1 Timoti 4:16 - Kaa n Kəzə̀ n fəghə mə

¹⁶ Ney ghə̂mə zə n jìi zey wə muunə tii nsə ghəə ghey wə diinə ghə̂ ghə tii. Təmi taw tsu kə n ghəə ghey a kpiilənə, n təŋkey, abə wə ghəŋŋə dzənə sey, wə i keeli ibəghəshi, ghə̂ ghey ghə zownə ghəə ghey wə dzanə i keeli soʼo ibəghəshi.

1 Timoti 4:16 ပူးပေါင်းရင်းမြစ်များ

Malakus 13:9

Ghaa khə ni tɔʼ ghə̂mə n wû i ghaa, n təŋkey, ghə i kwɔ ghaa, ghə ney ndòw ghaa n tay i saʼ. Ghə bwɔd ghaa n ndaw tə udzəŋi tə ghə, ghaa i ndòw n sə kə udəŋ nsə ghə̂ a nii ghə bòʼ mə. A nə wən loʼ kəbuʼ tə̀ ghaa ni naʼa tûm i dzuŋu zə tə̀ ghə.

Lukas 21:34

Ney na ghə̂mə zə kə ghəə a zəə ghə, nsə ghəə a məə ghə nsə chɔd u mbi u nə ney nuulənə fə̀ŋ tə ghaa tə. Nə a way sey, tsuʼ fə tii fə nə bə nə̀ ghaa ka keeli.

Kəfwaʼ 26:22

Ni bə kùm na, n muu nə a loʼ Kəzə̀ kə gaamənə mə. Mə n loʼ ni təmi na fa tiilə dza bə aghəə tə ghə̂ ghə adzəm, tiilə dza kə ghə i mɔʼɔ zə tə ghə̂ ghən ghə loʼ ghə̂ a səŋi ghə nsə tə ghə̂ ghən ghə way ghə̂ a səŋi ghə. Ghəə ghey n dza nə̀ ghə i bə ney kəbənə bɔɔmə loʼ ghəə ghey tûm tə Kəzə̀ ghi Mushi â nə dza naŋanə nə̀ a nə bə ney kəbənə.

Kəfwaʼ 6:4

Abə ghey, gheykee doʼo tən tsu kə ni fwaʼa fwaʼ kə gɔŋŋə kə nsə ni dii ghɔɔmə i Kəzə̀ zə.”

Roma 11:14

N moʼlə nə̀ fwaʼ kə tii kə loʼ ni ghəŋə nə̀ waazə ghuŋ, ghə̂ a Təjuu ghə i ghoʼo fə key ghə̂ ghən ghə way ghə̂ a Təjuu a khənə, sey, mə i loʼ ni gaamə ghə nə̀ ghə keeli ibəghəshi.

Roma 16:17

Waazə ghuŋ ghə, n buʼu bə kəwɔɔ nə̀ ghaa ney ighə̂mə ghi ghə̂ ghən ghə ghəŋŋə nə̀ ghə̂ ghə i tsɔɔbə kaabə tow wə, fwɔdlɔ aghə̂ nə kə ghə nə təminə bəghəm i fə̀ŋ i ghə, dii soʼo aghə̂ n ghəə a nuu ghə nə̀ a way ghəə ghey ghə â dii ghaa tii. Kə ghaa nə təmə dzəŋinə ndzoʼo ghə̂ ghən.

Roma 2:7

Zə̀ kə i fuu muu zə itsali tə̀ ghə̂ ghən ghə buu doʼlə way ni ghəŋŋə ndzuŋ, ləmmə kə tə̀ wi nə̀ tə kɔʼlə naŋŋa kɔʼ ghə.

1 Kɔrint 1:21

I loʼ sey n təŋkey, Zə̀ kə n ghəŋə n tɔb u wi nə̀ ghə̂ a way dzə ni keeli wi n tɔb u ghə. Zə̀ kə n ghəŋə nə̀ ghə̂ a mbi a fəd keeli wi n bam i tûm i dzuŋu zən ghə naʼlənə ghə tɔŋŋənə nə̀ a loʼ ilaʼlə. Zə̀ kə n tsəm tsu ni bəghəshi ghə̂ ghey ghə bəghəmnə tə̀ tûm i dzuŋu zən ghə̂ a mbi a tɔŋŋə nə̀ a loʼ ilaʼlə.

