2 Pita 3:7 - Kaa n Kəzə̀ n fəghə mə

⁷ Zə a kee loʼ nə̀ n ghɔɔmə i wi i mɔʼɔ zən, Zə̀ kə n baʼ naŋa shi bə dəŋ key kə loʼnə nya nsə ghəlitsə kə nə̀ ghə i ləmmə tsu nəŋə zey tə i saʼanə ghə̂ ghey ghə ngɔɔmə way wi. Tə i ləŋi maʼa ghə nə uvələ.

2 Pita 3:7 ပူးပေါင်းရင်းမြစ်များ

Matyo 10:15

N kuum dza bə tə̀ ghaa nə̀, ghəə ghən n dzanə fa tə̀ ghaa, abə tsuʼ u təsaʼ wə î kpii tsunə, naʼ zey ghaa nyoʼonə dzəm tii, Zə̀ kə î kwɔɔlənu n sî zə n kow naʼ i Sodom zə, nsə i Gomora zə, tsəghəshi naʼ i tii zə.”

Matyo 11:22

N fa dza n kee dza bə tə̀ ghaa nə̀, abə tsuʼ fə saʼa fə təsaʼ fə i bənə, Zə̀ kə î kwɔɔlə way sî zə n kow ghaa tə̀ tə i kwɔɔlənə n kow naʼ i Tayra zə nsə naʼ i Sidɔn zə.

Matyo 11:24

N dza n kee dza bə tə̀ ghaa nə̀, n tsuʼ fə təsaʼ, Zə̀ kə i kwɔɔlənu sî n kow naʼ i Sodom zə tsəghəshi nghee tə i kwɔɔlənə sî zə n kow ghaa.”

Matyo 12:36

N dza bə tə̀ ghaa nə̀, n tsuʼ fey Zə̀ kə i saʼanə mbi tii, kay wù î fuu taŋ n ghɔɔmə tə bəbə tey tədzəm tə shi koʼ bə dzənə n dzuu i wi,

Matyo 24:35

Bikighow nsə ghəlitsə kə î tsəghə nuulənu, ghɔɔmə zuŋ i nə tsəghə koʼ way.”

Matyo 25:41

“Tə i dza ndòw tə̀ ghə̂ ghey n kpii kə wi kə kwɔ kə nə̀, ‘Nuu na n səə mə, ghaa ghən Zə̀ kə ləŋ naŋanə, ndòw na n vəllə wey u nəmmə tsə way ghə bayyə naŋanə tə̀ Satan nsə tsətəndəghə tə wi.

Malakus 6:11

Abə ghaa bənə n naʼ zey ghə ka bəghəm naŋa ghaa fu, tuu soʼo ni zow tə ghaa, ghaa buʼ maʼa tsu bvə kə naʼ i ghə n fuu i ghaa, tə a loʼ tsəə n ghə i bəbə zey ghə ghəŋənə, ghaa shi nuu n naʼ i tii zə.”

Tùm i dzuŋu zə kuum Yeso Klisto tə Jɔn â tɔɔnə 12:48

Wù loʼnu tə i saʼanə ghə̂ ghey ghə tuu maʼanə mə, tuu soʼo ni ney naŋa ghɔɔmə zuŋ, n təŋkey, a i loʼ ghɔɔmə zən i shi bənə n dzuu zuŋ, zə i saʼanə ghə n tsuʼ fey mbi i maynə tii.

Roma 2:5

Nghee ghaa kee taŋŋanə n fə̀ŋ ni kwey nuu bə n ghəə a ghaa a bəbə ghə, ghaa sey zuŋŋə kɔʼɔ ndow ngoʼ zən Zə̀ kə i fuunə tə ghaa, n təŋkey tsuʼ fə beghənu Zə̀ kə i chiə diinə nəghə u wi u fəə wə, tə saʼ aghə̂ adzəm tsətsəghə tə̀ i kpiilənə.

1 Kɔrint 3:13

N tsuʼ fey Zə̀ kə i saʼanə mbi tii, vəllə wə i dii bənu ndzoʼo fə key kay wù bəghə u təndaw u neynə ni bəghə ndaw tii. Vəllə u tii u nə mɔm koʼ tsu ni dii bə nə̀ wù tii â bəghə ndaw tii n fə wey u tawnə mɔ u wey u taw way.

Filipi 1:28

Kə̂ ghaa nə̂ tsəŋənə ghə̂ a təngəmə a ghaa ghə, keeli tsu na fə̀ŋ. Abə ghaa ghəŋə nə̀ sey, ghə i loʼ ni koʼ n wû i ghə zə nə̀ ghə î ləŋi nu, a i keeli ghaa bəghəshi zə, kùmnə a loʼ Kəzə̀ tə təmə fuunə tsam ə tii tə̀ ghaa.

2 Tesalonika 2:3

Kə̂ wù loʼ nə̂ nəbənə ghaa, n təŋkey tsuʼ fə tii fə i bə way nə̀ ghə̂ a ka kam tuu maʼa laŋ u Kəzə̀ wə. Tsu fə tii fə i bə soʼo way nə̀ wu wey tə sìi ndzəŋŋənə ghə̂ ghə ka kam dii dzə wû wə. Tə loʼ wù wən tə loʼnə n jii ni ndow n luʼu kə uvələ kən kə may way.

