2 Pita 2:1 - Kaa n Kəzə̀ n fəghə mə

¹ N num tə ibam tə, tûm tə Kəzə̀ tə tsɔŋɔ tə â loʼ tsənu n fəŋŋə kə aghə̂. N jìi i mɔʼɔ zə, ghə̂ a dii a tsɔŋɔ ghə i shiə kɔʼɔnu n fəŋŋə kə ghaa. Ghə nə tsɔŋ nyi bə n fəŋŋə kə ghaa nə̀ ghaa khə way, ghə dii ghəə ghey ghə i ghəŋŋə nə̀ ghaa nyəŋ laʼ. Ghə nə tuu maʼa daŋŋə Mûkəbii wey tə kuum nuu shi bə tow u ghə wə. À wey loʼ ghə i tii zə, ghab kə i kəm shi way tə̀ Zə̀ kə ni ləŋi maʼa ghə.

2 Pita 2:1 ပူးပေါင်းရင်းမြစ်များ

Matyo 10:33

Wù wey tə kee tuu maʼa mə n sə̂ kə aghə̂, Mə î tuu maʼa soʼonu wi n sə̂ kə Bày wuŋ idəŋ.”

Matyo 24:11

Ndəmə tûm tə Kəzə̀ tə tsɔŋɔ tə nə̂ kɔʼɔ bə, ghə nə̂ sìi laʼ ndəmə aghə̂.

Matyo 24:24

Kùmnə Klisto tə tsɔŋɔ tə nsə tûm tə Kəzə̀ tə tsɔŋɔ tə î shiə kɔʼɔ bənu, ghə i dii tsə̀ə tə nii tə, ghə nə ghəŋŋə ghəə a faalə ghə nə̀ bə jìi loʼnə, ghə sii laʼ ghə̂ ghey Zə̀ kə loʼ nə̀ kə n sày.

Matyo 24:5

Ndəmə aghə̂ ghə i bəghənu, ghə ney zəd zuŋ, ghə i dza tə̀ ghə̂ ghə nə̀, ‘À loʼ mə̀ wù wey Zə̀ kə â dza naŋa nə̀ i tûm bənu’, sey, ghə i sìi laʼ ndəmə aghə̂.

Matyo 7:15

Yeso n dza tə̀ ghə nə̀, “Ney na ghə̂mə zə n tûm tə Kəzə̀ tə tsɔŋɔ tə. Ghə buulə bəghə n səə ghaa tə̀ a loʼ tənjì, loʼ sey nə̀ n fə̀ŋ tə ghə, ghə bəbə faalə tə a loʼ ubəghə.

Malakus 13:22

N təŋkey ghə̂ a tsɔŋɔ ghə i bəghənu n zəd i wù wey Zə̀ kə â dza naŋa nə̀ i tûm bənu nsə tûm tə Kəzə̀ tə tsɔŋɔ tə, ghə nə dii tsəə tə tsɔŋɔ tə nsə faalə n tsɔŋɔ mə ni sìi laʼ aghə̂ nsə ni buʼ sìi laʼ daŋŋə soʼo ghə̂ ghey Zə̀ kə sày naŋanə abə ghə khənə jìi tii.

Lukas 12:9

Wù wey tə tuu maʼanə mə n sə kə aghə̂, Waa wù sɔŋtsuʼ i tuu maʼa soʼonu wi nsəkə tsətəndəghə tə Kəzə̀.

Lukas 21:8

Yeso n beeli ndow ghə dza, “Ney na ghə̂mə zə kə̂ ghə nə nəbənə ghaa. Təŋkey ndəmə aghə̂ nə bəghənu n zəd zuŋ, ghə nə dza nə̀ ghə fwaʼa n daʼa kuŋ, ghə nə dza tə ghaa nə̀, ‘A loʼ mə wù wey ghə̂ a ləmmə nə̀, nəŋə zə n shɔd.’ Kə̂ ghaa nə dzûmə nə ghə.

Lukas 6:26

Chɔt u loʼ tə̀ ghaa ghən ghə ghɔɔmənə ghəə à dzuŋu ghə bòʼ ghaa nya təŋkey a loʼ soʼo sey ghə bày a ghə ghə â ghəŋənə ghi tûm tə Kəzə̀ tə tsɔŋɔ tə.

