1 Timoti 6:4 - Kaa n Kəzə̀ n fəghə mə

⁴ ndzoʼo wù tii maŋa ghaŋŋə uwû nə kənunu loʼ sey nə̀ tə zowkeeli way ghə i loʼ zə. Chɔt u wù tii u loʼ kə ni soʼo kaabə tsə ghɔɔmə zə, ghəŋŋə soʼo nə̀ ghə̂ ghə i fəə kaabə dzuu ghə. Ghəə ghən ghəŋŋənu ghə n kpaalə iwû n jìi zey ghə zèy daŋŋə ndow ni ghoʼo wû zə, ghəə a kəndəm, bii iwû nə təghɔɔmə nsə moʼlə tə bəbə tə.

1 Timoti 6:4 ပူးပေါင်းရင်းမြစ်များ

Kəfwaʼ 15:2

Ghəə zən n ghəŋŋə nə̀ Pɔl nsə Banabas keeli izuu ghi ghə. Sey, dzûmə tə Klisto tey fu n baa say kɔʼ Pɔl, Banabas nsə dzûmə tə loʼ tə nə̀ ghə ndow bəb zow bə ghə i tii zə tə ngəd tə Yeso nsə ghə̂ a nii ghə n dzəŋi kə dzûmə tə Klisto key n Yerosalem.

Kəfwaʼ 18:15

A fa fəd loʼ nə̀ ghaa maŋa baŋŋə təfəghəm nə aghəə, azəd, nsə laŋ u ghaa wə. Ghaa khə ni teeli bayyə ghəə ghən n wû i ghaa. N tuunu ni saʼ ndzoʼo ghəə ghən.”

Kəfwaʼ 8:9

Wù loʼ n loʼ fu tii n naʼ i Samaria ghə â tɔŋŋə nə̀ a loʼ Shimun, tə n ghəŋŋə nə̀ ghə̂ dzuu zə i zum ghə̂ ghə n fənnə zey tə â ghəŋŋənə. Tə n kɔʼlə uwû nə i loʼ wù səŋi.

Roma 12:16

I muu n na nə kəfə kəmɔʼ ghi ghə̂ ghə adzəm. Kə ghaa nə kɔʼlənə wû zə, ghaa fəd tsuulə tsu wû i ghaa sey nə̀, ghaa i loʼ dzəŋi ghi ghə̂ ghə adzəm. Kə wù nə moʼlənə nə̀ tə khə aghəə adzəm.

Roma 13:13

Sa khə ni ghəŋŋə ndow ghəə ghey a kpiilənə tə a loʼ ghə̂ ghey ghə muunə n mgbaŋ. Saa khə way ni mə̂ə khəə kaabə tsə lə mə. Saa khə way ni ghəŋŋə ghəə a laŋŋə ghə, nkee ghəə a dzəə ghə. Saa khə way ni zuulə ballə n wû i saa nkee ni ghoʼo wû i saa zə.

Roma 14:1

Ghaa khə ni bəghəm naŋa dzûmə tə Klisto tey tə loʼ nə̀ ghə ka kam tɔʼ beyyə taw n bəghəm i fə̀ŋ i ghə. Kə ghaa nə baŋŋənə fəghəm tə ghi ghə n ghəə zey ghə moʼlənə nə̀ i kpiinu nkee i zey ghə moʼlənə nə̀ i kpiilə way.

Roma 2:8

A kee bə ghə̂ ghey ghə â muunə nə̀ ghə laalə tsuu kə wû i ghə zə, tuu maʼa isəŋə, fədlə dzûmə ndow ghəə a bəbə ghə, Zə̀ kə i chɔdlə ghə, ghə i koʼ nəghə u fəə u wi.

1 Kɔrint 11:16

Wù wey tə way ni bəghəm ghəə ghən n dzanə, ghey, nkee dzəŋi u dzûmə tə Klisto u kəm khə way ghə i loʼ zə ni kuu kpiʼi n jìi zey ghə loʼ ni kɔʼlə Kəzə̀ tii.

1 Kɔrint 11:18

Ghə i sə̂ i sə i loʼ nə̀, n zow nə̀ abə ghaa dzəŋi bənə tə̀ à loʼ dzûmə tə Klisto, ghaa n way dzə n dzə̀ imɔʼ. Ghəə a tii ghə u loʼ tə̀ mə i bəghəm nə̀ a loʼ isəŋə.

1 Kɔrint 3:18

Kə̂ ghaa nə̂ nəbənə wû i ghaa zə, abə wù ghaa u loʼ u moʼlənə nə̀ tə khə utɔb n ghəə a mbi, tə khə ni doʼo tə̀ a loʼ wù laʼlə, tə i baa loʼ ni keeli tsu utɔb.

