1 Timoti 2:8 - Kaa n Kəzə̀ n fəghə mə

⁸ N ləghə nə̀ gheynum ghə i gɔŋŋə n luʼu tey tədzəm ghə dzəŋi zuŋŋə doʼonə tii. Gheynum ghey ghə fuu dzənə muu i ghə zə tə Zə̀ kə, ghə i keeli kɔʼɔ wɔɔ a ghə idəŋ abə ghə gɔŋŋənə nə̀ ghə fəələ way nəghə mə nkee nə̀ baŋŋə way fəghəm tə.

1 Timoti 2:8 ပူးပေါင်းရင်းမြစ်များ

Matyo 21:21

Yeso n beeli ndòw ghə nə̀, “N kùm dza bə tə ghaa nə̀, abə ghaa khənə bəghəm i fə̀ŋ zə, nə̀ ghaa səmə way, ghaa i way kə ni ghəŋə ghəə ghən n ghəŋənə ghi kaʼ fən, ghaa i buʼ loʼ soʼo ni dza tə̀ kaʼ wən nə̀, ‘Nuu tsu fa, wə maʼa ndòw wû wə n dzuu i nii zə̀’, zə i bɔɔmə doʼo sey.

Matyo 5:44

N fa kee dza bə tə̀ ghaa nə̀, ghaa khə ni ləghə ndòw ghə̂ a təngəmə a ghaa ghə, gɔŋŋə tə̀ ghə̂ ghey ghə bàanə ghaa.

Matyo 6:12

Neyzəə ghəə a ghey a bəbə ghə, Tə̀ ghey neyzəə soʼonə ghəə a bəbə ghey ghə̂ a loʼ a ghəŋənə tə̀ ghey.

Lukas 23:34

Yeso n gɔŋŋə dza, “Bày neyzəə ghə̂ ghən təŋkey ghə khə way ghə zey ghə ghəŋənə.” Sawgoʼ tey n təm mboʼ ni keeli nghee tə ghə loʼnə ni dzaw ndzə tə wi tə n wû i ghə.

Lukas 24:50

Ambə tə ghɔɔmə may tsunə, tə n ney kɔʼ ghə n Yerosalem, nuu ndòw ghi ghə n naʼ i Betani, tə ney shi kɔʼ wɔɔ a wi idəŋ, buulə tsu ghə.

Tùm i dzuŋu zə kuum Yeso Klisto tə Jɔn â tɔɔnə 4:21

Yeso n dza ndow tə wi nə̀, “Iwaa, bəghəm ghəə zey n dzanə, nəŋə i bəghənu, ghə nə ngɔɔmə tənnə way Zə̀ kə fa n kaʼ wən nkee n Yerosalem.

Kəfwaʼ 10:2

Tə â ngii gaʼ fə̀ŋ n ghəə a Kəzə̀. Wi ghi ghə̂ a wi ghə n ndaw adzəm n ngɔɔmə tsə Kəzə̀. Tə n buu n wɔɔ kə ni gaamə ghə̂ a Təjuu a laa ghə, gɔŋŋə soʼo tə Zə̀ kə nəŋə tədzəm.

Kəfwaʼ 10:31

Wù wey n dza tə mə nə̀, ‘Kɔnilus, Zə̀ kə n zow gɔŋŋə zə zə̀, tə u koʼ soʼo jìi zey wɔɔ kə kə̀ buunə tii ni fuu gaamə zə tə ghə̂ a laa ghə.

Kəfwaʼ 10:4

Tə n sɔʼ laalə ndow tsəndəghə ə Kəzə̀ zey nə itsəŋ, bəb ndow tə wi nə̀, “À loʼ kee a mûkəbii?” Tsəndəghə zey n beeli ndow wi nə̀, “Gɔŋŋə zə nsə fə wən wə fuunə tə ghə̂ a laa ghə, Zə̀ kə n ney ləghə, tə nya tey ni beeli bə wɔ.

Kəfwaʼ 21:5

Ambə nəŋə i ghey i nuulə i kpii tsunə, ghey n zey ndow nə̀ u nuulə wə. Ghə adzəm, ghey a ghə nsə waa a ghə ghə n nuu shi bə inaʼ ni bə tənə naŋa ghey n nguŋ ə dzuu. Ghey n tsu nyaʼa tsu fu ghi ghə, gɔŋŋə tsu.

Kəfwaʼ 7:60

Tə n bwu ndow nə anyi, dey shi kɔʼ n dzə i taw zə dza, “Mûkəbii, kə wə nə ney naŋŋənə bəb zən n tow u ghə.” Ambə tə dza tsunə sey, tə n kpu i tsu.

