2 Kɔrint 6:8 - Kaa n Kəzə̀ n fəghə mə

⁸ Nəŋə tə loʼ tə, ghə n ngɔɔmə ghey, nəŋə tə loʼ tə ghə n tsayyə ghey. Ghə̂ a loʼ a kpaalə ghey, ghə̂ a loʼ ghə a kalinə ghey. Ghə̂ a loʼ ghə a koʼo ghey tə̀ ghey badla aghəə, loʼ sey nə̀ ghey dza isəŋə.

2 Kɔrint 6:8 ပူးပေါင်းရင်းမြစ်များ

Matyo 10:25

Waa kəmàʼlə bɔɔmə may kuum tsu kə ni doʼo tə̀ a loʼ wù dii ə wi, wù kəfwaʼ bə doʼlə soʼo tə̀ a loʼ Mûkəbii ə wi. Abə ghə tɔŋŋənə mûkəbii nə̀ tə loʼ Belzebul, ghə̂ a ndaw wi ghə i keeli izəd nə̀ zə n bəb tsəghəshi Belzebul.”

Matyo 22:16

Ghə n tûm tsu tsətəndəghə tə ghə nsə ghə̂ a Helɔd a loʼ ghə. Ghə n bə koʼ bə Yeso, dza tə̀ wi nə̀, “Wù dii wə, ghey khənu nə̀ wə dza tsə kə isəŋə, wə dii ghɔɔmə i Kəzə̀ tə̀ i khə ni doʼo, wə saʼa way ghɔɔmə tə aghə̂ tə, n təŋkey, wə khə way nəŋə i wù zə.

Matyo 27:63

Ghə n dza tə̀ wi nə̀, “Mûkəbii, a nam moʼlənu nə̀ wù badla wə aghəə wey â dza naŋa zey n nəŋə zey tə â nam loʼnə utaw nə̀, ‘A i bə nə ntsuʼ ntəghə, Zə̀ kə i zhəm dzəŋŋə bə mə nə̀ ivə.’

Malakus 12:14

Ghə̂ a tii ghə n bə dza bə tə̀ wi nə̀, “Wù dii wə, a khənu nə wə dza kə isəŋə, wə̀ ghəŋŋə ghəə ghə nə wə laalə way wù nə asə̂. Wə dii ghɔɔmə i Kəzə̀ tsətsəghə tə̀ ghə̂ ghə. A ləghə ni keeli nə̀, laŋ kə diinu nə saa i tsow màʼlə kə tə̀ Kaysa mɔ kə dii way ə?”

Tùm i dzuŋu zə kuum Yeso Klisto tə Jɔn â tɔɔnə 7:12

Ndəmə aghə̂ ghə n tsɔŋɔ ghɔɔmə n wû i ghə bòʼ wi. Ghə̂ a loʼ ghə n dza nə̀, “Tə loʼ wù dzuŋu wə.” À loʼ ghə n kee dza nə̀, “Ngaŋ! Tə sìi ndzəŋŋə aghə̂.”

Kəfwaʼ 10:22

Ghə n beeli ndow wi nə̀, “Wù wey tə loʼnə tow kə sàʼ kə təsawgoʼ tən tə loʼnə fəbɔm wən ghə tɔŋŋə nə̀ a loʼ Kɔnilus tûm bə ghey n səə wɔ. Tə loʼ wù dzuŋu, ngɔɔmə Kəzə̀, tə u khə soʼo kɔʼlə mə n wɔ ghə̂ a naʼ i Təjuu adzəm. Tsəndəghə Kəzə̀ â dza tə wi nə̀ tə tɔŋɔ bə wɔ n ndaw wi, sey, tə̀ tə loʼ ni zow ghəə zey wə khənə ni dza.”

Kəfwaʼ 16:39

Sey, ghə n ndow dza tə ghə nə̀ ghə neyzəə ghə, ney nuu shi bə ghə fu n ndaw tsaʼ. Ghə n daŋŋə buʼ kəwɔɔ tə̀ ghə nə̀ ghə nuu shi ndow n naʼ i ghə.

Kəfwaʼ 22:12

Wù loʼ n loʼ fu n Damaskus ghə â tɔŋŋə nə̀ loʼ Ananyas. Tə n ndzəmə fuu nkɔʼlə tə Zə̀ kə, naŋŋə dzɔbə laŋ kə Mushi. Ghə̂ a Təjuu ghey fu adzəm n ngii fuu wi n ngɔɔmə zə.

Kəfwaʼ 24:5

Ghey n koʼ nə̀ wù wən loʼ wù uchɔd. À loʼ wi tə soʼo kaabə tsənə chɔd wə n fəŋŋə kə ghə̂ a Təjuu fa n mbi idzəm. À loʼ soʼo wi tow kə n zəghə u loʼ wə ghə tɔŋŋə nə̀ a loʼ zəghə u Nazarin.

Kəfwaʼ 28:22

Ghey kee ləghənu ni zow moʼlə zə n təŋkey ghey khənu nə ghə tsəm ə khəə bəəbənu nə təluʼu tədzəm bòʼ zəghə wey wə loʼnə tii.”

Kəfwaʼ 4:21

Ambə ghə bəmi kpi tsunə ghə, ghə n zəghə tsu ghə nə ghə nuu. Ghə â koʼ tsu nə̀ jii way tə ghə ni chɔd ghə, n təŋkey, aghə̂ adzəm â fuu nkɔʼlə tə Zə̀ kə n ghəə ghən a shinə.

