1 Timoti 3:16 - Kaa n Kəzə̀ n fəghə mə

¹⁶ Isəŋə loʼ nə̀, wù loʼ tsəm way ni tuu maʼa ghəə zey i nyi doʼonə n ghəə a Kəzə̀ nə̀, Klisto â bə tə a loʼ wù sɔŋtsuʼ, Zay kə Zow kə n dii bə nə tə loʼ tsətsəghə, Tsətəndəghə tə Kəzə̀ tə koʼ ndow wi, Ghəŋə nə̀ ghə naʼa tûm kùm wi tə ghə̂ ghən ghə ka bəghəm tə Zə̀ kə n naʼa tə mbi tədzəm. Ghə̂ a mbi ghə n bəghəm fuu tə wi. Ni fuu wi n kɔʼləmə, Zə̀ kə n ney kɔʼ ndow wi idəŋ, naŋa ndow wi n kpii u wi u təmə wə.

1 Timoti 3:16 ပူးပေါင်းရင်းမြစ်များ

Matyo 1:23

“Weyzən, nə̀ tə ka kam nyəŋi koʼ tsə ghi weynum, î bɔŋɔ waa nə̀ tə ka nyəŋi ghi weynum. Tə̂ i ji bə waa ù nûm wə̀, Ghə i tɔŋŋə waa u num u tii wə nə̀ a loʼ Imanwe I dii tsunə nə̀, Zə̀ kə loʼ ghi saa.”

Matyo 13:11

Yeso n beeli ndòw ghə dza nə̀, “Ghə n fu naŋa sad i ghəə a fɔ̀ɔ wə idəŋ wə tə̀ ghaa, a way dzə tə̀ ghə.

Matyo 28:2

Nghee tə̀ ghə ndòw kuum tsunə fu, ghəlitsə kə n gbəllə kaʼ ni noʼlə. Tsəndəghə ə Kəzə̀ u loʼ wə n shi tsu bə idəŋ, bə bəŋŋə nuu kɔʼ naa key kə â tsəd doʼonə n dzuu zə isày i tii zə, kɔʼ doʼo kɔʼ tii.

Matyo 3:16

Nghee tə Yeso ney kɔʼnə mmuu n Kəzə̀ mə, shiə kɔʼɔ bə n dzuu, bikighow kə n nuu chi i tsu, tə n kòʼ Zay K-a-zə̀ kə tsuu bənə n wû u kəfə̀, tsu mwaa tsu n kow wi.

Matyo 4:11

Satan n daŋŋə zə̀ghə tsu wi, tsətəndəghə tə Kəzə̀ tə n bə gaamə kɔʼ wi.

Malakus 1:13

Tə n doʼo fu nə ntsuʼu nghəm nkaykə, Satan n mɔɔmə koʼo wi. Nyam tə mbvən tə n loʼ soʼo fu. Ngəd tə Kəzə̀ tə n laalə tə̀ wi.

Malakus 16:19

Ambə Mûkəbii Yeso ghɔɔmə may tsunə ghəə ghən tə̀ ghə, Zə̀ kə n ney nuu kɔʼ ndòw wi idəŋ, tə n ndòw doʼo tsu n kpii u Kəzə̀ u təmə kə.

Malakus 16:5

Ambə ghə nyi ndòwnə n say i tii zə, ghə n koʼ ndòw waa fəghaŋ u loʼ wə tə doʼnə n bad kə kpii kə zəə kə, nə̀ tə n dzəŋə keeli ndzə tə fəmə tə. Sey, ghə n kaʼ ni tsəŋ.

Lukas 2:32

Tə loʼ tə a loʼ utsə̂ ni fu sə̂ a koʼo ghə tə ghə̂ ghən ghə way ghə̂ a Təjuu ghə tə ghə i khə wɔ, tə̀ i ney bə soʼo nkɔʼlə tə̀ ghə̂ ghə Izree ghə.”

Lukas 20:44

Abə Devid a tɔŋɔnə wi nə a loʼ Mûkəbii, zə i sə kəm doʼlə ngee nə tə loʼ waa wi ə?”

Lukas 22:43

Tsəndəghə ə Kəzə̀ n təmi bə n sə̀ə wi, fu wi n daʼa kə.

