2 Kɔrint 12:20 - Kaa n Kəzə̀ n fəghə mə

²⁰ N dza sey n təŋkey, n fa tsəŋə nə̀ abə mə î bənə, mə i ka koʼ ghaa n jìi zey n ləghənə nə̀ ghaa doʼo tii, ghaa soʼo ghaa i ka koʼ mə nə̀ n way dzə n jìi zey ghaa ləghənə nə n doʼo tii. N tsəŋə nə̀ n loʼ ni bə nə̀ ghaa khə izùu n fəŋŋə kə ghaa, khə kəghoʼ, khə nəghə u fəə wə, khə umə̂, kpaalə kaabə iwû, baŋŋə təfəghəm, kɔʼlə kaabə iwû, fwɔdlɔ maʼa soʼo wû i ghaa.

2 Kɔrint 12:20 ပူးပေါင်းရင်းမြစ်များ

Roma 1:29

À n fə̀ŋ tə ghə luu doʼo tən kə lii tə aghəə tey tə kpiilə way n sə K-a-zə̀, tə aloʼ ghəə a bəbə, umə̂, mwam u bəbə wə. Ghəə ghey a kpiilə way tə aloʼ kəghoʼ, ni wey wù, ni tsowwə ghɔɔmə, ni nəbə ghə̂ ghə, khə fənyiʼi n kow ghə̂ ghə, khəə kaabə soʼo təfəghəm.

Roma 1:30

Ghə bəəbə kaabə zəd a ghə̂ ghə, ləghə way Zə̀ kə, khə ndow, ghaŋŋə iwû, kɔʼlə soʼo iwû. Ghə kəŋə təjii tədzəm ni ghəŋŋə ghəə a bəbə ghə. Ghə ngɔɔmə way ghə bày a ghə ghə.

Roma 2:8

A kee bə ghə̂ ghey ghə â muunə nə̀ ghə laalə tsuu kə wû i ghə zə, tuu maʼa isəŋə, fədlə dzûmə ndow ghəə a bəbə ghə, Zə̀ kə i chɔdlə ghə, ghə i koʼ nəghə u fəə u wi.

1 Kɔrint 1:11

Waazə ghə, n ghəə ghən sa dza n təŋkey ghə̂ a loʼ ghə n ndaw Klo, ghə n dza tə̀ mə nə̀ ghaa zuulə n wû i ghaa.

1 Kɔrint 14:33

Keeli tsu na nə̀, Zə̀ kə way dzə Zə̀ kən kə fwɔdlɔnə ghə̂ ghə, tə fədlə ləghə nə̀ ghəə ghə i bwey kɔʼɔ ndow nə ibuulə. Tə̀ i loʼnə n dzəŋi u dzûmə tə Klisto nə təluʼu tədzəm,

1 Kɔrint 5:2

Ghaa loʼ ngee ni ghaŋŋə wû zə n ndzoʼo ghəə ghən ə? À wən loʼ ighəə ghaa mə khə ni mow tii, ghaa bùʼ dzùm nuu shi daŋŋə wù wey tə ghəŋŋə ndzoʼo ghəə ghən n fəŋŋə kə ghaa.

2 Kɔrint 1:23

Zə̀ kə loʼ ni təmi tiilə bòʼ mə nə̀ n dza isəŋə nə̀ ghəə zey mə â doʼonə nə̀ n ka kəm bə n Kɔrint, â loʼ n təŋkey mə̀ â ləghə way ni tɔɔbə n kow ghaa.

2 Kɔrint 10:2

N buʼu bə kəwɔɔ tə̀ ghaa nə̀ kə ghaa nə̂ ghəŋŋənə nə̀ n tɔɔbə ghɔɔmə abə mə î bənə, n təŋkey n loʼnu ni tɔɔbə ghɔɔmə tə̀ ghə̂ ghey ghə dzanə nə̀ ghey ghəŋŋə aghəə n jìi zey ghə̂ a mbi a ghəŋŋənə.

2 Kɔrint 10:6

Ghey ləmmə tənə nə̀ ghaa doʼo may bə ghə̂ ghey ghə zownə tə̀ klisto, sey ghey i loʼ ni chɔd ghə̂ ghey ghə zow way tə̀ wi.

