2 Kɔrint 9:15 - Kaa n Kəzə̀ n fəghə mə

¹⁵ Saa fuu kəzɔŋŋə tə̀ Zə̀ kə n ndzoʼo naamə kə nii kən tə fuunə tə saa nə̀ wù loʼ way ni tiilə dza.

2 Kɔrint 9:15 ပူးပေါင်းရင်းမြစ်များ

Lukas 2:14

“kɔʼlə n loʼ tə Zə̀ kə tə loʼ idəŋ, buulə i Kəzə̀ zə i loʼ tə̀ ghə̂ ghey ndzuŋ ə wi loʼ kow ghə fa n mbi.”

Lukas 2:38

Nghee tə Maria ghi Yosef loʼnə fu ghi waa, Anna n bɔɔmə bə soʼo n nəŋə i tii zə, bə kaʼ ni fuu ukali tə̀ Zə̀ kə, khəə soʼo aghəə kùm Yeso tə̀ ghə̂ ghey adzəm ghə â ləmmənə bəghəshi ə Yerosalem.

Tùm i dzuŋu zə kuum Yeso Klisto tə Jɔn â tɔɔnə 1:16

Saa n keeli ndzuŋ kəm keeli kuulə bòʼ ləghə i wi zən tə khənə n kow saa naʼ idzəm.

Tùm i dzuŋu zə kuum Yeso Klisto tə Jɔn â tɔɔnə 3:16

Kuumnə, Zə̀ kə â ngii ləghənu mbi ni ney fuu bə sɔʼi fə Waa wi, nə̀ wù wey tə bəghəmnə tə wi, tə i ka kpu, tə i fəd keeli muu zə itsali.

Roma 5:15

À kee loʼ nə̀ naamə key Zə̀ kə fuunə, way dzə tə aloʼ bəb i Adam. N dza sey n təŋkey, ndəmə aghə̂ a kpuulə bòʼ bəb i wù umɔʼ. À kee loʼ nə̀ à dow tsəghəshi ndzuŋ zən Zə̀ kə diinə nsə naamə kən tə fuunə tə̀ ghə̂ ghə n ndəm nə kənunu. Tə fuu naamə kən n bam i wù umɔʼ tɔŋɔ Yeso Klisto, tə â kpuunə n tow u ghə.

Roma 6:23

I loʼ sey n təŋkey, fə̂ key wù keelinə abə tə ghəŋŋənə ghəə a bəbə ghə, loʼ ivə. Naamə key Zə̀ kə kee fuunə tə̀ wù wey tə loʼnə nə kəfə kəmɔʼ ghi Mûkəbii saa Yeso Klisto loʼ muu zən i nə may way.

Roma 8:32

Abə Zə̀ kə â loʼ ni ney fuu ndow waa wi nə̀ tə kpuu n tow u saa adzəm, ghaa moʼlə nə̀ tə i fuu way saa n fə u loʼ wən udzəm naʼ idzəm ə?

1 Kɔrint 15:57

A kee fuu zɔŋŋə K-a-zə̀ nə̀ tə n ghəŋə nə̀ saa təm zə̂ ivə n bam i Mûkəbii saa Yeso Klisto.

2 Kɔrint 2:14

Saa kee fuu kə kəzɔŋŋə tə̀ Zə̀ kə n təŋkey, abə saa loʼnə nə kəfə kəmɔʼ ghi Klisto nəŋə tədzəm, Zə̀ kə n sìi bwey kaabə tsə ghi saa tə a loʼ ghə̂ ghey ghə təm zə̂nə tsam n zəd i Klisto. Zə̀ kə ney saa ni ghəŋə nə̀ ghə̂ a keeli Klisto nə təluʼu tədzəm n tûm zey ghey naʼlə kaabənə. Tum tii loʼ tə̀ a loʼ zuʼ tə dzuŋu tə, tə ləmmənə dzɔbənə nə təluʼu tədzəm.

2 Kɔrint 9:11

Tə n ghəŋə ghaa nə̀ ghaa i ngii kûm nə̀ təjìi tədzəm, ghaa loʼ ni fuu ndòw tə̀ ghə̂ ghə nəŋə tədzəm, sey nə̀ ndəmə aghə̂ ghə i fuu zɔŋŋə kə tə̀ Zə̀ kə bòʼ gaamə zən ghaa fuunə tə̀ ghey nə̀ ghey fuu tə̀ ghə.

2 Kɔrint 9:14

Sey, ghə i mbuŋŋə ni koʼ ghaa, gɔŋŋə soʼo n tow u ghaa bòʼ ndzuŋ i nii zən Zə̀ kə fuunə tə̀ ghaa.

Efesus 5:20

fuu kəzɔŋŋə tə̀ Zə̀ kə, tə loʼnə Bày saa nəŋə tədzəm, n fə wən udzəm tə fuunə tə̀ saa n zəd i Mûkəbii Yeso Klisto.

Jems 1:17

Keeli tsu na nə a loʼ Zə̀ kə idəŋ kə, kə fuunə ghəə a dzuŋu ghə nsə fə u dzuŋu wən a keelinə fa n mbi udzəm. À loʼ wi tə khənə daa wən u loʼ idəŋ udzəm. Tə kweyyə koʼo tsə way n doʼo i wi tə a loʼ daa u wi wən u kweyyənə n jìi zey u baŋanə tii.

Chi dii 4:9

Nəŋə tədzəm fə̂ wey u ukaykə u loʼnə utaw n zhim tədzaŋa, fuu nkɔʼlə, ngɔɔmə, fuu soʼo kəzɔŋŋə tə wù wən tə doʼnə n kuu kə fɔɔ kə tii kə, nə̀ tə nə kpu koʼ way tə mbi nə bə may.