2 Pita 2:2 - Kaa n Kəzə̀ n fəghə mə

² Nghee i buʼ loʼ kə nə̀ Zə̀ kə i kuʼlə ləŋi maʼanu ghə̂ ghən, ndəmə aghə̂ i dzûmənu dzəə dzəə kə imuu kə ghə kə tii kə. Ghə nə ghəŋə nə̀ ghə̂ ghə i kpaalə tûm zən i loʼnə isəŋə bòʼ ghəə ghey ghə ghəŋŋənə.

2 Pita 2:2 ပူးပေါင်းရင်းမြစ်များ

Matyo 22:16

Ghə n tûm tsu tsətəndəghə tə ghə nsə ghə̂ a Helɔd a loʼ ghə. Ghə n bə koʼ bə Yeso, dza tə̀ wi nə̀, “Wù dii wə, ghey khənu nə̀ wə dza tsə kə isəŋə, wə dii ghɔɔmə i Kəzə̀ tə̀ i khə ni doʼo, wə saʼa way ghɔɔmə tə aghə̂ tə, n təŋkey, wə khə way nəŋə i wù zə.

Matyo 24:24

Kùmnə Klisto tə tsɔŋɔ tə nsə tûm tə Kəzə̀ tə tsɔŋɔ tə î shiə kɔʼɔ bənu, ghə i dii tsə̀ə tə nii tə, ghə nə ghəŋŋə ghəə a faalə ghə nə̀ bə jìi loʼnə, ghə sii laʼ ghə̂ ghey Zə̀ kə loʼ nə̀ kə n sày.

Matyo 7:14

Fuʼ u mbàa wey u ney ndòw wù n luʼu key tə i keelinə muu zə itsali zə, u təbənu, jìi fə tii fə a fwɔli loʼ soʼonə, à fu tii tsəghə kə sə̂ fə aghə̂.”

Malakus 12:14

Ghə̂ a tii ghə n bə dza bə tə̀ wi nə̀, “Wù dii wə, a khənu nə wə dza kə isəŋə, wə̀ ghəŋŋə ghəə ghə nə wə laalə way wù nə asə̂. Wə dii ghɔɔmə i Kəzə̀ tsətsəghə tə̀ ghə̂ ghə. A ləghə ni keeli nə̀, laŋ kə diinu nə saa i tsow màʼlə kə tə̀ Kaysa mɔ kə dii way ə?”

Malakus 13:22

N təŋkey ghə̂ a tsɔŋɔ ghə i bəghənu n zəd i wù wey Zə̀ kə â dza naŋa nə̀ i tûm bənu nsə tûm tə Kəzə̀ tə tsɔŋɔ tə, ghə nə dii tsəə tə tsɔŋɔ tə nsə faalə n tsɔŋɔ mə ni sìi laʼ aghə̂ nsə ni buʼ sìi laʼ daŋŋə soʼo ghə̂ ghey Zə̀ kə sày naŋanə abə ghə khənə jìi tii.

Tùm i dzuŋu zə kuum Yeso Klisto tə Jɔn â tɔɔnə 14:6

Yeso n beeli ndow wi nə̀, “N loʼ jii, isəŋə nsə muu zə. Wù way dzə ni bə n səə Bày nə̀ a ka ney ndòw mə wi n səə wi.

Kəfwaʼ 13:10

“Waa avəətsəə wən! Wə loʼ wù təngəmmə tə ghəə ghən a loʼnə tsətsəghə adzəm. Wə khə jii tə tsɔŋɔ tə tədzəm ni ghəŋŋə ghəə a bəbə ghə. Wə dəmə tənə tsə kə ni bwɔd fəd bə isəŋə zən i loʼnə bòʼ Mûkəbii n ghəə a badla ghə.

Kəfwaʼ 14:2

Ghə̂ a Təjuu ghən ghə â khə way bəghəm i fə̀ŋ zə n fədlə kuu tənyɔʼ, bəəbə maʼa kɔʼ fə̀ŋ tə ghə̂ ghey ghə way ghə̂ a Təjuu ghə kuum Pɔl ghi Banabas nsə dzûmə tə Klisto tə loʼ tey.

Kəfwaʼ 16:17

Waa u zən wən n dzûmə kaabə tsə ghey ghi Pɔl, bwey naʼlə bə n dzə̂ i taw zə nə̀, “Ghə̂ ghən loʼ ghə̂ a kəfwaʼ a Zə̀ kə idəŋ kə. Ghə naʼlə bə tə ghaa jìi zey ghaa i keelinə bəghəshi zə tii.”

Kəfwaʼ 18:26

Tə n zey ndow ni naʼa ghəə a Kəzə̀ n ndaw kədzəŋi ə ghə̂ a Təjuu nə tə tsəŋə way. Ambə Prisila ghi Akwila zəllə tsu ghɔɔmə i Apolos zə, ghə n baa ney ndow wi nə ghə, tɔʼ ndow tiilə dzɔb tsu ghəə a jii zey i loʼnə i Kəzə̀ zə tə̀ wi.