1 Kɔrint 9:22

Abə n loʼnə ghi ghə̂ ghey ghə ka kam beyyə n bəghəm i fə̀ŋ i ghə, mə n doʼo bə soʼo tə a loʼ wù wey bəghəm i fə̀ŋ i wi i ka kam beyyə, sey nə̀ mə i loʼ ni kwu zə̂ bə ghə tə̀ Klisto. Sey, n bwey ufə ghi ghə̂ ghə adzəm ni ghəŋə nə̀ abə i bəb kə ngee, mə i loʼ ni bəghəshi a loʼ ghə.

1 Kɔrint 9:27

N ghəŋə naŋa wû wuŋ nə̀ kə u nə zownə fɔɔbə zə abə ghə tsɔɔbənə mə, ghəŋə soʼo nə̀ wə i zow bə tə mə. N sey ghəŋŋə nə̀ i kə n nə naʼlənə tûm i dzuŋu zə tə ghə̂ ghə, wû wuŋ n ka keeli naamə key n khə ni keeli.

Efesus 4:14

Sey, saa i kəm way dzə tə̀ a loʼ aghinətəghə n bəghəm i fə̀ŋ i saa. Saa i kəm fwɔdlɔ way tə̀ a loʼ kəfən n dzuu, zəŋ maŋa tənnə kaabənə, zə n tən n bad kən, zə n kəm tən ndow n bad kə key, ghə̂ a tsìi ghə i way ni maŋ sìi ndzəŋ saa n tɔb u ghə u tsɔŋɔ wə.

Kolose 4:17

Dza ndow na tə Achipus nə tə dəm tsu ni mayyə fwaʼ kən Mûkəbii fuu naŋanə tə wi nə tə fwaʼ.

1 Tesalonika 2:16

Ghə ndeemi iwû ni buu naŋa ghey nə̀ kə̂ ghey nə̂ naʼlənə ghɔɔmə i Kəzə̀ zə tə̀ ghə̂ ghən ghə way ghə̂ a Təjuu ghə, nə̀ ghə mbɔŋ keeli ibəghəshi. Ghə n sey zuŋŋə naŋa kɔʼ bə ghəə a bəbə ghə, sey, ngoʼ ə Kəzə̀ n bə n kow ghə.

1 Timoti 1:3

N ləghə nə̀ wə doʼo tsu n Efesus tə̀ mə â dza nə̀ tə wɔ nghee mə â dza i nuu ndow n Masedonya. Ghə̂ a loʼ a loʼ fey, ghə sii ndzəŋŋənə ghə̂ ghə, sey, n ləghə nə̀ wə buu naŋa ndow ghə.

1 Timoti 4:15

Kuu nyi ndow fə̀ŋ zə idzəm ni ghəŋə ghəə ghən, wə fuu nyi ndow wû wə udzəm ni fwaʼ fwaʼ kən, sey nə̀ aghə̂ adzəm ghə i koʼ nghee fwaʼ kə kə̀ nyîmmə kɔʼɔ bənə tii.

1 Timoti 4:6

Abə wə tiillə dza ndownə ghəə ghən n dii kɔʼ bənə tə wɔ tə̀ dzûmə tə Klisto tə, ney soʼo fə̀ŋ zə n ghɔɔmə i Kəzə̀ zən wə bəghəmnə tii nsə isəŋə zən wə bweynə tii, wə i doʼo wù kəfwaʼ a Yeso Klisto u dzuŋu wə.

2 Timoti 2:10

À wey loʼ i ghii n kownə fə̀ŋ nə aghəə adzəm n tow u ghə̂ ghən Zə̀ kə sàynə ghə, sey nə̀, ghə loʼ ni keeli soʼo ibəghəshi n bam i Yeso Klisto, ghə keeli soʼo kɔʼlə mən n nə may way.

