1 Timoti 4:7 - Kaa n Kəzə̀ n fəghə mə

⁷ Kə wə nə bəəbənə nəŋə zə zə̀ ni zəllə zeeli zəzəə n wey mey gheyzən a khəənə nə̀ n khə way ghə i loʼ zə ni ghəŋə ghi Zə̀ kə. Fət dəŋ naŋa tsu wû wə wə̀ ni muu n jìi zey Zə̀ kə ləghənə.

1 Timoti 4:7 ပူးပေါင်းရင်းမြစ်များ

Kəfwaʼ 24:16

À wən loʼ ghə i tii zə n dəmənə nə̀ fə̀ŋ zuŋ i zow n sə̂ K-a-zə̀ nsə n sə kə aghə̂.

1 Timoti 1:4

Dza ndow tə ghə nə̀ ghə buu naŋa ni taŋŋə kaabə zəzəə n wey mey tɔb u loʼ u way tii nsə ni taŋŋə zəd a ghə bày bày a ghə ghə. Ghəə a tii a ghəŋŋənu ghə n maŋa fəə adzuu nə kənunu. Ghəə a tii a gaamə way wù nə̀ tə fwaʼ fwaʼ K-a-zə̀, loʼ sey nə̀ a loʼ kə wù wey tə bəghəmnə tə̀ Zə̀ kə, tə loʼnə ni fwaʼ fwaʼ kə tii kə.

1 Timoti 1:9

Saa khə soʼonu nə Zə̀ kə ka laŋ kə ghəŋə dzə tə ghə̂ ghən ghə loʼ tsətsəghə. Â fəd loʼ tə ghə̂ ghən ghə bwuulə maʼa laŋ kə nsə ghə̂ ghey ghə ney way n wɔ Zə̀ kə, ghə̂ ghən ghə khə way Zə̀ kə nsə ghə̂ a bəbə ghə, ghə̂ ghən ghə khə way Zay kə Zow kə nsə ghə̂ ghən ghə ngɔɔmə way Zə̀ kə, ghə̂ ghən ghə weyyənə ghə bày a ghə ghə nkee ghə này ghə ghə, ghə̂ ghən ghə weyyənə ghə̂ ghə.

1 Timoti 2:10

Ghə fəd khə ni ghəŋŋə ghəə ghey a fiilənə weyzən wey tə dza nə̀ i bəghəm fuu tə Zə̀ kə.

1 Timoti 3:16

Isəŋə loʼ nə̀, wù loʼ tsəm way ni tuu maʼa ghəə zey i nyi doʼonə n ghəə a Kəzə̀ nə̀, Klisto â bə tə a loʼ wù sɔŋtsuʼ, Zay kə Zow kə n dii bə nə tə loʼ tsətsəghə, Tsətəndəghə tə Kəzə̀ tə koʼ ndow wi, Ghəŋə nə̀ ghə naʼa tûm kùm wi tə ghə̂ ghən ghə ka bəghəm tə Zə̀ kə n naʼa tə mbi tədzəm. Ghə̂ a mbi ghə n bəghəm fuu tə wi. Ni fuu wi n kɔʼləmə, Zə̀ kə n ney kɔʼ ndow wi idəŋ, naŋa ndow wi n kpii u wi u təmə wə.

1 Timoti 4:8

I dzɔbənu ni dəŋ naŋa wû wə ni naalə wû wə, a kee loʼ nə̀, a dzɔb tsəghəshi ni dəŋ naŋa wû wə n ghəə a Kəzə̀, n təŋkey, ghəə a Kəzə̀ a khə təb key kə khənə muu zən nya nsə i zey zə i nam khə ni bə.

1 Timoti 6:11

A kee bə wɔ a Timoti, wə loʼ wù wən wə bəghəm fuunə tə Zə̀ kə, kə wə nə bəghəm naŋŋə ndzoʼo ghəə a bəbə ghən. I fədlə dzûmə ndow muu zən i loʼnə tsətsəghə, fwaʼa ndow fwaʼ key Zə̀ kə ləghənə, fə̀ŋ zə i loʼ tən kə n kow Zə̀ kə, wə i ləghə ghə̂ ghə adzəm, kow fə̀ŋ nə aghəə adzəm, wə keeli tsu soʼo zuŋ kə umwam.

