2 Tesalonika 2:1 - Kaa n Kəzə̀ n fəghə mə

¹ Waazə ghə, ghey dza ghɔɔmə bə tə̀ ghaa nya kuum bə i Mûkəbii saa Yeso Klisto nsə nghee saa i zɔŋə bəghənə tii ni doʼo ghi wi. Ghey buʼu bə kəwɔɔ tə̀ ghaa waazə ghə nə̀

2 Tesalonika 2:1 ပူးပေါင်းရင်းမြစ်များ

Matyo 16:27

Waa weynum bəghənu n ghaʼ i bày wi zə nsə tsətəndəghə tə Kəzə̀ tə. Tə î naamə kə wù n fwaʼ key tə fwaʼnə.

Matyo 16:28

N dza bə isəŋə tə̀ ghaa nə̀, ghə̂ a loʼ a loʼ fa ghə i koʼ way və zə nə̀ ghə ka koʼ Waa Weynum tə bəghənə n wû u Kədə̀ŋ.”

Matyo 24:31

Ghə i daŋŋə zow mbwule i fuŋunə, tə i tûm shi ndòw tsətəndəghə tə Kəzə̀ n badla tə mbi tən n təkaykə, ghə i zuŋŋə naŋa bə ghə̂ a wi ghən tə sàynə n luʼu tədzəm fa mbi.”

Matyo 25:32

Ghə̂ ghən n naʼa tə mbi tədzəm, i zuŋŋə bə n səə wi. Tə i dzawwə tsu ghə nə ubad ubəghə tə̀ wù baʼa u tənjì u nə̂ dzawwə naŋanə ji tə nsə njì tə.

Malakus 13:27

Tə i tûm shi ndòw tsətəndəghə tə Kəzə̀, nə̀ ghə zuŋŋə kaabə bə ghə̂ wi ghey tə sày naŋanə adzəm n bow tə mbi tən təkaykə idəŋ nsə aghəd.

Roma 12:1

Waazə ghə, bòʼ sî i kwɔɔlə zən Zə̀ kə khənə n kow saa, n buʼu bə kəwɔɔ tə ghaa nə̀, ghaa fuu may ndow wû i ghaa tə Zə̀ kə tə a loʼ maʼlə wən u loʼnə utaw. Ghaa khə ni fuu may ndow wû i ghaa tə a loʼ maʼlə wən u zownə, dzɔbə soʼo tə̀ Zə̀ kə. À wən ndzəm loʼ jii zən i kpiinə tə̀ ghaa ni ngɔɔmə wi tii.

Efesus 1:10

Zə̀ kə â bayyə naŋa nə̀, abə nəŋə zey tə sàynə î kpii tsunə, tə i ney naŋa bə fə udzəm fa n mbi n tənnə Klisto, tɔŋŋə, fə wey u loʼnə idəŋ nsə u wən u loʼnə fa a ghəlitsə.

1 Tesalonika 2:19

À loʼ ghaa, ghaa i ghəŋŋənə nə̀ ghey i ndzəmə ləmmə, ghey i duʼlə, à loʼ soʼo ghaa naamə kə ghey kə. À loʼ ghaa, ghaa i ghəŋŋənə nə̀ ghey i ghaŋŋə wû zə sə kə Mûkəbii saa Yeso abə tə i bə dzəŋŋənə. Abə à way ghaa, à kəm loʼ kee ghey loʼ ni ghaŋŋə iwû tii ə?

1 Tesalonika 3:13

Ghey gɔŋŋə nə̀ abə ghaa i ghəŋənə ghəə ghən Zə̀ kə təm tawwə fə̀ŋ tə ghaa, tə ghəŋə nə̀ ghaa i loʼ tsətsəghə. Tə i ghəŋə soʼo nə̀ ghaa i loʼ tsətsəghə sə kə wi tə loʼnə Bày saa n nəŋə zey Mûkəbii saa Yeso i bə dzəŋŋənə ghi ghə̂ a wi ghən ghə khə way bəb i loʼ zə.

1 Tesalonika 4:1

Ni ndow n sə kə waazə ghə, ghey mâ ghaa dəŋ kɔʼ bə n jìi zey ghaa khə ni muu tə̀ i kpiilənə tə̀ Zə̀ kə. Mə u ndzəm khə soʼo nə̀ a wey loʼ nghee ghaa muunə tii. Ghey nay fa buʼu bə ghaa n wɔ̀ kə n zəd i Mûkəbii Yeso nə ghaa ndow kə n sə kə n mwam u tii wə.

2 Tesalonika 1:3

Waazə ghə, ghey fuu kəzɔŋŋə nəŋə tədzəm tə Zə̀ kə bòʼ ghaa. I ndzəmə dzɔbənu ni ghəŋə sey təŋkey, bəghəm i fə̀ŋ i ghaa i ndəŋə nyîmmənu, ləghə zey ghaa khənə n wû i ghaa, zə a nyîmmə soʼo naʼ idzəm.

2 Timoti 4:1

N dza bə tə wɔ a Timoti n sə K-a-zə̀ nsə Yeso Klisto wən tə i saʼanə ghə̂ ghən ghə loʼ utaw nsə ghə̂ ghən ghə kpu dzənə, abə tə i bənə ni bə saʼ mbi tə a loʼ kədə̀ŋ nə̀,