2 Timoti 3:14

A kee bə wɔ, təmi taw tsu kə nə isəŋə zey wə zoʼlə kɔʼ bənə nsə n ghəə zey wə bəghəmnə tii n təŋkey, wə khənu fə key ndzoʼo ghə̂ ghey wə koʼ neynə ghəə ghən n wɔ ghə loʼnə ghii kə.

2 Timoti 4:2

wə naʼa tûm i dzuŋu zən. Wə i dəmə kə ni naʼa tûm i tii zə nəŋə tədzəm, abə ghə̂ a ləghə mɔ ghə ləghə way. I bɔɔ teyyə bə ghə̂ ghə n jii zən i loʼnə tsətsəghə, kpaa ndow ghə, kuu ndow fə̀ŋ tə ghə, kow tsuu soʼo fə̀ŋ abə wə diinə ghə.

Taytus 1:9

Tə khə ni loʼ wù tə ndzəm bəghəmnə naŋanə tûm i dzuŋu zə bòʼ Yeso Klisto ighələ tə̀ tə â zoʼlə neynə, sey nə̀, tə i loʼ ni kuu nduŋŋə ndow fə̀ŋ tə ghə̂ a loʼ ghə nə̀ isəŋə i tii zə, tə i loʼ soʼo ni faalə tiilə ndow aghəə tə̀ ghə̂ ghey ghə tuu maʼanə tûm i dzuŋu i tii zə.

Taytus 2:15

Sey, a wən loʼ ghəə ghən wə khə ni dii ndow tə dzûmə tə Klisto tə. I kuu ndow fə̀ŋ tə ghə tə, kpaa tənə ndow soʼo ghə abə ghə ghəŋə bəəbə tsunə ghəə zə tə a loʼ wù wey tə khənə daʼa kə tii kə. Ka tsəm bəghəm nə wù loʼ koʼ kìi wɔ.

Taytus 2:7

Wɔ n wû wə wə̀ a Taytus, wə khə ni ghəŋŋə ghəə ghey a dzɔbənə nəŋə tədzəm sey nə̀ ghə loʼ ni koʼ ney kɔʼ mwam u dzuŋu wey wə khənə. Ghəə ghey wə diinə khə ni loʼ isəŋə, kə wə nə səə soʼonə.

Filemun 1:19

À tɔ̀ɔ tsu mə Pɔl n wɔ kuŋ kə nə̀ mə i tsəə dzəŋŋənu wɔ. N khə dzə way ni zə̀ŋŋə wɔ nə a loʼ mə, mə â ghəŋənə wɔ nə wə doʼo dzûmə Klisto.

Hibru 12:15

Dəmə tsu n na nə̀ kə wù ghaa u loʼ u nə doʼlə nə̀ Zə̀ kə ka dii wi n fə̀ŋ ə wi i dzuŋu zə. Kə wù ghaa u loʼ u nə doʼlə naŋ kə bəbə kə n fəŋŋə kə ghaa, kə loʼ ni ghəŋə nə̀ unaŋ udzəm u fway.

Hibru 13:9

Kə ghaa i nyəŋ laʼ n bàa ndəmə tə aghəə tə loʼ tən ghə diinə nə̀ a way ghəə a Kəzə̀. I dzɔbə nə̀ fə̀ŋ tə saa tə i taw dzɔbə n ndzuŋ ə Kəzə̀, nə̀ a way dzə n ghəə a naŋŋə a laŋ u ghəə ghə ufəzəə. Laŋ u ghəə ghə ufəzəə ghən ka kam gaamə koʼ tsə ghə̂ ghey ghə naŋŋənə laŋ u tii wə n ghə i loʼ zə.

Jems 5:20

wù tii keeli tsu nə̀, wù wey tə ghəŋənə nə̀ kə wù bəbə nə nyəŋə laʼa ndownə, i bəghəshiə tow kə wù bəbə tii nə ivə, tə ghəŋə soʼo nə̀ Zə̀ kə neyzəə ghəə a wi a bəbə ghey tə loʼ nə̀ tə n ndəŋ ghəŋə.