Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 Kɔrint 1:23 - Kaa n Kəzə̀ n fəghə mə

23 Zə̀ kə loʼ ni təmi tiilə bòʼ mə nə̀ n dza isəŋə nə̀ ghəə zey mə â doʼonə nə̀ n ka kəm bə n Kɔrint, â loʼ n təŋkey mə̀ â ləghə way ni tɔɔbə n kow ghaa.

အခန်းကိုကြည့်ပါ။ ကော်ပီ




2 Kɔrint 1:23
22 ပူးပေါင်းရင်းမြစ်များ  

Ambə Pɔl ghɔɔmə may tsunə tə ghə̂ a ndaw tsə ghey, tə n zəghə tsu Atens, nuu ndow n Kɔrint.


Krispus wən tə â loʼ tow kə n ndaw kədzəŋi ə ghə̂ a Təjuu, n bəghəm tə Mûkəbii ghi ghə̂ a ndaw a wi ghə adzəm. Ndəmə ghə̂ a Kɔrint ghey ghə â zow ghɔɔmə i Pɔl zə, ghə n bəghəm fu soʼo, ney kɔʼ mmuu n Kəzə̀.


Zə̀ kən n fwaʼanə tə wi n fə̀ŋ zuŋ idzəm ni naʼlə tûm i dzuŋu zə bòʼ Waa wi Yeso, loʼnu ni təmi tiilə nə̀ n moʼlə tsənu ghaa nəŋə tədzəm.


Ghəə ghən n dzanə, à loʼ isəŋə, n badla dzə way ghəə ghə n təŋkey n loʼ nə kəfə kəmɔʼ ghi Klisto. Zay kə Zow kən kə loʼnə n fə̀ŋ zuŋ tiilə dza bənu nə̀ n badla dzə way ghəə ghə.


Ghaa ləghə ghə i ghaa zə nə̀ n ghəŋə tə̀ ghaa ə? Abə mə i bənə, zə i kpiinu tə̀ mə ni chɔd ghaa nkee zə i kpiinu tə̀ mə ni dii ləghə zuŋ tə̀ ghaa, n dii soʼo ghaa n mwam u dzuŋu wə ə?


N nəŋə i tii zə, ghaa teeli khə ni fuu tsəghə ndòw wù wən tə̀ Satan, sey nə̀, abə Satan ləŋi maʼa kənə gow uwû wi, fə̀ŋ ə wi i loʼ ni keeli ibəghəshi n tsuʼ fey Mûkəbii i bəghənə tii.


À màʼlə kən tɔ̀ɔ bə mə Pɔl, mə wən Zə̀ kə sàynə nə̀ n doʼo ngəd ə Yeso Klisto. N loʼ fa ghi waazə saa Timoti. N tɔ̀ɔ bə tə̀ ghə̂ a Kəzə̀ ghey n naʼ i Kɔrint, nsə ghə̂ a Kəzə̀ ghey adzəm n mbuʼu Akaya idzəm.


Nghee tə̀ Zə̀ kə ndzəmə ghɔɔmənə isəŋə, ghɔɔmə i Kəzə̀ zey ghey naʼlənə tə̀ ghaa, ghey fwɔdlɔ bəghəm dzə way ghəə zə nə̀, “Ow, ow”, loʼ sey nə̀ n fə̀ŋ tə ghey, ghey tuu maʼanu ghə i tii zə nə̀, “Ngaŋ, ngaŋ.”


N buʼu bə kəwɔɔ tə̀ ghaa nə̀ kə ghaa nə̂ ghəŋŋənə nə̀ n tɔɔbə ghɔɔmə abə mə î bənə, n təŋkey n loʼnu ni tɔɔbə ghɔɔmə tə̀ ghə̂ ghey ghə dzanə nə̀ ghey ghəŋŋə aghəə n jìi zey ghə̂ a mbi a ghəŋŋənə.


