1 Tesalonika 5:9 - Kaa n Kəzə̀ n fəghə mə

⁹ Zə̀ kə ka saa sày dzə ni ghəŋə nə̀ saa keeli uchɔd. Tə say saa nə̀ saa i loʼ ni keeli ibəghəshi n bam i Mûkəbii Yeso Klisto.

1 Tesalonika 5:9 ပူးပေါင်းရင်းမြစ်များ

Matyo 26:24

Waa Weynum khə ni kpu tə̀ màʼlə K-a-zə̀ kə dzanə, a kee loʼ nə̀ ngoʼ loʼ tə̀ wù wey tə î fiilə fuu shiənə wi. À mə khə ni loʼ ghə i dzuŋu zə abə ghə â ka buʼ ji koʼ tsə wù tii.”

Kəfwaʼ 1:20

Pita n ndow n sə kə dza nə̀, “I tɔ̀ɔ doʼo n màʼlə kə təndzaŋa nə̀, ‘Tə muu kə wi kə mə doʼo tən kə kə zum kə. Kə wù loʼ nə tsəmə muulənə n ndaw wi.’ I tɔ̀ɔ doʼo soʼo nə̀, ‘Tə wù nuu mə ney bùʼ kə wi.’

Kəfwaʼ 1:25

nə̀ tə ney bùʼ kə Judas ni fwaʼ tə a loʼ ngəd, n təŋkey Judas n ndow n luʼu key kə kpiinə tə wi.”

Kəfwaʼ 13:48

Ambə ghə̂ ghey ghə way ghə̂ a Təjuu a zow tsunə ghəə ghən, ghə n duʼlə, fuu soʼo ukali n ghɔɔmə i Mûkəbii zən. Sey, ghə̂ ghən Zə̀ kə â sàynə nə̀ ghə zə̂ itsali, ghə n keeli kɔʼ bəghəm i fə̀ŋ.

Roma 11:30

Nghee tə ghaa ghən ghaa way ghə̂ a Təjuu ghə â taw tsə n tow kə tə Zə̀ kə, Zə̀ kə n nya kee kwɔɔlənə sî zə n kow ghaa ntəŋkey ghə̂ a Təjuu ghə a taw n tow kə tə wi.

Roma 11:7

Saa loʼ ni kəm dza tsu nə̀ ngee nya a? Ghə̂ ghə Izree ghə â ka keeli dzə fə key ghə â kəŋənə, â lo kə sə fə aghə̂ fən Zə̀ kə â sày naŋanə. Zə̀ kə n kee ghəŋə nə̀ ghə̂ a loʼ ghey tawwə naŋa kɔʼ fə̀ŋ tə ghə nə̀ ghə i zow way ghəə zey tə dzanə tə ghə.

1 Tesalonika 1:10

Ghə dza kaabə soʼonu nghee ghaa ləmmənə Waa Kəzə̀ wən tə i tsu bə idəŋ, tɔŋŋə Yeso wən Zə̀ kə â zhəm dzəŋŋə bənə nə ivə. À loʼ wi tə bəghəshiənə saa n nə̀ kə Zə̀ kə nə chɔdlɔnə saa.

1 Tesalonika 3:3

Ghey ləghə nə̀ kə wù ghaa u loʼ u nə keelinə tsəŋ zə n chɔd mən ghaa koʼonə n təŋkey, ghaa khənu nə̀ saa adzəm khə ni keeli ndzoʼo chɔd mən boʼo Kəzə̀.

1 Timoti 1:13

Nghee mə â loʼ nə̀ n ka kam bəghəm tə Klisto, mə â ghɔɔmə bəəbə tsə bòʼ wi, tsayyə wi, chɔdlɔ tsə soʼo wi. Zə̀ kə n kee kwɔɔlə isî n kow mə boʼnə mə â ka kam keeli dzə bəghəm i fə̀ŋ zə, mə n khə soʼo way ghəə ghey mə â ghəŋŋənə.

1 Timoti 1:16

Zə̀ kə n kee kwɔɔlə isî n kow mə sey nə̀ Yeso Klisto loʼ ni ney mə tə a loʼ tsəə, tə dii tə ghə̂ ghən ghə nam khə ni bəghəm fuu tə wi, nə̀ ghə loʼ soʼonu ni keeli muu zə itsali abə tə lɔʼlə loʼ ni kow fə̀ŋ ghi mə wən n bəb tsəghəshinə ghə̂ a bəbə ghə adzəm.

2 Timoti 2:10

À wey loʼ i ghii n kownə fə̀ŋ nə aghəə adzəm n tow u ghə̂ ghən Zə̀ kə sàynə ghə, sey nə̀, ghə loʼ ni keeli soʼo ibəghəshi n bam i Yeso Klisto, ghə keeli soʼo kɔʼlə mən n nə may way.

1 Pita 2:10

Sə isə, ghaa â buʼ way tsə ghə̂ a Kəzə̀, a kee bə nya, ghaa a loʼ ghə̂ a wi ghə. Sə isə, Zə̀ kə â ka dii dzə sî i wi kwɔɔlə zə n kow ghaa, a kee bə nya, tə n kwɔɔlə sî zə n kow ghaa.

1 Pita 2:8

I tɔ̀ɔ doʼo soʼo n màʼlə K-a-zə̀ nə̀, “À wən loʼ tay zən ghə̂ ghə i taŋŋə bwunə tii, Naa key kə i ghəŋŋənə nə̀ ghə̂ a bwu.” Ghə i taŋŋə bwu n təŋkey ghə â ka bəghəm ghɔɔmə i Kəzə̀ zə. À wən bɔɔmə loʼ ghəə zey Zə̀ kə â bayyə naŋanə tə̀ ghə.

2 Pita 1:1

À màʼlə kən tɔ̀ɔ bə mə Shimun tɔŋŋə Pita wən n loʼnə wù kəfwaʼ nsə ngəd ə Yeso Klisto. N tɔ̀ɔ bə tə̀ ghaa ghən Zə̀ kə ghəŋənə nə̀ ghaa bəghəm tə Klisto tə a loʼ ghey. À loʼ bòʼ ndzuŋ ə Zə̀ kə saa nsə bəghəshi ə saa Yeso Klisto i ghəŋənə nə saa i khə ndzoʼo bəghəm i fə̀ŋ zən.

2 Pita 2:3

N sə a ghə a shiə ghə, ghə̂ a dii a tsɔŋɔ ghən nə dza bə zəzəə mən n fiilənə isəŋə tə̀ ghaa ni nəəbə ney ukhəə n wɔ ghaa. Zə̀ kə mâ khə bayyə naŋa nə̀ tə i chɔdlɔ ghə̂ ghən, tə kam bweeli soʼo way.

Màʼlə kə Jud tə̀ ghə̂ a Kəzə̀ ghə 1:4

N dza sey n təŋkey, ghə̂ a loʼ ghə n bə tsɔŋ tsəghə nyi fey n fəŋŋə kə ghaa nə̀ ghə khə way Zə̀ kə. Ghə ney kɔʼ ndzuŋ zən Zə̀ kə diinə tə saa fəd naŋa kɔʼ nə̀ a loʼ jii tə ghə ni ghəŋŋə ghəə a laŋŋə ghə. Ghə tuu maʼa soʼo Yeso Klisto wən à loʼ kənə wi Bày saa nsə Mûkəbii saa.