 1:2

Isəŋə zən i ghəŋŋənu, ghə i loʼ ni muu, ləmmə tənə nə̀ Zə̀ kə i fuunu ghə n muu zən i may way. Zə̀ kə kən kə badla way ghəə ghə, â təb naŋa saa n muu zə itsali zən tə̀ wi ni bɔm mbi.

Taytus 1:4

N tɔ̀ɔ bə màʼlə kən tə̀ wɔ a Taytus, wə ndzəm loʼnə tə̀ a loʼ waa wuŋ u səŋi wə n təŋkey saa dzəŋi bəghəm tə̀ Klisto. N gɔŋŋə nə̀ Zə̀ kə, tə loʼ Bày nsə Yeso Klisto, tə loʼ Bəghəshi saa, dii wɔ n fə̀ŋ i dzuŋu zə, ghə fuu soʼo wɔ n buulə zə.

Hibru 9:15

À wən loʼ ghəə zən i ghəŋənə nə̀ Klisto doʼo wù wey tə bayyənə kaa n fəghə mən sey nə̀, ghə̂ ghey Zə̀ kə â tɔŋɔnə ghə, i loʼ ni keeli ibuulə nəŋə tədzəm tə Zə̀ kə â təb naŋanə. Ghəə ghən i neynu bənə kə n təŋkey, Klisto mâ kpu ni kuum nuu shi bə tow u ghə n ghəə ghey ghə â ghəŋŋə tsənə nə̀ a kpiilə way n nəŋə zey kaa n sə isə mey â nam khə tsənə daʼa kə n kow ghə.

1 Jɔn 2:25

Klisto a təb naŋa nə̀ fə kən tə i fuunə tə saa, loʼ muu itsali zə.