1 Kɔrint 3:3

I loʼ sey n, n təŋkey, ghaa nam muu ndzoʼo muu zən ghə̂ a mbi a muunə. Abə ghaa nam khənə ghoʼ kə n fəŋŋə kə ghaa, zuulə soʼo n wû i ghaa, i dii bənu nə̀ ghaa loʼ ghə̂ a mbi, ghaa a ghəŋŋə soʼo ghəə ghə tə a maŋ loʼ wù sɔŋtsuʼ wən tə khə way Zə̀ kə.

2 Kɔrint 11:20

N sey dza n təŋkey ghaa bəghəm naŋanu abə wù ney naŋa bənə ghaa tə̀ a loʼ kəkɔd, nəəbə zəə ghaa, koʼo kìi ghaa, dii uwû buʼ sâa nyi bə ghaa n saali kə n tûm usə̂.

Galeshia 5:15

Abə ghaa ŋaŋi kaabənə wû i ghaa zə tə a loʼ təbvə n jìi zey ghaa muu nə tii, kee ghə̂mə kə na nu kə ghaa nə weyyənə wû i ghaa zə.

Galeshia 5:26

Kə saa nə kɔʼlənə wû zə, kə saa nə kɔʼlənə wû i saa zə, kə saa nə ghoʼo soʼo nə wû i saa zə.

Galeshia 6:3

Abə wə moʼlə nə̀ wə dow tsəghənu ni fuu wù n gaamə zə, wə sey nəbə wû wə, n təŋkey, wə ka dow tsəghə dzə.

Filipi 1:15

Ghə̂ a loʼ a naʼlə tûm ə Klisto bòʼ təŋkey ghə khə kəghoʼ, ləghə ni baŋŋə fəghəm tə. Ghə̂ a loʼ ghə a kee ndzəmə naʼlə tûm ə Klisto n fə̀ŋ i dzuŋu zə.

Filipi 2:14

I fwaʼa ndow na ghəə ghə adzəm nə̀ ghaa nyuŋŋə ghɔɔmə way, zuulə soʼo way tii.

Filipi 2:3

Kə̂ ghaa nə̂ ghəŋənə ghəə ghə nə̀ ghaa moʼlə tsu kə wû i ghaa, nkee ni maŋ dii iwû. I fəd khə na ngɔɔmə zə, koʼo ndow na ghə̂ a loʼ ghə tə a loʼ ghə̂ ghey ghə tsəghəshinə ghaa.

Kolose 2:18

I kə ghaa nə bəghəmnə nə̀ wù wən tə ghaŋŋə wû wə n muu i Kəzə̀ i ghə, ngɔɔmə soʼo tsətəndəghə tə Kəzə̀ nə̂ nəbə sə̂ a ghə̂ ghə nə ghə ngɔɔmə Kəzə̀. Ghə ghaŋŋə uwû nə̀ Zə̀ kə dii ghə n ghəə ghə nə̀ ujim boʼ moʼlə tə ghə tə bəbə tə.

2 Tesalonika 2:4

Abə wù wən i dii bənə wû wə, tə i tsayyə Kəzə̀, tə tsayyə fə̂ wey udzəm ghə̂ a ngɔɔmənə tə̀ a loʼ Kəzə̀, tə kɔʼlə naŋa kɔʼ wû u wi idəŋ n kow fə̂ wən udzəm. Tə buʼ nyi daŋŋə n Ndaw Kəzə̀, tə ney naŋa kɔʼ wû u wi nə̀ tə loʼ Kəzə̀.

1 Timoti 1:4

Dza ndow tə ghə nə̀ ghə buu naŋa ni taŋŋə kaabə zəzəə n wey mey tɔb u loʼ u way tii nsə ni taŋŋə zəd a ghə bày bày a ghə ghə. Ghəə a tii a ghəŋŋənu ghə n maŋa fəə adzuu nə kənunu. Ghəə a tii a gaamə way wù nə̀ tə fwaʼ fwaʼ K-a-zə̀, loʼ sey nə̀ a loʼ kə wù wey tə bəghəmnə tə̀ Zə̀ kə, tə loʼnə ni fwaʼ fwaʼ kə tii kə.

1 Timoti 1:7

Ghə dəmə ni doʼo ghə̂ ghən ghə diinə laŋ kə Mushi kə, loʼ sey nə̀ ghəə ghey ghə dzanə, ghə buʼu zowkeeli soʼo way, nkee ghəə ghey ghə tsɔbənə fə̀ŋ tii.

1 Timoti 3:6

Tə khə way ni loʼ wù wey tə kuʼlə bəghəm kɔʼnə tə Zə̀ kə. Nə̀ a way sey, tə i kaʼ ni ghaŋŋə uwû, Zə̀ kə i fuu soʼo wi n ndzoʼo ngoʼ zən tə â fuunə tə vəətsəə ghə.

