Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Timoti 6:2 - Kaa n Kəzə̀ n fəghə mə

2 Kɔd wey ghə mûkəbii a ghə a loʼ nə̀ ghə n bəghəm fuu tə Klisto, khə way ni tsayyə ghə mûkəbii a ghə ghə a dza ghə bəghəm fuu tə Klisto tə a loʼ ghə. Ghə fəd khə ni ngii fwaʼa dzɔbə n təŋkey, ghə fwaʼa n tənə ghə̂ ghey ghə bəghəm fuunə tə Zə̀ kə tə a loʼ ghə, ghə a khə soʼo ləghə zə n kow ghə mûkəbii a ghə ghə. Wə khə ni teeli fuu ndow laŋ wən udzəm n dii kɔʼ bənə tə wɔ tə dzûmə tə Klisto tə, wə ghəŋə soʼo nə̀ ghə i dzûmə kɔʼɔ bə laŋ u tii wə.

အခန်းကိုကြည့်ပါ။ ကော်ပီ




1 Timoti 6:2
31 ပူးပေါင်းရင်းမြစ်များ  

Kə wù ghaa u loʼ u nə kee bəghəmnə nə̀ ghə tɔŋɔ wi nə̀ a loʼ, ‘Wù dii’, n təŋkey, ghaa loʼ awaazə, ghaa khə kə wù dii umɔʼ.


Tə i beeli ndòw ghə nə̀, ‘N kuum dza bə tə̀ ghaa nə̀, ghəə ghey ghaa â ghəŋənə tə̀ waazə wuŋ u ghaa wə, ghaa â sey ghəŋə tə̀ mə̀.’”


“Wù kəfwaʼ way ni keeli dzə ghə mûkəbii abəghə nəŋə imɔʼ. Abə tə ghəŋənə sey, tə i ləghə umɔʼ, bàa u loʼ wey, nkee tə i ngii ngɔɔmə umɔʼ, koʼo kìi u loʼ wey. A loʼ soʼo ighələ nə̀, wù way ni ləghə Zə̀ kə, tə i ləghə soʼo khəə wə.”


N tsuʼ fə loʼ fə n tsuʼu mən ghə â dzəŋi doʼonə, ghə̂ ghən ghə bəghəm nə tə Yeso n loʼ fu tə a loʼ aghə̂ fəbɔm nsə ghə̂ ghə nghəm n bəghə. Pita n nuu təmi kɔʼ n fəŋŋə kə ghə, ghɔɔmə ndow tə ghə.


Ney kɔʼ n na kpìi kə kaʼ fə loʼ fə ghə tɔŋɔ nə̀ à loʼ oliv, ghə khəm nuu shi bənə n kaʼ fə oliv fə inaʼ fə, ghə a ndow ney bə kpìi kə n kaʼ fə oliv fə mbvən fə, bə zuŋ naŋa dzəŋi nyi bə n kaʼ fə oliv fə inaʼ fən, kə a nyîmmənə, məə bə utam nə̀ à loʼ ghaŋ tə kaʼ fən. Ghaa ghə̂ ghən ghə way ghə̂ a Təjuu ghə, ghaa loʼ tə a loʼ kpìi tə kaʼ fə oliv fə mbvən fə. Zə̀ kə n ghəŋə nə̀ ghaa keeli buulə zey tə â buulənə ghə̂ a Təjuu ghə a tii ighələ tə a loʼ kpìi kə kaʼ fə oliv fə mbvən fən ghə â zuŋ dzəŋi bənə ghi kaʼ fə oliv fə inaʼ fə.


I loʼ sey n təŋkey, ghə̂ ghey Zə̀ kə â khənə nə̀ ghə i bə doʼlə ghə̂ a wi, tə â khənu nə̀ ghə i kweyyə nuulə bənu, ghə doʼo bə tə a loʼ waa wi, sey nə̀ waa wən i loʼ waa u sə isə wə n fəŋŋə kə ndəmə ghə̂ ghən ghə loʼnə dzûmə tə Klisto tə.


Nghee saa doʼo bə dzənə nə kəfə kəmɔʼ ghi Yeso Klisto, abə ghə səghə tyi kə kə̀ mɔ ghə ka səghə ə, i zey khə way ghə i loʼ zə ni ghəŋə ghi muu i ghaa zə. Ghə i səŋi zey i loʼnə tii, loʼ bəghəm i fə̀ŋ zən saa khənə nsə ləghə zən saa khənə n wû i saa.


À màʼlə kən tɔ̀ɔ bə mə Pɔl. Zə̀ kə n say mə nə̀ n doʼo ngəd ə Yeso Klisto. N tɔ̀ɔ bə tə̀ ghə̂ a Kəzə̀ ghən n naʼ i Efesus ghə bəghəmnə tə̀ Yeso Klisto, taw dzɔbə n bəghəm i fə̀ŋ i ghə.


Ni ney nuu bə n nəŋə zey mə â zownə nə̀ ghaa n bəghəm tə̀ Mûkəbii Yeso, zow soʼo ləghə zey ghaa khənə n kow ghə̂ a Kəzə̀ ghə,


Ghəə zey Zə̀ kə â nyi naŋanə loʼ nə̀, n bam i tûm i dzuŋu zə, ghə̂ ghən ghə way ghə̂ a Təjuu ghə, nya loʼ nə kəfə kəmɔʼ ghi ghə̂ a Təjuu ghə. Ghə nya loʼ tə̀ a loʼ wù umɔʼ. Sey, ghə i dzəŋi keelinu fə̂ key Zə̀ kə təb naŋanə tə̀ ghə̂ a wi ghə n bam i Yeso Klisto.


