2 Tesalonika 3:6 - Kaa n Kəzə̀ n fəghə mə

⁶ Waazə ghə, ghey dza bə tə̀ ghaa n zəd i Mûkəbii saa Yeso Klisto nə̀ kə̂ ghaa i təmə dzəŋi ghi dzûmə tə klisto tən ghə laynə, ləghə way ni dzûmə ghəə ghən ghey diinə tə ghaa n jìi zey ghaa khə ni muu a tii.

2 Tesalonika 3:6 ပူးပေါင်းရင်းမြစ်များ

Matyo 18:17

Abə tə ka nam zow tə̀ ghaa, ney ndòw ghə i tii zə tə̀ ghə̂ a Ndaw Kəzə̀ ghə, tə ghə saʼ bə. Abə tə ka nam zow tə̀ ghə̂ a Ndaw Kəzə̀ ghə, ney ndòw na wi tə̀ a loʼ wù wey tə ka bəghəm tə Zə̀ kə, nkee wù kwɔɔ u màʼlə kə tsow kə.”

Roma 16:17

Waazə ghuŋ ghə, n buʼu bə kəwɔɔ nə̀ ghaa ney ighə̂mə ghi ghə̂ ghən ghə ghəŋŋə nə̀ ghə̂ ghə i tsɔɔbə kaabə tow wə, fwɔdlɔ aghə̂ nə kə ghə nə təminə bəghəm i fə̀ŋ i ghə, dii soʼo aghə̂ n ghəə a nuu ghə nə̀ a way ghəə ghey ghə â dii ghaa tii. Kə ghaa nə təmə dzəŋinə ndzoʼo ghə̂ ghən.

1 Kɔrint 11:2

N fuu kali u ghaa nghee ghaa moʼlənə mə nə aghəə adzəm. N fuu soʼo kali u ghaa nghee ghaa naŋŋə kɔʼɔ bənə ghəə ghən mə â dii tsəghə bənə tə ghaa.

1 Kɔrint 5:4

Abə ghaa i təmdzəŋi bənə, mə i loʼ dzəŋi ghi ghaa n moʼlə tuŋ, daʼa kə Mûkəbii ə saa Yeso kə i loʼ soʼo.

1 Kɔrint 5:9

N màʼlə kən mə â tɔ̀ɔ bənə tə̀ ghaa, mə â dza tə̀ ghaa nə̀ kə̂ ghaa nə̂ təmə dzəŋinə ghi ghə̂ a laŋŋə ghə.

2 Kɔrint 2:10

Abə ghaa neyzəənə bəb i wù zə̀, mə n wi neyzəə soʼo. Abə n neyzəənə bəb i wù zə, abə a loʼ nə̀ n khə ni neyzəə wù n ghə i loʼ zə, n neyzəə n sə kə Klisto n ndzuŋ ə ghaa.

Efesus 4:17

À wən loʼ ghə i tii zə n dza i ghɔɔmə bə tə̀ ghaa n daʼa kən Mûkəbii fuunə tə̀ mə, tɔʼɔ zəllə tsu na. I kə̂ ghaa nə̂ kəm muulənə tə̀ a loʼ ghə̂ ghey ghə ka bəghəm tə̀ Zə̀ kə, ghə moʼlə kə ndzoʼo ghəə ghey a gaamə way wù.

Kolose 3:17

Ghəə zey ghaa ghəŋŋənə nkee ghaa dzanə, i khə ni loʼ n zəd i Mûkəbii Yeso, fuu ndow kəzɔŋŋə tə Zə̀ kə tə loʼnə Bày n zəd i Mûkəbii Yeso.

1 Tesalonika 4:1

Ni ndow n sə kə waazə ghə, ghey mâ ghaa dəŋ kɔʼ bə n jìi zey ghaa khə ni muu tə̀ i kpiilənə tə̀ Zə̀ kə. Mə u ndzəm khə soʼo nə̀ a wey loʼ nghee ghaa muunə tii. Ghey nay fa buʼu bə ghaa n wɔ̀ kə n zəd i Mûkəbii Yeso nə ghaa ndow kə n sə kə n mwam u tii wə.

1 Tesalonika 4:11

Zoʼlə tsu na ni muu zuŋ kə imuu. Kə ghaa nə̂ kuunə dzuu i ghaa zə n ghəə zey i laalə way ghaa. Ghaa khə ni fwaʼa n wɔ a ghaa ghə ni keeli fə̂ kə zəə kə tə̀ ghey dzanə tə̀ ghaa.

1 Tesalonika 5:14

Ghey buʼu kəwɔɔ a waazə ghə nə̀ ghaa i kpaa tsu ghə̂ ghey ghə ləghə way ni fwaʼ, tsəmmə ndow a ghey ghə tsəŋənə, gaamə ghə̂ ghey ghə ka kam tɔʼ beyyə n bəghəm i fə̀ŋ i ghə, kow fə̀ŋ ghi ghə̂ ghə adzəm.

2 Tesalonika 2:15

Sey waazə ghə ghaa təmi taw tsu n bəghəm i fə̀ŋ i ghaa. Ghaa tɔʼ kwu keeli dzɔb tsu ghɔɔmə i səŋi zən ghey fuunə nə tə ghaa, nə̀ a loʼ kə n ghəə ghən ghey naʼlənə nkee n maʼlə wən ghey tɔ̀ɔ bənə tə̀ ghaa.

2 Tesalonika 3:7

N dza sey n təŋkey, ghaa khənu n wù i ghaa nə̀ ghaa khə ni dzûmə kɔʼɔ bə ghôw kə ibwey kə ghey. Ghey â lay way n muu i ghey n nəŋə zey ghey loʼ ghi ghaa.

1 Timoti 5:21

Nghee tə Zə̀ kə, Yeso Klisto nsə tsətəndəghə tə Kəzə̀ tən Zə̀ kə sày kɔʼnə loʼnə tə̀ a loʼ ghə təmi tiillə, n dza bə tə wɔ nə̀ wə dzûmə kɔʼ bə laŋ wən n fuu bənə tə wɔ nə̀ wə sày way wù, laalə soʼo way tûm usə u wù wə abə wə ghəŋŋənə ghəə zə.

1 Timoti 6:5

Ghə̂ ghən loʼ tən tsə kə ni zuulə n təŋkey, ghə moʼlə tənə kə ghəə a bəbə ghə, kəm ləghə soʼo way isəŋə. Ghə moʼlə kə nə̀ fwaʼ K-a-zə̀ kə loʼ luʼu key ghə loʼ ni keeli ikum tii.

2 Timoti 3:5

ghə nə nəŋŋə ghəŋŋə nə̀ ghə loʼ ghə̂ a Kəzə̀, kee tuu maʼa daʼa key kə loʼ ni ghəŋə ghə nə̀ ghə doʼo ghə̂ a Kəzə̀. Kə wə nə keeli ghə i loʼ zə ni ghəŋə ghi ndzoʼo ghə̂ ghən.

2 Timoti 4:1

N dza bə tə wɔ a Timoti n sə K-a-zə̀ nsə Yeso Klisto wən tə i saʼanə ghə̂ ghən ghə loʼ utaw nsə ghə̂ ghən ghə kpu dzənə, abə tə i bənə ni bə saʼ mbi tə a loʼ kədə̀ŋ nə̀,

2 Jɔn 1:10

Sey, abə wù loʼ bənə n səə ghaa nə tə ka bə nsə dii zən, kə ghaa nə kpiineynə wi n ndaw tə ghaa, kə ghaa nə buʼu tɔŋɔ zow wù tii tə̀ a loʼ wù Kəzə̀.