2 Timoti 2:14

I zəŋŋə zeeli ndow ghə̂ a Kəzə̀ ghə n ghəə ghən n dza bənə tə wɔ. Wə khə ni teeli kii naŋa ndow ghə n sə K-a-zə̀ nə̀ kə ghə nə ngii baŋŋənə fəghəm tə n ghɔɔmə i laʼlə zə. Ndzoʼo ghɔɔmə tə tii tə buʼ khə way gaamə i loʼ zə, tə fədlə sàʼà maʼa tɔb u ghə̂ ghey ghə zəllə bənə.

2 Timoti 2:23

Kə wə nə dzûmə soʼonə ghɔɔmə tə laʼlə tə nsə ghə̂ ghən ghə maŋa fəənə dzuu ghə kənunu n təŋkey, ghəə a tii a ghəŋŋənu ghə̂ ghən n baŋŋə zeeli təfəghəm.

2 Timoti 3:4

ghə nə fìilə fuu shiə ghə̂ ghə, ghəŋŋə zɔ̀ʼ tə aghəə, ghə nə khə nə̀ a bɔɔmə may kə ghə, ghə nə ləghə ghəə ghən a dzɔbənə tə ghə, kee ləghə way Zə̀ kə,

Taytus 3:9

Kə wə nə bweynə fə wə ghi ghə̂ ghey ghə ləghənə ni fəə dzuu ghə n laʼlə tə aghəə, a ghey ghə ləghə ni taŋŋə wey tə n zəd a ghə̂ nə̀ ghə mâ kpu tsəghə. Kə wə nə bəghəm naŋŋə soʼonə ghəə ghey ghə zuulə zeelinə bòʼ laŋ kə ghə̂ a Təjuu n təŋkey, ghəə a tii a tsəə way, gaamə soʼo way n ghə i loʼ zə.

Jems 1:19

Waazə ghuŋ a dzuŋu ghə, n ləghə nə̀ ghaa keeli tsu nə̀ ghaa adzəm ghaa khə ni maʼa tsu iwû ni tɔʼɔ zəllə ghəə ghə. Kə ghaa nə tsɔɔ beelinə ghəə ghə, kə ghaa nə mbadla fəələ soʼonə n nəghə wə.

2 Pita 2:12

Ghə̂ ghən ghəŋŋə aghəə nə̀ ghə moʼlə way tə a loʼ nyam tə mbvən tə ghə â jinə ghə nə̀ ghə i kwu ləŋi maʼa. Ghə maŋa tsayyə aghəə nə̀ ghə buʼ tɔʼ khə way ghəə a tii ghə. À wey loʼ ghə i tii zə Zə̀ kə i ləŋi maʼanə ghə tə̀ ghə nə ləŋi maʼanə nyam tə mbvən tə.

2 Pita 2:18

Ghə kɔʼlə kaabə tsə iwû, ghɔɔmə ilaʼlə, ney kɔʼɔ ghəə a laŋŋə ghey ghə ghəŋŋənə ni nəəbə ghə̂ ghey ghə kuʼlə tyi nuu shi bənə n fəŋŋə kə ghə̂ ghey ghə muunə n ghəə a bəbə ghə nə̀ ghə i ghəŋŋə dzəə dzəə tə aghəə tey gow uwû ghə ləghənə nə̀ ghə i ghəŋŋə.

Màʼlə kə Jud tə̀ ghə̂ a Kəzə̀ ghə 1:10

Ghə̂ ghən a maŋa kpaalə kənə fə kə nə̀ ghə buʼ khə way fə kə tii kə. Ghə maŋa ghəŋŋə ghəə zey ghə moʼlə kɔʼnə ni ghəŋə tə a loʼ nyam tə mbvən tə. Ndzoʼo ghəə ghən ghə ghəŋŋənə loʼ ghəə ghey a ləŋi maʼanə ghə.

Màʼlə kə Jud tə̀ ghə̂ a Kəzə̀ ghə 1:16

Ghə̂ ghən khə kə ni nyuŋŋə ghɔɔmə nsə ni kəŋə chɔd wə n kow ghə̂ a loʼ ghə. Ghə dzûmə ndow kə ghəə a ghə a bəbə ghey fə̀ŋ tə ghə tə ləghənə. Ghə ghaŋŋə kaabə tsə iwû, nəəbə soʼo aghə̂ nə idzuu ni keeli fə key ghə ləghənə.

Chi dii 3:17

Wə dza nə̀, ‘N kûmnu, khə ufə̂ udzəm, n kəm kəŋə way fə kə loʼ kə.’ Wə kam khə way nə̀ wə maŋ loʼ fə kə ngoʼ, fə kə laa kə, wə loʼ n wû i zum zə, fə̀b doʼo soʼo.