2 Pita 1:19 - Kaa n Kəzə̀ n fəghə mə

¹⁹ Sey, ghey n baa bəghəm fuu nya nə̀ ghəə ghey tûm tə Kəzə̀ tə â naʼa naŋanə bòʼ Klisto loʼ isəŋə. I dzɔbə nə̀ ghaa tɔʼ gaʼ tsu fə̀ŋ tə ghaa n ghəə a tii ghə, n təŋkey, ghəə a tii a loʼ tə a loʼ kədaa kə baŋanə nə kələm ni ndow kuum ndow n nəŋə zey tsuʼ wə i zownə tə̀ Klisto ni bə. Klisto loʼ tə a loʼ səghəbələ fə n bələbələ tə fə i baŋa soʼo n fə̀ŋ tə ghaa.

2 Pita 1:19 ပူးပေါင်းရင်းမြစ်များ

Matyo 4:16

Ghə̂ ghey ghə â muunə nə kələm, N koʼ daa kə səŋi kə. Tsuʼ wə n na zow n kow ghə̂ ghey ghə â loʼnə nə kələm, ləmmə kə ivə.”

Tùm i dzuŋu zə kuum Yeso Klisto tə Jɔn â tɔɔnə 5:35

Jɔn â loʼ tə̀ a loʼ kədaa kə baŋanə, ghaa n saŋŋə n ghɔɔmə i wi zən zə â loʼnə tə a loʼ kədaa tə̀ ghaa n tɔŋɔ fə inəŋə.

Tùm i dzuŋu zə kuum Yeso Klisto tə Jɔn â tɔɔnə 5:39

Ghaa ndəmi iwû ni tɔŋɔ màʼlə K-a-zə̀ n təŋkey, ghaa moʼlə nə̀ abə ghaa ndəŋ tɔŋɔ kɔʼnə sey ghaa i keeli ghəə zey ghaa khə ni teeli ghəŋə ni keeli muu zə itsali zə, loʼ sey nə̀ màʼlə K-a-zə̀ kən ghaa tɔŋŋənə baa tiilə dza bə aghəə bòʼ mə.

Tùm i dzuŋu zə kuum Yeso Klisto tə Jɔn â tɔɔnə 8:12

Yeso n ghɔɔmə kpiʼi ndòw aghəə tə̀ nɔɔ kə aghə̂ key nə̀, “N loʼ kədaa tə̀ ghə̂ a mbi ghə adzəm. Wù wey tə dzûmənə mə, î bwey koʼ way nə kələm, tə i fədlə keeli daa key kə fuunə muu zə.”

Kəfwaʼ 15:29

ghaa khə way ni zə̂ ufəzəə nə̀ ghə n fuu tə aloʼ umaʼlə tə muʼu mə, ghaa khə way ni zə̂ təkaŋ, ghaa khə way ni fə nyam nə ghə ka səghə, ghaa khə soʼo way ni ghəŋŋə ghəə a laŋŋə ghə. Abə ghaa loʼ ninaŋa laŋ u wən kələ, ghaa i khə way chɔd u loʼ wə. Ghaa doʼo kədzuŋ.”

Kəfwaʼ 17:11

Ghə̂ a Təjuu ghey n naʼ i Beria â khə mwam u dzuŋu wə tsəghəshi a ghey n naʼ i Tesalonika, bòʼ nə̀, ghə â bəghəm naŋa tûm i dzuŋu zey Pɔl â naʼlənə n wû i nyûmə zə. Ghə n tɔʼɔ fwɔdlɔ nyiə tsu màʼlə K-a-zə̀ n tsuʼu ndzəm ni koʼ tsu nə̀ ghəə ghey Pɔl dzanə loʼ isəŋə.

Hibru 2:2

N dza sey n təŋkey, tûm Kəzə̀ zən tsətəndəghə tə Kəzə̀ tə a fuunə tə̀ ghə bày bày a saa ghə, loʼ isəŋə. Ghə̂ ghən adzəm ghə dzûmə way tûm tii nkee ghə naŋŋə way laŋ kə tii kə, ghə mâ keeli ngoʼ zən zə a kpiinə tə̀ ghə.

Jems 2:8

Abə ghaa ndzəmə naŋŋənə laŋ kə fɔɔ u Kəzə̀ wən kə tɔ̀ɔ doʼonə n màʼlə K-a-zə̀ nə̀, “Wə khə ni ləghə wù wey tə kuʼlə loʼnə n səə wɔ tə wə ləghə wû wə wə̀.” Ghaa sey ghəŋŋə ghə i dzuŋu zə.

1 Pita 1:10

 loʼ bòʼ bəghəshi zən tûm tə Kəzə̀ tə â ney kɔʼ nəŋə zə, ni tɔʼ kəŋ shi kɔʼ, ghə n dza naŋa zey bə nghee Zə̀ kə i dii ndzuŋ ə wi tii tə̀ ghaa ghən ghaa loʼ nə̀ ghaa n bwu khə̂mə.

1 Jɔn 5:10

Wù wey tə bəghəmnə nə̀ tə loʼ Waa Kəzə̀, sey khənu n fə̀ŋ ə wi nə̀ ghəə ghən Zə̀ kə tiilə dza bənə kuum waa wi loʼ isəŋə. Wù wey tə ka bəghəm tə Zə̀ kə, loʼ wù badla wə aghəə wə, bòʼ nə̀, tə ka bəghəm dzə ghəə ghən Zə̀ kə tiilə dza bənə kuum waa wi.

3 Jɔn 1:6

Ghə n tiilə dza fa n dzəŋi kə dzûmə tə Klisto kuum ləghə zey wə diinə tə̀ ghə. N buʼu bə kəwɔɔ nə wə ndow kə n sə kə ni fuu ndow ghə n gaamə zə n bwey i ghə, tə̀ zə i fuu ngɔɔmə zə tə Zə̀ kə.

Chi dii 2:28

Mə i fuu soʼo wi n səghəbələ fən fə shiə kɔʼɔ bənə n bələbələ tə.

Chi dii 22:16

“Mə Yeso, mə n tûm bə tsəndəghə zuŋ nə tə bə naʼa bə ghəə ghən tə̀ ghaa n dzəŋi u dzûmə tə Klisto. N loʼ waa waa fɔɔ Devid, n loʼ səghəbələ fə n bələbələ tə fən fə nyiəllənə.”