Roma 16:18

N dza sey n təŋkey ghə̂ ghey ghə ghəŋŋənə ndzoʼo ghəə a tii ghə, ghə fwaʼa way tə Mûkəbii saa Klisto, ghə fədlə fwaʼa tə̀ nəghə u ghə wə. Nyim kə ghə kə tsəghə dzɔbə nə idzuu, ghə a khə ghɔɔmə i tsìi zə ni nəb ghə̂ ghən ghə tɔʼ khə way ghəə ghə.

1 Kɔrint 11:19

À loʼ kənu ghə i dzuŋu zə nə̀ ghaa khənu ni dzawwə doʼo n wû i ghaa, sey nə̀, ghə loʼ ni tɔʼɔ koʼo keeli bə ghə̂ ghey ghə ndzəm loʼnə dzûmə tə Klisto tə.

1 Kɔrint 6:20

Zə̀ kə mâ kùmshi tow u ghaa wə n wən i taw zə. Sey, ghaa khə ni ney naŋa tsu vən fə uwû fə ghaa ni kɔʼlə Zə̀ kə a tii.

1 Kɔrint 7:23

Keeli tsu na nə̀ Zə̀ kə â zuu nuu shi bə tow u ghaa n wən i taw zə, sey, kə wù ghaa u loʼ u nə̂ kəm bəghəm ni doʼo kəkɔd tə̀ wù sɔŋtsuʼ.

Galeshia 2:4

Ghə nəb ityim a loʼ ghə n nyi bə n fəŋŋə kə ghey tə a loʼ ghə̂ a tətsìi. Ghə â bə ni tsi koʼ muu i dzuŋu zən ghey khənə nghee ghey loʼnə nə kəfə kəmɔʼ ghi Yeso Klisto. Ghə â ləghə ni ghəŋə nə̀ ghey doʼo ukɔd n laŋ u ghə̂ a Təjuu.

Galeshia 3:13

Klisto a kùmshi saa ghən saa loʼnə nə laŋ kə n saa ləŋ naŋa nghee tə â boʼonə ngoʼ ə saa n zat kə fəkaʼ, tə i tɔ̀ɔ doʼonə n màʼlə K-a-zə̀ nə̀, “Zə̀ kə i ləŋə naŋŋə wù wey ghə i kɔʼlə naŋanə vən i wi zə nə fəkaʼ.”

Galeshia 4:17

Ghə̂ a loʼ ghey ghə ləghə ni kwey tûm i dzuŋu zə khə kənu zày n kow ghaa, a kee loʼ nə̀ ghə khə moʼlə tə bəbə tə. Ghə ghəŋŋə sey ni khə̀mə nu fə̀ŋ tə ghaa, nə̀ ghaa ka zow tə mə, ghaa i zow bə kə tə ghə.

Galeshia 5:20

ni ngɔɔmə muʼu mə, ghəə a kəvuŋ, baa zə iwû, fəghəm tə baŋŋə tə, kəghoʼ, mbwu kə fə̀ŋ, sə a shiə ghə nə ufə̂, nəghə u fəə wə, wù dzawwə maʼa wə aghə̂ wə,

Efesus 1:7

A loʼ Klisto tə kùmshinə saa n kàŋ tə wi tən tə â fəələnə n zat kə fəkaʼ, neyzəə ghəə a saa a bəbə ghə. Zə̀ kə ghəə ghən ghəŋŋə bòʼ ndzuŋ ə wi zən i downə naʼ idzəm.

Efesus 4:14

Sey, saa i kəm way dzə tə̀ a loʼ aghinətəghə n bəghəm i fə̀ŋ i saa. Saa i kəm fwɔdlɔ way tə̀ a loʼ kəfən n dzuu, zəŋ maŋa tənnə kaabənə, zə n tən n bad kən, zə n kəm tən ndow n bad kə key, ghə̂ a tsìi ghə i way ni maŋ sìi ndzəŋ saa n tɔb u ghə u tsɔŋɔ wə.

Filipi 3:19

Muu i ghə zə î may nə̀ uchɔd, n təŋkey, zə̀ kə ghə kə loʼ fə key nə̀ghə̀ n ghə n ləghənə, ghə kɔʼlə iwû n ghəə ghey ghə mə khənə ni dədlə n tow kə tii, fə̀ŋ tə ghə tə loʼ kə n fə̂ u mbi.