Kəfwaʼ 19:9

Ghə̂ a ghə a loʼ ghə n kee taw n tow kə, tuu ni bəghəm tûm i dzuŋu zə, khəə soʼo ghəə a bəbə ghə kuum Jìi zey Mûkəbii ləghənə n sə kə aghə̂. Pɔl n zəghə tsu ghə, ney nuu ndow ghi dzûmə tey tə â bəghəmnə tûm i dzuŋu zə ghi wi. Ghə n dzəŋi ndow ghɔɔmə zeeli tsə tsuʼu n dzəm n dzuu i ndaw i nii zey Tayranus â dii tsənə ghə̂ tii.

Kəfwaʼ 22:4

Mə â chɔdlɔ tsə ghə̂ ghey ghə â dzûmə jii zən i loʼnə i Mûkəbii zə, buʼ ghəŋə daŋŋə nə ghə kpu. Mə n ghəŋŋə nə̀ ghə i kwɔɔ fii naŋŋə gheynum ghə nsə gheyzən ghə n ndaw tsaʼ.

Kəfwaʼ 24:14

N kee bəghəmnu n sə kə nə̀ n ngɔɔmə Zə̀ kə ghə bày bày a saa tə a loʼ wù wey tə dzûmənə jìi zey i loʼnə i Mûkəbii zə. À loʼ jii tii ghə̂ ghən tɔŋŋə nə̀ a loʼ uzəghə. N bəghəm soʼonu n ghəə ghən adzəm laŋ kə dii, nsə ghəə ghən tûm tə Kəzə̀ tə â tɔ̀ɔ naŋanə.

Roma 2:24

I tɔ̀ɔ doʼo n màʼlə K-a-zə̀ nə̀, “Ghə̂ ghey ghə way ghə̂ a Təjuu a tsayyə zəd i Kəzə̀ bòʼ ghəə a bəbə ghey ghaa ghə̂ a Təjuu a ghəŋŋənə.”

1 Timoti 5:14

Sey, n tsəə bə waa a fəghaŋ ghən num a ghə a kpu dzənə, nə̀ ghə ney anum, ghə ji awaa, ghə laalə tə ndaw tə ghə tə, sey nə̀, kə ghə i fuu kəbuʼ tə ghə̂ a təngəmə a saa ghə ni kpaalə saa.

Taytus 2:5

Ghə i loʼ ni tsə̀ waa a zən ghən nə̀ ghə i kwɔɔ tsu wû i ghə zə, khə soʼo way bwu i loʼ zə. Ghə i loʼ soʼo ni dii tə waa a zən ghən nə̀ ghə khə ni fwaʼa dzɔbə n ndaw tə ghə, zow soʼo tə num a ghə ghə, sey nə̀, kə wù loʼ nə dza ghə i bəbə i loʼ zə bòʼ ghɔɔmə i Kəzə̀.

Taytus 2:8

I dii kə ghəə ghey a kpiinə nə̀ wù loʼ way ni khə̂mə wɔ, sey nə̀ tow kə i dəd ghə̂ a təngəmə ghə abə ghə i laalə kii tsunə ghə i bəbə zey ghə loʼ ni dza tow u saa.

1 Pita 2:12

Ghaa ndow kə n sə kə ni ghəŋŋə ghəə a dzuŋu ghə n fəŋŋə kə ghə̂ ghey ghə kam khə way Zə̀ kə, sey nə̀, abə ghə tsəm dza i kwu kə ghaa nə̀ ghaa ghəŋŋə ghəə a bəbə ghə, ghə i loʼ ni dza nə̀ ghaa ghəŋŋə ghəə ghey a dzɔbənə. Sey ghə i loʼ ni fuu nkɔʼlə tə Zə̀ kə n tsuʼ fey tə i kəm bəghənə tii ni bə saʼ aghə̂.

2 Pita 2:12

Ghə̂ ghən ghəŋŋə aghəə nə̀ ghə moʼlə way tə a loʼ nyam tə mbvən tə ghə â jinə ghə nə̀ ghə i kwu ləŋi maʼa. Ghə maŋa tsayyə aghəə nə̀ ghə buʼ tɔʼ khə way ghəə a tii ghə. À wey loʼ ghə i tii zə Zə̀ kə i ləŋi maʼanə ghə tə̀ ghə nə ləŋi maʼanə nyam tə mbvən tə.

2 Pita 2:15

Ghə n zəghə maʼa jìi i dzuŋu zə, fədlə laʼa nay ndow. Ghə n ney ghow kə ibwey kə Balam wən tə loʼnə waa Beyɔ. Balam loʼ wù wey tə â ləghənə khəə wey ghə̂ a təngəmə a Təjuu ghə â tsənə wi tii nə̀ tə dza nə̀ Zə̀ kə ləŋ naŋa ghə̂ a Təjuu.

