2 Pita 2:9 - Kaa n Kəzə̀ n fəghə mə

⁹ Abə i loʼnə sey, i sey dii nə̀ Mûkəbii khənu jìi zey tə i bəghəshiənə ghə̂ ghey ghə ghəŋŋənə ghəə ghey a kpiinə tə̀ Zə̀ kə abə ghə keelinə mɔʼ koʼ kə, tə u khə soʼo jìi zey tə loʼ ni chɔdlɔ ghə̂ ghey ghə ghəŋŋə ghəə ghey a kpiilə way tə̀ Zə̀ kə ni ndow kuum n nəŋə zey tə i saʼanə ghə̂ ghə a tii.

2 Pita 2:9 ပူးပေါင်းရင်းမြစ်များ

Matyo 10:15

N kuum dza bə tə̀ ghaa nə̀, ghəə ghən n dzanə fa tə̀ ghaa, abə tsuʼ u təsaʼ wə î kpii tsunə, naʼ zey ghaa nyoʼonə dzəm tii, Zə̀ kə î kwɔɔlənu n sî zə n kow naʼ i Sodom zə, nsə i Gomora zə, tsəghəshi naʼ i tii zə.”

Matyo 6:13

Kə wə nə bəghəm nə̀ vəətsəə a mɔm koʼ ghey, Kee bəghəshi kə ghey n wɔɔ kə avəətsəə.’

Roma 2:5

Nghee ghaa kee taŋŋanə n fə̀ŋ ni kwey nuu bə n ghəə a ghaa a bəbə ghə, ghaa sey zuŋŋə kɔʼɔ ndow ngoʼ zən Zə̀ kə i fuunə tə ghaa, n təŋkey tsuʼ fə beghənu Zə̀ kə i chiə diinə nəghə u wi u fəə wə, tə saʼ aghə̂ adzəm tsətsəghə tə̀ i kpiilənə.

1 Kɔrint 10:13

Keeli tsu na nə̀ ghə i loʼ i way zə i bə mɔm koʼonə ghaa nə̀ i ka kam mɔm koʼ tsə ghə̂ a nuu ghə. A kee loʼ nə̀ Zə̀ kə naŋŋənu ghɔɔmə i wi zə. Sey tə î way dzə ni bəghəm nə̀ ghə i loʼ i mɔm koʼ ghaa nə̀ ghaa i taw tsəghə way ghə i tii zə. Abə ghə i loʼ i kee mɔm koʼnə ghaa, tə i diinu ghaa n jìi tə̀ ghaa loʼ tyi shi tii, sey nə̀ ghaa loʼ ni kow fə̀ŋ n ghə i tii zə.

2 Timoti 3:12

Isəŋə loʼ nə̀, wù wey tə ləghə ni muu muu i Kəzə̀ zən i loʼnə nə kəfə kəmɔʼ ghi Yeso Klisto, ghə i chɔdlɔnu wi.

Taytus 2:14

À loʼ wi tə â fuu ndownə wû u wi wə ni kpu n tow u saa ni bəghəshi saa n ghəə a saa a bəbə ghə adzəm nsə ni sow maʼa ghəə a saa a bəbə ghə, sey nə̀, saa doʼo bə ghə̂ a wi, khə tən soʼo zày ni ghəŋŋə ghəə ghey a dzɔbənə.

2 Pita 2:4

Zə̀ kə â ka tsəm toʼlə naŋa dzə tsətəndəghə tə wi tən tə â ghəŋənə bəb zə, tə n fəd ney kuum tsu ghə nə tətsaʼ, say maʼa nyi tsu ndow ghə n fɔŋŋə k-a-bùʼ kən kə kùʼu way, nə̀ ghə doʼo fu nə kələm, ləmmə tsu tsuʼ fey tə i saʼanə ghə̂ ghə a tii.

2 Pita 3:7

Zə a kee loʼ nə̀ n ghɔɔmə i wi i mɔʼɔ zən, Zə̀ kə n baʼ naŋa shi bə dəŋ key kə loʼnə nya nsə ghəlitsə kə nə̀ ghə i ləmmə tsu nəŋə zey tə i saʼanə ghə̂ ghey ghə ngɔɔmə way wi. Tə i ləŋi maʼa ghə nə uvələ.

Màʼlə kə Jud tə̀ ghə̂ a Kəzə̀ ghə 1:6

N dza i zəŋŋə bə soʼo ghaa nə̀, tsətəndəghə tə Kəzə̀ tey tə â ka doʼo n bùʼ wey Zə̀ kə â naŋanə ghə nə̀ ghə i fwaʼa tii, tyi naŋa taʼa tsu soʼo baa baa luʼu tə ghə tə muulə tə. Zə̀ kə n kùm naŋa tsu ghə nə tətsaʼ, fìi naŋa ndow ghə n luʼu k-a-ləm nə̀ ghə doʼo tən fu tə tsuʼ fey Zə̀ kə i saʼanə mbi tii, fə i bə.

Chi dii 3:10

Nghee wə naŋŋənə laŋ kuŋ kə ni kow fə̀ŋ, mə i bəghəm way nə̀ kaakaa fə mɔm wɔ n nəŋə zə uchɔd. Chɔt u bəghənu fa n mbi ni mɔm koʼ ghə̂ ghey adzəm ghə muunə fa a ghəlitsə.