2 Tesalonika 2:9 - Kaa n Kəzə̀ n fəghə mə

⁹ Wù wən tə sii ndzəŋŋənə ghə̂ ghə î bəghə n daʼa kə Satan. Tə i dii nfaalə, tə ghəŋə ghəə a zum ghə idzuu ghə ni nəb fu aghə̂.

2 Tesalonika 2:9 ပူးပေါင်းရင်းမြစ်များ

Matyo 12:22

Ghə̂ a loʼ ghə n boʼo bə wù loʼ n səə Yeso nə̀ tə n fəb doʼo, ghɔɔmə soʼo way, bòʼ nə̀, zay kə bwu kə â loʼ n kow wi. Yeso n baŋŋə tsu wi, tə n kaʼ dzəŋŋə ndow ni kəm ghɔɔmə, koʼo soʼo təluʼu.

Matyo 24:24

Kùmnə Klisto tə tsɔŋɔ tə nsə tûm tə Kəzə̀ tə tsɔŋɔ tə î shiə kɔʼɔ bənu, ghə i dii tsə̀ə tə nii tə, ghə nə ghəŋŋə ghəə a faalə ghə nə̀ bə jìi loʼnə, ghə sii laʼ ghə̂ ghey Zə̀ kə loʼ nə̀ kə n sày.

Matyo 4:10

Yeso n dza tə̀ wi nə̀, “Mbad nuu fa n səə mə, Satan! Ghə tɔɔ naŋa n màʼlə K-a-zə̀ nə̀, ‘I ngɔɔmə Mûkəbii, Zə̀ kə kə̀, Wə̀ i fwaʼa tə̀ wi n nəŋə wi.’”

Malakus 13:22

N təŋkey ghə̂ a tsɔŋɔ ghə i bəghənu n zəd i wù wey Zə̀ kə â dza naŋa nə̀ i tûm bənu nsə tûm tə Kəzə̀ tə tsɔŋɔ tə, ghə nə dii tsəə tə tsɔŋɔ tə nsə faalə n tsɔŋɔ mə ni sìi laʼ aghə̂ nsə ni buʼ sìi laʼ daŋŋə soʼo ghə̂ ghey Zə̀ kə sày naŋanə abə ghə khənə jìi tii.

Lukas 11:25

Ambə kə dzəŋŋə bənə, tə n bə koʼ tsu ndaw nə ghə n zəd bayyə naŋa dzɔb tsu fə u ndaw wə.

Tùm i dzuŋu zə kuum Yeso Klisto tə Jɔn â tɔɔnə 4:48

Yeso n dza ndòw tə̀ wi nə̀, “N khənu nə̀ wù ghaa umɔʼ way ni bəghəm tə mə nə̀ tə ka koʼ dzə tsəə tə nsə n faalə mə.”

Tùm i dzuŋu zə kuum Yeso Klisto tə Jɔn â tɔɔnə 8:41

Ghaa bɔɔmə ghəŋŋə kə ghəə ghey bày ghaa â ghəŋŋənə.” Ghə n dza ndòw tə̀ wi nə̀, “Zə̀ kə loʼ bày ghey wey ghey khənə, ghey u loʼnə waa a wi ghə, ghey way dzə waa a kəmbay.”

Tùm i dzuŋu zə kuum Yeso Klisto tə Jɔn â tɔɔnə 8:44

Ghaa loʼ kə tə̀ a loʼ bày ghaa, tɔŋŋə Satan, moʼlə tə ghaa tə loʼ kə ni ghəŋŋə ghəə ghey bày ghaa ləghənə. Ni ney nuu bə tə̀ mbi a nə kaʼnə, tə weyyə aghə̂, tə ka kam təmi koʼ tsə nə isəŋə, n təŋkey, tə khə dzə way isəŋə i loʼ zə n kow wi. Abə tə badlanə ghəə ghə, tə sey ghɔɔmə shiə bə kə ghəə ghey a loʼnə n fə̀ŋ ə wi, n təŋkey, tə loʼ wù badla wə aghəə wə, a loʼ də̀ŋ kə ghəə a badla ghə.

Kəfwaʼ 13:10

“Waa avəətsəə wən! Wə loʼ wù təngəmmə tə ghəə ghən a loʼnə tsətsəghə adzəm. Wə khə jii tə tsɔŋɔ tə tədzəm ni ghəŋŋə ghəə a bəbə ghə. Wə dəmə tənə tsə kə ni bwɔd fəd bə isəŋə zən i loʼnə bòʼ Mûkəbii n ghəə a badla ghə.

2 Kɔrint 11:14

Dzuu i way dzə ni zum mə n təŋkey Satan nəbə soʼonu sə̂ a ghə̂ ghə nə̀ tə loʼ tsəndəghə ə Kəzə̀ wən tə fuunə daa kə.

2 Kɔrint 11:3

N kee tsəŋə nə̀ nghee tə̀ zuu â nəb fuu tsunə If n tɔb u wi u tsɔŋɔ wə, ghə loʼ ni bə fwɔd maʼa kɔʼ soʼo tɔb u ghaa, ghaa i way ni kəm dzûmə Klisto n fə̀ŋ tə ghaa tə tədzəm.