2 Kɔrint 12:21

N tsəŋə nə̀ abə mə i kəm bənə, tow kə i ngii dəd mə n sə kə Zə̀ kuŋ bòʼ ghaa. Mə i kaʼ ni mow bòʼ ndəmə ghə̂ ghey ghə â ghəŋənə bəb zə, ghə a nam loʼ nə̀ ghə ka kam kweyyə nuu bə fə̀ŋ tə ghə tə n ghəə a ghə a dzəə ghə, ghəə a laŋŋə ghə nsə moʼlə tə dzəə tey ghə â khənə.

2 Kɔrint 13:2

N mâ bùʼ kpaa ghaa ghən ghaa â ghəŋŋənə ghəə a bəbə ghə, kpaa tsu soʼo ghə̂ a loʼ ghey adzəm. N fa nam kpaa kpiʼi bə ghə nya wən n way n səə ghaa ighələ tə̀ mâ kpaanə ghə nghee mâ bə koʼonə ghaa ni ghəŋə tənəŋə təbəghə, nə̀ abə mə i kəm bənə, wù ghə umɔʼ î nɔb shi way n wɔɔ kuŋ.

2 Kɔrint 2:1

À wey loʼ ghə i tii zə mə â tsə̀m kɔʼnə n fə̀ŋ zuŋ nə̀ n way dzə ni kəm bə n səə ghaa, n bə ghəŋə ghaa nə̀ ghaa i fəələ n fə̀ŋ tə.

Galeshia 5:15

Abə ghaa ŋaŋi kaabənə wû i ghaa zə tə a loʼ təbvə n jìi zey ghaa muu nə tii, kee ghə̂mə kə na nu kə ghaa nə weyyənə wû i ghaa zə.

Galeshia 5:26

Kə saa nə kɔʼlənə wû zə, kə saa nə kɔʼlənə wû i saa zə, kə saa nə ghoʼo soʼo nə wû i saa zə.

Jems 4:11

Waazə ghə, kə ghaa nə khəə fəghəm tə n wû i ghaa. Wù wən tə khəənə fəghəm tə n tow kə waazə nkee saʼa wi, tə sey kii maʼa kəlaŋ, saʼa soʼo. Abə wə saʼa laŋ kə, wə sey way dzə wù wey wə naŋŋənə laŋ kə, wə fəd loʼ wù wey wə kii maʼlənə laŋ kə.

1 Pita 2:1

Nghee i loʼ nə̀ Zə̀ kə n fuu ghaa n muu i fəghə zə, i sey dii nə̀ ghaa khə ni kweyyə nuu bə n fə̀ŋ tə ghaa tə n ghəə a bəbə ghə adzəm, ghaa maʼa ghəə a nəbə ghə ityim ghə, ghaa maʼa ghəə a badla ghə, ghaa maʼa kəghoʼ, kə ghaa nə tsayyə soʼonə wù.

2 Pita 2:18

Ghə kɔʼlə kaabə tsə iwû, ghɔɔmə ilaʼlə, ney kɔʼɔ ghəə a laŋŋə ghey ghə ghəŋŋənə ni nəəbə ghə̂ ghey ghə kuʼlə tyi nuu shi bənə n fəŋŋə kə ghə̂ ghey ghə muunə n ghəə a bəbə ghə nə̀ ghə i ghəŋŋə dzəə dzəə tə aghəə tey gow uwû ghə ləghənə nə̀ ghə i ghəŋŋə.

Màʼlə kə Jud tə̀ ghə̂ a Kəzə̀ ghə 1:16

Ghə̂ ghən khə kə ni nyuŋŋə ghɔɔmə nsə ni kəŋə chɔd wə n kow ghə̂ a loʼ ghə. Ghə dzûmə ndow kə ghəə a ghə a bəbə ghey fə̀ŋ tə ghə tə ləghənə. Ghə ghaŋŋə kaabə tsə iwû, nəəbə soʼo aghə̂ nə idzuu ni keeli fə key ghə ləghənə.