1 Timoti 6:20

Timoti, tɔʼɔ kwu keeli fə key Zə̀ kə fuu naŋanə tə wɔ nə̀ wə i keyyə. Kə wə nə zəllənə ghɔɔmə tən tə fuu way ngɔɔmə zə tə Zə̀ kə nsə ghɔɔmə tə laʼlə tən ghə̂ a loʼ a dza nə̀ a loʼ utɔb loʼ sey nə̀ à way dzə utɔb.

1 Timoti 6:3

Abə wù loʼ diinə ghəə a nuu ghə, nə̀ a bəghəm dzəŋi way ghi tûm i dzuŋu zən bòʼ Mûkəbii Yeso Klisto, nə̀ a bəghəm dzəŋi soʼo way ghi muu i dzûmə tə Klisto tə,

1 Timoti 6:5

Ghə̂ ghən loʼ tən tsə kə ni zuulə n təŋkey, ghə moʼlə tənə kə ghəə a bəbə ghə, kəm ləghə soʼo way isəŋə. Ghə moʼlə kə nə̀ fwaʼ K-a-zə̀ kə loʼ luʼu key ghə loʼ ni keeli ikum tii.

2 Timoti 2:16

Ka i nyiə n ghɔɔmə tən tə fuu way ngɔɔmə zə tə Zə̀ kə nsə n ghɔɔmə tə laʼlə tə n təŋkey, ghə̂ ghey ghə nyiənə n ndzoʼo ghɔɔmə tən, ghə n nyəŋə laʼa nay ndow n ghəə a Kəzə̀.

2 Timoti 2:23

Kə wə nə dzûmə soʼonə ghɔɔmə tə laʼlə tə nsə ghə̂ ghən ghə maŋa fəənə dzuu ghə kənunu n təŋkey, ghəə a tii a ghəŋŋənu ghə̂ ghən n baŋŋə zeeli təfəghəm.

2 Timoti 3:12

Isəŋə loʼ nə̀, wù wey tə ləghə ni muu muu i Kəzə̀ zən i loʼnə nə kəfə kəmɔʼ ghi Yeso Klisto, ghə i chɔdlɔnu wi.

2 Timoti 3:5

ghə nə nəŋŋə ghəŋŋə nə̀ ghə loʼ ghə̂ a Kəzə̀, kee tuu maʼa daʼa key kə loʼ ni ghəŋə ghə nə̀ ghə doʼo ghə̂ a Kəzə̀. Kə wə nə keeli ghə i loʼ zə ni ghəŋə ghi ndzoʼo ghə̂ ghən.

2 Timoti 4:4

Ghə nə tuu maʼa ni zəllə ghɔɔmə i Kəzə̀ zən i loʼnə isəŋə, ghə nə fədlə fuu may ndow kə tuŋŋə u ghə wə n zəzəə n wey mən n maŋ loʼnə kənunu.

Taytus 1:14

Ghəŋə nə̀ kə ghə nə kəm naŋŋə tuŋŋə wə n zəzəə n ghə̂ a Təjuu mey ghə bə̀ghə̀ shiə kɔʼɔnə, kə ghə nə bwey soʼonə n laŋ u ghə̂ ghən ghə tuu maʼanə isəŋə.

Taytus 2:12

À loʼ n bam i fə̀ŋ i dzuŋu zən Zə̀ kə dza bənə tə̀ saa nə̀, saa tuu maʼa muu zey Zə̀ kə ləghə way, saa ka gaʼ soʼo fə̀ŋ tə n fə u mbi. Tə ləghə nə̀ saa i loʼ ni kwu keeli muu i saa, ghəŋŋə ghəə ghey a kpiinə, ghəŋŋə soʼo ghəə ghey tə ləghənə nghee saa muunə fa n mbi zən.

Taytus 3:9

Kə wə nə bweynə fə wə ghi ghə̂ ghey ghə ləghənə ni fəə dzuu ghə n laʼlə tə aghəə, a ghey ghə ləghə ni taŋŋə wey tə n zəd a ghə̂ nə̀ ghə mâ kpu tsəghə. Kə wə nə bəghəm naŋŋə soʼonə ghəə ghey ghə zuulə zeelinə bòʼ laŋ kə ghə̂ a Təjuu n təŋkey, ghəə a tii a tsəə way, gaamə soʼo way n ghə i loʼ zə.

Hibru 5:14

Fəzəə u taw u loʼ tə̀ gheynyim ghən ghə beyyə dzənə, zoʼlə keeli kɔʼ aghəə n jìi zey ghə loʼ ni keeli ghəə zey i dzɔbənə zə nsə ghəə zey i bəbənə.