2 Tesalonika 2:8 - Kaa n Kəzə̀ n fəghə mə

⁸ Abə ghə i ney nuu tsunə wù wey tə kwɔɔ ghəə ghən, wù wən tə sii ndzəŋŋənə ghə̂ ghə i dii bə uwû. A kee loʼ nə̀, Mûkəbii Yeso i bəghə wey maʼa daʼa kə wi n zuʼ tə idzuu tə wi, tə ləŋi maʼa wi n nyiələ i wi.

2 Tesalonika 2:8 ပူးပေါင်းရင်းမြစ်များ

Matyo 13:19

Ghə̂ ghey ghə zownə ghɔɔmə i fɔɔ u Kəzə̀ wə, ka zowkeeli, vəətsəə ghə n bə bəkeeli nuu kɔʼ ghəə ghey ghə zəllə naŋa n fə̀ŋ tə ghə. Ghə sey loʼ tə a loʼ ndzoʼ tey tə â tsɔʼlənə nə təmbwu.

Matyo 13:38

Sum u tii u loʼ mbi, ndzoʼ i dzuŋu zey sey loʼ ghə̂ ghey ghə loʼ n fɔɔ u Kəzə̀, zhìi wən loʼ ghə̂ ghey ghə loʼ n fɔ̀ɔ u Satan.

Matyo 16:27

Waa weynum bəghənu n ghaʼ i bày wi zə nsə tsətəndəghə tə Kəzə̀ tə. Tə î naamə kə wù n fwaʼ key tə fwaʼnə.

Matyo 16:28

N dza bə isəŋə tə̀ ghaa nə̀, ghə̂ a loʼ a loʼ fa ghə i koʼ way və zə nə̀ ghə ka koʼ Waa Weynum tə bəghənə n wû u Kədə̀ŋ.”

1 Kɔrint 1:28

Zə̀ kə sày kɔʼ ghə̂ ghən ghə̂ a mbi a koʼo kiinə, ney ghə nə ghə maŋ loʼ kənunu, ni ghəŋə nə̀ ghə̂ ghən ghə̂ a mbi a neynə nə̀ a loʼ ghə̂ a səŋi ghə, ghə doʼo bə kənunu.

2 Tesalonika 2:3

Kə̂ wù loʼ nə̂ nəbənə ghaa, n təŋkey tsuʼ fə tii fə i bə way nə̀ ghə̂ a ka kam tuu maʼa laŋ u Kəzə̀ wə. Tsu fə tii fə i bə soʼo way nə̀ wu wey tə sìi ndzəŋŋənə ghə̂ ghə ka kam dii dzə wû wə. Tə loʼ wù wən tə loʼnə n jii ni ndow n luʼu kə uvələ kən kə may way.

1 Timoti 6:14

nə̀ wə naŋa kɔʼ bə laŋ wən n fuu bənə tə wɔ n fə̀ŋ zə idzəm, ni ndow kuum n nəŋə zey Mûkəbii saa Yeso Klisto i bəghənə tii. Abə wə tɔʼ dzûmə kɔʼ bənə laŋ wən nə̀ wə nɔʼɔ way, wù loʼ i way dzə ni dza ghə i bəbə zə bòʼ wɔ.

2 Timoti 1:10

Zə̀ kə â chi dii bə ghəə ghən adzəm tə saa n nəŋə zey Yeso Klisto wən tə loʼnə bəghəshi ə saa â bənə. Tə n ghəŋə və zə u kəm khə way daʼa kə n kow saa, tə u ghəŋə soʼo nə̀ saa i khə muu zə itsali zə n bam i tûm i dzuŋu zən tə diinə tə saa.

2 Timoti 4:1

N dza bə tə wɔ a Timoti n sə K-a-zə̀ nsə Yeso Klisto wən tə i saʼanə ghə̂ ghən ghə loʼ utaw nsə ghə̂ ghən ghə kpu dzənə, abə tə i bənə ni bə saʼ mbi tə a loʼ kədə̀ŋ nə̀,

2 Timoti 4:8

Naamə kə ləmmə mə nya idəŋ n fwaʼ kə dzuŋu kən n fwaʼnə ghii kə. Naamə kə tii kə way kə tə mə, kə loʼ soʼo tə ghə̂ ghey adzəm ghə ləghənə ni koʼ tsuʼ fey Klisto i bəghə dzəŋŋənə ibam. À naamə kə tii kə naŋa Mûkəbii wən tə saʼanə ghə̂ ghə n jìi zey i loʼnə tsətsəghə.

