Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 Kɔrint 12:15 - Kaa n Kəzə̀ n fəghə mə

15 Sey, mə i fuu maynu fə̂ wey n khənə tə̀ ghaa, n buʼ fuu daŋŋə soʼo wû wuŋ ni ghəŋə nə̀ ghaa nyim n bəghəm i fə̀ŋ i ghaa. Nghee tə̀ n ngii ləghənə ghaa, à kee loʼ kee ghaa ləghə way mə ə?

အခန်းကိုကြည့်ပါ။ ကော်ပီ




2 Kɔrint 12:15
22 ပူးပေါင်းရင်းမြစ်များ  

N dza sey n təŋkey, abə a mə loʼ kə tə̀ mə, mə bəghəm nə̀ Zə̀ kə tsɔɔmə mə, kə dzawwə nuu shi bə mə ghi Klisto abə i loʼ dzə ni gaamə waazə ghuŋ ghən ghə ghə tuunə ni dzûmə Kəzə̀ nə̀ ghi ghə dzəŋi shinə nə inaʼ imɔʼ.


n təŋkey, ghaa ka ghey kam tɔʼ zowkeeli. N sey gɔŋŋə nə̀ abə n tsuʼ fey Mûkəbii saa Yeso î bəghənə, ghaa i loʼ ni kɔʼlə wû zə bòʼ ghey ighələ tə̀ ghey kɔʼlənə wû zə bòʼ ghaa.


Abə ghey fəʼlənə nya, ghey sey fəʼlə bòʼ ghaa nsə ni ghəŋə nə̀ Zə̀ kə bəghəshi ghaa. Abə Zə̀ kə kee tsəmmənə fə̀ŋ tə ghey tə nya, à sey loʼ ni tsəmmə soʼo fə̀ŋ tə ghaa sey nə̀, ghaa i loʼ ni kow fə̀ŋ tə ghaa n fəghə zən ghaa fəʼlənə nya ighələ tə̀ ghey â kownə fə̀ŋ tə ghey tə.


À loʼ kee n ghɔɔmənə sa ə? À loʼ nə̀ n ləghə way ghaa ə? Ngaŋ! Zə̀ kə khənu nə̀ n ləghənu ghaa.


À nya ndòw tənəŋə tətəghə n bayyənə ni bə n səə ghaa, sey, mə î nam nɔɔ dzə way gaamə i loʼ zə n wɔ ghaa, n təŋkey n ləghə dzə way fə̂ u ghaa wə, à loʼ ghaa n ləghənə. I loʼ nə̀, ghinətəghə a way dzə ni kəŋə fuu tə̀ ghə bày a ghə ghə, a fəd loʼ ghə bày, ghə kəŋə fuunə tə̀ waa a ghə ghə.


Tə n fəd dza tə̀ mə nə̀, “Ndzuŋ zuŋ kpiinu tə̀ wɔ, n təŋkey, nəŋə zey wə laynə tii, à wey loʼ nəŋə zey daʼa kuŋ kə dzɔbənə n kow wɔ.” Sey, mə i baa ghaŋŋə tsəghəshiə uwû nya nə̀ n tsəŋə way n ghəə ghey a ghəŋŋənə nə̀ mə i lay, sey nə̀ daʼa kə Klisto kə i loʼ n kow mə.


À wey loʼ ghə i tii zə mə â tɔ̀ɔ bənə màʼlə key mə̀ â bùʼ tûm bənə tə̀ ghaa sey nə̀, abə n bənə, kə̂ ghaa nə ghəŋŋənə nə̀ n fəələ n fə̀ŋ loʼ sey nə̀ à mə loʼ ghə ni ghəŋə mə nə̀ mə i duʼlə. N khənu nə̀ abə n duʼlənə, i sey dii nə̀ ghaa adzəm duʼlə soʼonu.


Sey ghey sa koʼo ivə nə̀ ghaa keeli imuu.


Sey chi naŋa kɔʼ na fə̀ŋ tə ghaa tə tə̀ ghey. Ghey ka ghəŋə bəəbə dzə ghə i loʼ zə tə̀ wù, ghey ka ney dzə tɔb wən ghey khənə ni ney fə kə wù, ghey ka tsìi soʼo wù loʼ.


N ghəə ghən dza dzə way ni dza nə̀ ghaa n ghəŋə bəəbə. Mə n buʼ dza tə̀ ghaa nə̀ ghaa loʼ n fə̀ŋ tə ghey n jìi zey abə saa muunə, saa dzəŋi muunu, nə̀ saa kpuunu, saa dzəŋi kpu soʼonu.


Ghaa say naŋa kɔʼ ntsuʼu, təndzɔŋɔ, tənəŋə nsə nùm tə loʼ tə nə̀ a loʼ nəŋə zey ghaa bamnə zə̀ kə a tii.


Sey, abə n tsəm ney fə̀ələ tsu kə nə kaŋ tuŋ tə tə̀ a loʼ umaʼlə n fwaʼ kən ghaa fwaʼanə bòʼ bəghəm i fə̀ŋ i ghaa tə Zə̀ kə, mə i nam duʼlənu, mə î saŋŋə ghi ghaa adzəm.


N duʼlənu n fəghə zən n fəʼlənə nya bòʼ ghaa, fəghə zən n fəʼlənə loʼ tə a loʼ tuʼ zuŋ n fəghə zən Klisto â fəghənə tə dzəŋi kə dzûmə tə Klisto, tɔŋɔ wû u wi.


Ghey n ngii ləghə ghaa, à wey loʼ ghə i tii zə ghey â ka kad naʼa kə tûm i dzuŋu zən Zə̀ kə â fuu bənə tə̀ ghaa, ghey n fuu may ndow soʼo wû i ghey ni gaamə ghaa. Ghey ndzəm ngii khə ghaa n fəŋ tə ghey.


À wey loʼ i ghii n kownə fə̀ŋ nə aghəə adzəm n tow u ghə̂ ghən Zə̀ kə sàynə ghə, sey nə̀, ghə loʼ ni keeli soʼo ibəghəshi n bam i Yeso Klisto, ghə keeli soʼo kɔʼlə mən n nə may way.


Ghaa i zow tə̀ ghə̂ ghey ghə diinə ghaa n jìi, ghəŋŋə ndow ghəə ghey ghə dzanə. À loʼ ghə, ghə laalənə tow u ghaa wə, à i tiilə dza soʼo ghə tə̀ Zə̀ kə ghəə ghey adzəm ghə â fwaʼnə tə̀ ghaa. Abə ghaa zownə tə̀ ghə, ghə i fwaʼa fwaʼ kə ghə kə tə̀ ghaa nə iduʼlə. Abə ghaa zow way tə̀ ghə, ghə i fwaʼa fwaʼ kə ghə kə nə imow. Abə ghə fwaʼanə nə imow, zə i gaamə way ghaa n ghə i loʼ zə.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