1 Timoti 5:11 - Kaa n Kəzə̀ n fəghə mə

¹¹ I kə wə nə tɔɔnə zəd i waa fəghaŋ wən num kpu dzənə n màʼlə kə ghey a kpusə, n təŋkey, tə i nuu mgbiilə kɔʼɔnu ni keeli weynum, tə i ləghə ni ney num, sey, tə i kəm way ni fwaʼ tə Klisto.

1 Timoti 5:11 ပူးပေါင်းရင်းမြစ်များ

1 Timoti 4:3

Ndzoʼo ghə̂ ghən dii nə̀ kə ghə̂ a nə neynə wû zə, tuu soʼo nə̀ kə ghə̂ a nə zəənə ndzoʼo fəzəə n loʼ mə, loʼ sey nə̀ Zə̀ kə ghəŋə fəzəə n tii mə nə̀ abə ghə̂ ghən ghə bəghəmnə tə Klisto, keeli soʼo isəŋə n ghəə a tii ghə dza i zə̂, ghə n zə̂ nə̀ ghə n fuu kɔʼ dzə zɔŋŋə kə tə Zə̀ kə nə igɔŋŋə.

1 Timoti 5:12

Abə i doʼonə sey, ghə i ney naŋa bə uchɔd n tow kə ghə n təŋkey ghə n bwuulə maʼa ghəə zey ghə â bəghəm naŋa dzənə.

1 Timoti 5:14

Sey, n tsəə bə waa a fəghaŋ ghən num a ghə a kpu dzənə, nə̀ ghə ney anum, ghə ji awaa, ghə laalə tə ndaw tə ghə tə, sey nə̀, kə ghə i fuu kəbuʼ tə ghə̂ a təngəmə a saa ghə ni kpaalə saa.

1 Timoti 5:9

Kə wə i tɔ̀ɔ zəd i weyzən ə kpusə n màʼlə kə ghey a kpusə nə̀ tə ka kɔʼ kuum num tə nghəm ntuubə. Tə khə ni loʼ soʼo nə̀ tə â ney kə nûm umɔʼ.

Jems 5:5

Ghaa zəələ kɔʼ bə wû i ghaa zə ni muu fa n mbi, ghəŋŋə ghəə zey fə̀ŋ tə ghaa tə ləghənə. Ghaa maŋ chi kɔʼ bə wû i ghaa, dow dzɔb i tsu tə a loʼ mbɔŋɔlɔʼ zey ghə chi naŋanə ni wey fə.

2 Pita 2:18

Ghə kɔʼlə kaabə tsə iwû, ghɔɔmə ilaʼlə, ney kɔʼɔ ghəə a laŋŋə ghey ghə ghəŋŋənə ni nəəbə ghə̂ ghey ghə kuʼlə tyi nuu shi bənə n fəŋŋə kə ghə̂ ghey ghə muunə n ghəə a bəbə ghə nə̀ ghə i ghəŋŋə dzəə dzəə tə aghəə tey gow uwû ghə ləghənə nə̀ ghə i ghəŋŋə.

Chi dii 18:3

Ghə̂ ghey ghə loʼnə nə tənaʼa tədzəm n mɔʼ mə̂ nlə n wi mə. Ghə n mə̂ nlə n wi n taw mən n ghəŋŋənə nə̀ ghə̂ ghə i ghəŋŋə ghəə a laŋŋə ghə. Də̀ŋ wən u loʼnə a ghəlitsə n nyəŋi tsəghə kaabə bə ghi wi, ghə̂ ghən ghə fillə bikiwən kə fa a ghəlitsə n kûm daŋŋə n bam i wi n təŋkey tə ngii ləghə fə̂ u mbi.”

Chi dii 18:7

Ghaa ghəŋə tsu tə zow ifɔɔbə, tə mow soʼo Ighələ tə̀ tə â kɔʼlənə wû wə, zəələ soʼo uwû. Tə â tsɔbə fə̀ŋ ə wi nə̀, ‘Mə wən n doʼnə, n loʼ naʼtum! N way dzə wey kpusə, mə i dey koʼ way.’

Chi dii 18:9

Də̀ŋ wən fa a ghəlitsə, wə â ghəŋənə ghəə a laŋŋə ghə ghi wi, zəələ soʼo iwû ghi wi, ghə i deyyənu, ghə mowwə soʼo abə ghə i koʼnə nyoʼ key kə shiənə n vəllə wey tə fəənə tii.