2 Kɔrint 4:4

Nghee tə̀ ghə̂ ghən ka bəghəm tə̀ Zə̀ kə, zə̀ kə mbi kən tɔŋŋə Satan n ghəŋə naŋa ləm kə n fə̀ŋ tə ghə, sey nə̀ kə ghə nə koʼonə tsə u tûm i dzuŋu wey u dii bənə kɔʼlə n Klisto wən tə loʼnə tə̀ a loʼ Kəzə̀.

Efesus 2:2

Ghaa â muu tsə nə̀ ghaa dzûmə ndow ghəə a mbi a bəbə ghə, zow laŋ u Satan, Zay kə bəbə kən kə saʼanə zay u bəbə wən u loʼnə idəŋ. À loʼ wi tə fwaʼanə n kow ghə̂ ghən ghə naŋŋə way laŋ u Kəzə̀ wə.

2 Timoti 3:8

Nghee tə Janis ghi Jambris â təʼlənə Mushi, à loʼ soʼo sey ghə̂ ghən təʼlənə isəŋə. À wən loʼ aghə̂ nə̀ ghə khə dzî u təfə̀ŋ, nə̀ ghə n bwù khə̂mə soʼo n bəghəm i fə̀ŋ i ghə.

Jems 3:15

Ndzoʼo tɔb wən, à ka fuu bə dzə Zə̀ kə idəŋ kə, à loʼ tɔb u ghə̂ a mbi. À ka fuu bə dzə Zày kə Zow kə tɔb u tii wə, à loʼ tɔb wə avəətsəə.

Chi dii 12:17

Sey ngəm zey n fəələ nay ndow unəghə ghi weyzən wey, nuu ndow ni ndow ballə ghi waa a waa a wi ghən ghə doʼo səənə, ghə̂ ghey adzəm ghə naŋŋənə laŋ u Kəzə̀ wə, nsə ghə̂ ghey ghə gaʼnə fə̀ŋ nə isəŋə zən Yeso â chi dii bənə.

Chi dii 12:9

Ghə n tən maʼa shi tsu ndow faŋkwu kə ngəm key. À wən loʼ zuu i wey wey zən zə â loʼnə nə nzeyyə, ghə tɔŋŋə nə̀ à loʼ Avəətsəə nkee Satan. À loʼ wi tə â sii ndzəŋnə mbi idzəm. Ghə n tən maʼa shi tsu bə wi fa a ghəlitsə, tən maʼa tsu bə soʼo tsətəndəghə tə wi ghi wi.

Chi dii 18:23

Ghə nə kəm koʼ koʼ way daa kə baŋnə fu tii inaʼ. Ghə nə kəm zow koʼ way dzə̂ tə gheyzən ghən nkee gheynum ghən n zə̂ kən ghə neynə wû zə tii fuŋ nə fu inaʼ. Ghə̂ a bikiwən ghey ghə â loʼnə n naʼ zə â loʼ ghə̂ a səŋi ghə n mbi, wə n sìi ndzəŋ tsu ghə̂ a naʼa tə mbi adzəm n fənnə zey wə â khənə.

Chi dii 19:20

Ghə n fəd kwu fìi naŋa ndow faalə kə nyam mbvən key ghi tûm tə Kəzə̀ tə tsɔŋɔ tən tə â ghəŋŋənə faalə n tsɔŋɔ mə n sə kə wi. (À loʼ faalə n tsɔŋɔ mən tə a diinə, mə â ghəŋənə nə̀ ghə̂ ghən ghə â neynə tsə̀ə faalə kə nyam mbvən kən nsə ghə̂ ghən ghə â ngɔɔmənə muʼu fən fə fiilənə wi nə̀ ghə nyəŋ laʼ n baa wi). Ghə n kwu tsu faalə kə nyam mbvən key ghi tûm tə Kəzə̀ tə tsɔŋɔ tən maʼa nyi tsu utaw n nyî zə uvələ u bəʼlə ghi fə kə loʼ ghə tɔŋŋə nə̀ a loʼ sɔlfɔ.

Chi dii 20:10

Ghə n ney maʼa nyi tsu ndow vəətsəə ghən ghə â sii ndzəŋ ghə n nyî zə uvələ wən u bəʼlə ghi sɔlfɔ. À loʼ fuu ghə a ney maʼa nyi tsu tsəghə dzənə faalə kə nyam mbvən key nsə tûm tə Kəzə̀ tə tsɔŋɔ tə. Ghə i chɔdlɔ ghə fu n tsə̂ tə nsə n tsuʼu tə, nəŋə tədzəm.

Chi dii 9:11

Ghə n khə də̀ŋ kə ghə nə a loʼ tsəndəghə zey i laalə fɔŋŋə k-a-bùʼ key kə kuʼu way. Zəd i wi n ghɔɔmə Hibru n loʼ nə̀ a loʼ Abadɔn. N ghɔɔmə i Grik, zə n loʼ nə̀ a loʼ Apoliɔn i diinə nə̀ a loʼ wù wey tə ləŋi maʼanə ghə̂ ghə.