1 Timoti 4:6 - Kaa n Kəzə̀ n fəghə mə

⁶ Abə wə tiillə dza ndownə ghəə ghən n dii kɔʼ bənə tə wɔ tə̀ dzûmə tə Klisto tə, ney soʼo fə̀ŋ zə n ghɔɔmə i Kəzə̀ zən wə bəghəmnə tii nsə isəŋə zən wə bweynə tii, wə i doʼo wù kəfwaʼ a Yeso Klisto u dzuŋu wə.

1 Timoti 4:6 ပူးပေါင်းရင်းမြစ်များ

Matyo 13:52

Tə n daŋŋə dza ndow tə ghə nə̀, “A sey loʼ nə̀, wù dii u kəlaŋ wey ghə dii tsunə wi nə̀ tə doʼo dzûmə n fɔ̀ɔ wə idəŋ wə, loʼ tə a loʼ mûkəbii wən tə ney shiə bənə n taw u wi, fə u wey wə nsə u fəghə wə.”

Lukas 1:3

À wən loʼ ghə i tii zə a Mûkəbii, nghee n tɔ̀ʼ fwɔli kɔʼ bənə ghəə a tii ghə nə nzeyyə, mə n koʼ tsunə nə̀ i dzɔbənu nə̀ n faalə tɔ̀ɔ tsu bə ghəə a tii ghə tə wɔ,

Kəfwaʼ 1:15

N tsuʼ fə loʼ fə n tsuʼu mən ghə â dzəŋi doʼonə, ghə̂ ghən ghə bəghəm nə tə Yeso n loʼ fu tə a loʼ aghə̂ fəbɔm nsə ghə̂ ghə nghəm n bəghə. Pita n nuu təmi kɔʼ n fəŋŋə kə ghə, ghɔɔmə ndow tə ghə.

Kəfwaʼ 20:31

Ney na ghə̂mə zə, ghaa i moʼlə tsu nghee tə n fəghə kɔʼ bənə tii nə tənum tətəghə n tsə tə nsə n tsuʼu tə nə̀ n tsəə kə ghaa.

Kəfwaʼ 20:35

N ghəə ghən adzəm, mə â dii bə tə ghaa nə abə wə fwaʼa tsu nə isəŋ, wə khə ni gaamə ndow ghə̂ ghey ghə taw way, moʼlə tsu ghɔɔmə zey Mûkəbii Yeso n wû u wi wə â dzanə nə̀, ‘Wù keeli ibuulə abə tə fuunə tsəghəshi abə tə neynə.’”

Roma 15:15

À kee loʼ nə̀ n màʼlə kən tɔ̀ɔ bə tə ghaa n fə̀ŋ zuŋ idzəm ni kəm tɔʼ zəŋŋə kpiʼi bə ghaa n ghəə a loʼ ghə. N khə fə̀ŋ ə tii ni tɔ̀ɔ bòʼ ndzuŋ zey Zə̀ kə fuunə tə mə.

1 Kɔrint 4:17

À wən loʼ zuŋ key n tûm bənu Timoti tə̀ ghaa. Tə loʼ tə̀ a loʼ waa wuŋ wən n ngii ləghənə, tə u ngii gaʼ soʼonə fə̀ŋ n kow Mûkəbii. Tə i zəŋŋə bə ghaa n jìi zey n muu kɔʼ bənə tii tə̀ a loʼ dzûmə Yeso Klisto. À loʼ n jìi i mɔʼɔ zə n diinə n dzəŋi u dzûmə tə Klisto tə udzəm, nə təluʼu tədzəm.

2 Kɔrint 11:23

Ghə dza nə̀ ghə loʼ ghə̂ a kəfwaʼ a Klisto ə? (N ghɔɔmə tə̀ a loʼ wù zəghə), n buʼ tsəghəshi ghə. Mə n fwaʼ ndəmə tə aghəə tə səŋi tə, nyi n ndaw tsaʼ n ndəmə tənəŋə, ghə n mə bwɔd n ndəmə tənəŋə, mə n koʼ və zə n ndəmə tənəŋə.

