2 Tesalonika 1:8 - Kaa n Kəzə̀ n fəghə mə

⁸ Tə i bəghə ghi vələ u bəʼlə wə ni bə chɔd ghə̂ ghən ghə tuu maʼanə Zə̀ kə nsə ghə̂ ghən ghə ka bəghəm tûm i dzuŋu zə bòʼ Mûkəbii saa Yeso Klisto.

2 Tesalonika 1:8 ပူးပေါင်းရင်းမြစ်များ

Matyo 25:41

“Tə i dza ndòw tə̀ ghə̂ ghey n kpii kə wi kə kwɔ kə nə̀, ‘Nuu na n səə mə, ghaa ghən Zə̀ kə ləŋ naŋanə, ndòw na n vəllə wey u nəmmə tsə way ghə bayyə naŋanə tə̀ Satan nsə tsətəndəghə tə wi.

Matyo 25:46

Sey, ghə i tûm nuu ndòw ghə n luʼu key ghə̂ a fəʼlənə tii nəŋə tədzəm, ghə̂ ghey ghə loʼnə tsətsəghə i zə̂ itsali.”

Tùm i dzuŋu zə kuum Yeso Klisto tə Jɔn â tɔɔnə 3:19

Tow kə ighəə key Zə̀ kə saʼa ghə̂ ghə a tii loʼ nə̀, daa kə bàŋ nyi bə n mbi, ghə̂ ghə u kee ləghənə ləm kə tsəghəshi kədaa, n təŋkey ghəə a ghə a ghəŋŋə a loʼ ghəə a bəbə ghə.

Tùm i dzuŋu zə kuum Yeso Klisto tə Jɔn â tɔɔnə 8:19

Ghə n bəb ndòw tə̀ wi nə̀, “Bày wə loʼ ghee?” Yeso n dza ndòw tə̀ ghə nə̀, “Ghaa khə way mə, khə soʼo way Bày wuŋ. Abə ghaa mə̂ khənə Bày wuŋ, ghaa mə̂ khə soʼo mə̀.”

Kəfwaʼ 6:7

Sey, ghɔɔmə i Kəzə̀ zə n ndow n sə̂ kə ni zaamə, taŋ ə dzûmə tə Klisto tə n nyîmmə kɔʼɔ ndow n Yerosalem, ndəmə ghə fɔɔngili a Təjuu ghə bəghəm soʼo tə Yeso.

Roma 1:28

Nghee ghə kii maʼanə ghəə a Kəzə̀ ghə, Zə̀ kə n zəghə maʼa ghə nə̀ ghə i ghəŋŋə ndow ghəə ghə n jii zey moʼlə tə ghə tə bɔɔ doʼonə tii. À wey loʼ ghə i tii zə ghə ghəŋŋənə ghəə ghey a ka kpii tə̀ wù ni ghəŋə.

Roma 1:5

À loʼ bòʼ wi, Zə̀ kə diinə mə n ndzuŋ ə wi, sày naŋa kɔʼ mə nə̀ n doʼo ngəd ə wi, sey nə̀, mə i loʼ ni ghəŋə nə̀ aghə̂ adzəm n naʼa tə mbi tədzəm, a bəghəm tə wi, ghə i zow soʼo tə wi.

Roma 10:16

À kee loʼ nə̀, à way dzə aghə̂ adzəm ghə â bəghəmnə tûm i dzuŋu zən n təŋkey, wù tûm Kəzə̀ Ayzaya mâ dza nə̀, “Mûkəbii, a loʼ ndee tə â bəghəmnə tûm ghey ə?”

Roma 15:18

N ndɔm way ni kɔʼlə uwû n ghə i loʼ zə tsəghəshiə way ghəə ghey Klisto ghəŋənə nə̀ n ghəŋə. Tə ghəŋə nə̀ ghə̂ ghən ghə way ghə̂ a Təjuu ghə i zow tə Zə̀ kə n tûm i dzuŋu zən n naʼlənə tə ghə nsə ghəə ghey n ghəŋŋənə n fəŋŋə kə ghə.

Roma 16:26

Zə̀ kə n chi dii bə ghə i tii zə tə saa nya, saa u loʼ soʼo ni koʼ aghəə nghee tə tûm tə Kəzə̀ tə â tɔɔ naŋa zeynə. Zə̀ kən kə loʼnə nəŋə tədzəm n ghəŋə nə̀ ghə̂ a naʼa tə mbi tədzəm a keeli ghə i tii zə, sey nə̀, ghə i loʼ ni bəghəm tə̀ Klisto, ghə i zow soʼo tə wi.

