2 Kɔrint 12:19 - Kaa n Kəzə̀ n fəghə mə

¹⁹ Ghaa moʼlə nə̀ ghey ləghə ni bəghəshi wû i ghey n sə̂ kə ghaa n ghəə ghən adzəm ghey dzanə fa ə? À way dzə sey. Ghey dza isəŋə n sə K-a-zə̀ n jìi zey Klisto i ghəŋŋənə nə̀ ghey ghɔɔmə. Waazə ghuŋ a dzuŋu ghə, ghəə ghən adzəm ghey ghəŋŋənə loʼ ni bəghə kɔʼ bə bəghəm i fə̀ŋ i ghaa.

2 Kɔrint 12:19 ပူးပေါင်းရင်းမြစ်များ

Roma 12:19

Waazə ghuŋ a dzuŋu ghə, kə ghaa nə deynə ngəmə tə abə wù ghəŋə bəəbənə ghaa n ghəə zə, kee naŋa ndow na tə Zə̀ kə, tə i dey fu ngəmə tə ghaa, n təŋkey, i tɔ̀ɔ doʼo n màʼlə K-a-zə̀ nə̀ Zə̀ kə dza nə̀, “À loʼ mə ni dey təngəmə n kow ghə̂ ghey ghə ghəŋŋənə ghəə a bəbə ghə, n tsə dzəŋŋə ghə̂ ghey ghə fəmmənə ghə̂ a loʼ ghə.”

Roma 14:19

À wey loʼ ghə i tii zə saa khə ni ghəŋŋə ghəə ghey ghə i ghəŋŋənə nə̀ saa i muu nə ibuulə, ghəŋŋə soʼo nə̀ dzûmə tə Klisto tə loʼ tən tə taw may kɔʼ bə n bəghəm i fə̀ŋ i ghə.

Roma 15:2

Saa khə ni ghəŋŋə ndow ghəə ghey a dzɔbənə tə̀ dzûmə tə Klisto tə loʼ tey nə̀ ghə i loʼ nə iduʼlə, sey nə̀ saa loʼ ni bəghə kɔʼ bə bəghəm i fə̀ŋ i ghə.

Roma 9:1

Ghəə ghən n dzanə, à loʼ isəŋə, n badla dzə way ghəə ghə n təŋkey n loʼ nə kəfə kəmɔʼ ghi Klisto. Zay kə Zow kən kə loʼnə n fə̀ŋ zuŋ tiilə dza bənu nə̀ n badla dzə way ghəə ghə.

1 Kɔrint 10:14

Sey, waazə ghuŋ a dzuŋu ghə, kə ghaa nə ngɔɔmənə muʼu mə.

1 Kɔrint 10:33

À wey loʼ soʼo nghee n dəmənə ni muu nə̀ n khə way chɔd wə ghi wù loʼ n ghəə ghey n ghəŋŋənə. N ghəŋŋə dzə way ghəə ghey a dzɔbə kənə tə̀ mə, n fədlə ghəŋŋə ghəə ghey ghə i gaamənə ndəmə aghə̂, sey nə̀, ghə i loʼ ni keeli ibəghəshi.

1 Kɔrint 14:26

Waazə ghə, na n dza bə ghəə ghey a kpiinə tə̀ ghaa ni ghəŋə abə ghaa təmdzəŋi bənə ni ngɔɔmə Kəzə̀. Abə ghaa təmdzəŋi bənə ni ngɔɔmə Kəzə̀, wù loʼ loʼ ni khə ni zhim ghəə ghə, wù loʼ i loʼ ni tsə̀ə ghə̂ ghə, wù loʼ i loʼ ni chi dii bə aghəə tə̀ Zə̀ kə fuu bənə tə̀ wi, wù loʼ i loʼ ni ghɔɔmə n ghɔɔmə zə inaʼ i nuu zə, wù loʼ i kee loʼ ni tiilə dza bə ghəə ghən wù wən dzanə n ghɔɔmə tə naʼa tə nuu tə. Ghə̂ ghən adzəm khə ni ghəŋŋə ghəə ghən adzəm n jìi zey zə i bəghə kɔʼɔ bənə dzəŋi kə dzûmə tə Klisto kə.

