2 Kɔrint 9:8 - Kaa n Kəzə̀ n fəghə mə

⁸ Zə̀ kə loʼnu ni fuu ghaa n buulə zə naʼ idzəm sey nə̀, ghaa i ngii khə fə̂ wey ghaa ləghənə naʼ idzəm nə tənəŋə tədzəm. Sey, ghaa i loʼ ni ghəŋŋə ghəə a dzuŋu ghə n ndəm ni gaamə nduŋŋə ndow ghə̂ a loʼ ghə.

2 Kɔrint 9:8 ပူးပေါင်းရင်းမြစ်များ

Kəfwaʼ 9:36

Dzûmə ə Yeso u loʼ wə n naʼ i Jopa ghə â tɔŋŋə nə̀ a loʼ Tabita, n ghɔɔmə i Grik nə a loʼ Dɔkas, dii tsu nə a loʼ ngaw. Weyzən wən n ghəŋŋə tsə ghəə a dzuŋu ghə tə ghə̂ ghə nəŋə tədzəm, fuu soʼo igaamə tə ghə̂ a laa ghə.

1 Kɔrint 15:58

Sey, waazə ghuŋ a dzuŋu ghə, təmi taw tsu na n bəghəm i fə̀ŋ i ghaa, kə̂ fə̂ kə loʼ kə nə̂ soʼlənə ghaa. Fuu nyi ndòw na wû i ghaa zə n fwaʼ kə Mûkəbii, n təŋkey ghaa khənu nə̀ fwaʼ kən ghaa fwaʼanə tə̀ wi way dzə kənunu.

2 Kɔrint 13:3

Nghee tə̀ ghaa ləghənə nə̀ n dii bə ghaa n tsə̀ə nə̀ à loʼ Klisto tə fuunə mə n daʼa kə nə̀ n ghɔɔmə ghəə ghən n ghɔɔmənə, mə i dii bənu. Klisto laʼa way daʼa kə ni teyyə naŋa bə ghaa, tə fədlə dii daʼa kə wi nghee tə fwaʼanə n fəŋŋə kə ghaa.

2 Kɔrint 8:19

À way kə sey, a loʼ soʼo nə̀ dzəŋi u dzûmə tə Klisto tə sày wi nə̀ tə bwey dzəŋi ghi ghey nghee tə̀ ghey bwey fwaʼanə fwaʼ kə dzuŋu kən ni fuu nkɔʼlə tə̀ Mûkəbii, nsə ni dii nə̀ ghey ləghənu ni fuu igaamə.

2 Kɔrint 8:2

Nghee ghə â tsəm khə kənə chɔdmə n ndəm, ngii laa soʼo, ghə n nam duʼlə kənu, duʼlə i tii zə n ghəŋə ghə nə̀ ghə i fuu n fə̀ŋ tə ghə tə tədzəm.

2 Kɔrint 8:7

Nyisa, nghee tə̀ ghaa fwaʼa dzɔbənə nə aghəə adzəm, tɔŋŋə, n bəghəm i fə̀ŋ i ghaa, n ghɔɔmə i ghaa, n tɔb u ghaa, n zày zey ghaa khənə ni gaamə ghə̂ ghə, nsə n ləghə zey ghaa khənə n kow ghey. Ghey ləghə nə̀ ghaa i fwaʼa dzɔbə soʼo n fwaʼ kə dzuŋu kən ni fuu tə̀ ghə̂ ghə.

2 Kɔrint 9:11

Tə n ghəŋə ghaa nə̀ ghaa i ngii kûm nə̀ təjìi tədzəm, ghaa loʼ ni fuu ndòw tə̀ ghə̂ ghə nəŋə tədzəm, sey nə̀ ndəmə aghə̂ ghə i fuu zɔŋŋə kə tə̀ Zə̀ kə bòʼ gaamə zən ghaa fuunə tə̀ ghey nə̀ ghey fuu tə̀ ghə.

