I loʼ nə̀, Zə̀ kə n dii tsu bə nəghə u wi u fəə wə n kow ghə̂ ghey adzəm ghə tuunə ni bəghəm tə wi nsə ghə̂ ghey ghə ghəŋŋənə ghəə a bəbə ghə fa mbi n təŋkey ghə tsəllə naŋa isəŋə n ghəə a bəbə ghey ghə ghəŋŋənə.
Kə̂ wù loʼ nə̂ nəbənə ghaa, n təŋkey tsuʼ fə tii fə i bə way nə̀ ghə̂ a ka kam tuu maʼa laŋ u Kəzə̀ wə. Tsu fə tii fə i bə soʼo way nə̀ wu wey tə sìi ndzəŋŋənə ghə̂ ghə ka kam dii dzə wû wə. Tə loʼ wù wən tə loʼnə n jii ni ndow n luʼu kə uvələ kən kə may way.
N dza sey n təŋkey ghəə nyiə doʼo ghey wù tii î ghəŋənə n kaʼ ni shi. A kee loʼ nə̀ ghəə ghən a dza tsunə fa î ney dzə way bənə kə a may kə nə̀ ghə n ney nuu wù wən tə kwɔɔ naŋanə ghəə a tii ghə nə̀ a ka shi.