Lukas 24:4

Nghee tə̀ ghə teynə fu, məʼlə ghə zey i shinə, aghə̂ abəghə ghə n maŋ bən shi kɔʼ n səə ghə n ndzə tə fəmə nyiələ tə.

Lukas 24:51

Nghee tə̀ tə buulənə ghə, tə n zəghə tsu ghə, Zə̀ kə n ney nuu kɔʼ ndòw wi idəŋ.

Tùm i dzuŋu zə kuum Yeso Klisto tə Jɔn â tɔɔnə 1:14

Sey Ghɔɔmə zə n doʼo bə wù sɔŋtsuʼ, bə muu bə n fəŋŋə kə saa. Tə n dii bə ndzuŋ nsə isəŋə bòʼ Kəzə̀. Saa n koʼ ghaʼ i wi, ghaʼ zən i dii bənə nə̀ a loʼ wi sɔʼi fə Waa fə, Bày khənə.

Tùm i dzuŋu zə kuum Yeso Klisto tə Jɔn â tɔɔnə 13:3

Yeso â khənu nə̀ Bày n fuu naŋa ghəə ghə adzəm n wɔɔ a wi. Tə n khə soʼo nə̀ tə â nuu bə n səə Zə̀ kə, tə ndow dzəŋŋə n səə Zə̀ kə.

Tùm i dzuŋu zə kuum Yeso Klisto tə Jɔn â tɔɔnə 15:26

Abə wù wey tə tsə̀ənə ghə̂ ghə i bənə, tə wey Mə i ney kɔʼɔ n wɔ Bày wuŋ, n tûm bə tə̀ ghaa, tɔŋŋə Zay kən kə dìi bənə isəŋə bòʼ Kəzə̀, à loʼ wi tə i tiilə dza bənə ndzoʼo wù wey n loʼnə ghii wə.

Tùm i dzuŋu zə kuum Yeso Klisto tə Jɔn â tɔɔnə 16:28

Mə â nuu bə n səə Bày, bə fa n mbi. N nya khə ni kəm zəghə tsu mbi n ndow dzəŋŋə n səə Bày.”

Tùm i dzuŋu zə kuum Yeso Klisto tə Jɔn â tɔɔnə 17:5

Bày, ney naŋa mə n səə wɔ tə̀ mə i khə kɔʼlə mə, kɔʼlə n mɔʼɔ mey ghi wɔ â khə tsə tə mbi a nə zey tsu.

Tùm i dzuŋu zə kuum Yeso Klisto tə Jɔn â tɔɔnə 20:12

Tə n koʼ nyi ndow tsətəndəghə tə Kəzə̀ təbəghə nə̀ ghə n lab wû zə n ndzə tə fəmə tə. Ghə n doʼ n luʼu key vən i Yeso zə â nyəŋ tii, umɔʼ n luʼu key tow kə wi kə â loʼnə tii, umɔʼ n luʼu key fuu i wi zə â loʼnə tii.

Tùm i dzuŋu zə kuum Yeso Klisto tə Jɔn â tɔɔnə 6:62

Abə à mə̀ baa loʼ nə̀ ghaa koʼ ndòw Waa wù sɔŋtsuʼ tə kɔʼɔ dzəŋŋə ndòwnə n luʼu key tə nuu bənə tii, tə ghaa mə ji ngee?

Kəfwaʼ 1:19

Aghə̂ adzəm n Yerosalem n zow tsəghə kpi tsu ghə i tii zə, sey ghə n tsə tsu zəd i luʼu kə tii kə n ghɔɔmə i ghə nə a loʼ Akeedama, i dii tsu nə̀ a loʼ, “Luʼu kə Təkaŋ.”

Kəfwaʼ 10:34

Ambə Pita zow tsunə ghəə ghən, tə n zey tsu ni ghɔɔmə nə̀, “Mə n ndzəm koʼ nya nə̀ Zə̀ kə badla way kpey wə,

Kəfwaʼ 14:27

Ambə ghə dzəŋŋə bənə n naʼ i Antyɔk, ghə n zuŋŋə naŋa bə dzûmə tə Klisto tədzəm, tiilə dza ndow jìi zey Zə̀ kə fwaʼnə tii ghi ghə, nsə nghee tə chinə jii nə ghə̂ ghey ghə way ghə̂ a Təjuu ghə̀ bəghəm soʼo tə̀ Yeso.

