2 Tesalonika 1:9 - Kaa n Kəzə̀ n fəghə mə

⁹ Tə i ney nuulə kɔʼɔ ghə n səə Mûkəbii, ghə i ka keeli soʼo kɔʼlə n wi, tə fuu ghə n ngoʼ zən i may way n vələ wən u nəmmə way.

2 Tesalonika 1:9 ပူးပေါင်းရင်းမြစ်များ

Matyo 16:27

Waa weynum bəghənu n ghaʼ i bày wi zə nsə tsətəndəghə tə Kəzə̀ tə. Tə î naamə kə wù n fwaʼ key tə fwaʼnə.

Matyo 22:13

Də̀ŋ key n dza ndòw tə ghə̂ a kəfwaʼ ghə nə̀, ‘Kòw kɔʼ na wi nə ubaʼ, nə awɔɔ nsə nə ifuu, ghaa maʼa ndòw wi bii nə kələm, tə i dey fu, fəə asɔŋ.’

Matyo 24:30

N nəŋə i tii zə, tsəə ni dii tsu nə̀ Waa Weynum nya bəghənu i dii bə n bəkighow, ghə̂ a naʼa tə mbi tən tədzəm ghə i dey abə ghə koʼnə Waa Weynum tə shiə tsu bənə nə təmbaʼ n daʼa kə nsə ghaʼ i wi i nii zə.

Matyo 25:41

“Tə i dza ndòw tə̀ ghə̂ ghey n kpii kə wi kə kwɔ kə nə̀, ‘Nuu na n səə mə, ghaa ghən Zə̀ kə ləŋ naŋanə, ndòw na n vəllə wey u nəmmə tsə way ghə bayyə naŋanə tə̀ Satan nsə tsətəndəghə tə wi.

Matyo 25:46

Sey, ghə i tûm nuu ndòw ghə n luʼu key ghə̂ a fəʼlənə tii nəŋə tədzəm, ghə̂ ghey ghə loʼnə tsətsəghə i zə̂ itsali.”

Matyo 26:24

Waa Weynum khə ni kpu tə̀ màʼlə K-a-zə̀ kə dzanə, a kee loʼ nə̀ ngoʼ loʼ tə̀ wù wey tə î fiilə fuu shiənə wi. À mə khə ni loʼ ghə i dzuŋu zə abə ghə â ka buʼ ji koʼ tsə wù tii.”

Matyo 7:23

Mə i fəd dza ndow tə̀ ghə nə̀, ‘Nuu na n səə mə, ghaa loʼ ghə̂ a bəbə ghə, n khə koʼ tsə way ghaa.’”

Lukas 13:27

Tə i nam fəd dza bə tə̀ ghaa nə̀, “Ngaŋ! N dza nə̀ khə way ghaa, N khə way luʼu key ghaa nuu bənə tii. Nu na n səə mə, ghə̂ a bəbə ghə.”

Tùm i dzuŋu zə kuum Yeso Klisto tə Jɔn â tɔɔnə 5:14

Yeso n kəm koʼ tsu wù tii n Ndaw Kəzə̀ i nii zey n Yerosalem, dza ndòw tə̀ wi nə̀, “Koʼo, nya wən wə taw doʼo bənə, kə wə nə̀ kəm ghəŋŋənə ghəə a bəbə ghə, kə̂ ghəə i loʼ zə i bəb tsəghəshinə i zən i nə̂ shiənə n kow wɔ.”

Filipi 3:19

Muu i ghə zə î may nə̀ uchɔd, n təŋkey, zə̀ kə ghə kə loʼ fə key nə̀ghə̀ n ghə n ləghənə, ghə kɔʼlə iwû n ghəə ghey ghə mə khənə ni dədlə n tow kə tii, fə̀ŋ tə ghə tə loʼ kə n fə̂ u mbi.

1 Tesalonika 5:3

I loʼ nə, abə ghə̂ ghə i dza tsu nə̀, “ghəə a bwey dzɔbənu, ghəə i tsəŋə i kəm way.” Nghee tə̀ ghə ghɔɔmənə sey, chɔd u nii wə i maŋ bə n kow ghə tə a loʼ weyzən tə zow fɔɔbə i waa zə. Jìi i loʼ zə i way tə ghə ni nɔb shi.

