2 Pita 1:1 - Kaa n Kəzə̀ n fəghə mə

¹ À màʼlə kən tɔ̀ɔ bə mə Shimun tɔŋŋə Pita wən n loʼnə wù kəfwaʼ nsə ngəd ə Yeso Klisto. N tɔ̀ɔ bə tə̀ ghaa ghən Zə̀ kə ghəŋənə nə̀ ghaa bəghəm tə Klisto tə a loʼ ghey. À loʼ bòʼ ndzuŋ ə Zə̀ kə saa nsə bəghəshi ə saa Yeso Klisto i ghəŋənə nə saa i khə ndzoʼo bəghəm i fə̀ŋ zən.

2 Pita 1:1 ပူးပေါင်းရင်းမြစ်များ

Matyo 10:2

À wən lòʼ zəd a ngəd tə Yeso tən ighəm n ghi tə təbəghə. U sə i sə̂ u lòʼ Shimun, tɔŋŋə Pita, nsə Andria, waazə. Jems, waa Zebedii, nsə waazə wi Jɔn.

Matyo 4:18

Nghee tə Yeso bwey tsəghənə n nguŋ ə nyi i Galili, tə n kòʼ ndòw ghə̂ a loʼ ghə abəghə nə̀ a loʼ awaazə, tɔŋŋə Shimun ghə â tɔŋŋə soʼonə wi nə̀ a lòʼ Pita, ghî waazə wi Andria. Ghə â loʼ nə inyi, ghə maʼlənə wûu u tətsəghə wə, kuum nə̀, ghə â loʼ ghə̂ a kwɔɔ a tətsəghə ghə.

Lukas 1:47

zay kuŋ kə duʼlənu ghi Zə̀ kə, tə loʼ bəghəshi wùŋ.

Lukas 11:49

À wən loʼ ghə i tii zə, Zə̀ kə n tɔb u wi wə â dza nə̀, ‘Mə i tûm bə ghə n tûm tə Kəzə̀ nsə ngəd tə, ghə i wey maʼa a loʼ ghə, ghə tsɔɔmə a loʼ ghə.’

Tùm i dzuŋu zə kuum Yeso Klisto tə Jɔn â tɔɔnə 1:42

Sey tə n ney bə Shimun n səə Yeso. Yeso n laalə ndòw Shimun dza tsu nə̀, “Wə loʼ Shimun waa Jɔn, mə i tsə̀ə tsuu zəd zə nə̀ a loʼ Sefas.” (Ghə tɔŋŋə soʼo Sefas nə̀ a loʼ Pita i diinə n ghɔɔmə i Grik nə a loʼ Kənaa).

Tùm i dzuŋu zə kuum Yeso Klisto tə Jɔn â tɔɔnə 12:26

Wù wey tə ləghənə ni doʼo wù kəfwaʼ wuŋ, khə ni dzûmə mə, nə luʼu key n loʼnə tii, wù kəfwaʼ wuŋ i loʼ sòʼo fu. Abə wù fwaʼanə tə̀ mə, Bày wuŋ n ngɔɔmə wù tii.”

Tùm i dzuŋu zə kuum Yeso Klisto tə Jɔn â tɔɔnə 20:21

Yeso n dza kpiʼi ndow tə̀ ghə nə̀, “Buulə zə i loʼ ghi ghaa. Nghee Bày â tûm bənə mə, à loʼ soʼo ighələ n tûm shiənə ndow ghaa.”

Kəfwaʼ 15:14

Shimun n tiilə dza tə saa nghee Zə̀ kə â buʼ diinə ləghə i wi zə tə ghə̂ ghən ghə way ghə̂ a Təjuu ghə, sày shi bə aghə̂ n fəŋŋə kə ghə nə̀ ghə doʼo ghə̂ a wi.

Roma 1:1

À màʼlə kən tɔ̀ɔ bə mə Pɔl wù kəfwaʼ ə Yeso Klisto. Zə̀ kə mâ mə sày tə a loʼ ngəd ə Yeso, naŋa mə nə̀ mə i naʼlə tûm wi i dzuŋu zə.