2 Kɔrint 3:6

À loʼ wi tə ghəŋənə nə̀ ghey kɔʼ kpii tə̀ a loʼ ghə̂ a kəfwaʼ n kâa n fəghə mən. Kaa n fəghə mən ka tɔ̀ɔ doʼo dzə n màʼlə K-a-zə̀, à loʼ n Zay kə Zow kə, kuum nə̀ ghəə ghey a tɔ̀ɔ doʼonə nə kəmaʼlə fədlə wey wù, Zay kə Zow kə u kee fuunə muu zə.

2 Kɔrint 6:4

Ghey fədlə dii bə wû i ghey tə̀ a loʼ ghə̂ a kəfwaʼ a Kəzə̀ a dzuŋu ghə nə̀ təjìi tədzəm, nghee ghey kownə fə̀ŋ n chɔd mən ghey keelinə, kow fə̀ŋ n ghəə ghən a tsəmə tawnə, kow soʼo fə̀ŋ nghee tə̀ ghey tsəmə zow kənə ngoʼ.

Efesus 6:21

Taychikus, tə loʼnə waazə ə saa wən saa ngii ləghənə, tə fwaʼanə tə̀ Mûkəbii n fə̀ŋ ə wi idzəm, î tɔʼɔ tiilə dza bənu ghəə ghə adzəm tə̀ ghaa. Sey nə̀, ghaa tɔʼ keeli tsu nghee tə̀ n loʼnə tii nsə fwaʼ key n fwaʼanə.

Filipi 2:20

N kəm khə way wù loʼ tə̀ a loʼ wi, tə ndzəm khənu fə̀ŋ n kow ghaa.

Filipi 2:22

A kee bə Timoti, ghaa khənu nə̀ tə n dii fwaʼ kə wi kə, tə n fwaʼ ghi mə tə̀ waa nə̂ fwaʼanə ghi bày ni naʼa tûm i dzuŋu zən.

Filipi 3:16

Saa kee khə ni bwey ndow kə nə isəŋə zey saa khə zey dzənə.

Kolose 2:19

Ndzoʼo ghə̂ ghən kəm zow way tə Klisto, tə loʼnə tow kə n dzəŋi kə dzûmə tə Klisto, tɔŋɔ wû u wi. À loʼ wi tə kwu keelinə wû wə udzəm nə kəfə kəmɔʼ nə uzuŋ, ghəŋŋə nə̀ wə i nyîmmə n daʼa K-a-zə̀.

Kolose 3:16

Ghaa ghəŋə nə̀ ghɔɔmə i Klisto i bəghə doʼo n fə̀ŋ tə ghaa naʼ idzəm. Ghaa i dii nduŋŋə ndow ghəə a tii ghə n wû i ghaa, dəŋŋə kɔʼɔ bə wû i ghaa nə utɔb. Zhim dzaŋa tən tə fuu kɔʼləmə tə Zə̀ kə, zhim dzaŋa tə Zay kə Zow kə nsə dzaŋa tən ghaa bəghə kɔʼɔ bənə n fə̀ŋ tə ghaa, zhim ndow ndzaŋa tə Kəzə̀ n fə̀ŋ idzəm.

Kolose 4:7

Taychikus, waazə ə saa u dzuŋu wə, i tiilə dza bənu tə ghaa ghəə ghey a tsəghənə fa adzəm bòʼ mə. Tə fwaʼa dzəŋi ghi mə, fwaʼa soʼo tə Mûkəbii n fə̀ŋ ə wi idzəm.

1 Tesalonika 3:2

Ghey n tûm bə Timoti waazə ghey wən tə fwaʼanə tə̀ Zə̀ kə ghi ghey ni naʼa tûm i dzuŋu zən bòʼ Klisto nə̀ tə bə tɔm bə ghaa, tə təm tawwə bə soʼo bəghəm i fə̀ŋ i ghaa.