Nghee tə̀ isəŋə i Klisto i loʼnə n fə̀ŋ zuŋ, wù loʼ way dzə n mbuʼu Akaya ni buu naŋa mə nə̀ kə n nə tsɔbənə fə̀ŋ.


À loʼ kee n ghɔɔmənə sa ə? À loʼ nə̀ n ləghə way ghaa ə? Ngaŋ! Zə̀ kə khənu nə̀ n ləghənu ghaa.


Zə̀ kə, tə loʼnə Bày Mûkəbii Yeso, kɔʼlə n loʼ tənnə tə̀ wi, khənu nə̀ n badla dzə way ghəə ghə.


N dza sey n təŋkey, n fa tsəŋə nə̀ abə mə î bənə, mə i ka koʼ ghaa n jìi zey n ləghənə nə̀ ghaa doʼo tii, ghaa soʼo ghaa i ka koʼ mə nə̀ n way dzə n jìi zey ghaa ləghənə nə n doʼo tii. N tsəŋə nə̀ n loʼ ni bə nə̀ ghaa khə izùu n fəŋŋə kə ghaa, khə kəghoʼ, khə nəghə u fəə wə, khə umə̂, kpaalə kaabə iwû, baŋŋə təfəghəm, kɔʼlə kaabə iwû, fwɔdlɔ maʼa soʼo wû i ghaa.


À wən loʼ ghə i tii zə, n tɔ̀ɔ bənə ghəə ghən tə̀ ghaa nə̀ n way ghi ghaa, sey nə̀, abə n bənə, mə i ka tɔɔbə dzə ghi ghaa n daʼa kən Mûkəbii fuunə tə̀ mə. Mûkəbii fuu mə n daʼa kə tii kə ni bəghə bəghəm i fə̀ŋ i ghaa, à way dzə ni wey maʼa bəghəm i fə̀ŋ i ghaa.


N mâ bùʼ kpaa ghaa ghən ghaa â ghəŋŋənə ghəə a bəbə ghə, kpaa tsu soʼo ghə̂ a loʼ ghey adzəm. N fa nam kpaa kpiʼi bə ghə nya wən n way n səə ghaa ighələ tə̀ mâ kpaanə ghə nghee mâ bə koʼonə ghaa ni ghəŋə tənəŋə təbəghə, nə̀ abə mə i kəm bənə, wù ghə umɔʼ î nɔb shi way n wɔɔ kuŋ.


Ghey n dii nə̀ ghey loʼ ghə̂ a kəfwaʼ a Kəzə̀ n muu i ghey i zow zə, n tɔb u ghey, n jìi zey ghey kownə fə̀ŋ tii, n mwam u ghey u dzuŋu wə. Zay kə Zow kə a loʼ n kow ghey, ghey u ləghənə ghə̂ ghə n fə̀ŋ tə ghey tə tədzəm.


Zə̀ kə khənu nə̀ ghəə ghən n tɔɔnə fa, a loʼ isəŋə, n badla dzə way ghəə ghə.


Zə̀ kə loʼ ni tiillə dza nə̀ n dza isəŋə nə̀ ləghə zey n khənə n wɔ ghaa loʼ i zey i nuu bənə n wɔ Yeso Klisto n wû u wi wə.


Ghaa khənu nə̀ ghey â ka nəb dzə̀ ghaa nə ighɔɔmə, nkee ni nəəbə ney fə̂ kə ghaa kə loʼ kə. Zə̀ kə loʼ ni təmi tiilə n tow u ghey.


Hemenus nsə Alekzanda loʼ ndzoʼo ghə̂ a tii ghə, Mə n ghə fuu tsəghə ndow tə Satan nə̀ tə ghəŋə ghəə zey tə loʼ ni ghəŋə tə ghə. Zə i ghəŋŋənu tə ghə zoʼlə tsu nə̀ ghə khə way ni tsayyə Zə̀ kə.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