1 Tesalonika 5:6 - Kaa n Kəzə̀ n fəghə mə

⁶ Sey kə̂ saa nə̂ bweeli tə̀ a loʼ ghə̂ a loʼ ghə. Saa khə ni loʼ n sə̂ a zow ghə, saa i khə zuŋ kə umwam.

1 Tesalonika 5:6 ပူးပေါင်းရင်းမြစ်များ

Matyo 13:25

ambə n tsuʼu tə nə̀ ghə̂ a bweelinu, wù təngəmə ə wi n bə zəghə tsu uzhìi n səb a tii ghə, nuu ndow i wi zə.

Matyo 24:42

Sey, ney na ghə̂mə zə n muu i ghaa, n təŋkey, ghaa khə naŋa way tsuʼ fey Mûkəbii ə ghaa nə̂ bəghənə tii.

Matyo 25:13

Sey, təmi kɔʼ na n fuu zə, n təŋkey, ghaa khə dzə way tsuʼ fey nkee nəŋə zey Waa weynum î bəghənə tii.”

Matyo 25:5

Zə n bə shi kɔʼ nə̀ num weyzən wey ka khə bə, sey ghə n zey ndòw ni dzoʼ bweeli, bweeli nuu daŋŋə ndow.

Matyo 26:38

Tə n dza ndòw tə̀ ghə nə̀, “N ngii khə imow n fə̀ŋ n jìi zey n loʼ ni buʼ kpu daŋŋə tii, doʼo tsu na fa ghi mə, saa i dzəŋi ney ghə̂mə zə.”

Malakus 13:37

Ghəə ghən n dza bənə tə̀ ghaa, n dza soʼo tə̀ ghə̂ ghə adzəm. Sey, ghaa tɔʼ təmi taw tsu ghaa i ləmmə wi.”

Lukas 12:37

A i loʼ ghə i dzuŋu zə tə̀ ghə̂ a kəfwaʼ ghey mûkəbii ə ghə i kwɔɔlə bənə ghə nə̀ ghə loʼ n luʼu k-a-fwaʼ abə tə i dzəŋŋə bənə. N kûum dza bə isəŋə nə̀ tə i ndzuŋŋə tsu uwû tə bə fuu ghə n fəzəə wə.

Lukas 12:39

Keeli tsu na nə̀, abə mûkəbii mə khənə nəŋə zey wù tsɔŋɔ bəghənə tii, tə̂ tə ka bəghəm nə̀ ghə tsɔŋ ndaw wi.

Lukas 21:36

Tɔʼɔ təmi taw tsu na, gɔŋŋə nəŋə tədzəm tə ghaa i keeli daʼa kə tii kə ni nɔb shi n ghəə ghən ghə i shiənə, sey ghaa i loʼ ni təmi n sə kə Waa wù sɔŋtsuʼ.”

Lukas 22:46

Tə n bəb ndòw tə ghə nə̀, “Ghaa bweeli kee, nuu kɔʼ na nə u gɔŋŋə wə, kə ghaa nə bwù n ghəə a bəbə ghə.”

Kəfwaʼ 20:31

Ney na ghə̂mə zə, ghaa i moʼlə tsu nghee tə n fəghə kɔʼ bənə tii nə tənum tətəghə n tsə tə nsə n tsuʼu tə nə̀ n tsəə kə ghaa.

1 Kɔrint 15:34

Fən nyi dzəŋŋə bə n na n tɔb n ghaa, ghaa buu naŋa ghəə a bəbə ghən ghaa ghəŋŋənə. Tə̀ mə, a ngii loʼ tow kə dədlə kə nə̀ ghə̂ a loʼ a loʼ n fəŋŋə kə ghaa nə ghə khə way Zə̀ kə.

1 Kɔrint 16:13

Təmi kɔʼ na n fuu zə. Kə wù loʼ nə təʼlənə ghaa. Ghaa təmi taw tsu n bəghəm i fə̀ŋ i ghaa. Kə ghaa nə tsəŋənə ghə i loʼ zə. I taw dzɔbə n na.

