1 Timoti 4:10 - Kaa n Kəzə̀ n fəghə mə

¹⁰ À wən loʼ zuŋ key saa fwaʼanə, dəmə soʼo ni keeli ghəə ghən, n təŋkey, saa gaʼ fə̀ŋ tə saa n kow Zə̀ kən kə loʼnə utaw, tə loʼnə bəghəshi tə ghə̂ ghə adzəm, a ka tsəm dza ghə̂ ghən ghə bəghəm fuunə tə wi.

1 Timoti 4:10 ပူးပေါင်းရင်းမြစ်များ

Matyo 16:16

Shimun Pita n beeli ndòw wi nə̀, “Wə loʼ Klisto, Waa Kəzə̀, Zə̀ kən kə loʼnə utaw nəŋə tədzəm.”

Matyo 27:43

Tə â bəghəm tə̀ Zə̀ kə, tə n buʼ dza soʼo nə̀ i loʼ waa Kəzə̀, abə Zə̀ kə ləghənə wi, tə bəghəshi tsu bə wi nya.”

Tùm i dzuŋu zə kuum Yeso Klisto tə Jɔn â tɔɔnə 1:29

Tsətsə wey, Jɔn n koʼ ndòw Yeso tə bəghənə n səə wi, tə n dza, “Koʼo na! À wən loʼ Waa njì ə Kəzə̀, tə ney nuulənə bəb i ghə̂ a mbi zə.

Tùm i dzuŋu zə kuum Yeso Klisto tə Jɔn â tɔɔnə 4:42

Ghə n dza tə̀ weyzən wey nə̀, “Ghey ka maŋ bəghəm dzə bòʼ ghɔɔmə zə, ghey bəghəm n təŋkey, ghey n baa zow ghɔɔmə i wi zə n wû i ghey zə, ghey u koʼ tsu soʼonə nə̀ wù wən ndzəm loʼ bəghəshi ə mbi.”

Tùm i dzuŋu zə kuum Yeso Klisto tə Jɔn â tɔɔnə 5:24

N dza bə isəŋə tə̀ ghaa nə̀, wù wey tə zownə ghɔɔmə zuŋ zə, bəghəm fu bə tə wù wey tə tûmnə mə, î keeli muu zə itsali. Zə̀ kə kəm way ni saʼ ghə boʼnə ghə n nuu shi bə nə ivə, ghə nya khə muu i fəghə zə.

1 Kɔrint 15:10

N loʼ wù wey n loʼnə ghii wə nya bòʼ ndzuŋ ə Kəzə̀. Ndzuŋ zən Zə̀ kə â diinə tə̀ mə, â ka maŋ nay dzə kənunu. Zə n ghəŋə nə̀ n fəd fwaʼ tsəghəshi tsətəndəghə tə Klisto tə loʼ tey tədzəm. N khənu nə̀ â way dzə n daʼa kuŋ, â loʼ daʼa K-a-zə̀ kə â ghəŋənə mə nə̀ n fwaʼ tsəghəshi ghə adzəm.

2 Kɔrint 1:10

Tə mâ bəghəshi ghey n ndzoʼo ngoʼ i faalə zən zə â loʼnə ni ney nuu tow kə wù. Tə nə nam bəghəshiə kənu ghey. Ghey sey gaʼ fə̀ŋ tə ghey n kow wi nə̀ tə i ndow kə n sə kə ni bəghəshiə ghey.

1 Timoti 2:3

I dzɔbənu ni gɔŋŋə tə ghə̂ ghə adzəm n ndzoʼo jii zən, à loʼ soʼo ghəə zey Zə̀ kə, tə loʼnə bəghəshi ə saa ləghənə.

1 Timoti 2:4

Tə ləghə nə̀ aghə̂ adzəm a keeli ibəghəshi, ghə keeli soʼo isəŋə.

1 Timoti 2:6

À loʼ wi tə â fuunə wû u wi wə ni kùmshi tow u ghə̂ adzəm. Yeso â bə kpu n tow u ghə̂ adzəm tə a loʼ tsəə ni dii tsu nə̀ nəŋə zey Zə̀ kə â bayyə naŋa ni bəghəshi aghə̂ tii n kpii.

1 Timoti 3:15

abə n kpaʼi loʼlənə ni bə, màʼlə kən kə i ghəŋə nə̀ ghaa keeli nghee dzûmə tə Klisto tə khə ni muu tii n wû i ghə. Dzəŋi kən loʼ dzəŋi kə Zə̀ kən kə loʼnə utaw. À loʼ dzûmə tən tə tɔɔmənə nə̀ ghɔɔmə i Kəzə̀ zə i loʼ tsətsəghə ighələ tə̀ tsə kə ndaw nsə nyəllə u tɔɔmənə ndaw nə̀ kə i nə bwunə.

1 Timoti 6:17

Dza ndow tə ghə̂ ghey ghə kuumnə n mbi zən nya nə̀ kə ghə nə ghaŋŋə wû wə, kə ghə nə gaʼa soʼonə fə̀ŋ tə ghə tə n fə u mbi nə u doʼlə tsuŋŋə way, ghə fəd gaʼ ndow fə̀ŋ tə ghə n kow Zə̀ kə, tə fuunə saa n fə wə udzəm nə saa i muu muu i dzuŋu zə naʼ idzəm.

Hibru 11:26

Tə â ney kɔʼ n fə̀ŋ ə wi nə̀, ni fəghə bòʼ wù wən Zə̀ kə â dza naŋa nə̀ i tûm bənu dzɔb tsəghəshinu fə u dzuŋu wey udzəm u loʼnə n naʼ zə Ijip, bòʼ nə̀, tə â laalə tənə ndow kə naamə key tə i keelinə isə.

Hibru 13:13

Sey, saa ndow n səə wi a bii n mbàa inaʼ, saa ndow boʼo soʼo tow kə dədlə kə tə̀ tə â boʼonə.

1 Pita 1:21

À loʼ n bam i Klisto i ghəŋənə nə̀ ghaa bəghəm tə̀ Zə̀ kən kə â zhəm dzəŋŋə bənə wi nə ivə, kɔʼlə naŋa kɔʼ wi idəŋ. À wey loʼ ghə i tii zə ghaa khənə bəghəm i fə̀ŋ zə, ləmmə tənə soʼo nə̀ Zə̀ kə i ghəŋə ghəə a səŋi ghə tə̀ ghaa.

1 Jɔn 2:2

À loʼ wi Zə̀ kə â fuunə tə̀ a loʼ umaʼlə nə tə kpu n tow u saa ni sow maʼa bəb i saa. Tə â kad sow maʼa kə bəb i saa zə, tə â sow maʼa soʼo bəb i ghə̂ adzəm fa n mbi.

1 Jɔn 4:14

Saa n koʼ, tiilə dza soʼo nə Bày a tûm bə waa wi nə̀ tə bə bəghəshi ghə̂ a mbi.