2 Tesalonika 1:5 - Kaa n Kəzə̀ n fəghə mə

⁵ Ghəə ghən adzəm dii bənu nə̀ saʼ i Kəzə̀ i loʼ tsətsəghə. Ghaa fəʼlə nya n jii i zən tə̀ Zə̀ kə n təŋkey Zə̀ kə ləghə nə̀ ghaa i loʼ n jìi zey ghaa kpiinə ni nyi n fɔɔ u wi.

2 Tesalonika 1:5 ပူးပေါင်းရင်းမြစ်များ

Lukas 20:35

Abə ghə̂ ghey ghə kɔʼ kpiinə ni zhəm dzəŋŋə nə ivə nsə ni muu n mbi zey i nə bəghənə, ghə ney way wûzə.

Lukas 21:36

Tɔʼɔ təmi taw tsu na, gɔŋŋə nəŋə tədzəm tə ghaa i keeli daʼa kə tii kə ni nɔb shi n ghəə ghən ghə i shiənə, sey ghaa i loʼ ni təmi n sə kə Waa wù sɔŋtsuʼ.”

Kəfwaʼ 13:46

Pɔl nsə Banabas n ka tsəm tsəŋ ni dza tə ghə nə̀, “Zə â ndzəm kpiinu nə ghey naʼa dzə ghɔɔmə i Kəzə̀ tə ghaa. Nya wən ghaa tuu maʼanə ghɔɔmə i tii zə, dza nə̀ ghaa ka kɔʼ kpii dzə ni keeli muu zə itsali, ghey naʼlə ndow kə tə ghə̂ ghey ghə way ghə̂ a Təjuu ghə.

Kəfwaʼ 14:22

Ghə n təm tawwə dzûmə tə Klisto tey fu, kuu fə̀ŋ tə ghə nə̀ ghə təmi taw tsu n bəghəm i fə̀ŋ i ghə, dza tə ghə nə̀, “Saa khə ni teeli zow ngoʼ tə̀ saa ni nyi n fɔɔ u Kəzə̀.”

Roma 2:5

Nghee ghaa kee taŋŋanə n fə̀ŋ ni kwey nuu bə n ghəə a ghaa a bəbə ghə, ghaa sey zuŋŋə kɔʼɔ ndow ngoʼ zən Zə̀ kə i fuunə tə ghaa, n təŋkey tsuʼ fə beghənu Zə̀ kə i chiə diinə nəghə u wi u fəə wə, tə saʼ aghə̂ adzəm tsətsəghə tə̀ i kpiilənə.

Roma 8:17

Nghee saa loʼnə waa a Kəzə̀ ghə, saa i zə̂ə soʼonu fə wey Zə̀ kə â təb naŋanə tə ghə̂ a wi ghə. Saa ghi Klisto i dzəŋi zə̂ə soʼonu fə key Zə̀ kə â naŋanə tə wi. I loʼ sey n təŋkey, abə saa ndzəmə fəʼlə dzəŋinə ghi Klisto, saa i keeli soʼonu kɔʼlə mey tə khənə.

Efesus 4:1

Mə wən n loʼnə wù ndaw tsaʼ boʼnə n fwaʼa tə̀ Mûkəbii, n buʼu bə kəwɔɔ tə̀ ghaa nə̀ ghaa i muu muu zey i kpiilənə tə̀ ghə̂ ghey Zə̀ kə sàynə ghə.

Filipi 1:28

Kə̂ ghaa nə̂ tsəŋənə ghə̂ a təngəmə a ghaa ghə, keeli tsu na fə̀ŋ. Abə ghaa ghəŋə nə̀ sey, ghə i loʼ ni koʼ n wû i ghə zə nə̀ ghə î ləŋi nu, a i keeli ghaa bəghəshi zə, kùmnə a loʼ Kəzə̀ tə təmə fuunə tsam ə tii tə̀ ghaa.