Roma 6:16

Ghaa khə way nə̀ abə ghaa fuu nyi ndownə wû i ghaa zə ni zow tə wù loʼ tə a loʼ ukɔd, ghaa sey loʼ kɔd u wi. I sey diinə, ghaa loʼ ni doʼo ukɔd tə bəb zə, i ney ndow ghaa nə ivə, nkee ghaa doʼo ukɔd tə Zə̀ kə, tə ghəŋŋə nə̀ ghaa doʼo bə tsətsəghə.

1 Kɔrint 15:34

Fən nyi dzəŋŋə bə n na n tɔb n ghaa, ghaa buu naŋa ghəə a bəbə ghən ghaa ghəŋŋənə. Tə̀ mə, a ngii loʼ tow kə dədlə kə nə̀ ghə̂ a loʼ a loʼ n fəŋŋə kə ghaa nə ghə khə way Zə̀ kə.

2 Kɔrint 10:5

Ghey saʼa maʼlə bə ghə̂ ghey adzəm ghə maŋa buʼunə dzuu zə, sìi ndzəŋŋə soʼo aghə̂ nə̀ kə ghə nə keelinə Zə̀ kə. Ghey kwɔɔ naŋŋə bə moʼlə tə ghə̂ ghey adzəm ghə ləghə way ni zow ghɔɔmə i Kəzə̀, ghey n ghəŋə nə̀ ghə̂ a tii ghə i zow tə̀ Klisto.

Galeshia 3:1

Ghaa ghə̂ a Galeshya ghən, ghaa ngii laʼlənu! À ghaa ləŋ naŋa ndee? N dza ghə mâ mgbaŋ tiilə dìi bə zuŋ key ghə â baa Yeso Klisto tii n zat kə fəkaʼ a?

Galeshia 4:8

Nghee ghaa â buʼ loʼ tsə nə̀ ghaa kam khə way Zə̀ kə, ghaa n loʼ ukɔd tə fə u loʼ wey ghaa â tɔŋɔ nə̀ a loʼ uzə̀.

1 Tesalonika 4:5

Kə ghaa nə̂ muunə ni zhwɔdlɔ kaabə tsə tə̀ a loʼ nghee ghə̂ ghey ghə ka bəghəm tə̀ Zə̀ kə a ghəŋənə.

Hibru 10:27

Abə saa ndzəm ghəŋə tsunə bəb zə sey, saa i bɔɔmə ləmmə tənə kə tsuʼ fey Zə̀ kə i saʼanə mbi tii nə itsəŋ, tsəŋə soʼo faalə kə uvəllə key kə i bə ləŋi maʼanə ghə̂ a təngəmə a wi ghə.

Hibru 10:30

Ngoʼ ə wi i tsəghəshiənu n təŋkey Zə̀ kə mâ dza nə̀, “À loʼ mə ni dey təngəmə, Mə i ghəŋə nə̀ ghə̂ a təngəmə ghuŋ a fəghə bòʼ bəb zey ghə ghəŋŋənə.” Tə n dza soʼo nə̀, “Mûkəbii i saʼanu ghə̂ a wi ghə.”

Hibru 11:8

A loʼ bəghəm i fə̀ŋ zən Abraham â khənə n kow Zə̀ kə, zə â ghəŋənə nə̀ tə zow tə̀ Zə̀ kə nghee Zə̀ kə â tɔŋɔnə wi nə̀ tə̀ ndow n luʼu key tə â təb naŋanə ni fuu tə̀ wi. Tə n zəghə tsu naʼ i wi, nuu ndow ni ndow nə kəluʼu nə̀ tə khə way luʼu key tə ndownə tii.

Hibru 12:29

n təŋkey, Zə̀ kə saa kə loʼ tə̀ a loʼ vəllə wən u kpəʼlə maʼa bənə luʼu tə.

Hibru 2:3

Saa i nɔbə shiə ngee abə saa tsayyənə bəghəshi i nii zən ə? A loʼ Mûkəbii n wû u wi wə tə a naʼa bənə bəghəshi zən isə. Ghə̂ ghən ghə a zownə, ghə dii bə tə̀ saa nə̀ à loʼ isəŋə.

Hibru 5:9

Ambə Zə̀ kə ghəŋə tsunə nə̀ tə kɔʼ kpii, tə n ghəŋə soʼo wi nə̀ tə doʼo wù wey tə fuunə bəghəshi zən i may way tə̀ ghə̂ ghən ghə zownə tə̀ wi.