Roma 1:12

N ləghə ni bə n səə ghaa sey nə̀, mə i loʼ ni təm tawwə ghaa n bəghəm i fə̀ŋ i ghaa, ghaa i mbɔŋ təm tawwə bə soʼo mə n bəghəm i fə̀ŋ zuŋ.

Roma 1:17

N dza sey n təŋkey à loʼ tûm i dzuŋu zə i dii bənə jii zey i ghəŋŋənə nə̀ wù doʼo tsətsəghə n sə K-a-zə̀. À may tsu kə n bam i bəghəm i fə̀ŋ saa doʼlənə tsətsəghə n sə K-a-zə̀, ji i nuu i kəm way dzə. À wey loʼ ghə i tii zə i tɔ̀ɔ doʼonə n màʼlə K-a-zə̀ nə̀, “Wù wey tə khənə bəghəm i fə̀ŋ zə n kow Zə̀ kə, Zə̀ kə koʼo wi nə̀ tə loʼ tsətsəghə, à loʼ wù tii, tə i keelinə muu zə itsali zə.”

1 Kɔrint 1:30

À loʼ Kəzə̀ kə ghəŋənə nə̀ ghaa i loʼ nə kəfə kəmɔʼ ghi Yeso Klisto. Zə̀ kə n ghəŋə nə̀ saa i khə tɔb wə n bam i Klisto. Klisto n ghəŋə nə̀ saa i loʼ tsətsəghə n sə K-a-zə̀, ghəŋə soʼo nə̀ saa i loʼ ghə̂ a Kəzə̀ a zow ghə. À loʼ wi tə bəghəshinə saa n ghəə a saa a bəbə ghə.

1 Kɔrint 15:9

N dza sey n təŋkey, n loʼ tə a loʼ winətəghə n fəŋŋə kə ngəd tə Klisto tədzəm. N nam ngii nəʼlənu ni doʼo ngəd n fəŋŋə kə ngəd tə Klisto n təŋkey mə â chɔdlɔ tsə ghə̂ ghey ghə bəghəmnə tə̀ Zə̀ kə.

1 Kɔrint 9:1

Ghaa khənu nə̀ n way dzə n tənə wù! Ghaa khənu nə̀ n loʼ ngəd ə Klisto! Ghaa khənu nə̀ mə n koʼ Mûkəbii saa Yeso! À loʼ nə̀ ghaa məghənu nə̀ a loʼ mə n ghəŋənə nə̀ ghaa i loʼ nə kəfə kəmɔʼ ghi Mûkəbii ə?

2 Kɔrint 4:13

Màʼlə K-a-zə̀ kə dza nə̀, “N ghɔɔmə n təŋkey mə n bəghəm.” Sey, à loʼ kə n Zay kə bəghəm i zən ghey ghɔɔmənə n təŋkey, ghey n bəghəm.

2 Kɔrint 5:21

Klisto â khə way bəb i loʼ zə, Zə̀ kə n ghəŋə tsu nə̀ tə̀ doʼo bə tə̀ a loʼ wù bəbə wə bòʼ saa, sey nə̀ abə saa loʼnə nə kəfə kəmɔʼ ghi wi, saa i loʼ tsətsəghə n sə̂ K-a-zə̀.

Galeshia 2:8

 loʼ Zə̀ kə mɔʼɔ kə, kə â fuunə mə n daʼa kə nə n fwaʼ tə a loʼ ngəd tə Yeso tə ghə̂ ghən ghə way ghə̂ a Təjuu, ighələ tə̀ tə â fu nə tə Pita nə doʼo tsəndəghə ə Yeso tə ghə̂ a Təjuu ghə.

Efesus 3:5

N tsuʼu n sə̂ i sə mə, Zə̀ kə â ka chi dii ghəə a tii ghə tə̀ ghə̂ ghə. Zə̀ kə chi dii bə ghəə a tii ghə nyisa n daʼa kə Zay kə Zow kə tə̀ tûm tə Kəzə̀ tə nsə ngəd tə Yeso tə zow tə.

