2 Pita 3:15 - Kaa n Kəzə̀ n fəghə mə

¹⁵ Ghaa keeli tsu nə̀ nghee tə Mûkəbii saa kownə fə̀ŋ sa ghi saa loʼ ni fuu ghaa n buʼ kə nə̀ ghaa keeli ibəghəshi. À bɔɔmə loʼ ighələ tə̀ waazə saa u dzuŋu wə tɔŋŋə Pɔl â tɔ̀ɔ bənə tə̀ ghaa n tɔb wey Zə̀ kə â fuunə tə̀ wi.

2 Pita 3:15 ပူးပေါင်းရင်းမြစ်များ

Lukas 21:15

Boʼnə n nə fuu ghaa n ghɔɔmə i tii zə nsə tɔb wə n jìi zey ghə̂ a təngəmə a ghaa a nə way ni buʼ khə̂mə ghaa.

Kəfwaʼ 15:25

À wey loʼ ghə i tii zə ghey saalə kɔʼ ni sày kɔʼ ghə̂ a loʼ ghey, tûm bə tə ghaa. Ghə dzəŋi bəghə ghi Banabas nsə Pɔl, ghə loʼnə fə a saa a dzuŋu ghə.

Kəfwaʼ 7:10

bəghəshi tsu wi n chɔd mən n dzəm tə â keelinə. Zə̀ kə n fuu ndow Yosef n tɔb u nii wə, nsə mwam u dzuŋu wə, ghəŋŋə soʼo nə̀ Ferɔ də̀ŋ kə Ijip ləghə wi. Sey, Ferɔ n ney tsuʼ naŋa kɔʼ wi nə̀ tə i saʼa naʼ zə Ijip zə nsə tɔʼ ɔ wi idzəm.

Kəfwaʼ 9:17

Sey, Ananyas n nuu ndow, nyi ndow n ndaw zey Sɔl loʼnə tii, gaʼ ndow awɔɔ n kow wi dza nə̀, “Sɔl, n waazə, Mûkəbii tɔŋŋə Yeso wən tə â dii wû wə tə wɔ n jii nə wə bəghə fa, tə tûm bə mə n səə wɔ nə wə loʼ ni kəm koʼ təluʼu, Zay kə Zow kə i loʼ soʼo n kow wɔ naʼ idzəm.”

Roma 2:4

Nghee Zə̀ kə ngii khənə fə̀ŋ i dzuŋu zə n kow ghaa, kwɔɔlə i sî n kow ghaa, kòw fəŋ ghi ghaa, ghaa moʼlə nə̀ à maŋ loʼ nə kənunu ə? Ghaa khə way nə̀ fə̀ŋ i dzuŋu zən Zə̀ kə diinə tə ghaa, a loʼ ni fuu ghaa n buʼ kə nə̀ ghaa kwey nuu bə n ghəə a ghaa a bəbə ghə ə?

1 Kɔrint 12:8

Zay kə Zow kə ghəŋŋə wù wən tə n ghɔɔmə ghəə ghey a khənə tɔb wə, Zay kə Zow kə mɔʼɔ kə n ghəŋə wù loʼ wey n kee khə utɔb ni khəə aghəə n jìi zey ghə̂ ghə i zowkeelinə.

1 Kɔrint 2:13

Ghəə ghən ghey ghɔɔmə bənə tə̀ ghaa, ghey ghɔɔmə bə dzə way n tɔb u wù sɔŋtsuʼ, à fəd loʼ n tɔb wən Zay kə Zow kə fuunə tə̀ ghey. À loʼ Zay kə Zow kə, kə ghəŋŋənə nə̀ ghey i tiilə dza bə isəŋə zey i loʼnə bòʼ Kəzə̀ tə̀ ghə̂ ghey ghə khənə Zay kə Zow kə.

1 Kɔrint 3:10

Mə â ney kɔʼ naamə key Zə̀ kə â fuunə tə̀ mə, səd tsu tsə̂ kə ndaw tii tə̀ a loʼ wù wey tə bəghə khəələnə ndaw tə. Wù nuu nya kee bəghə n tsə̂ kə tii kə. À kee loʼ nə̀ kay wù khə ni ney ighə̂mə n jìi zey tə bəghənə tii.

Efesus 3:3

Zə̀ kə a chi dii ghəə a wi ghey tə â nyì naŋanə tə̀ mə, tə̀ n nyaʼi tɔ̀ɔ tsəələ tsunə fa.

1 Timoti 1:16

Zə̀ kə n kee kwɔɔlə isî n kow mə sey nə̀ Yeso Klisto loʼ ni ney mə tə a loʼ tsəə, tə dii tə ghə̂ ghən ghə nam khə ni bəghəm fuu tə wi, nə̀ ghə loʼ soʼonu ni keeli muu zə itsali abə tə lɔʼlə loʼ ni kow fə̀ŋ ghi mə wən n bəb tsəghəshinə ghə̂ a bəbə ghə adzəm.

Jems 1:5

Abə wù ghaa u loʼ u khə way tɔb wə n ghəə zey Zə̀ kə ləghənə nə̀ tə ghəŋə, tə khə ni nɔɔ ndow tə Zə̀ kə, tə i fuu wi n fə key tə bəbənə, n təŋkey, Zə̀ kə buu n wɔɔ kə, tə fuu tə̀ ghə̂ ghə adzəm nə̀ tə kpaa way wù.

Jems 3:17

A kee loʼ nə̀, ghə̂ ghey ghə khənə ndzoʼo tɔb wən Zə̀ kə idəŋ kə fuu bənə, khə fə̀ŋ tə zow tə. Ghə ləghə nə̀ ghə̂ ghə i loʼ nə ibuulə, zə̀ələ ghəŋŋə aghəə, ləghə aghə̂. Ghə khə sî i kwɔɔlə zə, ghəŋŋə soʼo ghəə a dzuŋu ghə. Ghə badla way ghəə ghə, loʼ soʼo tsətsəghə.

1 Pita 3:20

À wən â loʼ zay u ghə̂ ghey ghə â zow way tə Zə̀ kə n nəŋə zey tə â kownə fə̀ŋ ni ləmə n tsuʼu mey Noa â bəghənə fə̀n kə wi kə. Zə̀ kə â bəghəshi kə sə fə aghə̂ tii n fən kə tii kə. Â loʼ kə aghə̂ ifam Zə̀ kə â bəghəshinə n mmuu n tii mə.

2 Pita 3:2

N ləghə nə̀ ghaa i moʼlə tsu ghɔɔmə zey tûm tə Kəzə̀ tə zow tə â dza naŋanə tə̀ ghaa n num tə ibam tə, ghaa i moʼlə tsu soʼo laŋ wey ngəd tə Yeso tə â fuunə tə̀ ghaa nə̀ u nuu bə n wɔ Mûkəbii saa nsə bəghəshi ə saa.

2 Pita 3:9

Mûkəbii lasə dzə way ni luulə ghəə zey tə â təb naŋanə tə̀ ghə̂ a loʼ a moʼlənə. I fəd loʼ nə̀ tə kow fə̀ŋ ghi ghaa n təŋkey tə ləghə way nə̀ Zə̀ kə ləŋi maʼa wù ghaa umɔʼ. Tə kee ləghə nə̀ aghə̂ adzəm a kweyyə nuu bə n ghəə a ghə a bəbə ghə.