2 Pita 3:10 - Kaa n Kəzə̀ n fəghə mə

¹⁰ A kee loʼ soʼo nə̀ tsuʼ fey Mûkəbii i bəghənə tii, wù loʼ i keeli naŋa way. Tə i bəghə nə̀ ghaa ka keeli naŋa tə̀ wù tsɔŋɔ nə bəghə nə̀ ghaa ka keeli. N tsuʼ fə tii fə, dəm kə nə kwɔɔ nghee dəŋ kə saŋa nuulə nyiə ndownə. Zə̀ kə nə ləŋi maʼa fə wən udzəm u loʼnə idəŋ nə uvələ. Ghəlikətsə nsə fə wən udzəm u loʼnə tii i saŋ nuu tsu.

2 Pita 3:10 ပူးပေါင်းရင်းမြစ်များ

Matyo 24:35

Bikighow nsə ghəlitsə kə î tsəghə nuulənu, ghɔɔmə zuŋ i nə tsəghə koʼ way.”

Malakus 13:31

Mbi nə bə maynu, ghɔɔmə zuŋ i nə kee may koʼ way.

Lukas 12:39

Keeli tsu na nə̀, abə mûkəbii mə khənə nəŋə zey wù tsɔŋɔ bəghənə tii, tə̂ tə ka bəghəm nə̀ ghə tsɔŋ ndaw wi.

Roma 8:20

I loʼ sey n təŋkey, Zə̀ kə n ghəŋə nə̀ fə wən fa n mbi udzəm, u doʼo bə fə u kənunu. À ka tsəm dzə fə u tii wə ni doʼo sey, à fəd tsəm Kəzə̀. Moʼlə i Kəzə̀ zə â loʼ ni

1 Kɔrint 1:8

Tə i keyyə ghaa nə̀ ghaa i taw n bəghəm i fə̀ŋ i ghaa ni ndòw kùm ndow, sey nə̀, ghaa i khə way bwu i loʼ zə n muu i ghaa n tsuʼ fey Mûkəbii saa Yeso Klisto i bəghə dzəŋŋənə tii.

1 Kɔrint 5:5

N nəŋə i tii zə, ghaa teeli khə ni fuu tsəghə ndòw wù wən tə̀ Satan, sey nə̀, abə Satan ləŋi maʼa kənə gow uwû wi, fə̀ŋ ə wi i loʼ ni keeli ibəghəshi n tsuʼ fey Mûkəbii i bəghənə tii.

2 Kɔrint 1:14

n təŋkey, ghaa ka ghey kam tɔʼ zowkeeli. N sey gɔŋŋə nə̀ abə n tsuʼ fey Mûkəbii saa Yeso î bəghənə, ghaa i loʼ ni kɔʼlə wû zə bòʼ ghey ighələ tə̀ ghey kɔʼlənə wû zə bòʼ ghaa.

1 Tesalonika 5:2

N sey dza n təŋkey, wû i ghaa, ghaa khənu nə̀ Mûkəbii nə̂ vuŋŋə bəghə tə̀ wû tsɔŋɔ nə̂ bəghənə tii n tsuʼu tə.

1 Tesalonika 5:4

Waazə ghə ghaa way dzə n ka ghaa naŋa dzə nə̀ kələm n ghəə i zən, sey kə̂ tsuʼ fə tii fə nə̂ kwɔɔlənə ghaa nə̀ ghaa ka wû u bayyə tə̀ wù tsɔŋɔ nə̂ tsɔŋɔnə wù nə̀ tə ka keeli.

2 Pita 3:11

Nghee i loʼ nə̀ Zə̀ kə i ləŋi maʼa fə wən udzəm n jìi i zən, i sey dii nə̀ ghaa khə ni muu ndzoʼo muu i ghaa zə ə? Ghaa khə ni muu muu i zow zə, ngɔɔmə soʼo Kəzə̀ nəŋə tədzəm,

2 Pita 3:12

nghee ghaa ləmmə tənə tsuʼ fey Zə̀ kə naŋanə nə̀ Yeso i bə dzəŋŋə, kə ghəŋə nə̀ tsuʼ fə tii fə mbad bə. N tsuʼ fə tii fə, vəllə u nə ləŋi maʼa kɔʼ kədəŋ, zuʼ kə uvəllə kə nə ghəŋə nə̀ fə wey udzəm u loʼnə idəŋ, nyə̀ŋ nuu tsu.

2 Pita 3:7

Zə a kee loʼ nə̀ n ghɔɔmə i wi i mɔʼɔ zən, Zə̀ kə n baʼ naŋa shi bə dəŋ key kə loʼnə nya nsə ghəlitsə kə nə̀ ghə i ləmmə tsu nəŋə zey tə i saʼanə ghə̂ ghey ghə ngɔɔmə way wi. Tə i ləŋi maʼa ghə nə uvələ.

Màʼlə kə Jud tə̀ ghə̂ a Kəzə̀ ghə 1:6

N dza i zəŋŋə bə soʼo ghaa nə̀, tsətəndəghə tə Kəzə̀ tey tə â ka doʼo n bùʼ wey Zə̀ kə â naŋanə ghə nə̀ ghə i fwaʼa tii, tyi naŋa taʼa tsu soʼo baa baa luʼu tə ghə tə muulə tə. Zə̀ kə n kùm naŋa tsu ghə nə tətsaʼ, fìi naŋa ndow ghə n luʼu k-a-ləm nə̀ ghə doʼo tən fu tə tsuʼ fey Zə̀ kə i saʼanə mbi tii, fə i bə.

Chi dii 16:15

Mûkəbii n dza nə̀, “Koʼo, n bəghə tə a loʼ wù tsɔŋɔ! Zə̀ kə i buulə wù wən tə i bweeli way, tə i loʼ tən soʼonə n ndzə̂ tə wi tə nə uwû, sey nə̀ kə tə i bwey kaabə n wû u zum wə, kə tow kə i dəd soʼo wi nə̀ tə loʼ ghi wuŋ wə bii.”

Chi dii 20:11

Mə n daŋŋə koʼ ndow kuu kə fɔɔ kə nii nii kə fəmə kə nsə wù wey tə doʼnə tii. Ghəlikətsə nsə dəŋ kə n tyi nuu tsu n luʼu key tə loʼnə tii, bùʼ kə n kəm way fu tə ghə.

Chi dii 21:1

Mə n daŋŋə koʼ ndow dəŋ kə fəghə kə nsə ghəlitsə kə fəghə kə. Dəŋ kə sə isə key nsə ghəlikətsə kə sə isə̂ n tsəghə nuu tsu, nali kə dzuu kə n tsəghə nuu tsu soʼo.

Chi dii 3:3

Moʼlə tsu ghəə zey ghə â diinə ghaa tii nsə ghəə ghey ghaa â zownə. Ghaa i dzûmə ndow ghəə a tii ghə, ghaa kweyyə nuu bə soʼo fə̀ŋ tə ghaa n ghəə a bəbə ghey ghaa ghəŋŋənə. Abə ghaa ka zhəm nuu kɔʼ, mə i bə n kow ghaa tə a loʼ wù tsɔŋɔ, ghaa i keeli soʼo way nəŋə zey mə i bəghənə tii.

Chi dii 6:14

Bikighow kə n saŋa nuulə ndow tə a loʼ kəmàʼlə ghə gɔy nuulə kɔʼɔ ndownə. Ghə n ney nuu kɔʼ təkaʼa tədzəm nsə naʼa tən dzuu dzəŋŋə ngəə kɔʼnə tədzəm n bənə u ghə.