Kəfwaʼ 5:13

Wù umɔʼ n fəŋŋə kə ghə̂ ghey ghə â way dzəŋi ghi dzûmə tə Klisto tə n khə way fə̀ŋ ni təmdzəŋi ghə, loʼ sey nə̀ ghə̂ ghə â mgbaŋ khə ghə nə a loʼ ghə̂ a səŋi ghə.

Kəfwaʼ 6:3

Waazə ghə, say kɔʼ n na ghə̂ ghə asəghəmbəghə n fəŋŋə kə ghaa, ghə̂ ghən ghaa khənə nə̀ Zay kə Zow kə loʼ n kow ghə, ghə u khə soʼonə tɔb wə, ghaa fuu ndow fwaʼ kən tə ghə nə ghə i fwaʼa.

Roma 3:8

Sey, i kpiinu tə̀ Zə̀ kə ni chɔd ghə̂ ghən ghə kpaalənə ghey, dza nə̀ ghey dza tə̀ ghəghə nə̀, “Bə na saa i ghəŋŋə ndow kə ghəə a bəbə ghə tə aloʼ jii zey saa kɔʼlənə Zə̀ kə a tii.”

2 Kɔrint 1:18

Nghee tə̀ Zə̀ kə ndzəmə ghɔɔmənə isəŋə, ghɔɔmə i Kəzə̀ zey ghey naʼlənə tə̀ ghaa, ghey fwɔdlɔ bəghəm dzə way ghəə zə nə̀, “Ow, ow”, loʼ sey nə̀ n fə̀ŋ tə ghey, ghey tuu maʼanu ghə i tii zə nə̀, “Ngaŋ, ngaŋ.”

2 Kɔrint 11:21

N bəghəm kənu n tow kə dədlə kə nə̀ ghey laynu ni ghəŋə ndzoʼo ghəə ghey. À kee loʼ nə̀ ghə i ghaa zə ghə̂ a tsɔbənə fə̀ŋ tii, n nya ghɔɔmə tə̀ a loʼ wù laʼlə, mə î mbɔŋɔ tsɔbə soʼonu fə̀ŋ tii.

2 Kɔrint 12:16

Ghaa khənu nə̀ mə â ka fəmmə dzə ghaa n ghə i loʼ zə. Wù loʼ loʼnu ni nam dza nə̀ mə â tsìi ghaa, nəəbə kwu kɔʼ soʼo ghaa n ghəə a badla ghə.

2 Kɔrint 4:2

Ghey n tuu maʼa ghəə a dədlə a kətow ghey ghə̂ a ghəŋnənə nə kələm. Ghey ghəŋŋə way ghəə a tsìi ghə, ghey fwɔdlɔ soʼo way ghɔɔmə i Kəzə̀ zə. Ghey kee ghɔɔmə bə isəŋə n mgbaŋ nə̀ ghə̂ adzəm ghə i khə n fə̀ŋ tə ghə nə̀ ghəə ghey ghey ghəŋŋə, a kpiinu n sə K-a-zə̀.

1 Tesalonika 2:3

Ghey â ka nyəŋ laʼ dzə n ghəə ghey, ghey â dza bənə tə̀ ghaa, â way soʼo n moʼlə tə bəbə tə n kow ghaa, nkee ni tsìi ghaa.

1 Timoti 3:7

Tə khə ni teeli loʼ wù wən tə khənə ngɔɔmə zə n fəŋŋə kə ghə̂ ghən ghə ka bəghəm Zə̀ kə. Sey ghə i way ni ghɔɔmə bəəbə bòʼ wi, vəətsəə ghə i way soʼo ni bìi kwu wi.

1 Timoti 4:10

À wən loʼ zuŋ key saa fwaʼanə, dəmə soʼo ni keeli ghəə ghən, n təŋkey, saa gaʼ fə̀ŋ tə saa n kow Zə̀ kən kə loʼnə utaw, tə loʼnə bəghəshi tə ghə̂ ghə adzəm, a ka tsəm dza ghə̂ ghən ghə bəghəm fuunə tə wi.

Hibru 13:13

Sey, saa ndow n səə wi a bii n mbàa inaʼ, saa ndow boʼo soʼo tow kə dədlə kə tə̀ tə â boʼonə.

1 Pita 4:14

Zə̀ kə i buulə wù wey ghə kpaalənə wi a dza tə loʼ dzûmə Klisto, n təŋkey, Zay kə səŋi kən kə loʼnə Zay K-a-zə̀ kə, loʼ n kow wi.

3 Jɔn 1:12

Ghə̂ adzəm, ghə ghɔɔmə ghəə a dzuŋu ghə bòʼ Demitrus, zə a ndzəm loʼ isəŋə nə tə loʼ wù dzuŋu. Ghey dza soʼo sey, ghaa khə soʼonu nə̀ abə ghey dzanə ghəə zə, a sey loʼ isəŋə.

Chi dii 3:9

Koʼo na! Ghə̂ ghey ghə loʼnə n ndaw kədzəŋi ə Satan, ghə̂ a badla ghə aghəə ghey ghə dza nə̀ ghə loʼ ghə̂ a Təjuu loʼ sey nə̀ ghə way, mə i ghəŋŋə tsu ghə nə̀ ghə bə təm tənguʼ n tənə wɔ, ghə bəghəm kɔʼ soʼo nə̀ mə n wɔ ləghə tən.