2 Kɔrint 10:8

N way dzə ni dəd n tow kə, abə i loʼ kənə nə̀ n ngii tsɔbə fə̀ŋ bòʼ daʼa kən Mûkəbii fuunə tə̀ ghey, tɔŋŋə daʼa kən tə̀ fuunə nə̀ ghey bəghə kɔʼ bə bəghəm i fə̀ŋ i ghaa, a way dzə ni wey maʼa bəghəm i fə̀ŋ i ghaa.

2 Kɔrint 11:10

Nghee tə̀ isəŋə i Klisto i loʼnə n fə̀ŋ zuŋ, wù loʼ way dzə n mbuʼu Akaya ni buu naŋa mə nə̀ kə n nə tsɔbənə fə̀ŋ.

2 Kɔrint 11:31

Zə̀ kə, tə loʼnə Bày Mûkəbii Yeso, kɔʼlə n loʼ tənnə tə̀ wi, khənu nə̀ n badla dzə way ghəə ghə.

2 Kɔrint 12:15

Sey, mə i fuu maynu fə̂ wey n khənə tə̀ ghaa, n buʼ fuu daŋŋə soʼo wû wuŋ ni ghəŋə nə̀ ghaa nyim n bəghəm i fə̀ŋ i ghaa. Nghee tə̀ n ngii ləghənə ghaa, à kee loʼ kee ghaa ləghə way mə ə?

2 Kɔrint 13:10

À wən loʼ ghə i tii zə, n tɔ̀ɔ bənə ghəə ghən tə̀ ghaa nə̀ n way ghi ghaa, sey nə̀, abə n bənə, mə i ka tɔɔbə dzə ghi ghaa n daʼa kən Mûkəbii fuunə tə̀ mə. Mûkəbii fuu mə n daʼa kə tii kə ni bəghə bəghəm i fə̀ŋ i ghaa, à way dzə ni wey maʼa bəghəm i fə̀ŋ i ghaa.

2 Kɔrint 2:17

Ghey way dzə tə̀ a loʼ ndəmə ghə̂ a loʼ ghə, ghə ney kɔʼnə ghɔɔmə i Kəzə̀ zə ni kəŋ ukhəə tii. Ghey naʼlə ghɔɔmə i Kəzə̀ n fə̀ŋ tə zow tə tə̀ a loʼ ghə̂ a kəfwaʼ a Klisto, Zə̀ kə tûm bənə.

2 Kɔrint 3:1

Ghaa moʼo nə̀ ghey kəm kaʼ ndow ni kali wû i ghey ə? Nkee ghaa moʼo nə̀ ghey khə ni bə dii bə ghaa n màʼlə kə nə̀ à tɔ̀ɔ bə ghə̂ a nuu ghə nkee nə̀ à tɔ̀ɔ ghaa kə kalinə ghey nə̀ ghey loʼ ghə̂ a dzuŋu ghə ə?

2 Kɔrint 7:1

Waazə ghuŋ a dzuŋu ghə, nghee tə̀ Zə̀ kə təb naŋanə ghəə ghən tə̀ saa, saa khə ni sow zowwə tsu wû i saa n wɔ ghəə ghən adzəm a loʼnə ni dzəələ wû i saa n fə̀ŋ nsə nə kəzay, a i muu muu zey i zownə, tsəŋə ndow soʼo Kəzə̀.

Filipi 4:1

Sey, waazə ghuŋ ghən n ngii ləghənə, mbuŋŋə kìi soʼo ni koʼ. Ghaa loʼ fə key kə fuunə mə n duʼlə zə, ghaa u loʼ soʼo fə key Zə̀ kə naamənə mə tii n fwaʼ kuŋ. Sey waazə ghuŋ a dzuŋu ghə, təmi taw tsu kə na n doʼo i ghaa ghi Mûkəbii.

1 Tesalonika 5:11

Sey, ghaa khə ni kuu tiilə fəŋ tə̀ ghaa tə, gaamə tiillə soʼo i wû i ghaa zə ni ghəŋə nə̀ ghaa nyim n bəghəm i ghaa, ighələ tə̀ ghaa ghəŋənə.

Hibru 6:9

Nghee tə̀ ghey buʼu ghɔɔmə kə n jii zən sa tə̀ ghaa ma waazə ghuŋ a dzuŋu ghə, ghey khə tənnu nə̀ buulə i dzuŋu i bəghənu tə̀ ghaa, ghəə ghən ghə i ney bənə bəghəshi zə tə̀ ghaa.