Kəfwaʼ 20:28

I keyyə na wû i ghaa zə nsə ghə̂ ghey adzəm Zay kə Zow kə fuu naŋanə n wɔ ghaa. Ghaa i laalə soʼo tə dzûmə tə Klisto tey Zə̀ kə â zuu nuu shi bənə n kaŋ tə waa wi.

Roma 10:12

I loʼ sey n təŋkey, Zə̀ kə bəghəshiə aghə̂ adzəm. Zə̀ kə ney way n taŋ nə̀ wə loʼ wù Juu nkee wù wən tə way wù Juu. À loʼ Mûkəbii u mɔʼɔ wə tə loʼnə Mûkəbii tə ghə̂ ghə adzəm, tə buu soʼo n wɔɔ kə ni fuu tə ghə̂ ghey adzəm ghə nɔɔ ndownə tə wi.

Roma 10:18

N kee bəbə nə̀, à loʼ nə̀ ghə̂ ghə Izree ghə â ka zow tûm i dzuŋu zən ə? Ghə mâ tsəm zow n təŋkey i tɔ̀ɔ doʼo n màʼlə K-a-zə̀ nə̀, “Ghə mâ naʼa ngəə tsəghə bə tûm tii n mbi idzəm. Bat kə mbi kə loʼ kə way soʼo nə̀ ghə ka kam zow tûm i tii zə a fu.”

Roma 16:25

N gɔŋŋə nə̀ saa mə fuu nkɔʼlə tə̀ Zə̀ kə. Tə loʼ ni ghəŋə nə̀ ghaa təmi taw tsu, ghaa gaʼ soʼo fə̀ŋ n kow wi. A wey loʼ ghəə zey tûm i dzuŋu zey n naʼlənə kuum Yeso Klisto dzanə. Ghəə zey tûm i dzuŋu zən dzanə kuum Klisto â nyi doʼonu n nùm tə ibam tə.

Roma 16:26

Zə̀ kə n chi dii bə ghə i tii zə tə saa nya, saa u loʼ soʼo ni koʼ aghəə nghee tə tûm tə Kəzə̀ tə â tɔɔ naŋa zeynə. Zə̀ kən kə loʼnə nəŋə tədzəm n ghəŋə nə̀ ghə̂ a naʼa tə mbi tədzəm a keeli ghə i tii zə, sey nə̀, ghə i loʼ ni bəghəm tə̀ Klisto, ghə i zow soʼo tə wi.

Roma 3:4

Ngaŋ! Abə aghə̂ adzəm fa n mbi tsəm loʼ kə ghə̂ a badla ghə aghəə ghə, Zə̀ kə kee dza tsə kə isəŋə nəŋə tədzəm. I loʼ tə i tɔ̀ɔ doʼo n màʼlə K-a-zə̀ nə̀, “Zə̀ kə, aghə̂ adzəm a khə ni keeli nə̀ wə naŋŋənu ghɔɔmə zə zə̀, Nə̀ ghə kwu kə wɔ n ghə i ghaa zə, wə i saʼa zəənu.”

Roma 8:3

Zə̀ kə mâ ghəŋə ghəə ghey laŋ kə Mushi kə â way ni ghəŋə n kow ghey təŋkey gow uwû ləghə way ni ghəŋŋə ghəə ghey laŋ kə dzanə. Tə n ney kɔʼ waa wi tûm bə fa n mbi n wû u wù sɔŋtsuʼ tə a loʼ umaʼlə ni ghəŋə nə̀ kə bəb i nə kəm keelinə daʼa kə n kow saa.

Roma 9:5

Ghə loʼ waa a waa ghə Abraham Ayzik nsə Yakɔb. Ghə â ji bə Klisto wən Zə̀ kə â dza naŋa nə̀ i tûm bənu n naʼ zə Izree tə a loʼ wù sɔŋtsuʼ. Tə loʼ Kəzə̀, à saʼa wi fə wə udzəm, saa ndzəm khə soʼo ni fuu wi n kɔʼləmə nəŋə tədzəm. Zə i loʼ sey.