Kolose 1:12

Ghey gɔŋŋə nə̀ ghaa i khə duʼlə zə n fə̀ŋ tə ghaa naʼ idzəm, fuu kəzɔŋŋə tə Zə̀ kə nəŋə tədzəm, n təŋkey tə n ghəŋə nə̀ ghaa doʼo n taŋ a ghə̂ ghən ghə i zə̂ənə fə wən tə təb naŋanə tə̀ ghə̂ ghən ghə loʼnə n fɔ̀ɔ u kədaa.

1 Tesalonika 2:14

Waazə ghə, ghaa â bɔɔmə bwey kə n ghow kə ibwey kə ghə̂ ghey ghə loʼnə n ndaw tə Kəzə̀ tey n naʼ i Judeya, ghə loʼ nə̀ ghə n bəghəm tə̀ Yeso Klisto. Ghaa â bɔɔmə fəghə kɔʼ bə n wɔɔ kə ghə̂ ghə inaʼ a ghaa, ighələ tə̀ ghə â fəghənə n wɔɔ kə ghə̂ a Təjuu ghən ghə â ka bəghəm tə̀ Klisto.

2 Tesalonika 1:11

À wən loʼ ghə i tii zə ghey gɔŋŋənə tə̀ ghaa nəŋə tədzəm. Ghey gɔŋŋə nə̀ muu i ghaa zə i loʼ n jìi zey Zə̀ kə tɔŋɔnə ghaa nə̀ ghaa muu tii. Ghey gɔŋŋə soʼo nə̀ tə fuu ghaa n daʼa kə sey nə̀, ghaa loʼ ni ghəŋə ghəə a dzuŋu ghey tə ləghənə nə̀ ghaa ghəŋə, ni ndow soʼo n sə kə ni fwaʼa fwaʼ key kə kpiilənə nghee i loʼ nə̀ ghaa khə bəghəm i fə̀ŋ n kow Klisto.

2 Timoti 2:12

Abə saa tɔʼ kow tsunə fə̀ŋ tə, Saa i dzəŋi saʼa soʼo mbi ghi wi. Abə saa tuu maʼanə wi, Tə i tuu maʼa soʼo saa.

Chi dii 15:4

A loʼ ndee tə i tsəŋə way wɔ a Mûkəbii? À loʼ ndee tə i tuunə ni ney bə nkɔʼlə n zəd zə ə? À may kə wɔ wə zownə Naʼa tədzəm i bəghənu Ghə fuu wɔ n kɔʼlə mə, N təŋkey aghə̂ adzəm n koʼ nə̀ wə ghəŋŋə ghəə a loʼnə tsətsəghə.”

Chi dii 16:7

Mə n zow nghee tsə zey ghə fəələnə maʼlə wə tii beeli kɔʼnə nə̀, “Mûkəbii Zə̀ kə, wə khə udaʼa udzəm, Wə saʼa ghəə ghə n jìi zey i kpiilənə, dza soʼo isəŋə nəŋə tədzəm.”

Chi dii 19:2

Jìi zey tə saʼanə tii kpiinu loʼ soʼo tsətsəghə! Tə n tsəʼlə saʼ nə̀ kpala kə nii kən Kə â sii ndzəŋnə ghə̂ ghə a ghəlitsə ghi ghəə wi a laŋŋə ghə, nə̀ tə i fəʼlənu. Tə n dey fuu ngəmə tə ghə̂ a kəfwaʼ a wi ghən tə â weynə n kow wi.”

Chi dii 3:4

Wə nam khənu sə̂ fə aghə̂ fə loʼ fə n Sadis, ghə loʼ nə̀ ghə ka kam dzəələ ndzə̂ tə ghə tə. Ghə i bwey dzəŋi ghi mə nə̀ ghə n dzəŋə keeli ndzə tə fəmə tə n təŋkey, ghə n kɔʼ kpi ni bwey ghi mə.