Taytus 2:13

Nghee tə saa ndzəmə ləmmənə tsuʼ fə nii fey saa khənə nə̀ fə i bə ghəŋŋə nə̀ saa ngii duʼlə, saa keyyə tənə nə̀ Zə̀ kə saa kə səŋi kə nsə bəghəshi ə saa tɔŋŋə Yeso Klisto, bə n wû u kədə̀ŋ.

Hibru 10:27

Abə saa ndzəm ghəŋə tsunə bəb zə sey, saa i bɔɔmə ləmmə tənə kə tsuʼ fey Zə̀ kə i saʼanə mbi tii nə itsəŋ, tsəŋə soʼo faalə kə uvəllə key kə i bə ləŋi maʼanə ghə̂ a təngəmə a wi ghə.

1 Jɔn 2:13

N tɔ̀ɔ bə tə ghaa ghə bày, tənkey, ghaa n doʼo ghə̂ ghey ghə loʼ nə̀ ghə n keeli Yeso Klisto wən tə â loʼnə tə mbi ni kaʼ. N tɔ̀ɔ bə tə ghaa fəghaŋ, n təŋkey ghaa n təm zə̂ wù təngəmə ghaa tɔŋɔ Satan.

1 Jɔn 3:12

Saa khə dzə way ni doʼo tə a loʼ Ken tə â loʼnə waa avəətsəə, tə n wey maʼa tsu waazə ə wi Ebel. Â loʼ kee tə â wey maʼanə wi ə? Â loʼ n təŋkey tə â ghəŋŋə ghəə a bəbə ghə, waazə ə wi n kee ghəŋŋə ghəə ghən a loʼnə tsətsəghə n sə̂ K-a-zə̀.

1 Jɔn 5:18

Ghey khənu nə̀ waa Kəzə̀ u loʼ u way dzə ni tsəghə ndow n sə kə ni ghəŋŋə ghəə a bəbə ghə, n təŋkey, waa Kəzə̀ keyyə wi, vəətsəə ghə way soʼo ni mɔm wi.

Chi dii 1:16

Tə n khə nsəghəbələ nsəghəmbəghə n wɔɔ kə wi kə zəə kə. Kɔb nə̀ i tɔbə badla təbəghə, zə n shi bə n dzuu i wi. Tum-usə̂ u wi wə n nyiəllə tə aloʼ mgbala kə tsə.

Chi dii 13:5

Ghə n fuu ndow kəbùʼ tə faalə kə nyam mbvən key nə i ghɔɔmə bəəbə idyat i tsayyənə Zə̀ kə. Ghə n fuu ndow soʼo wi n bùʼ kə nə̀ tə saʼ kəŋə ndow nə təndzɔŋɔ nghəm nkaykə nsə ndzɔŋɔ tə təbəghə.

Chi dii 19:15

Kɔb i tɔbə zə n shi bə n dzuu i wi. A loʼ n kɔb ə tii, tə i təmə zəənə naʼa tə. Tə i saʼa ghə n wɔɔ a taw ghə, tə i dəʼlə soʼo ghə n nəghə u fəə u Zə̀ kən kə khənə daʼa wə udzəm tə ghə nə dəʼlənə lami tə n nyùʼ key ghə kammənə nlə n təlami mə tii.

Chi dii 2:16

Ghaa khə ni kweyyə nuu bə fə̀ŋ tə ghaa n ghəə a bəbə ghən ghaa ghəŋŋənə. Nə a way sey, mə i maŋa bəghə n fəŋŋə kə ghaa, n zuu ballə ghi ghaa n kɔb zən i loʼnə n dzuu zuŋ.

Chi dii 20:10

Ghə n ney maʼa nyi tsu ndow vəətsəə ghən ghə â sii ndzəŋ ghə n nyî zə uvələ wən u bəʼlə ghi sɔlfɔ. À loʼ fuu ghə a ney maʼa nyi tsu tsəghə dzənə faalə kə nyam mbvən key nsə tûm tə Kəzə̀ tə tsɔŋɔ tə. Ghə i chɔdlɔ ghə fu n tsə̂ tə nsə n tsuʼu tə, nəŋə tədzəm.