2 Pita 2:13 - Kaa n Kəzə̀ n fəghə mə

¹³ Zə̀ kə i chɔdlɔ ghə̂ ghən ni tsə dzəŋŋə ghə n ghəə a bəbə ghən ghə ghəŋŋənə. Ghə ney nə̀ à loʼ ghə i dzuŋu zə tə̀ ghə ni zəələ wû i ghə zə, ghəŋŋə kaabə tsə dzəə dzəə tə aghəə n mgbala tsə tə. Ghə loʼ tə a loʼ tɔɔlə tə dzəə tə, tə ngii ney bənə tow kə dədlə kə n fəŋŋə kə ghaa abə ghə zəələnə wû zə n ghəələ n ghə n tsɔŋɔ mey.

2 Pita 2:13 ပူးပေါင်းရင်းမြစ်များ

Roma 13:13

Sa khə ni ghəŋŋə ndow ghəə ghey a kpiilənə tə a loʼ ghə̂ ghey ghə muunə n mgbaŋ. Saa khə way ni mə̂ə khəə kaabə tsə lə mə. Saa khə way ni ghəŋŋə ghəə a laŋŋə ghə, nkee ghəə a dzəə ghə. Saa khə way ni zuulə ballə n wû i saa nkee ni ghoʼo wû i saa zə.

Efesus 5:27

Sey nə, ndaw Kəzə̀ i loʼ n sə kə wi nə̀ i nyiələ dzɔbə, khə way dzə u loʼ wə, njuʼlə way soʼo. Zə i loʼ nə̀ zow dzɔbənu khə soʼo way bəb i loʼ zə.

Filipi 3:19

Muu i ghə zə î may nə̀ uchɔd, n təŋkey, zə̀ kə ghə kə loʼ fə key nə̀ghə̀ n ghə n ləghənə, ghə kɔʼlə iwû n ghəə ghey ghə mə khənə ni dədlə n tow kə tii, fə̀ŋ tə ghə tə loʼ kə n fə̂ u mbi.

2 Timoti 4:14

Alekzanda wən tə tsəənə nam kə, â ngii ghəŋə mə n ghə i bəbə zə. Mûkəbii i tsəə dzəŋŋənu wi n ghəə ghən tə ghəŋənə.

Jems 5:5

Ghaa zəələ kɔʼ bə wû i ghaa zə ni muu fa n mbi, ghəŋŋə ghəə zey fə̀ŋ tə ghaa tə ləghənə. Ghaa maŋ chi kɔʼ bə wû i ghaa, dow dzɔb i tsu tə a loʼ mbɔŋɔlɔʼ zey ghə chi naŋanə ni wey fə.

1 Pita 4:4

Dzuu i nya zum ghə̂ ghən ghə khə way Zə̀ kə nghee ghaa kəm təmə dzəŋi way ghə n dzəə dzəə kə imuu key ghə muunə ghii kə, à wey loʼ ghə i tii zə ghə kpaalə kaabə tsənə ghaa.

2 Pita 2:15

Ghə n zəghə maʼa jìi i dzuŋu zə, fədlə laʼa nay ndow. Ghə n ney ghow kə ibwey kə Balam wən tə loʼnə waa Beyɔ. Balam loʼ wù wey tə â ləghənə khəə wey ghə̂ a təngəmə a Təjuu ghə â tsənə wi tii nə̀ tə dza nə̀ Zə̀ kə ləŋ naŋa ghə̂ a Təjuu.

Chi dii 18:6

Ghaa ghəŋə ndow aghəə tə wi, ighələ tə̀ tə â ghəŋŋənə n kow ghaa, Ghaa tsə dzəŋŋə ndow wi tənəŋə təbəghə tsəghəshi nghee tə â ghəŋənə tə ghaa. Ghaa kuu tsu wɔɔ nlə ə wi i taw tsəghə tsu i zey tə â fuunə tə̀ ghaa nə tənəŋə təbəghə, Ghaa fuu ndow tə̀ wi.