Kolose 2:18

I kə ghaa nə bəghəmnə nə̀ wù wən tə ghaŋŋə wû wə n muu i Kəzə̀ i ghə, ngɔɔmə soʼo tsətəndəghə tə Kəzə̀ nə̂ nəbə sə̂ a ghə̂ ghə nə ghə ngɔɔmə Kəzə̀. Ghə ghaŋŋə uwû nə̀ Zə̀ kə dii ghə n ghəə ghə nə̀ ujim boʼ moʼlə tə ghə tə bəbə tə.

Kolose 2:8

Ney na ghə̂mə zə kə wù loʼ nə ndow bəghənə n tɔb u wù sɔŋtsuʼ wə, ni ghəŋə nə̀ ghaa doʼo ukɔd tə wi. Ndzoʼo tɔb wən nuu bə n wɔ wù sɔŋtsuʼ nsə zày wən u saʼanə mbi zən, u ka nuu bə dzə n wɔ Klisto.

1 Timoti 5:8

Abə wù laalə way tə tyəm a ndaw a wi ghə, a ka tsəm dza ghə̂ ghey ghə muunə n ndaw ghi wi, i sey diinə tə kəm bəghəm dzə way tə Klisto, tə u bəb tsəghəshi soʼonə wù wən tə ka bəghəm tə Klisto.

2 Timoti 4:3

N dza sey n təŋkey nəŋə zə i bəghənu ghə̂ ghə i ləghə way ni zəllə ghɔɔmə i Kəzə̀ zən i loʼnə isəŋə, ghə i fədlə dzûmə ndow ghəə ghən fə̀ŋ tə ghə tə ləghənə. Ghə i tɔŋɔ zuŋŋə bə n səə ghə, ghə̂ a dii ghey ghə diinə ghəə ghey tuŋŋə u ghə u ləghənə ni zow.

Taytus 1:11

Wə khə ni ghəŋə nə̀ ghə buu naŋa ghɔɔmə i ghə i tii zə, n təŋkey ghə fwɔdlɔ maʼa kaabə təndaw tədzəm nghee ghə diinə ghə n ghəə ghey ghə khə way daʼa kə ni dii. Ghə ghəə a badla ghən dii kaabə n təŋkey ghə ləghə nə̀ ghə̂ ghə i fuu bə ghə n khəə wə.

Taytus 3:10

Abə wù loʼnə n fəŋŋə kə ghaa nə̀ tə ləghə ni ghəŋə nə̀ ghaa dzawwə doʼo, wə n kii naŋa ndow wi ni kɔʼ shi tənəŋə təbəghə, nə̀ wù tii ka zow, ghaa n nyoʼo dzəm tə wi.

Hibru 10:29

ghaa moʼlə nə̀ Zə̀ kə i boʼo chɔdlɔ ngee wù wey tə koʼo kiinə waa Kəzə̀, ngɔɔmə way kaŋ tən tə â fəələnə n kaa mən mə â sow maʼanə ghəə a wi a bəbə ghə, kpaalə soʼo Zay kə Zow kən kə ney bənə ndzuŋ ə?

1 Pita 1:8

Nghee ghaa loʼ kə nə̀ ghaa ka kam buʼ koʼ wi, ghaa a nam ləghə wi. Nghee ghaa koʼo kə way wi ghaa a nam bəghəm fuu kə tə wi, ghaa a khə soʼo duʼlə i nii zə n jìi zey wù way ni buʼ tiilə dza.

2 Pita 2:3

N sə a ghə a shiə ghə, ghə̂ a dii a tsɔŋɔ ghən nə dza bə zəzəə mən n fiilənə isəŋə tə̀ ghaa ni nəəbə ney ukhəə n wɔ ghaa. Zə̀ kə mâ khə bayyə naŋa nə̀ tə i chɔdlɔ ghə̂ ghən, tə kam bweeli soʼo way.

1 Jɔn 2:26

N ghəə ghən sa tɔ̀ɔ bə tə ghaa kuum ghə̂ ghən ghə dəmənə ni sii ndzəŋ ghaa.

1 Jɔn 4:1

Fə̂ ghuŋ a dzuŋu ghə, i kə ghaa nə tsəmə bəghəm fuunə tə̀ ghə̂ ghən ghə dza bənə tə ghaa nə̀ ghə ghɔɔmə n daʼa kə Zay kə Zow kə. Ghaa i mɔm koʼo tsu dzə isə nə̀ zay kə tii kə nuu bə n wɔ Zə̀ kə, boʼnə tûm tə Kəzə̀ tə tsɔŋɔ tə kəmənu fa n mbi.