1 Timoti 6:9

Wù wən tə kee ləghənə ni kùm, à loʼ kə nyaŋi fə ighəə ni chimmə wù tii nə̀ tə ghəŋə ibəb, tə bwu soʼo nə fətsaʼ. Tsaʼ fən loʼ moʼlə tə laʼlə tən nsə moʼlə bəbə tən ghə khənə tə i ghəŋŋə nə̀ ghə nyi nə uchɔd tə ləŋi maʼa soʼo ghə.

Hibru 12:29

n təŋkey, Zə̀ kə saa kə loʼ tə̀ a loʼ vəllə wən u kpəʼlə maʼa bənə luʼu tə.

2 Pita 2:9

Abə i loʼnə sey, i sey dii nə̀ Mûkəbii khənu jìi zey tə i bəghəshiənə ghə̂ ghey ghə ghəŋŋənə ghəə ghey a kpiinə tə̀ Zə̀ kə abə ghə keelinə mɔʼ koʼ kə, tə u khə soʼo jìi zey tə loʼ ni chɔdlɔ ghə̂ ghey ghə ghəŋŋə ghəə ghey a kpiilə way tə̀ Zə̀ kə ni ndow kuum n nəŋə zey tə i saʼanə ghə̂ ghə a tii.

2 Pita 3:10

A kee loʼ soʼo nə̀ tsuʼ fey Mûkəbii i bəghənə tii, wù loʼ i keeli naŋa way. Tə i bəghə nə̀ ghaa ka keeli naŋa tə̀ wù tsɔŋɔ nə bəghə nə̀ ghaa ka keeli. N tsuʼ fə tii fə, dəm kə nə kwɔɔ nghee dəŋ kə saŋa nuulə nyiə ndownə. Zə̀ kə nə ləŋi maʼa fə wən udzəm u loʼnə idəŋ nə uvələ. Ghəlikətsə nsə fə wən udzəm u loʼnə tii i saŋ nuu tsu.

2 Pita 3:12

nghee ghaa ləmmə tənə tsuʼ fey Zə̀ kə naŋanə nə̀ Yeso i bə dzəŋŋə, kə ghəŋə nə̀ tsuʼ fə tii fə mbad bə. N tsuʼ fə tii fə, vəllə u nə ləŋi maʼa kɔʼ kədəŋ, zuʼ kə uvəllə kə nə ghəŋə nə̀ fə wey udzəm u loʼnə idəŋ, nyə̀ŋ nuu tsu.

1 Jɔn 4:17

A wey loʼ ghə i tii zə saa khə ni ngii khə ləghə zə n fəŋŋə kə saa, sey nə̀ saa i khə way tsəŋ i loʼ zə n tsuʼ fey Zə̀ kə i saʼanə mbi tii. Saa i tsəŋ way ghə i loʼ zə n təŋkey muu i saa i loʼ tə a loʼ muu i Yeso fa n mbi.

Màʼlə kə Jud tə̀ ghə̂ a Kəzə̀ ghə 1:7

N jii i mɔʼɔ zə, kə ghaa nə neyzəənə nghee naʼ i Sodom, naʼ i Gomora nsə naʼa tən tə â dzəŋ ngəə bənə ghə, â fuu may ndownə wû i ghə zə ni ghəŋŋə ghəə a laŋŋə ghə nsə dzəə dzəə tə aghəə tə. Ghə loʼ tə a loʼ tsəə tə ghə̂ ghey ghə i fəʼlənə n vəllə wən u nəmmə koʼo tsə way.

Chi dii 17:11

Abə faalə kə nyam mbvən kən kə â buʼ loʼnə utaw, zə a kəm way nyisa, a loʼ kədəŋ nə ulii ifam. Tə loʼ dzəŋi ghi də̀ŋ u loʼ wey usəghəmbəghə, kə ndow n luʼu key ghə khə ləŋi maʼa wi tii.

Chi dii 17:8

Nyam mbvən zən â buʼ loʼ tsə utaw, nyisa, i kee kəm way dzə utaw. Fəkəmə, zə i shi kɔʼ bə n fɔŋŋə k-a-bùʼ key kə kùʼu way, i ndow n luʼu key ghə i ləŋi maʼanə wi tii. Dzuu zə i zum ghə̂ ghən ghə muu n ghəlikətsə, ghə â ka kam tɔ̀ɔ naŋa zəd a ghə n màʼlə key ghə̂ ghey ghə i keelinə muu zə itsali zə loʼnə tii tə̀ mbi ni kaʼ. Dzuu zə i zum ghə ni koʼ faalə kə nyam mbvən key n təŋkey zə â buʼ loʼ tsə utaw, nyisa i kəm way dzə utaw, zə i nam bəghənu.

Chi dii 20:11

Mə n daŋŋə koʼ ndow kuu kə fɔɔ kə nii nii kə fəmə kə nsə wù wey tə doʼnə tii. Ghəlikətsə nsə dəŋ kə n tyi nuu tsu n luʼu key tə loʼnə tii, bùʼ kə n kəm way fu tə ghə.

Chi dii 21:1

Mə n daŋŋə koʼ ndow dəŋ kə fəghə kə nsə ghəlitsə kə fəghə kə. Dəŋ kə sə isə key nsə ghəlikətsə kə sə isə̂ n tsəghə nuu tsu, nali kə dzuu kə n tsəghə nuu tsu soʼo.