Efesus 2:10

À loʼ Kəzə̀ tə fwaʼ naŋa bənə saa tə̀ saa loʼnə nya boʼnə saa loʼ nə kəfə kəmɔʼ ghi Klisto. Tə saa bɔm nə̀ saa i loʼ nə kəfə kəmɔʼ ghi klisto sey nə̀ saa i loʼ ni fwaʼ fwaʼ kə dzuŋu kə, tɔŋŋə ghəə a dzuŋu ghey Zə̀ kə â khə bayyə naŋanə tə̀ saa nə̀ saa i ghəŋŋə.

Efesus 3:20

Kɔʼlə n ndzəm n loʼ tə̀ Zə̀ kə, Zə̀ kən kə loʼnə ni ghəŋə aghəə adzəm n bam i Zay kə Zow kən kə muunə n fə̀ŋ, tə buʼ ghəŋə tsəghəshinə ghəə ghey adzəm saa â bəbnə nkee saa â moʼlənə.

Filipi 4:11

N ghəə ghən dza dzə way nə̀ n laʼa fə kə loʼ kə, n təŋkey, mə n zoʼlə ni duʼlə nəŋə tədzəm, abə a loʼ kə n nəŋə zey n khənə fə̂ kə nkee n nəŋə zey n laʼanə.

Kolose 1:10

Abə i loʼnə sey, saa i loʼ ni muu ndzoʼo muu zey Mûkəbii ləghənə, ghəŋŋə ndow ghəə ghey a dzɔbənə n sə kə wi nəŋə tədzəm. Ghaa i nyîmmə n ghəə a dzuŋu ghən ghaa ghəŋŋə, nyîmmə soʼo n jìi zey ghaa zowkeelinə Zə̀ kə a tii.

2 Tesalonika 2:17

Ghey gɔŋŋə nə̀ tə kuu fə̀ŋ tə ghaa, tə ghəŋə soʼo nə ghaa i fwaʼa kə fwaʼ kə dzuŋu kə, ghɔɔmə i ghaa zə i loʼ kə ghɔɔmə i dzuŋu zə.

2 Timoti 2:21

Wù wey tə sòw nuu tsu wû u wi wə n ghəə a bəbə ghə, tə i doʼo bə tə a loʼ fə kə kuum ighəə, n təŋkey tə zownu n sə kə mûkəbii wi, tə n bayyə naŋa wû u wi wə, ləmmə tənə soʼo ni fwa fwaʼ kə dzuŋu kə.

2 Timoti 3:17

Zə̀ kə ney ghɔɔmə i wi zən ni tɔʼ bayyə ghə̂ a wi tii ni fwaʼ fwaʼa tə wi tə dzuŋu tə tədzəm.

Taytus 2:14

À loʼ wi tə â fuu ndownə wû u wi wə ni kpu n tow u saa ni bəghəshi saa n ghəə a saa a bəbə ghə adzəm nsə ni sow maʼa ghəə a saa a bəbə ghə, sey nə̀, saa doʼo bə ghə̂ a wi, khə tən soʼo zày ni ghəŋŋə ghəə ghey a dzɔbənə.

Taytus 3:14

Ghəŋə tsu soʼo nə̀ ghə̂ a saa a zoʼlə tsu ni ghəŋŋə ghəə ghey a dzɔbənə, sey nə̀, ghə i loʼ ni gaamə ghə̂ ghey ghə khə way n fə wey ghə ləghənə, ni ghəŋə nə̀ kə waazə a saa n muulənə muu zey i tsəə way.

Taytus 3:8

Ghəə ghən n dza bənə fa tə̀ wɔ ndzəm loʼ isəŋə. N ləghə nə̀ wə i tɔʼɔ dza kuulə ndow ghəə ghən tə̀ ghə, sey nə̀ ghə̂ ghən ghə bəghəmnə tə̀ Zə̀ kə, loʼ ni khə zày ni ghəŋŋə ghəə ghey a dzɔbənə. Ghəə a tii a dzɔbənu, loʼ soʼo ni gaamə aghə̂ adzəm.

1 Pita 4:10

Nghee i loʼ nə̀ Zə̀ kə n fuu kay wù ghaa n naamə kə, ghaa khə ni ney naamə kən Zə̀ kə diinə fə̀ŋ ə wi i dzuŋu zə ni fuu tə ghaa, ghaa i laalə ndow ghə̂ a loʼ ghə tii.