Màʼlə kə Jud tə̀ ghə̂ a Kəzə̀ ghə 1:18

Ghə â dza tə ghaa nə̀, “Abə mbi nə may bənə, ghə̂ a loʼ a nə bəghənu, ghə nə tsoʼo ghaa. Ghə̂ ghən nə dzûmə ndow kə ghəə ghey fə̀ŋ tə ghə tə ləghənə ni ghəŋə.”

Màʼlə kə Jud tə̀ ghə̂ a Kəzə̀ ghə 1:4

N dza sey n təŋkey, ghə̂ a loʼ ghə n bə tsɔŋ tsəghə nyi fey n fəŋŋə kə ghaa nə̀ ghə khə way Zə̀ kə. Ghə ney kɔʼ ndzuŋ zən Zə̀ kə diinə tə saa fəd naŋa kɔʼ nə̀ a loʼ jii tə ghə ni ghəŋŋə ghəə a laŋŋə ghə. Ghə tuu maʼa soʼo Yeso Klisto wən à loʼ kənə wi Bày saa nsə Mûkəbii saa.

Chi dii 13:14

Faalə mən zə â diinə n ghəŋə nə̀ ghə fuu wi n daʼa kə nə̀ zə i saʼa n tow kə faalə kə nyam mbvən kə sə isə key. Zə n sii ndzəŋ ndəmə aghə̂ a ghəlitsə. Zə n dza tə ghə nə̀ ghə bɔm kɔʼ fəmuʼu tə ghə ni ngɔɔmə, fə fiilənə faalə kə nyam mbvən kə sə isə key ghə â nyîmmənə wi n kɔb, zə n nam loʼ kə utaw.

Chi dii 2:13

N khənu luʼu key wə muunə tii. N khənu nə̀ wə muu n luʼu key Satan bəghə doʼonə tii. Wə təmi tən tsu kə n zəd zuŋ. Wə ka tuu maʼa dzə bəghəm i fə̀ŋ zən ghaa khənə n kow mə. N tsuʼu mən ghə â wey maʼanə Antipas wən tə â tɔʼ tiilə dzanə ghəə ghə bòʼ mə tə ghə̂ ghə n naʼ zə, wə n ka tsəm tuu maʼa mə.

Chi dii 2:9

n khənu chɔd wə wə̀ nsə nghee wə laanə tii loʼ sey nə̀ wə kee kuumnu n ghəə a Kəzə̀. N khənu ghəə a bəbə ghey ghə̂ ghən ghə tɔŋŋə wû i ghə zə nə̀ à loʼ ghə̂ a Təjuu loʼ sey nə̀ ghə way dzə dza kaabə tsənə n tow kə. À ndaw kədzəŋi ghə khə Satan.

Chi dii 3:8

n khənu ghəə ghey wə ghəŋŋənə. N khənu nə̀ wə khənu nyaŋi fə kədaʼa fə, wə a ghəŋŋə ghəə ghey mə â diinə wɔ tii, ka tuu maʼa soʼo zəd zuŋ. Koʼo! Mə n chi naŋa fuʼ u ndaw wə tə wɔ nə wù loʼ tsəm way ni fìi naŋa.

Chi dii 5:9

Ghə n zhim ndzaŋ i fəghə zə nə̀, “Wə kɔʼ kpiinu ni ney màʼlə kə nəmi kən, nsə ni zhweyyə nuu kɔʼ mə̀ŋ tən tii, n təŋkey, ghə mâ wɔ wey, wə n ney kaŋ tə, kuum shi tsu tow wə aghə̂ tii fuu bə tə̀ Zə̀ kə. Wə â kuum nuu shi bə aghə̂ n sali ndaw tədzəm, təghɔɔmə tədzəm, təluʼu tədzəm nsə naʼa tə tədzəm.

Chi dii 6:10

Ghə n naʼlə shiə kɔʼɔ n dzə̀ tə taw tə nə̀, “Mûkəbii u ngii taw wə, wə zownu, ghey a loʼ soʼo ni gaʼ fə̀ŋ n kow wɔ. À loʼ zeeli wə i saʼanə ghə̂ ghən fa a ghəlitsə ni dey fuu ngəmə tə ghey nghee ghə weyyə kaabənə ghey ə?”