2 Pita 2:4 - Kaa n Kəzə̀ n fəghə mə

⁴ Zə̀ kə â ka tsəm toʼlə naŋa dzə tsətəndəghə tə wi tən tə â ghəŋənə bəb zə, tə n fəd ney kuum tsu ghə nə tətsaʼ, say maʼa nyi tsu ndow ghə n fɔŋŋə k-a-bùʼ kən kə kùʼu way, nə̀ ghə doʼo fu nə kələm, ləmmə tsu tsuʼ fey tə i saʼanə ghə̂ ghə a tii.

2 Pita 2:4 ပူးပေါင်းရင်းမြစ်များ

Matyo 25:41

“Tə i dza ndòw tə̀ ghə̂ ghey n kpii kə wi kə kwɔ kə nə̀, ‘Nuu na n səə mə, ghaa ghən Zə̀ kə ləŋ naŋanə, ndòw na n vəllə wey u nəmmə tsə way ghə bayyə naŋanə tə̀ Satan nsə tsətəndəghə tə wi.

Matyo 8:29

Nghee tə̀ ghə koʼ tsunə Yeso, ghə n buʼ shi kɔʼ mmbɔŋ dza nə̀, “Wə ləghə kee n wɔ ghey ə Waa Kəzə̀? Wə n bə ni bə chɔd ghey nə̀ nəŋə i ka kam kpii ə?”

Malakus 5:7

Tə n buʼ shi kɔʼ kəbɔŋ idəŋ dza nə̀, “Yeso, Waa Zaamə mbi, wə dza i ji ngee ghi mə ə? N buʼu kəwɔɔ tə̀ wɔ n zəd i Kəzə̀, kə wə nə chɔdlɔnə mə.”

Lukas 10:18

Tə n dza ndòw tə̀ ghə nə̀, “Mə koʼ Satan tə bwù tsu bənə tə̀ a loʼ ighow i mwallə zə n bikighow.

Lukas 8:31

Ghə n buʼu kuulə kəwɔɔ tə̀ Yeso nə kə̂ tə nə tûm nə ghə n fɔŋŋə kə iwad key kə kuʼu way.

Tùm i dzuŋu zə kuum Yeso Klisto tə Jɔn â tɔɔnə 8:44

Ghaa loʼ kə tə̀ a loʼ bày ghaa, tɔŋŋə Satan, moʼlə tə ghaa tə loʼ kə ni ghəŋŋə ghəə ghey bày ghaa ləghənə. Ni ney nuu bə tə̀ mbi a nə kaʼnə, tə weyyə aghə̂, tə ka kam təmi koʼ tsə nə isəŋə, n təŋkey, tə khə dzə way isəŋə i loʼ zə n kow wi. Abə tə badlanə ghəə ghə, tə sey ghɔɔmə shiə bə kə ghəə ghey a loʼnə n fə̀ŋ ə wi, n təŋkey, tə loʼ wù badla wə aghəə wə, a loʼ də̀ŋ kə ghəə a badla ghə.

Roma 11:21

N dza sey n təŋkey, abə Zə̀ kə â loʼ ni chɔd ghə̂ ghə Izree ghən ghə â baa loʼnə ghə̂ a wi ghə, i sey dii nə̀ tə chɔdlɔ soʼonu ghaa abə ghaa ghəŋə bəəbə tsunə.

Roma 8:32

Abə Zə̀ kə â loʼ ni ney fuu ndow waa wi nə̀ tə kpuu n tow u saa adzəm, ghaa moʼlə nə̀ tə i fuu way saa n fə u loʼ wən udzəm naʼ idzəm ə?

2 Pita 2:11

Loʼ sey nə̀ tsətəndəghə tə Kəzə̀ tey tə tsəmə taw kənu, khə soʼo kədaʼa tsəghəshi ghə̂ a dii a tsɔŋɔ ghən, tə buʼu kwɔɔ way ghə̂ ghən ni kpaalə ghə n ghə i loʼ zə n sə kə Mûkəbii.

2 Pita 2:5

Zə̀ kə â ka tsəm toʼlə naŋa dzə ghə̂ a wey ghə fa n mbi nghee tə â ghəŋənə nə̀ dzuu tə kuŋ shi, tə ləŋi maʼa ghə̂ ghey ghə â ngɔɔmə way Zə̀ kə. Tə â bəghəshi kə Noa wən tə â diinə ghəə ghey a kpiinə tə̀ Zə̀ kə ghi ghə̂ ghey asəghəmbəghə ghə loʼ dzəŋinə ghi wi.

2 Pita 2:9

Abə i loʼnə sey, i sey dii nə̀ Mûkəbii khənu jìi zey tə i bəghəshiənə ghə̂ ghey ghə ghəŋŋənə ghəə ghey a kpiinə tə̀ Zə̀ kə abə ghə keelinə mɔʼ koʼ kə, tə u khə soʼo jìi zey tə loʼ ni chɔdlɔ ghə̂ ghey ghə ghəŋŋə ghəə ghey a kpiilə way tə̀ Zə̀ kə ni ndow kuum n nəŋə zey tə i saʼanə ghə̂ ghə a tii.

1 Jɔn 3:8

Wù wey tə ghəŋŋə nduŋŋə ndow kənə ghəə a bəbə ghə, loʼ waa avəətsəə, n təŋkey, vəətsəə a ghəŋŋə tənnə tsə kə ghəə a bəbə ghə ni ney nuu bə n nəŋə zey Zə̀ kə â bɔmnə mbi. Zuŋ key Waa Kəzə̀ â bənə tii, â loʼ ni bə ləŋi maʼa tən fwaʼ kə avəətsəə.

Màʼlə kə Jud tə̀ ghə̂ a Kəzə̀ ghə 1:13

Ghə loʼ tə a loʼ tuŋutuŋu tə dzuu tə taw tə n nali kə dzuu, nə̀ ghəə a ghə a tow kə dədlə kə dii bə uwû nə tətsəbə. Ghə loʼ tə a loʼ səghəbələ mən n laʼa kaabə tsə idəŋ nə̀ Zə̀ kə n sày naŋa ghə n luʼu key ləm kə loʼnə fu nəŋə tədzəm.

Màʼlə kə Jud tə̀ ghə̂ a Kəzə̀ ghə 1:6

N dza i zəŋŋə bə soʼo ghaa nə̀, tsətəndəghə tə Kəzə̀ tey tə â ka doʼo n bùʼ wey Zə̀ kə â naŋanə ghə nə̀ ghə i fwaʼa tii, tyi naŋa taʼa tsu soʼo baa baa luʼu tə ghə tə muulə tə. Zə̀ kə n kùm naŋa tsu ghə nə tətsaʼ, fìi naŋa ndow ghə n luʼu k-a-ləm nə̀ ghə doʼo tən fu tə tsuʼ fey Zə̀ kə i saʼanə mbi tii, fə i bə.

Chi dii 20:10

Ghə n ney maʼa nyi tsu ndow vəətsəə ghən ghə â sii ndzəŋ ghə n nyî zə uvələ wən u bəʼlə ghi sɔlfɔ. À loʼ fuu ghə a ney maʼa nyi tsu tsəghə dzənə faalə kə nyam mbvən key nsə tûm tə Kəzə̀ tə tsɔŋɔ tə. Ghə i chɔdlɔ ghə fu n tsə̂ tə nsə n tsuʼu tə, nəŋə tədzəm.