Efesus 4:11

À loʼ wi tə â fuunə naamə wən n dzəŋi kə dzûmə tə Klisto. Naamə u tii u loʼ nə̀, tə ghəŋə nə̀ ghə̂ a loʼ a doʼo ngəd tə wi, naŋa a loʼ ghə tə̀ a loʼ tûm tə Kəzə̀, naŋa a loʼ ghə tə̀ a loʼ ghə̂ ghən ghə bwey naʼlənə tûm i dzuŋu zə, naŋa a loʼ tə̀ a loʼ ghə fɔɔngili, naŋa soʼo a loʼ ghə nə̀ a loʼ ghə̂ dii ghə.

Efesus 4:5

Saa khə mûkəbii umɔʼ, khə soʼo bəghəm i fə̀ŋ imɔʼ, saa dzəŋi ney mmuu n Kəzə̀ n zəd i wù umɔʼ.

Filipi 1:1

À màʼlə kən tɔ̀ɔ bə mə̀ Pɔl nsə Timoti, ghey loʼnə ghə̂ a kəfwaʼ a Yeso Klisto ghə. N tɔ̀ɔ bə tə̀ ghə̂ a Kəzə̀ a zow ghə, ghə loʼnə nə kəfə kəmɔʼ ghi Yeso Klisto n naʼ i Filipi. N tɔ̀ɔ bə soʼo tə̀ ghə̂ ghey ghə loʼnə tow wə n Ndaw Kəzə̀ nsə ghə̂ ghən ghə fuunə gaamə zə n Ndaw Kəzə̀.

Filipi 1:29

Zə̀ kə ka kad fu kə ghaa n ndzuŋ ə wi nə̀ ghaa bəghəm fu tə̀ Klisto, tə fu soʼo ghaa n daʼa kə tii kə nə̀ ghaa khə ni fəghə bòʼ wi.

Filipi 3:9

mə i ndzəm loʼ nə kəfə kəmɔʼ ghi wi. N kəm dəmə way ni loʼ tsətsəghə n ngəŋ zuŋ nə̀ a dza n mə̀ tɔʼ naŋa laŋ kə Təjuu. N nya loʼ tsətsəghə bòʼ bəghəm i fə̀ŋ zən n khənə n kow Klisto. N doʼo bə tsətsəghə n jìi zey Zə̀ kə ləghənə bòʼ bəghəm i fə̀ŋ zuŋ.

2 Timoti 1:5

N moʼlənu nghee wə ndzəm bəghəmnə tii n kow Klisto ighələ tə này này wə Lɔys nsə này wə Yunis a khənə. N khə nə̀ wə bɔɔmə khə soʼo bəghəm i fə̀ŋ zey ghə â khənə.

Taytus 1:1

À màʼlə kən tɔ̀ɔ bə mə Pɔl. N loʼ wù kəfwaʼ ə Kəzə̀, lòʼ soʼo ngəd ə Yeso Klisto. Zə̀ kə â say kɔʼ mə, tûm bə nə̀ n bə gaamə ni ghəŋə nə̀ bəghəm i fə̀ŋ i ghə̂ ghən Zə̀ kə sày naŋa nə̀ ghə doʼo ghə̂ a wi, zə i nyîmmə, n ghəŋə soʼo nə̀ ghə keeli isəŋə zey i loʼ ni gaamə ghə nə̀ ghə i muu n jìi zey Zə̀ kə ləghənə.

Taytus 1:4

N tɔ̀ɔ bə màʼlə kən tə̀ wɔ a Taytus, wə ndzəm loʼnə tə̀ a loʼ waa wuŋ u səŋi wə n təŋkey saa dzəŋi bəghəm tə̀ Klisto. N gɔŋŋə nə̀ Zə̀ kə, tə loʼ Bày nsə Yeso Klisto, tə loʼ Bəghəshi saa, dii wɔ n fə̀ŋ i dzuŋu zə, ghə fuu soʼo wɔ n buulə zə.