1 Kɔrint 1:2

N tɔ̀ɔ bə màʼlə kən tə ghə̂ a Kəzə̀ ghey n naʼ i Kɔrint, ghə̂ ghən Zə̀ kə sày naŋanə nə̀ ghə doʼo ghə̂ a wi a zow ghə nsə ghə̂ ghən adzəm ghə loʼnə nə kəfə kəmɔʼ ghi Mûkəbii Yeso Klisto nə təluʼu tədzəm. Tə loʼ Mûkəbii ə ghə, loʼ soʼo Mûkəbii ə saa.

1 Kɔrint 7:7

Abə ghə̂ adzəm a mə loʼ ni doʼo tə n loʼnə, tə̂ n mə ləghə. À kee loʼnə i way ni doʼo sey, n təŋkey, kay wù khə kə naamə kə wi key Zə̀ kə â fuunə tə̀ wi. Wù wən n khə naamə kə kən, u loʼ wey n khə naamə kə nuu kə.

2 Kɔrint 2:14

Saa kee fuu kə kəzɔŋŋə tə̀ Zə̀ kə n təŋkey, abə saa loʼnə nə kəfə kəmɔʼ ghi Klisto nəŋə tədzəm, Zə̀ kə n sìi bwey kaabə tsə ghi saa tə a loʼ ghə̂ ghey ghə təm zə̂nə tsam n zəd i Klisto. Zə̀ kə ney saa ni ghəŋə nə̀ ghə̂ a keeli Klisto nə təluʼu tədzəm n tûm zey ghey naʼlə kaabənə. Tum tii loʼ tə̀ a loʼ zuʼ tə dzuŋu tə, tə ləmmənə dzɔbənə nə təluʼu tədzəm.

Filipi 1:12

Waazə ghuŋ ghə, n ləghə nə̀ ghaa keeli tsu nə̀ ghəə ghən a shiənə n kôw mə, a ndzəmə gaamə ni ghəŋə nə̀ tûm i dzuŋu zən zaamə tə ndəm aghə̂.

1 Tesalonika 1:8

Ghaa khənu nə̀ tûm i dzuŋu zə bòʼ Mûkəbii â kaʼ nuu tsu n wɔ ghaa, bəghəm i fə̀ŋ zey ghaa khənə tə̀ Zə̀ kə n ghəŋə nə̀ zɔŋ u ghaa u fuŋ tsəghə ndow n naʼ i Masedonya, Akaya, nsə n badla tə mbi tədzəm. Ghey kəm khə soʼo way ghəə i loʼ zə ni tiilə dza bòʼ bəghəm i fə̀ŋ i ghaa.

1 Timoti 5:14

Sey, n tsəə bə waa a fəghaŋ ghən num a ghə a kpu dzənə, nə̀ ghə ney anum, ghə ji awaa, ghə laalə tə ndaw tə ghə tə, sey nə̀, kə ghə i fuu kəbuʼ tə ghə̂ a təngəmə a saa ghə ni kpaalə saa.

Taytus 3:8

Ghəə ghən n dza bənə fa tə̀ wɔ ndzəm loʼ isəŋə. N ləghə nə̀ wə i tɔʼɔ dza kuulə ndow ghəə ghən tə̀ ghə, sey nə̀ ghə̂ ghən ghə bəghəmnə tə̀ Zə̀ kə, loʼ ni khə zày ni ghəŋŋə ghəə ghey a dzɔbənə. Ghəə a tii a dzɔbənu, loʼ soʼo ni gaamə aghə̂ adzəm.

Hibru 10:22

sey, saa khə ni ndow n səə Kəzə̀ n fə̀ŋ tə saa tə tədzəm, saa ndzəm bəghəm fuu soʼo tə̀ wi. Saa khə ni bə n səə wi nə̀ saa n sow maʼa moʼlə tə bəbə tən tə loʼnə n fə̀ŋ tə saa nə̀ tə i zow, sow maʼa soʼo wû i saa n mmuu n zow mə.

Jems 4:8

Səŋ kəŋə bə na n səə Kəzə̀, Zə̀ kə i səŋ kəŋə bə soʼo n səə ghaa. Shiələ nuu na wɔɔ a ghaa ghə n ghəə a bəbə ghə, ghaa ghən ghaa ghəŋŋənə ghəə a bəbə ghə. Ghaa sow maʼa soʼo fə̀ŋ tə ghaa ghə nəb ityim.

1 Pita 3:7

N jii i mɔʼɔ zə, ghaa gheynum ghən ghaa bəghəmnə tə̀ Klisto, ghaa khə ni muu ghi ghey a ghaa ghə nə̀ ghaa zowkeeli tsuunu ghə nghee i loʼ nə̀ ghə taw way tə a loʼ ghaa. Ghaa i fuu ndow ghə n ngɔɔmə zə nghee i loʼ nə̀ Zə̀ kə i dzəŋi diinu ghaa n fə̀ŋ ə wi i dzuŋu zə ni fuu ghaa n muu zən i may way. Ghaa i ghəŋŋə ndow ghəə ghən sey nə̀, kə fə kə loʼ kə nə təʼlə maʼa gɔŋŋə i ghaa zə.