1 Kɔrint 15:47

Zə̀ kə â bɔm wù sə isə wən tɔŋŋə Adam nə təzub, dii tsu nə̀ tə shi fa n mbi. Wù ibam wən tɔŋŋə Klisto kee shi tsu bə idəŋ.

1 Kɔrint 2:7

Tûm zən n naʼlə bənə loʼ tɔb wən u nuu bənə n wɔ Zə̀ kə. Zə̀ kə â nyi naŋa tɔb wən, ghə̂ ghə u khə way. Zə̀ kə â təb naŋa tɔb u tii wə tə saa nə̀ mbi ka kam kaʼ nə̀ saa i keeli nkɔʼlə tii.

2 Kɔrint 1:19

Waa Kəzə̀, Yeso Klisto wən ghey naʼlənə tə̀ ghaa, tɔŋŋə, mə, Sivanus, nsə Timoti, fwɔdlɔ bəghəm dzə way ghəə zə, tə n kəm tuu i tsu. Abə tə bəghəm kɔʼnə ghəə zə, tə n bəghəm, nə̀ tə tuunu, tə n tuu tən tsu.

Galeshia 2:8

 loʼ Zə̀ kə mɔʼɔ kə, kə â fuunə mə n daʼa kə nə n fwaʼ tə a loʼ ngəd tə Yeso tə ghə̂ ghən ghə way ghə̂ a Təjuu, ighələ tə̀ tə â fu nə tə Pita nə doʼo tsəndəghə ə Yeso tə ghə̂ a Təjuu ghə.

Galeshia 4:4

Ambə nəŋə i kpi tsunə, Zə̀ kə n tûm bə waa wi. Waa tii n nyi bə fa n mbi nə a wi ji bə weyzən, tə n nyim kɔʼ bə tə laŋ kə ghə̂ Təjuu kə diinə.

Efesus 1:9

Tə chi dii bə ghəə a wi ghey ghə â nyì doʼonə tə̀ saa, tə̀ tə â bayyə naŋa n ləghə i fə̀ŋ i wi ni fwaʼ n bam i Klisto.

Efesus 6:19

Ghaa i gɔŋŋə soʼo tə̀ mə, nə̀ Zə̀ kə fuu mə n ghəə zey n khə ni dza, abə buʼ kə shinə tə̀ mə ni ghɔɔmə, sey nə̀ mə i loʼ ni chi dii ghəə ghən a nyi doʼonə n tûm i dzuŋu zə n fə̀ŋ idzəm nə̀ n khə way tsəŋ i loʼ zə.

Kolose 1:23

A kee loʼ kə nə̀, ghaa təmi taw tsu n bəghəm i fə̀ŋ i ghaa n tûm i dzuŋu zən ghaa zownə. Kə ghaa nə bəghəmnə nə wù loʼ kəm soʼlə ghaa n tûm i dzuŋu zən ghaa â zownə, ghaa n gaʼ fə̀ŋ tii. À loʼ bòʼ tûm i dzuŋu zən, mə Pɔl, n loʼnə wù kəfwaʼ ə Klisto tɔŋŋə tûm i dzuŋu zən ghə naʼlənə tə mbi idzəm.

Kolose 1:27

Zə̀ kə â ləghə ni dii bə ghaʼ i wi nsə ghəə a wi a dzuŋu ghə tə ghə̂ ghən ghə way ghə̂ a Təjuu ghə soʼo. Ghəə zey Zə̀ kə â nyi naŋanə loʼ nə̀, Klisto muu n kow ghaa, dii tsu nə̀ ghaa ləmmə soʼo ni keeli kɔʼlə mən n loʼnə tə̀ ghə̂ a Kəzə̀ ghə.

Kolose 1:6

Tûm i dzuŋu zən zaamə n fəŋŋə kə ghaa tə i zaamə nə n mbi idzəm, ni ney nuu bə n tsuʼ fey ghə â naʼa tûm i dzuŋu zə tə ghaa, ghaa n zow, ndzəm zowkeeli tsu ndzuŋ zən Zə̀ kə khənə n kow ghaa.