Taytus 2:13

Nghee tə saa ndzəmə ləmmənə tsuʼ fə nii fey saa khənə nə̀ fə i bə ghəŋŋə nə̀ saa ngii duʼlə, saa keyyə tənə nə̀ Zə̀ kə saa kə səŋi kə nsə bəghəshi ə saa tɔŋŋə Yeso Klisto, bə n wû u kədə̀ŋ.

Jems 1:1

A màʼlə kən tɔ̀ɔ bə mə Jems. N loʼ wù kəfwaʼ tə Zə̀ kə, loʼ soʼo wù kəfwaʼ tə Mûkəbii Yeso Klisto. N tɔ̀ɔ bə tə̀ ghə̂ a Təjuu ghən ghə saali doʼo kaabənə n badla tə mbi tədzəm. N tɔŋɔ zow bə ghaa.

1 Pita 1:1

À màʼlə kən tɔ̀ɔ bə mə Pita, n loʼnə ngəd ə Yeso Klisto. N tɔ̀ɔ bə tə̀ ghaa ghən Zə̀ kə sàynə, ghaa tyi nyi doʼo kaabə tsənə n mboʼo tə Pontus, Galeshya, Kapadoshya, Eshya, nsə n Bitinya.

1 Pita 1:7

Chɔt mən loʼ ni dii bə nə̀ bəghəm i fə̀ŋ i ghaa i ndzəm loʼnu. Kasə tsaa zən i loʼ ni bəb, ghə nam mɔm koʼonu nə uvələ. Nghee bəghəm i fə̀ŋ i ghaa i tsəghəshi kə tsaa zə, ghə khə soʼonu ni mɔm koʼ, sey nə̀ ghaa loʼ ni taw tsəghə ghəə a mbi. Abə ghaa ghəŋənə sey, Zə̀ kə i ghəŋə nə̀ ghə̂ a kali ghaa, ghə fuu ghaa n kɔʼlə mə nsə ngɔɔmə zə n tsuʼ fey Yeso klisto i bəghənə a tii.

1 Pita 2:7

Tay zən loʼ tay i səŋi zə tə ghaa ghey ghaa bəghəm fuunə tə Klisto. A kee bə ghə̂ ghey ghə ka bəghəm fuu, i tɔ̀ɔ doʼo n màʼlə K-a-zə̀ nə̀, “Tay i mɔʼɔ zey ghə̂ a bəghə a təndaw ghə â tuu maʼanə nə̀ i way kəfə, N kəm bə doʼo tay i səŋi zə tsəghəshi atay adzəm.”

1 Pita 5:1

N loʼ soʼo ngəd, n mâ koʼ Klisto nghee tə â fəʼlənə tii, mə i keeli soʼonu kɔʼlə mey tə khənə idəŋ abə tə i kəm bənə. N buʼu bə kəwɔɔ tə ghaa ngəd tə dzûmə tə Klisto tey tə loʼnə n fəŋŋə kə ghaa nə̀,

2 Pita 1:4

À loʼ n jìi i zən tə â fuunə saa n naamə u səŋi wey tə â təb naŋanə tə̀ saa. À loʼ naamə u səŋi wən u ghəŋŋənə nə̀ ghaa tyi nuu shi bə n ghəə a bəbə ghey gow uwû ləghənə fa n mbi, sey nə̀, ghaa loʼ ni mbɔŋ keeli soʼo muu zey Zə̀ kə khənə.

Màʼlə kə Jud tə̀ ghə̂ a Kəzə̀ ghə 1:1

À màʼlə kən tɔ̀ɔ bə mə Jud wən n loʼ waazə Jems nsə wù kəfwaʼ a Yeso Klisto. N màʼlə kən tɔ̀ɔ bə tə̀ ghə̂ ghən adzəm, Zə̀ kən kə loʼnə Bày saa ləghənə, sày naŋa nə̀ ghə doʼo n tənə Yeso Klisto.