Efesus 2:3

Saa adzəm saa â muu tsə tə̀ a loʼ ghə nghee saa â ləghənə fə u mbi wə, ghəŋŋə ndow kə ghəə ghən wû i saa nsə fə̀ŋ tə saa tə ləghənə. Saa â maŋ loʼ tə̀ a loʼ fə u wə ivə, ləmə kə nə̀ nghee tə̀ Zə̀ kə loʼ nə̀ kə n fəələ nəghə wə ghi saa, kə chɔd saa ighələ tə kə i chɔdlɔnə ghə̂ a mbi a loʼ ghən ghə nam ghəŋŋənə ghəə a bəbə ghə.

Efesus 5:14

Kuum nə̀, a loʼ utsə u ghəŋŋənə nə̀ ghəə a doʼo bə n mgbaŋ. À wən loʼ ghə i tii zə ghə dzanə nə̀, “Nuu kɔʼ idəŋ, wɔ wən wə bweelinə, Zhəm nuu dzəŋŋə bə nə ivə. Tsə u Klisto wə i baŋa n kow wɔ.”

Efesus 6:18

Ghaa khə ni ghəŋŋə ghəə ghən, gɔŋŋə nəŋə tədzəm, nə təjìi tədzəm, nɔɔ ndow igaamə tə̀ Zə̀ kə, gɔŋŋə nəŋə tədzəm tə̀ Zay kə Zow kə fuunə ghaa n daʼa kə. Sey, ghaa khə ni tey tən n fuu zə, kə̂ ghaa nə̂ buu doʼlənə ni gɔŋŋə, gɔŋŋə tə̀ ghə̂ a Kəzə̀ adzəm.

Filipi 4:5

Ghaa khə ni dii ndow tə̀ ghə̂ ghə adzəm nə̀ ghaa zuŋ loʼnu n mwam u ghaa, tənkey, nəŋə i Mûkəbii i fənə bə zə n shɔd.

Kolose 4:2

Kə ghaa nə buu doʼlə ni gɔŋŋə nəŋə tədzəm. Ghaa i ney ghə̂mə zə abə ghaa gɔŋŋənə, fuu ndow soʼo kəzɔŋŋə tə Zə̀ kə.

1 Tesalonika 4:13

Waazə ghə, ghey ləghə nə̀ ghaa keeli tsu isəŋə bòʼ dzûmə tə̀ Klisto tən tə kpu dzənə, sey nə̀ kə ghaa i mow, tə a loʼ ghə̂ ghey ghə ləmmə way fə kə n wɔ Zə̀ kə.

1 Tesalonika 5:10

Yeso â kpu n tow u saa sey nə̀ abə saa loʼ kə utaw nkee saa kpunə, saa i loʼ dzəŋi ghi wi abə tə̀ i bənə.

1 Tesalonika 5:8

Saa ghən saa loʼnə ghə̂ ghey ghə loʼnə nə kədaa fəd khə ni khə zuŋ kə umwam. Saa khə ni khə bəghəm i fə̀ŋ nsə ləghə zə tə a loʼ dzə̀ tə tsam kəŋ naŋa muu i saa. Saa khə ni khə tən moʼlə zey nə̀ Zə̀ kə i bəghəshiənu saa tə a loʼ taŋŋə kə tsam ni tsəd tow u ghey.

1 Timoti 2:15

Weyzən nə keeli ibəghəshi n bam i waa ghən tə nə jiə bənə nsə abə tə loʼ ni kow fə̀ŋ n bəghəm i fə̀ŋ i wi, nə iləghə nsə n jìi zey i zownə nə̀ tə zuŋu tsu uwû.

1 Timoti 2:9

N ləghə soʼo nə gheyzən ghən ghə loʼnə dzûmə tə Klisto tə, ghə i labə tsu wû i ghə zə n jìi zey i khənə kɔʼləmə. Ghə khə way ni dzəŋŋə ndzə̂ tə ufəŋ tə nkee ni faalə kətow n fə u nyiəllə wə n jìi zey sə̂ a ghə̂ ghə i shiənə n kow ghə. Ghə khə soʼo way ni dzəŋŋə nyiə u wən i taw zə nkee ndzə tən wən i tawnə.

1 Timoti 3:11

Weyzən wən tə loʼnə wù wən tə gaamənə n dzəŋi kə dzûmə tə Klisto, teeli khə soʼo ni khə bəghəm i fə̀ŋ zə, khə mwam u dzuŋu wə. Tə khə way ni ghɔɔmə ghəə a bəbə ghə bòʼ aghə̂, tə khə soʼo way ni ngii ləghə lə mə.