2 Tesalonika 2:8

Abə ghə i ney nuu tsunə wù wey tə kwɔɔ ghəə ghən, wù wən tə sii ndzəŋŋənə ghə̂ ghə i dii bə uwû. A kee loʼ nə̀, Mûkəbii Yeso i bəghə wey maʼa daʼa kə wi n zuʼ tə idzuu tə wi, tə ləŋi maʼa wi n nyiələ i wi.

Taytus 2:13

Nghee tə saa ndzəmə ləmmənə tsuʼ fə nii fey saa khənə nə̀ fə i bə ghəŋŋə nə̀ saa ngii duʼlə, saa keyyə tənə nə̀ Zə̀ kə saa kə səŋi kə nsə bəghəshi ə saa tɔŋŋə Yeso Klisto, bə n wû u kədə̀ŋ.

Hibru 10:29

ghaa moʼlə nə̀ Zə̀ kə i boʼo chɔdlɔ ngee wù wey tə koʼo kiinə waa Kəzə̀, ngɔɔmə way kaŋ tən tə â fəələnə n kaa mən mə â sow maʼanə ghəə a wi a bəbə ghə, kpaalə soʼo Zay kə Zow kən kə ney bənə ndzuŋ ə?

2 Pita 2:17

Ghə̂ ghən loʼ tə̀ a loʼ tɔŋ n tədzuu mən mmuu n zumi nuu shi kɔʼ tii nə̀ n kəm khə way fwaʼ kə. Ghə loʼ tə̀ a loʼ mbaʼ tə ighow, zəŋ maŋa tənnə kaabənə. Zə̀ kə bayyə naŋa luʼu kə tə ghə itən itən n luʼu key ləm kə loʼnə fu tsəghəshi təluʼu tədzəm.

2 Pita 3:7

Zə a kee loʼ nə̀ n ghɔɔmə i wi i mɔʼɔ zən, Zə̀ kə n baʼ naŋa shi bə dəŋ key kə loʼnə nya nsə ghəlitsə kə nə̀ ghə i ləmmə tsu nəŋə zey tə i saʼanə ghə̂ ghey ghə ngɔɔmə way wi. Tə i ləŋi maʼa ghə nə uvələ.

Màʼlə kə Jud tə̀ ghə̂ a Kəzə̀ ghə 1:13

Ghə loʼ tə a loʼ tuŋutuŋu tə dzuu tə taw tə n nali kə dzuu, nə̀ ghəə a ghə a tow kə dədlə kə dii bə uwû nə tətsəbə. Ghə loʼ tə a loʼ səghəbələ mən n laʼa kaabə tsə idəŋ nə̀ Zə̀ kə n sày naŋa ghə n luʼu key ləm kə loʼnə fu nəŋə tədzəm.

Chi dii 20:11

Mə n daŋŋə koʼ ndow kuu kə fɔɔ kə nii nii kə fəmə kə nsə wù wey tə doʼnə tii. Ghəlikətsə nsə dəŋ kə n tyi nuu tsu n luʼu key tə loʼnə tii, bùʼ kə n kəm way fu tə ghə.

Chi dii 20:14

Ghə n daŋŋə ney maʼa nyi tsu ivə nsə naʼ zə ivə zə n nyî zə uvələ. Nyî zə uvələ zən loʼ və i zən i dzûmə ndow və i sə isə zə.

Chi dii 21:8

A kee bə ghə̂ ghən ghə tsəŋənə, khə way bəghəm i fə̀ŋ zə, ghə nəb ityim, ghə̂ ghey ghə weynə ghə̂ ghə, ghə̂ a laŋŋə ghə, ghə̂ a fənnə ghə, ghə̂ ghən ghə ngɔɔmə muʼu mə nsə ghə̂ ghey ghə badlanə ghəə ghə, luʼu kə ghə kə loʼ n nyî zə uvələ zey sɔlfɔ bəʼlənə fu. À wən loʼ və zən i dzûmə ndow i sə̂ isə zə.”

Chi dii 22:15

Ghə̂ ghey ghə i kee nyi way fu inaʼ, loʼ ghə̂ ghey ghə ghəŋŋə ghəə a dzəə ghə nsə ghə̂ ghən ghə ghəŋŋə ghəə a fənnə ghə, ghə̂ ghey ghə ghəŋŋə ghə a laŋŋə ghə nsə ghə̂ ghey ghə weynə ghə̂ ghə, ghə̂ ghey ghə ngɔɔmə muʼu mə nsə ghə̂ ghey adzəm ghə ləghənə ni badla ghəə ghə n ghɔɔmə i ghə nsə n ghəə ghey ghə ghəŋŋənə.