1 Pita 1:2

Zə̀ kən kə loʼnə Bày saa â sày ghaa tə̀ tə â bayyə naŋa zeynə, Zày kə Zow kə wi kə a sow maʼa tsunə ghaa ni ghəŋə nə̀ ghaa i naŋŋə laŋ u Yeso Klisto wə nsə nə̀ kaŋ tə wi tən tə â fəələnə n zat kə fəkaʼ, tə ghəŋə nə̀ ghaa i loʼ ghə̂ a zow ghə. N gɔŋŋə nə̀ Zə̀ kə dii ghaa n fə̀ŋ ə wi i dzuŋu zə, tə fuu soʼo ghaa n buulə zə naʼ idzəm.

1 Pita 3:6

Sara â loʼ tsə soʼo sey, tə n zow tsə tə nûm wi Abraham, tə n ngɔm tənə soʼo wi nə à loʼ mûkəbii. Abə ghaa ghəŋŋənə ghəə ghey a dzɔbənə, tsəŋə soʼo way ghə i loʼ zə, ghaa sey nya loʼ waa a wi.

1 Pita 4:17

N dza sey n təŋkey, nəŋə zə n kpii tə Zə̀ kə ni saʼ mbi. Tə i zey tsu dzə ni saʼ ghə̂ a Kəzə̀ isə. Abə tə khə ni kaʼ nuu tsu ni saʼ saa ghən saa loʼnə waa a Kəzə̀ ghə, zə i boʼo bəbə ngee n kow ghə̂ ghey ghə loʼ nə̀ ghə bəghəm way tûm i dzuŋu zən Zə̀ kə tûm bənə ə?

2 Pita 3:7

Zə a kee loʼ nə̀ n ghɔɔmə i wi i mɔʼɔ zən, Zə̀ kə n baʼ naŋa shi bə dəŋ key kə loʼnə nya nsə ghəlitsə kə nə̀ ghə i ləmmə tsu nəŋə zey tə i saʼanə ghə̂ ghey ghə ngɔɔmə way wi. Tə i ləŋi maʼa ghə nə uvələ.

Màʼlə kə Jud tə̀ ghə̂ a Kəzə̀ ghə 1:7

N jii i mɔʼɔ zə, kə ghaa nə neyzəənə nghee naʼ i Sodom, naʼ i Gomora nsə naʼa tən tə â dzəŋ ngəə bənə ghə, â fuu may ndownə wû i ghə zə ni ghəŋŋə ghəə a laŋŋə ghə nsə dzəə dzəə tə aghəə tə. Ghə loʼ tə a loʼ tsəə tə ghə̂ ghey ghə i fəʼlənə n vəllə wən u nəmmə koʼo tsə way.

Chi dii 20:10

Ghə n ney maʼa nyi tsu ndow vəətsəə ghən ghə â sii ndzəŋ ghə n nyî zə uvələ wən u bəʼlə ghi sɔlfɔ. À loʼ fuu ghə a ney maʼa nyi tsu tsəghə dzənə faalə kə nyam mbvən key nsə tûm tə Kəzə̀ tə tsɔŋɔ tə. Ghə i chɔdlɔ ghə fu n tsə̂ tə nsə n tsuʼu tə, nəŋə tədzəm.

Chi dii 21:8

A kee bə ghə̂ ghən ghə tsəŋənə, khə way bəghəm i fə̀ŋ zə, ghə nəb ityim, ghə̂ ghey ghə weynə ghə̂ ghə, ghə̂ a laŋŋə ghə, ghə̂ a fənnə ghə, ghə̂ ghən ghə ngɔɔmə muʼu mə nsə ghə̂ ghey ghə badlanə ghəə ghə, luʼu kə ghə kə loʼ n nyî zə uvələ zey sɔlfɔ bəʼlənə fu. À wən loʼ və zən i dzûmə ndow i sə̂ isə zə.”

Chi dii 6:10

Ghə n naʼlə shiə kɔʼɔ n dzə̀ tə taw tə nə̀, “Mûkəbii u ngii taw wə, wə zownu, ghey a loʼ soʼo ni gaʼ fə̀ŋ n kow wɔ. À loʼ zeeli wə i saʼanə ghə̂ ghən fa a ghəlitsə ni dey fuu ngəmə tə ghey nghee ghə weyyə kaabənə ghey ə?”