Kolose 2:2

N sa dəmə ni kuu fə̀ŋ tə ghə nə̀ ghə i loʼ nə kəfə kəmɔʼ bòʼ ləghə zən ghə khənə n wû i ghə, sey nə̀, ghə i loʼ ni ndzəm zowkeeli nə̀ ghəə zey Zə̀ kə â nyì naŋanə, loʼ Klisto.

2 Tesalonika 1:10

Abə tə i bənə n tsuʼ fə tii fə n ghaʼ i wi, ghə̂ ghey adzəm ghə bəghəmnə tə wi i duʼlə, dzuu zə i zum soʼo ghə, ghə i fuu wi n kɔʼləmə. Ghaa i duʼlə soʼonu tə a loʼ ghə n təŋkey, ghaa â bəghəm fuu tûm zey ghey â naʼanə tə̀ ghaa.

2 Tesalonika 2:7

N dza sey n təŋkey ghəə nyiə doʼo ghey wù tii î ghəŋənə n kaʼ ni shi. A kee loʼ nə̀ ghəə ghən a dza tsunə fa î ney dzə way bənə kə a may kə nə̀ ghə n ney nuu wù wən tə kwɔɔ naŋanə ghəə a tii ghə nə̀ a ka shi.

1 Timoti 3:9

Ghə khə ni teeli khə fə̀ŋ tə zow tə tə̀ ghə naŋŋə kɔʼɔ bənə isəŋə zən Zə̀ kə â chi dii bənə tə ghə bòʼ bəghəm i fə̀ŋ.

Hibru 1:3

À loʼ wi tə dii bənə nghee tə kɔʼlə mən Zə̀ kə khənə nyiəllənə tii. Tə bɔɔmə fiilə kə Kəzə̀ nghee tə kwu keelinə mbi n daʼa kə ghɔɔmə i wi. Ambə tə sow maʼa tsunə ghəə ghə aghə̂ a bəbə ghə, tə n nuu kɔʼ ndow idəŋ, ndow doʼo tsu n kpii u Kəzə̀ u təmə wə, tə khənə daʼa kə tsəghəshi ufə udzəm.

Hibru 12:2

Saa bɔɔmə naŋa ndow kə sə a saa n kow Yeso wən tə â ghəŋə nə̀ saa bəghəm tə̀ Zə̀ kə, gaamə soʼo saa nə̀ bəghəm i fə̀ŋ i saa zə i taw. Tə n kow tsu kə fə̀ŋ ni fəghə, tə bə kpu n zat kə fəkaʼ. Tə n ka dədlə kətow n ghə i tii zə n təŋkey, tə â khənu duʼlə zey tə i keelinə isə. Tə nya doʼ n kpii kə təmə kə n kuu kə fɔɔ K-a-zə̀.

Hibru 7:7

Wù loʼ way dzə tə məghənə nə̀ wù wey tə fuunə buulə zə, tsəghəshinu wù wey tə neynə buulə i tii zə.

Hibru 8:1

Sey, ghəə zey i baa loʼnə n ghəə ghən a dzanə i loʼ nə̀, saa khə ndzoʼo fɔɔngili u nii nii wən tə loʼnə n kpi u Kəzə̀ u təmə wə idəŋ nə̀ udaʼa udzəm u loʼ n wɔɔ kə wi.

1 Pita 1:12

Zə̀ kə mâ dii naŋa zey bə tə̀ tûm tə wi tə nə̀ fwaʼ kə ghə kə â way dzə ni gaamə wû i ghə, â fəd loʼ ni gaamə ghaa. I loʼ soʼo tə̀ nghee tûm tə Kəzə̀ tən â dza naŋa zey bənə ghəə ghey ghaa zownə nya n wɔ ghə̂ ghey ghə naʼlə bə tûm i dzuŋu zən tə̀ ghaa n daʼa kə Zay kə Zow key Zə̀ kə tûm tsu bənə tə̀ ghaa idəŋ. À wən loʼ aghəə nə̀ tsətəndəghə tə Kəzə̀ tə buʼu dəmə soʼo ni zowkeeli.

