2 Tesalonika 3:1 - Kaa n Kəzə̀ n fəghə mə

¹ Ni guŋ kɔʼ waazə ghə, ghaa i gɔŋŋə tə ghey. Ghaa i gɔŋŋə nə̀ ghɔɔmə i Mûkəbii zam ndow luʼu tədzəm, nsə nə̀ ghə̂ ghə i loʼ ni ngɔɔmə naŋa ghɔɔmə i tii zə tə̀ zə â loʼ nə ghi ghaa.

2 Tesalonika 3:1 ပူးပေါင်းရင်းမြစ်များ

Matyo 9:38

Ghaa sey khə ni gɔŋŋə tə̀ muu usum tə̀ tə tûm bə ghə̂ a kəfwaʼ, ghə bə kpey fəzəə u wi.”

Lukas 10:2

Nghee tə dza i tûm shi ndow ghə, tə n dza tə ghə nə̀, “Fəzəə u ngii loʼ nə usum, ghə̂ a kəfwaʼ ghə a basə way ni dumə fən. Sey gɔŋŋə ndòw na tə̀ Mûkəbii, tə loʼ nə mû usum tə̀ tə tûm kpiʼi bə ghə̂ a kəfwaʼ n sûm u wi.”

Kəfwaʼ 12:24

Taŋ a ghə̂ ghey ghə â bəghəmnə ghɔɔmə i Kəzə̀ zə n kee nyîmmə kɔʼɔ ndow, ghɔɔmə i Kəzə̀ zə n zaamə ndow soʼo nghee tə ghə â naʼlə nduŋŋə ndownə.

Kəfwaʼ 19:20

Seykə, ghɔɔmə i Mûkəbii zə zaamə ndow, taŋa ghə̂ ghey ghə â bəghəmnə nyîmmə kɔʼɔ ndow soʼo.

Kəfwaʼ 6:7

Sey, ghɔɔmə i Kəzə̀ zə n ndow n sə̂ kə ni zaamə, taŋ ə dzûmə tə Klisto tə n nyîmmə kɔʼɔ ndow n Yerosalem, ndəmə ghə fɔɔngili a Təjuu ghə bəghəm soʼo tə Yeso.

Roma 15:30

Waazə ghə, n buʼu bə kəwɔɔ tə ghaa nə̀ ghaa təmdzəŋi ni ngii gɔŋŋə tə̀ Zə̀ kə n tow kuŋ, nghee saa loʼnə nə kəfə kəmɔʼ ghi Mûkəbii saa Yeso Klisto, Zay kə Zow kə u ghəŋə soʼo nə̀ saa i ləghə wû i saa zə.

1 Kɔrint 16:9

Zuŋ kə tii kə loʼ nə̀, Zə̀ kə n fuu mə fa n bùʼ kə tə̀ mə ni fwaʼ fwaʼ kə səŋi kə, nghee i tsəm loʼ kə nə̀ ndəmə aghə̂ a təʼlənu mə.

2 Kɔrint 1:11

Zə̀ i doʼlə sey n təŋkey, ghaa gaamənu ghey n gɔŋŋə zey ghaa gɔŋŋənə tə̀ ghey. Gɔŋŋə i ghaa zə i ghəŋŋə nə̀ ndəmə aghə̂ ghə i fuu zɔŋŋə kə tə̀ Zə̀ kə n tow u ghey. Gɔŋŋə zən ndəmə tə aghə̂ tə gɔŋŋənə n tow u ghey n ghəŋə nə̀ Zə̀ kə dii ghey n fə̀ŋ ə wi i dzuŋu zə.

2 Kɔrint 13:11

Nyisa waazə ghuŋ a dzuŋu ghə, ghaa doʼo kədzuŋ! Dəm tsu na ni ghəŋə ghəə ghey a loʼnə tsətsəghə. Ghaa i naŋŋə tsə̀ zuŋ zə, zowkeeli tsuu na wû i ghaa zə, ghaa i muu ni ibuulə. N gɔŋŋə nə̀ Zə̀ kən kə fuunə ləghə zə nsə buulə zə i loʼ ghi ghaa.

Kolose 4:3

Ghaa i gɔŋŋə soʼo n tow u ghey, nə Zə̀ kə ghəŋə nə̀ ghey keeli kəbuʼ ni naʼa ghəə ghən a nyì doʼonə bòʼ Klisto, n təŋkey, à wən loʼ zuŋ key n loʼnə tii n ndaw tsaʼ.

1 Tesalonika 1:5

N ghəə ghən dza n tənkey, ghey ka maŋ naʼa dzə tûm i dzuŋu zən tə̀ ghaa nə idzuu. Ghey naʼa n daʼa K-a-zə̀, daʼa kə Zay kə Zow kə, nsə fə̀ŋ tə ghey tə tədzəm. Ghaa khənu jìi zey ghey â muunə tii n nəŋə zey ghey â loʼnə ghi ghaa. Ghey â muu sey n ndzuŋ ə ghaa.

1 Tesalonika 1:8

Ghaa khənu nə̀ tûm i dzuŋu zə bòʼ Mûkəbii â kaʼ nuu tsu n wɔ ghaa, bəghəm i fə̀ŋ zey ghaa khənə tə̀ Zə̀ kə n ghəŋə nə̀ zɔŋ u ghaa u fuŋ tsəghə ndow n naʼ i Masedonya, Akaya, nsə n badla tə mbi tədzəm. Ghey kəm khə soʼo way ghəə i loʼ zə ni tiilə dza bòʼ bəghəm i fə̀ŋ i ghaa.

1 Tesalonika 2:1

Waazə ghə, ghaa khənu nə̀ nghee ghey â bweyyə bənə fey n səə ghaa, zə â ka maŋ tsəghə dzə̀ nə kənunu.

1 Tesalonika 2:13

À wey loʼ ghə i tii zə ghey fuu zeelinə zɔŋŋə kə tə̀ Zə̀ kə n təŋkey ghɔɔmə i wi zən ghaa â zownə n wɔ̂ ghey, ghaa n bəghəm kɔʼ, ghaa â bəghəm naŋa koʼ nə̀ a loʼ ghɔɔmə i Kəzə̀, a way dzə ghɔɔmə i wù sɔŋtsuʼ. À ndzəm loʼ ghɔɔmə i Kəzə̀ n tənkey, ghɔɔmə i tii i fwaʼa n fə̀ŋ tə ghaa ghəŋŋə nə̀ bəghəm i fə̀ŋ i ghaa zə nyîmmə.

1 Tesalonika 4:1

Ni ndow n sə kə waazə ghə, ghey mâ ghaa dəŋ kɔʼ bə n jìi zey ghaa khə ni muu tə̀ i kpiilənə tə̀ Zə̀ kə. Mə u ndzəm khə soʼo nə̀ a wey loʼ nghee ghaa muunə tii. Ghey nay fa buʼu bə ghaa n wɔ̀ kə n zəd i Mûkəbii Yeso nə ghaa ndow kə n sə kə n mwam u tii wə.

1 Tesalonika 5:17

Ghaa i gɔŋŋə nəŋə tədzəm.

1 Tesalonika 5:25

Waazə ghə ghaa i gɔŋŋə tə ghey.

2 Timoti 2:9

N fa fəʼlənu, ghə u kùm naŋa daŋŋə mə nə tətsaʼ tə a loʼ wù tsɔŋɔ n təŋkey n naʼlə tûm i dzuŋu zən. Ghə i dzuŋu i loʼ kə nə̀ ghə way ni kùm naŋa dzə ghɔɔmə i Kəzə̀ nə tətsaʼ.