1 Timoti 5:1 - Kaa n Kəzə̀ n fəghə mə

¹ I kə wə nə tɔɔbə ghɔɔmənə tə nyim kə wù kə, i fədlə nyoʼlə ghɔɔmə ndow tə wi n dzə̂ i buulə zə tə wə ghɔɔmə tə tə̀lə̀. Wə i ghɔɔmə tə waa a fəghaŋ a num ghə tə wə ghɔɔmənə tə waazu.

1 Timoti 5:1 ပူးပေါင်းရင်းမြစ်များ

Matyo 23:8

Kə wù ghaa u loʼ u nə kee bəghəmnə nə̀ ghə tɔŋɔ wi nə̀ a loʼ, ‘Wù dii’, n təŋkey, ghaa loʼ awaazə, ghaa khə kə wù dii umɔʼ.

Kəfwaʼ 14:23

Ghə n sày naŋa tsəghə ndow təngəd n dzəŋi dzûmə tə Klisto tən tədzəm ghə â bweyyə koʼnə. Ghə n gɔŋŋə tə ghə, bam idzuu, fu naŋa ndow ghə n wɔɔ kə Mûkəbii wən ghə â bəghəmnə tə̀ wi.

Kəfwaʼ 15:4

Ambə ghə bə nyi bənə n Yerosalem, ghə̂ a dzəŋi kə dzûmə tə Klisto nsə ngəd tə Yeso tey fu n kpii ney ghə. Sey, ghə n tiilə dza ndow tə ghəə ghey adzəm Zə̀ kə gaamənə ghə ni fwaʼ.

Kəfwaʼ 15:6

Sey, ngəd tə Yeso nsə ghə̂ a nii ghey n dzəŋi kə dzûmə tə Klisto n kwu tsu kədzəŋi ni laalə nyi tsu ghɔɔmə i tii zə.

Kəfwaʼ 20:17

Ambə Pɔl loʼnə n Miletus, tə n tûm tɔŋɔ tsu ngəd tə dzûmə tə Klisto tey n Efesus nə ghə bə koʼ wi.

Roma 13:7

Sey, tsə nuu ndow ghə̂ ghey wə khə ghə n ndaŋ kə, nə à loʼ kə màʼlə kə tsow kə, tsow nuu ndow, nə̀ à loʼ kəmàʼlə wə khə ni tsow n bikiwən kən wə ghəŋŋənə, wə n tsow nuu i ndow. Wə khə ni buʼu wɔɔ ghə, fuu ndow ingɔɔmə tə ghə̂ ghey ghə loʼnə tow wə.

Galeshia 6:1

Waazə ghuŋ ghə, abə wù ghaa u loʼ u ghəŋə bəəbə tsunə ghə zə, ghaa ghən ghaa muu nə n daʼa Zay kə Zow kə, ghaa khə ni nyoʼlə bɔɔ teyyə dzəŋŋə bə wù tii n jii ibam, kee ghə̂mə kə nə kə fə kə loʼ kə nə chimmənə ghaa nə ghaa nyi ndow soʼo ni ghəŋə ghəə a bəbə ghə.

1 Timoti 5:17

Dzûmə tə Klisto tə khə ni laalə tə ngəd tə dzəŋi kə dzûmə tə Klisto tə, tsəə dzɔbə soʼo ghə, a ka ndɔm taŋ a ghən ghə naʼlənə ghəə a Kəzə̀ ghə, dii soʼo aghə̂.

1 Timoti 5:2

I ney nyim u gheyzən wə ighələ tə wə neynə ghə zuu, wə ney soʼo waa a fəghaŋ a zən ighələ tə wə neynə waazu ghə. Wə khə ni ghəŋŋə ndow ghəə ghən tə waa a fəghaŋ a zən ghən n fə̀ŋ i zow zə.

Taytus 2:2

I dii ndow nyim tə agheynun tə nə̀ ghə keeli tsu fə̀ŋ tə dzuŋu tə, ghəŋŋə ndow aghəə n jìi zey ghə̂ ghə i fuunə ghə n ngɔɔmə zə, kwɔɔ tsu soʼo wû i ghə. Ghə khə ni tɔʼɔ taw n bəghəm i fə̀ŋ i ghə, khə iləghə n wû i ghə, kow tsu soʼo təfə̀ŋ n bəghəm i fə̀ŋ zey ghə khənə n kow Klisto abə a tsəmə shiə kə ghə i ghaa zə.

Taytus 2:6

N jìi i mɔʼɔ zə, wə khə ni kuu ndow soʼo fə̀ŋ tə waa a fəghaŋ a num ghə nə̀ ghə i kwɔɔ tsu wû zə nə aghəə adzəm.

Jems 3:17

A kee loʼ nə̀, ghə̂ ghey ghə khənə ndzoʼo tɔb wən Zə̀ kə idəŋ kə fuu bənə, khə fə̀ŋ tə zow tə. Ghə ləghə nə̀ ghə̂ ghə i loʼ nə ibuulə, zə̀ələ ghəŋŋə aghəə, ləghə aghə̂. Ghə khə sî i kwɔɔlə zə, ghəŋŋə soʼo ghəə a dzuŋu ghə. Ghə badla way ghəə ghə, loʼ soʼo tsətsəghə.

Jems 5:14

Nə̀ wù loʼ, loʼ n fəŋŋə kə ghaa tə dzaŋanə, ghaa n tûm tɔŋɔ bə ngəd tə dzûmə tə Klisto, ghə n bə gɔŋŋə tsu n tow kə wi, tsoʼlə tsu wi nə mmbvə n zəd i Mûkəbii.

1 Pita 5:1

N loʼ soʼo ngəd, n mâ koʼ Klisto nghee tə â fəʼlənə tii, mə i keeli soʼonu kɔʼlə mey tə khənə idəŋ abə tə i kəm bənə. N buʼu bə kəwɔɔ tə ghaa ngəd tə dzûmə tə Klisto tey tə loʼnə n fəŋŋə kə ghaa nə̀,

2 Jɔn 1:1

À màʼlə kən tɔ̀ɔ bə mə Jɔn wən n loʼnə ngəd. N tɔ̀ɔ bə tə weyzən wən Zə̀ kə sày naŋa kɔʼnə nsə waa a wi ghə. N tɔ̀ɔ bə boʼnə n ngii ləghə wi. A way kə mə n ləghənə wi, ghə̂ ghey adzəm ghə khənə isəŋə, ləghə soʼonu wi.

3 Jɔn 1:1

À maʼlə kən tɔ̀ɔ bə mə Jɔn wən n loʼnə ngəd. N tɔ̀ɔ bə tə wù fə wuŋ u dzuŋu wən, tɔŋŋə Gayɔs, n ndzəmə ləghənə wi.

Chi dii 4:4

Kuu wə u təfɔɔ nghəm bəghə n ghii wə ukaykə n taʼ dzəŋ tsəghə bə n kuu kə fɔɔ key. N kuu u təfɔɔ wən, a n doʼ təngəd nghəm nbəghə n ghii tə təkaykə, nə̀ ghə n dzəŋə keeli ndzə tə fəmə tə nsə taŋŋə u təfɔɔ wə nə kətow nə̀ ghə faalə nə itsàa.