1 Pita 1:20

Zə̀ kə â sày wi nə̀ mbi ka kam doʼo zey, ghə n ney dii shi bə wi n tsuʼu mən mbi may kəŋŋə bənə tii bòʼ ghaa.

1 Pita 1:21

À loʼ n bam i Klisto i ghəŋənə nə̀ ghaa bəghəm tə̀ Zə̀ kən kə â zhəm dzəŋŋə bənə wi nə ivə, kɔʼlə naŋa kɔʼ wi idəŋ. À wey loʼ ghə i tii zə ghaa khənə bəghəm i fə̀ŋ zə, ləmmə tənə soʼo nə̀ Zə̀ kə i ghəŋə ghəə a səŋi ghə tə̀ ghaa.

1 Pita 3:18

N dza sey n təŋkey, Klisto â kpu kə nəŋə imɔʼ ni ney nuu tən ghəə a ghə̂ a bəbə ghə adzəm. Tə â ka ghəŋə koʼ tsə ghə i bəbə i loʼ zə, tə n kee bə kpu n tow u ghə̂ a bəbə ghə, sey nə̀ tə loʼ ni ney bə saa tə̀ Zə̀ kə. Ghə â wey wi nə̀ tə loʼ wù sɔŋtsuʼ, Zay kə Zow kə n kee ghəŋə nə̀ tə doʼo dzəŋŋə bə utaw,

1 Pita 3:22

Klisto n kɔʼ idəŋ, tə u doʼnə n kpi u Kəzə̀ u təmə wə, saʼa tsətəndəghə tə Kəzə̀ nsə daʼa wey udzəm u loʼnə idəŋ.

1 Jɔn 1:2

Ghɔɔmə zən ndzəm loʼ imuu, zə â dii bənə wû u wi wə tə ghey, ghey n ndzəm koʼ soʼo. A loʼ ghɔɔmə zən ghey tiilə dza bənə tə ghaa, naʼlə bə soʼo tə ghaa kuum muu zə itsali zə â loʼnə ghi Bày wən tə ghəŋənə nə̀ ghey keeli wi.

1 Jɔn 3:5

Ghaa khənu nə Klisto a bə fa n mbi ni bə ney nuu ghəə a bəbə ghə, loʼ sey nə̀ tə ka kam ghəŋə koʼ tsə ghə i bəbə i loʼ zə.

1 Jɔn 3:8

Wù wey tə ghəŋŋə nduŋŋə ndow kənə ghəə a bəbə ghə, loʼ waa avəətsəə, n təŋkey, vəətsəə a ghəŋŋə tənnə tsə kə ghəə a bəbə ghə ni ney nuu bə n nəŋə zey Zə̀ kə â bɔmnə mbi. Zuŋ key Waa Kəzə̀ â bənə tii, â loʼ ni bə ləŋi maʼa tən fwaʼ kə avəətsəə.

Chi dii 17:5

Zəd i fənnə i loʼ zə n loʼ n kaʼ usə u wi ghə tɔ̀ɔ naŋanə nə̀, “Babilɔn, weyzən u nii wə, nay tə kpala wə udzəm nsə tə ghəə a dzəə ghə adzəm n ghəlikətsə.”

Chi dii 17:7

Tsəndəghə Kəzə̀ zey n dza bə tə mə nə̀, “Dzuu i zum wɔ n kee? Mə i tiilə dza bənu tə wɔ ghəə zey i nyi doʼonə bòʼ weyzən wən nsə faalə kə nyam mbvən zən weyzən wən doʼnə tii, nyam zən i khənə tow wə usəghəmbəghə nsə ndɔŋ tə ighəm.

Chi dii 7:9

Ambə jim wən i tsəghə tsunə, mə n koʼ ndow n sə̂ kuŋ nɔɔ kə aghə̂ kən wù way ni taŋ ghə shinə n sali ndaw tədzəm, naʼa tədzəm, nə təluʼu tədzəm nsə n ghɔɔmə tə naʼa tə tətûm tədzəm. Ghə n tey n sə kə kuu kə fɔɔ key nsə Waa Nji zey nə̀ ghə n dzəŋə keeli ndzə̂ tə fəmə tə nə uwû, khə soʼo utsəghə nə awɔɔ.