2 Pita 2:18 - Kaa n Kəzə̀ n fəghə mə

¹⁸ Ghə kɔʼlə kaabə tsə iwû, ghɔɔmə ilaʼlə, ney kɔʼɔ ghəə a laŋŋə ghey ghə ghəŋŋənə ni nəəbə ghə̂ ghey ghə kuʼlə tyi nuu shi bənə n fəŋŋə kə ghə̂ ghey ghə muunə n ghəə a bəbə ghə nə̀ ghə i ghəŋŋə dzəə dzəə tə aghəə tey gow uwû ghə ləghənə nə̀ ghə i ghəŋŋə.

2 Pita 2:18 ပူးပေါင်းရင်းမြစ်များ

Kəfwaʼ 2:40

Pita n tsə̀ ghə n ndəmə təghɔɔmə, buʼ ghə n wɔɔ kə nə̀, “Bəghəshi na wû i ghaa zə n mbi i bəbə zən.”

Kəfwaʼ 8:9

Wù loʼ n loʼ fu tii n naʼ i Samaria ghə â tɔŋŋə nə̀ a loʼ Shimun, tə n ghəŋŋə nə̀ ghə̂ dzuu zə i zum ghə̂ ghə n fənnə zey tə â ghəŋŋənə. Tə n kɔʼlə uwû nə i loʼ wù səŋi.

Roma 13:13

Sa khə ni ghəŋŋə ndow ghəə ghey a kpiilənə tə a loʼ ghə̂ ghey ghə muunə n mgbaŋ. Saa khə way ni mə̂ə khəə kaabə tsə lə mə. Saa khə way ni ghəŋŋə ghəə a laŋŋə ghə, nkee ghəə a dzəə ghə. Saa khə way ni zuulə ballə n wû i saa nkee ni ghoʼo wû i saa zə.

Efesus 4:17

À wən loʼ ghə i tii zə n dza i ghɔɔmə bə tə̀ ghaa n daʼa kən Mûkəbii fuunə tə̀ mə, tɔʼɔ zəllə tsu na. I kə̂ ghaa nə̂ kəm muulənə tə̀ a loʼ ghə̂ ghey ghə ka bəghəm tə̀ Zə̀ kə, ghə moʼlə kə ndzoʼo ghəə ghey a gaamə way wù.

2 Tesalonika 2:4

Abə wù wən i dii bənə wû wə, tə i tsayyə Kəzə̀, tə tsayyə fə̂ wey udzəm ghə̂ a ngɔɔmənə tə̀ a loʼ Kəzə̀, tə kɔʼlə naŋa kɔʼ wû u wi idəŋ n kow fə̂ wən udzəm. Tə buʼ nyi daŋŋə n Ndaw Kəzə̀, tə ney naŋa kɔʼ wû u wi nə̀ tə loʼ Kəzə̀.

Jems 5:5

Ghaa zəələ kɔʼ bə wû i ghaa zə ni muu fa n mbi, ghəŋŋə ghəə zey fə̀ŋ tə ghaa tə ləghənə. Ghaa maŋ chi kɔʼ bə wû i ghaa, dow dzɔb i tsu tə a loʼ mbɔŋɔlɔʼ zey ghə chi naŋanə ni wey fə.

2 Pita 1:4

À loʼ n jìi i zən tə â fuunə saa n naamə u səŋi wey tə â təb naŋanə tə̀ saa. À loʼ naamə u səŋi wən u ghəŋŋənə nə̀ ghaa tyi nuu shi bə n ghəə a bəbə ghey gow uwû ləghənə fa n mbi, sey nə̀, ghaa loʼ ni mbɔŋ keeli soʼo muu zey Zə̀ kə khənə.

2 Pita 2:14

Sə̂ a ghə a baa kə n kow gheyzən a laŋŋə ghə. Ghə buu way ni ghəŋŋə ghəə a bəbə ghə. Ghə təəbə fuu ghə̂ ghən bəghəm i fə̀ŋ i ghə i ka kam tɔʼ beyyə nə̀ ghə nyəŋ laʼ. À n fə̀ŋ tə ghə bəghə doʼo kə umə̂. Zə̀ kə n ləŋ naŋa ghə!

2 Pita 2:2

Nghee i buʼ loʼ kə nə̀ Zə̀ kə i kuʼlə ləŋi maʼanu ghə̂ ghən, ndəmə aghə̂ i dzûmənu dzəə dzəə kə imuu kə ghə kə tii kə. Ghə nə ghəŋə nə̀ ghə̂ ghə i kpaalə tûm zən i loʼnə isəŋə bòʼ ghəə ghey ghə ghəŋŋənə.

2 Pita 2:20

Abə ghə̂ a nɔb shi bə n wɔ bəb i mbi zən bòʼ nə̀ ghə n keeli Mûkəbii saa nsə bəghəshi ə saa Yeso Klisto, kəm bə bwu dzəŋŋə nyi ndow ni ghəŋŋə ghəə a bəbə ghə, ndzoʼo ghə̂ a tii ghə loʼ ghə̂ a bəbə ghə nya tsəghəshi nghee ghə â loʼ nə̀ ghə ka kam keeli Klisto.

2 Pita 2:7

Zə̀ kə n kee bəghəshi tsu Lɔd wən tə â loʼnə wù tsətsəghə. Fə̀ŋ â ngii fəmmə Lɔd boʼnə ghə̂ ghən ghə naŋŋə way laŋ kə â ghəŋŋə dzəə dzəə tə aghəə.

2 Pita 3:17

Waazə ghuŋ a dzuŋu ghə nghee i nyɔʼ loʼ nə̀ ghaa n keeli zey ghəə ghən, ghaa ney kɔʼ ighə̂mə, sey nə̀ kə ghə̂ a bəbə ghey nə nəbənə ghaa n ghəə ghey ghə dzanə nə̀ a kpii way, a ghəŋŋənə nə̀ ghaa zəghə maʼa jìi Kəzə̀, ghaa nyəŋ laʼ.

Màʼlə kə Jud tə̀ ghə̂ a Kəzə̀ ghə 1:13

Ghə loʼ tə a loʼ tuŋutuŋu tə dzuu tə taw tə n nali kə dzuu, nə̀ ghəə a ghə a tow kə dədlə kə dii bə uwû nə tətsəbə. Ghə loʼ tə a loʼ səghəbələ mən n laʼa kaabə tsə idəŋ nə̀ Zə̀ kə n sày naŋa ghə n luʼu key ləm kə loʼnə fu nəŋə tədzəm.

Chi dii 13:11

Mə n kəm koʼ ndow faalə kə nyam mbvən i loʼ zə i shiə kɔʼɔ bənə a ghəlitsə. Zə n khə təndɔŋ təbəghə tə a loʼ waa njì, kee ghɔɔmə tə a loʼ ngəm.