N màʼlə kən tɔ̀ɔ bə tə ghə̂ a Kəzə̀ ghən ghə bəghəm nə tə Klisto n naʼ i Kolose. N gɔŋŋə nə̀, Zə̀ kə, tə loʼnə Bày saa, tə fuu ghaa n ndzuŋ nsə buulə zə.


Ghey fuu kəzɔŋŋə tə Zə̀ kə n təŋkey, ghey n zow bəghəm i fə̀ŋ i ghaa zə n kow Yeso Klisto nsə nə ghaa khə iləghə tə ghə̂ a Kəzə̀ ghə adzəm.


Abə ghaa ghə mûkəbii ghən ghaa khənə ghə̂ a kəfwaʼ ghə, ghaa khə ni laalə ghə n jìi zey i kpiilənə, ghaa kwu keeli soʼo ghə n wɔ a dzuŋu ghə. Ghaa khə ni ghəŋŋə sey n təŋkey ghaa khənu nə̀ ghaa khə soʼonu Mûkəbii ə ghaa tə loʼ idəŋ.


Waazə ghə, ghey fuu kəzɔŋŋə nəŋə tədzəm tə Zə̀ kə bòʼ ghaa. I ndzəmə dzɔbənu ni ghəŋə sey təŋkey, bəghəm i fə̀ŋ i ghaa i ndəŋə nyîmmənu, ləghə zey ghaa khənə n wû i ghaa, zə a nyîmmə soʼo naʼ idzəm.


Dii ndow ghəə ghən tə ghə̂ ghə, wə tɔʼ laalə nyi tsu soʼo ni koʼ nə̀ aghə̂ adzəm a dzûmənu ghəə ghey wə diinə.


I kə wə nə tɔɔbə ghɔɔmənə tə nyim kə wù kə, i fədlə nyoʼlə ghɔɔmə ndow tə wi n dzə̂ i buulə zə tə wə ghɔɔmə tə tə̀lə̀. Wə i ghɔɔmə tə waa a fəghaŋ a num ghə tə wə ghɔɔmənə tə waazu.


A kee bə wɔ a Taytus, wə khə ni teeli dii ndow kə dzûmə tə Klisto tə n ghəə ghey a bəghəm dzəŋi kɔʼnə ghi ghəə a Kəzə̀ ghə.


Sey, a wən loʼ ghəə ghən wə khə ni dii ndow tə dzûmə tə Klisto tə. I kuu ndow fə̀ŋ tə ghə tə, kpaa tənə ndow soʼo ghə abə ghə ghəŋə bəəbə tsunə ghəə zə tə a loʼ wù wey tə khənə daʼa kə tii kə. Ka tsəm bəghəm nə wù loʼ koʼ kìi wɔ.


Ghəə ghən n dza bənə fa tə̀ wɔ ndzəm loʼ isəŋə. N ləghə nə̀ wə i tɔʼɔ dza kuulə ndow ghəə ghən tə̀ ghə, sey nə̀ ghə̂ ghən ghə bəghəmnə tə̀ Zə̀ kə, loʼ ni khə zày ni ghəŋŋə ghəə ghey a dzɔbənə. Ghəə a tii a dzɔbənu, loʼ soʼo ni gaamə aghə̂ adzəm.


Waazə ghuŋ a zow ghə, ghaa ghən Zə̀ kə tɔŋɔnə nə̀ ghaa dzəŋi doʼo ghə̂ a wi idəŋ, gaʼ ndow na fə̀ŋ tə ghaa n kow Yeso wən Zə̀ kə tûm bənə nə̀ tə bə doʼo fɔɔngili u nii nii wə tə̀ saa.


Abə saa təmi taw tsunə n bəghəm i fə̀ŋ zən saa â keelinə nə nzeyyə ni ndow kuum ndow, saa i keeli soʼo fə wey Klisto khənə.


N loʼ soʼo ngəd, n mâ koʼ Klisto nghee tə â fəʼlənə tii, mə i keeli soʼonu kɔʼlə mey tə khənə idəŋ abə tə i kəm bənə. N buʼu bə kəwɔɔ tə ghaa ngəd tə dzûmə tə Klisto tey tə loʼnə n fəŋŋə kə ghaa nə̀,


Tə i chɔdlɔ tsəghəshiə ghə̂ ghey ghə ghəŋŋənə dzəə dzəə tə aghəə tey gow uwû ghə ləghənə, koʼo kìi soʼo daʼa K-a-zə̀. Ghə̂ ghən ghə diinə ghəə a badla ghən tsəŋə way ghə i loʼ zə, ngii kɔʼlə soʼo iwû. Ghə buʼu tsəŋə way ni tsayyə zay wey u loʼnə idəŋ.


N jii i mɔʼɔ zə, ghə̂ ghən keeli njim, n ghəŋŋənə ghə nə̀ ghə i dzəələ wû i ghə zə. Ghə tuu maʼlə daʼa key Zə̀ kə khənə ghii kə, kpaalə soʼo daʼa wey u khənə kɔʼlə mə idəŋ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