1 Timoti 3:2

Wù wey tə loʼnə tow kə tə dzûmə tə Klisto tə, khə ni loʼ wù wey tə khə way bwu i loʼ zə n doʼo i wi. Tə khə ni loʼ wù wey tə gaʼnə fə̀ŋ n kow wey wi. Tə khə way ni mbadla fəələ n fə̀ŋ. Tə khə ni nyoʼlə ghəŋŋənə ghəə ghə. Tə khə ni loʼ wù wey ghə̂ a fuunə wi n ngɔɔmə zə. Tə khə ni loʼ wù wey tə loʼ ni kpiney ghə̂ ghey ghə bwey bəghənə n ndaw wi. Tə khə ni loʼ soʼo wù wey tə loʼ ni dii nduŋŋə ndow ghə̂ ghən ghə bəghəmnə tə Zə̀ kə.

2 Timoti 4:5

A kee bə wɔ a Timoti, abə à shiə kə ghə i ghaa zə, kə wə tə tsəŋŋə n wû wə. Kow tsu fə̀ŋ ni fəghə bòʼ Mûkəbii, i dəmə ndow kə ni naʼa tûm i dzuŋu zə tə ghə̂ ghə, fwaʼa fwaʼ kə kədzəm tə a loʼ wù kəfwaʼ a Kəzə̀.

Taytus 2:12

À loʼ n bam i fə̀ŋ i dzuŋu zən Zə̀ kə dza bənə tə̀ saa nə̀, saa tuu maʼa muu zey Zə̀ kə ləghə way, saa ka gaʼ soʼo fə̀ŋ tə n fə u mbi. Tə ləghə nə̀ saa i loʼ ni kwu keeli muu i saa, ghəŋŋə ghəə ghey a kpiinə, ghəŋŋə soʼo ghəə ghey tə ləghənə nghee saa muunə fa n mbi zən.

Taytus 2:6

N jìi i mɔʼɔ zə, wə khə ni kuu ndow soʼo fə̀ŋ tə waa a fəghaŋ a num ghə nə̀ ghə i kwɔɔ tsu wû zə nə aghəə adzəm.

1 Pita 1:13

Sey ghaa khə ni bayyə naŋa tsu fə̀ŋ tə ghaa ni fwaʼ. Ghaa teyyə kɔʼ kətow idəŋ, naŋŋə tsu soʼo ghow kə ibwey kə ghaa ni fwaʼ fwaʼ key Zə̀ kə ləghənə. Ghaa i ləmmə tənə ndzuŋ zey ghaa i keelinə abə Klisto i dzəŋŋə bənə.

1 Pita 4:7

Nəŋə zə n kuʼlə tə̀ fə wə udzəm ni bə may. Sey ghaa khə ni kwu keeli tsu wû i ghaa, ghaa təmi kɔʼ n fuu zə, sey nə̀, ghaa i loʼ ni tɔʼ gɔŋŋə.

1 Pita 5:8

Ney kɔʼ na ghə̂mə zə, ghaa təmi kɔʼ nə ifuu! Wù təngəmə ghaa tɔŋŋə də̀ŋ kə avəətsəə kə ghaalə kaabə tsənu tə̀ dəmow nə nəmmənə, i kəŋənə wù ni kwu fə.

Chi dii 16:15

Mûkəbii n dza nə̀, “Koʼo, n bəghə tə a loʼ wù tsɔŋɔ! Zə̀ kə i buulə wù wən tə i bweeli way, tə i loʼ tən soʼonə n ndzə̂ tə wi tə nə uwû, sey nə̀ kə tə i bwey kaabə n wû u zum wə, kə tow kə i dəd soʼo wi nə̀ tə loʼ ghi wuŋ wə bii.”

Chi dii 3:2

Zhəm nuu kɔʼ nə təmbweeli ghaa kuu nyi ndow isəŋ n fə key kə loʼ nə̀ kə ka kam kpu may n kow ghaa n təŋkey, n ka kam koʼ dzə nə̀ fwaʼ kə ghaa kə kpiinu n sə kə Zə̀ kuŋ.