2 Tesalonika 2:2 - Kaa n Kəzə̀ n fəghə mə

² kə̂ ghaa nə̂ keelinə fəmmə kə loʼ kə n fə̀ŋ tə ghaa, abə ghə̂ a loʼ ghə bə dza bənə tə̀ ghaa nə̀ tsu fey Mûkəbii khə ni bə tii n kpii. Kə̂ ghaa nə̂ bəghəmnə ghɔɔmə i tii zə, abə ghə tsəm dza bə kənə tə̀ ghaa nə̀ a dza bə Zay K-a-zə̀, nkee nə̀ a dza tûm tə Kəzə̀ nkee nə̀ a tɔ̀ɔ bə ghey.

2 Tesalonika 2:2 ပူးပေါင်းရင်းမြစ်များ

Matyo 24:24

Kùmnə Klisto tə tsɔŋɔ tə nsə tûm tə Kəzə̀ tə tsɔŋɔ tə î shiə kɔʼɔ bənu, ghə i dii tsə̀ə tə nii tə, ghə nə ghəŋŋə ghəə a faalə ghə nə̀ bə jìi loʼnə, ghə sii laʼ ghə̂ ghey Zə̀ kə loʼ nə̀ kə n sày.

Malakus 13:7

Abə ghaa i zownə tsam tə, nkee nyəŋŋə i tətsam, i kə̂ ghaa nə tsəŋənə, bòʼ nə̀ ghəə a tii a teeli khə ni bə ney kəbənə. I zən zə i kam dii dzə way nə̀ mbi dza i may.

Lukas 21:19

Bə ghaa kwu tawwə tsunə fə̀ŋ tə, ghaa nə keeli ibəghəshi.

Lukas 21:9

Kə̂ ghaa nə tsəŋənə bə ghaa zownə nə̀ tsam tə shiənu, ghə̂ ghə i zuulə baalənə wû i ghə zə nə inaʼ. Ghəə ghən a khə ni teeli shi dzə isə. Seykə, i sey dii dzə way nə nəŋə zə n shɔd tə mbi ni may.”

Tùm i dzuŋu zə kuum Yeso Klisto tə Jɔn â tɔɔnə 14:1

Yeso n ndow n sə kə, dza tə̀ ngəd tə̀ wi tə nə̀, “Kə fə̀ŋ tə nə baŋanə ghaa. Keeli na bəghəm i fə̀ŋ zə n kow Zə̀ kə, ghaa keeli soʼo n kow mə.

Tùm i dzuŋu zə kuum Yeso Klisto tə Jɔn â tɔɔnə 14:27

N fuu naŋŋə ghaa n buulə zə. À loʼ buulə zuŋ n fuu bənə tə̀ ghaa. Buulə zən n fuu bənə tə̀ ghaa way dzə ndzoʼo buulə zey ghə̂ a mbi a fuunə. Kə̂ fə̀ŋ tə nə̂ baŋanə ghaa, kə̂ ghaa nə tsəŋə soʼonə.

1 Kɔrint 1:8

Tə i keyyə ghaa nə̀ ghaa i taw n bəghəm i fə̀ŋ i ghaa ni ndòw kùm ndow, sey nə̀, ghaa i khə way bwu i loʼ zə n muu i ghaa n tsuʼ fey Mûkəbii saa Yeso Klisto i bəghə dzəŋŋənə tii.

1 Kɔrint 14:32

I loʼ nə̀, ghə̂ ghey Zay kə Zow kə fuunə ghə n naamə kə ni naʼlə bə ghəə ghey Zə̀ kə dzanə loʼnu ni kwu keeli wû i ghə tə̀ ghə ni ghɔɔmə umɔʼ umɔʼ.

1 Kɔrint 7:26

N jìi zey ghəə a loʼnə nya, n moʼlə nə̀ i dzɔbənu nə̀ ghə̂ a bɔɔmə doʼo kə n jìi zey ghə loʼnə tii.

Efesus 5:6

Kə wù i nəb ghaa n ghɔɔmə i zum zə nə̀ Zə̀ kə i chɔd way ghə̂ ghey ghə ghəŋŋənə ndzoʼo ghəə ghən, n təŋkey, Zə̀ kə î chɔdlɔnu ghə̂ ghey ghə naŋŋə way laŋ u wi wə.

1 Tesalonika 3:3

Ghey ləghə nə̀ kə wù ghaa u loʼ u nə keelinə tsəŋ zə n chɔd mən ghaa koʼonə n təŋkey, ghaa khənu nə̀ saa adzəm khə ni keeli ndzoʼo chɔd mən boʼo Kəzə̀.

1 Tesalonika 4:15

Ghəə a ghən ghey dii bənə tə ghaa nyisa ndzəm loʼ ghɔɔmə i Mûkəbii. I loʼ nə, saa ghən saa i loʼnə utaw n tsuʼ fey Mûkəbii i bəghənə, saa i nuu dzə way isə̂ tə ghə̂ ghey ghə kpuu dzənə.

1 Tesalonika 5:2

N sey dza n təŋkey, wû i ghaa, ghaa khənu nə̀ Mûkəbii nə̂ vuŋŋə bəghə tə̀ wû tsɔŋɔ nə̂ bəghənə tii n tsuʼu tə.

2 Tesalonika 2:15

Sey waazə ghə ghaa təmi taw tsu n bəghəm i fə̀ŋ i ghaa. Ghaa tɔʼ kwu keeli dzɔb tsu ghɔɔmə i səŋi zən ghey fuunə nə tə ghaa, nə̀ a loʼ kə n ghəə ghən ghey naʼlənə nkee n maʼlə wən ghey tɔ̀ɔ bənə tə̀ ghaa.

2 Tesalonika 3:17

A loʼ mə Pɔl n tɔ̀ɔ bənə tɔŋŋə zow zən n wɔ̀ kuŋ kə. A wey loʼ nghee n kuunə tsə̀ə n màʼlə wuŋ udzəm. N ghəŋə sey nə̀ ghə̂ a keeli nə̀ a màʼlə kə tii kə tɔ̀ɔ mə.

Chi dii 19:20

Ghə n fəd kwu fìi naŋa ndow faalə kə nyam mbvən key ghi tûm tə Kəzə̀ tə tsɔŋɔ tən tə â ghəŋŋənə faalə n tsɔŋɔ mə n sə kə wi. (À loʼ faalə n tsɔŋɔ mən tə a diinə, mə â ghəŋənə nə̀ ghə̂ ghən ghə â neynə tsə̀ə faalə kə nyam mbvən kən nsə ghə̂ ghən ghə â ngɔɔmənə muʼu fən fə fiilənə wi nə̀ ghə nyəŋ laʼ n baa wi). Ghə n kwu tsu faalə kə nyam mbvən key ghi tûm tə Kəzə̀ tə tsɔŋɔ tən maʼa nyi tsu utaw n nyî zə uvələ u bəʼlə ghi fə kə loʼ ghə tɔŋŋə nə̀ a loʼ sɔlfɔ.