1 Tesalonika 5:8 - Kaa n Kəzə̀ n fəghə mə

⁸ Saa ghən saa loʼnə ghə̂ ghey ghə loʼnə nə kədaa fəd khə ni khə zuŋ kə umwam. Saa khə ni khə bəghəm i fə̀ŋ nsə ləghə zə tə a loʼ dzə̀ tə tsam kəŋ naŋa muu i saa. Saa khə ni khə tən moʼlə zey nə̀ Zə̀ kə i bəghəshiənu saa tə a loʼ taŋŋə kə tsam ni tsəd tow u ghey.

1 Tesalonika 5:8 ပူးပေါင်းရင်းမြစ်များ

1 Kɔrint 13:13

N ghəə ghən saa adzəm, ghəə a təmi shi bə atəghə, a doʼlə tənə nə̀, bəghəm i fə̀ŋ, moʼlə tə dzuŋu tə nsə ləghə zə. A kee loʼ nə̀, ləghə i bə isə̂ n ghəə ghən adzəm.

2 Kɔrint 6:7

Ghey dza isəŋə nəŋə tədzəm, Zə̀ kə u fuu soʼonə ghey n daʼa kə ni ghəŋŋə ghəə ghey a kpiinə. Ghəə a dzuŋu ghən ghey ghəŋŋənə loʼ tə̀ a loʼ fə u tsam u ghey n kpii kə zə̂ə kə nsə n kpii kə kwɔɔ kə.

Galeshia 5:5

Saa ghən saa muunə n daʼa kə Zay kə Zow kə, ləmmə tənə ni doʼo tsətsəghə n sə K-a-zə̀, n təŋkey, saa n bəghəm tə Klisto.

Efesus 6:11

Dzəŋə kɔʼ na fə u tsam wən udzəm Zə̀ kə fuunə, sey nə̀, ghaa i loʼ ni təm zə̂ abə vəətsəə a bənə n ghəə a tsɔŋɔ a wi ghə ni bə kɔɔbə ghaa.

Efesus 6:23

N gɔŋŋə nə̀ Zə̀ kən kə loʼnə bày saa nsə Mûkəbii ə saa Yeso Klisto, ghə fu ghaa n buulə zə, kə buulə soʼo ghə̂ a Kəzə̀ adzəm, kə ghəŋə nə̀ ghaa i ləghə wû i ghaa zə ghi bəghəm i fə̀ŋ zə.

1 Tesalonika 5:5

Ghaa dzəm, ghaa loʼ ghə̂ a kədaa ghə ghəŋŋə ghəə ghə n sə̂ a zow ghə. Saa way dzə ghə̂ a kələm ghə ghəŋənə ghəə ghə nə̀ kələm.

2 Tesalonika 2:16

Ghey gɔŋŋə ndow tə̀ Mûkəbii saa Yeso Klisto nsə tə̀ Zə̀ kə tə loʼnə Bày saa. Zə̂ kən kə ləghənə saa, tə tsəmmənə fəŋ tə saa nəŋə tədzəm, ghəŋə nə̀ saa i ləmə tənnə tə wi n bam i ndzuŋ ə wi.

Hibru 6:19

À loʼ ləmə zən i ghəŋŋənə nə̀ bəghəm i fə̀ŋ i saa zə i taw tə̀ nyəllə u kəfən u tɔɔmənə fə̀n kə n dzuu nə̀ kə təmi taw tsu. Yeso wən saa ndzəm gaʼnə fə̀ŋ tə saa tə n kow wi, tali tsəghə ndow saa n kə̀ŋ wən u loʼnə n dzəŋi kə dzûmə tə Klisto idəŋ, tə nyi daŋŋə ndow n fə̀ŋ ə luʼu key Zə̀ kə muunə tii.

1 Pita 1:13

Sey ghaa khə ni bayyə naŋa tsu fə̀ŋ tə ghaa ni fwaʼ. Ghaa teyyə kɔʼ kətow idəŋ, naŋŋə tsu soʼo ghow kə ibwey kə ghaa ni fwaʼ fwaʼ key Zə̀ kə ləghənə. Ghaa i ləmmə tənə ndzuŋ zey ghaa i keelinə abə Klisto i dzəŋŋə bənə.

1 Pita 2:9

A kee bə ghaa, ghaa loʼ ghə̂ ghən ghə sày kɔʼnə, ghaa loʼ ghə fɔɔngili tə̀ də̀ŋ kə, kə loʼnə Zə̀ kə, ghaa loʼ naʼ i zow zə, ghaa loʼ ghə̂ a Kəzə̀, ghaa loʼ ghə̂ ghən tə sày kɔʼ nə̀ ghə naʼa ghəə a wi a dzuŋu ghən tə ghəŋŋənə. Tə tɔŋɔ nuu shi bə ghaa nə kələm, naŋa bə ghaa n dzɔbə dzɔbə kə tsə kə wi.

1 Jɔn 1:7

Abə saa bweynə nə kədaa nghee tə Zə̀ kə loʼ nə daa kə, saa sey zəə dzəŋi nə kəfə kəmɔʼ. Sey, maʼlə wən Yeso, waa Kəzə̀ a fəələnə n kaŋ tə wi, tə i sow zowwə naŋŋə kɔʼɔnu saa n ghəə a saa a bəbə ghə adzəm.