2 Tesalonika 3:2 - Kaa n Kəzə̀ n fəghə mə

² Ghaa i gɔŋŋə soʼo nə Zə̀ kə gaamə ghey tə̀ ghey nɔb shi n wɔɔ kə ghə̂ a bəbə ghə, n təŋkey a way dzə aghə̂ adzəm ghə ndzəm khənə bəghəm i fə̀ŋ zə.

2 Tesalonika 3:2 ပူးပေါင်းရင်းမြစ်များ

Matyo 17:17

Yeso n beeli ndòw wi dza nə̀, “Ghaa ghə̂ a num tə tən, ghaa khə way bəghəm i fə̀ŋ zə, ghaa khə kə ghəə a bəbə ghə. Mə i boʼo muulə ghi ghaa ni ndòw kùm zeeli? Mə i kow fə̀ŋ ghi ghaa ni ndow kùm zeeli? Ney bə na waa tii fa.”

Matyo 23:23

Ngoʼ loʼ tə̀ ghaa, ghə̂ a dii a kəlaŋ ghə nsə ghə̂ a tə Falasi ghə, n təŋkey, ghaa loʼ ghə nəb ityim. Ghaa dzawwə tsu fə̂ u ghaa udzəm nə nbadla ighəm, fuu ndòw fəbadla fəmɔʼ tə̀ Zə̀ kə, kasə n tow u fə̂ u ləmmə dzɔbə wən ghə tɔŋŋənə nə̀ a loʼ mint, dill nsə kumin. Ghaa u kee naŋŋə way laŋ u Kəzə̀ wən u loʼnə sə kə, tɔŋŋə, ni saʼa ghəə ghə tsətsəghə, ni kwɔɔlə isî n kow aghə̂, nsə ni khə bəghəm i fə̀ŋ zə. Ghaa mə khə ni ghəŋŋə ghəə ghən adzəm, naŋa səə way i loʼ zə.

Lukas 18:8

N kûm dza bənu tə ghaa nə̀, tə i mbadla saʼa funu tə̀ ghə. Ghaa moʼlə nə̀ abə Waa wù sɔŋtsuʼ i bənə tə i koʼo kənu bəghəm i fə̀ŋ zə n kow ghə̂ ghə fa mbi?”

Kəfwaʼ 13:45

Ambə tow wə inaʼ u ghə̂ a Təjuu ghey koʼ tsunə nɔɔ kə aghə̂ kən, ghə n kaʼ ni ghoʼ, khə̂mə ghəə ghən Pɔl dzanə, kpaalə soʼo wi.

Kəfwaʼ 13:50

Ngəd tə Təjuu tə n fədlə kuu tənyɔʼ n kow gheyzən a səŋi ghə nsə gheynum a nii ghey ghə ngɔɔmənə Zə̀ kə fu inaʼ nə ghə nuu təmi kɔʼ n tow kə Pɔl nsə Banabas. Ghə n zey ndow ni chɔd Pɔl nsə Banabas, dzum shi daŋŋə ndow ghə fu n mboʼo tii.

Kəfwaʼ 14:2

Ghə̂ a Təjuu ghən ghə â khə way bəghəm i fə̀ŋ zə n fədlə kuu tənyɔʼ, bəəbə maʼa kɔʼ fə̀ŋ tə ghə̂ ghey ghə way ghə̂ a Təjuu ghə kuum Pɔl ghi Banabas nsə dzûmə tə Klisto tə loʼ tey.

Kəfwaʼ 17:5

Ghə̂ a Təjuu a loʼ ghey n kee ghoʼo ghə i tii zə. Ghə n tɔŋɔ zuŋŋə bə ngaamə tə aghə̂ tə loʼ tə n jii, teyyə naŋa kɔʼ inaʼ nə ifuu. Ghə n kwɔɔ ndow n ndaw Jason, ghə kəŋə ndownə Pɔl ghi Silas ni ney fu shi bə ghə tə nɔɔ kə aghə̂ key.

Kəfwaʼ 25:27

I ghəŋŋə way tɔb wə tə mə ni ney tûm ndow wù n ndaw tsaʼ nə a ka tiilə tsu ghəə ghey ghə kwuu wi tii.”

Kəfwaʼ 28:24

Ghə̂ a loʼ ghə n bəghəm fuu ndow soʼo ghəə ghey tə dzanə, a loʼ ghə n ka kee bəghəm.

Roma 10:16

À kee loʼ nə̀, à way dzə aghə̂ adzəm ghə â bəghəmnə tûm i dzuŋu zən n təŋkey, wù tûm Kəzə̀ Ayzaya mâ dza nə̀, “Mûkəbii, a loʼ ndee tə â bəghəmnə tûm ghey ə?”

Roma 15:31

Ghaa gɔŋŋə nə̀ Zə̀ kə bəghəshi mə n wɔɔ kə ghə̂ a Judeya ghən ghə khə way bəghəm i fə̀ŋ zə. Ghaa gɔŋŋə soʼo nə̀ ghə̂ a Kəzə̀ ghey fu, ghə i loʼ ni bəghəm fə wən n ndownə n ghii wə ni fuu tə ghə, ghə bəghəm soʼo fwaʼ kuŋ.

1 Kɔrint 15:32

Abə mə â zuulə baalənə ghi nyam tə mbvən tən tɔŋŋə ghə̂ ghən n naʼ i Efesus, nə̀ à maŋ loʼ kə n moʼlə tə wù sɔŋtsuʼ, n mə zə̂ kee a tii abə à loʼ nə̀ ghə̂ a kpu a mə zhəm dzəŋŋə way nə ivə ə? Abə i ndzəm loʼnə nə̀ ghə̂ a kpu a zhəm dzəŋŋə way nə ivə, saa sey khə ni maŋ muu tə̀ ghə̂ a loʼ a dzanə nə̀, “Bə na, saa zə̂, saa mə nlə, n təŋkey, tsətsə, saa i kpuunu.”

1 Tesalonika 2:18

Ghey â ndzəm ləghənu ni bə koʼ ghaa. Wû wuŋ Pɔl, n mâ ndzəm n ndəmə tənəŋə ni bə koʼ ghaa, à kee Satan tə̀ʼlə̀ maʼanu.

2 Timoti 4:17

A kee loʼ nə̀ Mûkəbii â loʼ ghi mə, tə n fuu mə n daʼa kə nə̀ mə i loʼ ni naʼa may tûm i dzuŋu zə tə ghə̂ ghən adzəm ghə way ghə̂ a Təjuu ghə. Zə̀ kə sey bəghəshinu mə n wɔɔ kə ivə.