2 Pita 3:9 - Kaa n Kəzə̀ n fəghə mə

⁹ Mûkəbii lasə dzə way ni luulə ghəə zey tə â təb naŋanə tə̀ ghə̂ a loʼ a moʼlənə. I fəd loʼ nə̀ tə kow fə̀ŋ ghi ghaa n təŋkey tə ləghə way nə̀ Zə̀ kə ləŋi maʼa wù ghaa umɔʼ. Tə kee ləghə nə̀ aghə̂ adzəm a kweyyə nuu bə n ghəə a ghə a bəbə ghə.

2 Pita 3:9 ပူးပေါင်းရင်းမြစ်များ

Roma 13:11

Ghaa khə ni dii ndow ləghə zə n təŋkey, ghaa khənu nə̀ nəŋə zə n shɔd tə ghaa ni zhəm nuu bə nə təmbweeli. N dza sey n təŋkey, nəŋə zey Zə̀ kə i bəghəshiənə saa tii, zə n kuʼlə nya tsəghəshi n nəŋə zey saa bùʼ bəghəmnə tii tə̀ Yeso Klisto.

Roma 13:12

À nya loʼ kə tə a loʼ ləm ləm kə utsuʼ, fəkəmə kə sa, tsuʼ wə i zow may nyi bə. Sey, saa buu naŋa ndow ni ghəŋŋə ghəə a bəbə ghey ghə̂ a ghəŋŋənə nə kələm, saa i ghəŋŋə ndow kə ghəə ghey ghə̂ a ghəŋŋənə n tsə tə. Saa bayyə kɔʼ iwû tə a loʼ wù wey tə loʼ nə̀ tə n dzəŋə keeli fə u tsam wə.

Roma 2:4

Nghee Zə̀ kə ngii khənə fə̀ŋ i dzuŋu zə n kow ghaa, kwɔɔlə i sî n kow ghaa, kòw fəŋ ghi ghaa, ghaa moʼlə nə̀ à maŋ loʼ nə kənunu ə? Ghaa khə way nə̀ fə̀ŋ i dzuŋu zən Zə̀ kə diinə tə ghaa, a loʼ ni fuu ghaa n buʼ kə nə̀ ghaa kwey nuu bə n ghəə a ghaa a bəbə ghə ə?

Roma 9:22

N jii i mɔʼɔ zə, nghee Zə̀ kə tsəm khə kə nə daʼa kə ni dii nəghə u wi u fəə wə tə dii soʼo daʼa kə wi, tə u tsəm kɔʼnə ni kow fə̀ŋ ghi ghə̂ ghey ghə ghəŋŋənə nə̀ tə i fəələ n nəghə wə, nə̀ a loʼ aghə̂ nə̀ i mə kpi ni buʼ ləŋi maʼa ghə.

1 Timoti 1:16

Zə̀ kə n kee kwɔɔlə isî n kow mə sey nə̀ Yeso Klisto loʼ ni ney mə tə a loʼ tsəə, tə dii tə ghə̂ ghən ghə nam khə ni bəghəm fuu tə wi, nə̀ ghə loʼ soʼonu ni keeli muu zə itsali abə tə lɔʼlə loʼ ni kow fə̀ŋ ghi mə wən n bəb tsəghəshinə ghə̂ a bəbə ghə adzəm.

1 Timoti 2:4

Tə ləghə nə̀ aghə̂ adzəm a keeli ibəghəshi, ghə keeli soʼo isəŋə.

Hibru 10:37

Ghaa khə ni ghəŋə sey n təŋkey, i tɔ̀ɔ doʼo n màʼlə K-a-zə̀ nə̀, “Fəkəmə kə sa, Wù wey tə khə ni bə, i bəghənu Tə i loʼlə way.

1 Pita 3:20

À wən â loʼ zay u ghə̂ ghey ghə â zow way tə Zə̀ kə n nəŋə zey tə â kownə fə̀ŋ ni ləmə n tsuʼu mey Noa â bəghənə fə̀n kə wi kə. Zə̀ kə â bəghəshi kə sə fə aghə̂ tii n fən kə tii kə. Â loʼ kə aghə̂ ifam Zə̀ kə â bəghəshinə n mmuu n tii mə.

2 Pita 1:4

À loʼ n jìi i zən tə â fuunə saa n naamə u səŋi wey tə â təb naŋanə tə̀ saa. À loʼ naamə u səŋi wən u ghəŋŋənə nə̀ ghaa tyi nuu shi bə n ghəə a bəbə ghey gow uwû ləghənə fa n mbi, sey nə̀, ghaa loʼ ni mbɔŋ keeli soʼo muu zey Zə̀ kə khənə.

2 Pita 3:15

Ghaa keeli tsu nə̀ nghee tə Mûkəbii saa kownə fə̀ŋ sa ghi saa loʼ ni fuu ghaa n buʼ kə nə̀ ghaa keeli ibəghəshi. À bɔɔmə loʼ ighələ tə̀ waazə saa u dzuŋu wə tɔŋŋə Pɔl â tɔ̀ɔ bənə tə̀ ghaa n tɔb wey Zə̀ kə â fuunə tə̀ wi.

Chi dii 2:21

Mə n fuu wi n nəŋə zə nə̀ tə kweyyə nuu bə fə̀ŋ ə wi n ghəə a bəbə ghən tə ghəŋŋənə, à kee loʼ nə̀ tə ndɔm ləghə way ni zəghə maʼa ghəə a laŋŋə ghən tə ghəŋŋənə.