1 Timoti 1:10

Laŋ kə loʼ tə ghə̂ ghən ghə laŋŋənə, gheynum ghən ghə nyəŋinə n wû i ghə, ghə̂ ghən ghə kwɔɔ fìilənə ghə̂ ghə tə a loʼ ukɔd, ghə̂ ghən ghə badla ghəə ghə nsə ghə̂ ghən ghə kàanə zəd i Kəzə̀ zə nə kənunu nsə ghə̂ ghən ghə ghəŋŋənə ghəə ghən a kpiilə way ghi ghəə a Kəzə̀ ghə.

1 Timoti 4:16

Ney ghə̂mə zə n jìi zey wə muunə tii nsə ghəə ghey wə diinə ghə̂ ghə tii. Təmi taw tsu kə n ghəə ghey a kpiilənə, n təŋkey, abə wə ghəŋŋə dzənə sey, wə i keeli ibəghəshi, ghə̂ ghey ghə zownə ghəə ghey wə dzanə i keeli soʼo ibəghəshi.

1 Timoti 6:3

Abə wù loʼ diinə ghəə a nuu ghə, nə̀ a bəghəm dzəŋi way ghi tûm i dzuŋu zən bòʼ Mûkəbii Yeso Klisto, nə̀ a bəghəm dzəŋi soʼo way ghi muu i dzûmə tə Klisto tə,

2 Timoti 1:6

À wən loʼ zuŋ key n zəŋŋə bənə wɔ nə̀ wə i nûmə zeeli naamə key Zə̀ kə â fuunə tə wɔ n nəŋə zey mə a gaʼnə wɔɔ ghuŋ ghə n kow wɔ, gɔŋŋə tsu n tow kə.

2 Timoti 3:10

A kee bə wɔ a Timoti, wə khənu ghəə ghey mə â diinə ghə̂ ghə tii nsə muu zuŋ zə idzəm. Wə khənu jìi zey n bəghəmnə tii tə̀ Klisto nsə fə key n kəŋənə fa n mbi, ləghə zey n khənə n kow ghə̂ ghə, nsə nə̀ n khənu ni kow fə̀ŋ n fwaʼ K-a-zə̀ abə ghəə a taw kə ngee.

2 Timoti 4:3

N dza sey n təŋkey nəŋə zə i bəghənu ghə̂ ghə i ləghə way ni zəllə ghɔɔmə i Kəzə̀ zən i loʼnə isəŋə, ghə i fədlə dzûmə ndow ghəə ghən fə̀ŋ tə ghə tə ləghənə. Ghə i tɔŋɔ zuŋŋə bə n səə ghə, ghə̂ a dii ghey ghə diinə ghəə ghey tuŋŋə u ghə u ləghənə ni zow.

Taytus 2:1

A kee bə wɔ a Taytus, wə khə ni teeli dii ndow kə dzûmə tə Klisto tə n ghəə ghey a bəghəm dzəŋi kɔʼnə ghi ghəə a Kəzə̀ ghə.

1 Pita 2:2

Ghaa i mbuŋŋə ni nyɔŋ ghii n Zay kə Zow kə n loʼnə ghɔɔmə i Kəzə̀ zə tə̀ waa nə mbuŋŋənə ni nyɔŋ ghii n nay wi, sey nə̀, abə ghaa məənə ghii n tii mə, ghaa i loʼ ni tɔʼ beyyə taw tsu n bəghəm i fə̀ŋ i ghaa, Zə̀ kə i bəghəshi soʼo ghaa.

2 Jɔn 1:9

Wù wən tə ndow kə n sə kə, nə tə bɔɔmə bwey ndow way tə Klisto diinə, wù tii way dzə nə kəfə kəmɔʼ ghi Zə̀ kə. Wù wey tə dzûmənə dii i Klisto zə, tə loʼ nə kəfə kəmɔʼ ghi Bày nsə Waa.

Màʼlə kə Jud tə̀ ghə̂ a Kəzə̀ ghə 1:5

Nghee ghaa tsəm khə kənə ghəə ghən adzəm, n dza n zəŋŋə bə ghaa nə̀, Mûkəbii Zə̀ kə mâ bəghəshi ghə̂ a wi ghə n naʼ zə Ijip. A n kee bə tə dzə doʼo kəŋə ndownə, tə n ləŋi maʼa tsu ghə̂ ghey ghə â ka bəghəm tə̀ wi.