2 Pita 2:18

Ghə kɔʼlə kaabə tsə iwû, ghɔɔmə ilaʼlə, ney kɔʼɔ ghəə a laŋŋə ghey ghə ghəŋŋənə ni nəəbə ghə̂ ghey ghə kuʼlə tyi nuu shi bənə n fəŋŋə kə ghə̂ ghey ghə muunə n ghəə a bəbə ghə nə̀ ghə i ghəŋŋə dzəə dzəə tə aghəə tey gow uwû ghə ləghənə nə̀ ghə i ghəŋŋə.

2 Pita 2:21

I mə loʼ ni nyaŋ dzɔb tə ghə abə ghə mə doʼlə tənə kə nə̀ ghə khə way muu zey i ghəŋŋənə nə̀ wù doʼo tsətsəghə, tsəghəshi tə̀ ghə ni keeli tsu, ghə kəm tuu maʼa ni zow ghəə ghey Zə̀ kə dzanə nə̀ ghə̂ ghə i ghəŋŋə tə̀ ghə a diinə tə̀ ghə.

2 Pita 2:7

Zə̀ kə n kee bəghəshi tsu Lɔd wən tə â loʼnə wù tsətsəghə. Fə̀ŋ â ngii fəmmə Lɔd boʼnə ghə̂ ghən ghə naŋŋə way laŋ kə â ghəŋŋə dzəə dzəə tə aghəə.

Màʼlə kə Jud tə̀ ghə̂ a Kəzə̀ ghə 1:10

Ghə̂ ghən a maŋa kpaalə kənə fə kə nə̀ ghə buʼ khə way fə kə tii kə. Ghə maŋa ghəŋŋə ghəə zey ghə moʼlə kɔʼnə ni ghəŋə tə a loʼ nyam tə mbvən tə. Ndzoʼo ghəə ghən ghə ghəŋŋənə loʼ ghəə ghey a ləŋi maʼanə ghə.

Màʼlə kə Jud tə̀ ghə̂ a Kəzə̀ ghə 1:15

Tə i bəghə ghi ghə ni bə saʼ aghə̂ adzəm, tə chɔd soʼo ghə̂ ghey ghə ngɔɔmə way Zə̀ kə adzəm n ghəə a bəbə ghey ghə ghəŋŋənə. Tə i chɔdlɔ soʼo ghə̂ ghən ghə ngɔɔmə way Zə̀ kə n ghəə a bəbə ghən ghə â dzanə n tow K-a-zə̀.”

Màʼlə kə Jud tə̀ ghə̂ a Kəzə̀ ghə 1:4

N dza sey n təŋkey, ghə̂ a loʼ ghə n bə tsɔŋ tsəghə nyi fey n fəŋŋə kə ghaa nə̀ ghə khə way Zə̀ kə. Ghə ney kɔʼ ndzuŋ zən Zə̀ kə diinə tə saa fəd naŋa kɔʼ nə̀ a loʼ jii tə ghə ni ghəŋŋə ghəə a laŋŋə ghə. Ghə tuu maʼa soʼo Yeso Klisto wən à loʼ kənə wi Bày saa nsə Mûkəbii saa.

Màʼlə kə Jud tə̀ ghə̂ a Kəzə̀ ghə 1:7

N jii i mɔʼɔ zə, kə ghaa nə neyzəənə nghee naʼ i Sodom, naʼ i Gomora nsə naʼa tən tə â dzəŋ ngəə bənə ghə, â fuu may ndownə wû i ghə zə ni ghəŋŋə ghəə a laŋŋə ghə nsə dzəə dzəə tə aghəə tə. Ghə loʼ tə a loʼ tsəə tə ghə̂ ghey ghə i fəʼlənə n vəllə wən u nəmmə koʼo tsə way.

Chi dii 12:9

Ghə n tən maʼa shi tsu ndow faŋkwu kə ngəm key. À wən loʼ zuu i wey wey zən zə â loʼnə nə nzeyyə, ghə tɔŋŋə nə̀ à loʼ Avəətsəə nkee Satan. À loʼ wi tə â sii ndzəŋnə mbi idzəm. Ghə n tən maʼa shi tsu bə wi fa a ghəlitsə, tən maʼa tsu bə soʼo tsətəndəghə tə wi ghi wi.

Chi dii 13:14

Faalə mən zə â diinə n ghəŋə nə̀ ghə fuu wi n daʼa kə nə̀ zə i saʼa n tow kə faalə kə nyam mbvən kə sə isə key. Zə n sii ndzəŋ ndəmə aghə̂ a ghəlitsə. Zə n dza tə ghə nə̀ ghə bɔm kɔʼ fəmuʼu tə ghə ni ngɔɔmə, fə fiilənə faalə kə nyam mbvən kə sə isə key ghə â nyîmmənə wi n kɔb, zə n nam loʼ kə utaw.

Chi dii 13:8

Aghə̂ adzəm n mbi ghə i ngɔɔmə faalə kə nyam mbvən i tii zə. Ghə̂ ghən adzəm zəd a ghə â loʼ nə̀ ghə n tɔ̀ɔ n màʼlə kə ghə̂ ghən ghə i keelinə muu zə itsali zə, nə̀ a khə Waa Nji zən ghə a weynə nə ghə n bɔm mbi, i kee ngɔɔmə way nyam tii.