1 Tesalonika 4:9 - Kaa n Kəzə̀ n fəghə mə

⁹ Ni ghɔɔmə nya kuum ləghə zey ghaa khənə ni khə n wû i ghaa tə̀ a loʼ awaazə, ghey kəm khə dzə way ghəə i loʼ zə ni dza tə̀ ghaa, n təŋkey Zə̀ kə n ghaa dəŋ n jìi zey ghaa khənə ni ləghə tiillə wù zə.

1 Tesalonika 4:9 ပူးပေါင်းရင်းမြစ်များ

Matyo 22:39

Laŋ key kə dzûmə ndòwnə bɔɔmə loʼ soʼo tə a loʼ kə kən, kə dza nə̀, ‘I ləghə wù wey tə kuʼlə loʼnə n səə wɔ tə̀ wə ləghənə wû wə wə̀.’

Tùm i dzuŋu zə kuum Yeso Klisto tə Jɔn â tɔɔnə 14:26

A kee loʼ nə̀ Bày wuŋ i tûm bə ghaa n Zay kə Zow kə n zəd zuŋ tɔŋŋə wù wey tə tsə̀ənə ghə̂ ghə. À loʼ wi tə i diinə ghaa n ghəə ghə adzəm, tə i zə̀ŋŋə bə soʼo ghaa n ghəə ghən adzəm mə â dza naŋanə tə̀ ghaa.

Kəfwaʼ 4:32

Dzûmə tə Yeso tədzəm tə â loʼ nə kəfə kəmɔʼ n moʼlə tə ghə tədzəm nsə n fə̀ŋ tə ghə tədzəm. Wù ghə umɔʼ n ney way fə kə wi kə tə a loʼ fə kə wi kə ngəŋ kə, ghə â fəd dzəŋi khə fə u ghə udzəm.

Roma 12:10

Ghaa khə ni ləghə tiilə wû i ghaa zə tə a loʼ dzûmə tə Klisto. Ghaa keeli zay ni ngɔɔmə waazu ghə tsəghəshiə tə ghaa ngɔɔmənə wû i ghaa zə.

2 Kɔrint 9:1

N khənu nə̀ zuŋ kə ighəə kə loʼ kə way dzə tə̀ mə ni tɔ̀ɔ zeeli kəmàʼlə tə̀ ghaa bòʼ gaamə zey ghaa dza i fuu tə̀ dzûmə tə Klisto tey n Judeya.

Filipi 3:15

À wən loʼ jìi zey saa ghən adzəm saa beyyə dzənə n ghəə a Kəzə̀, saa khə ni koʼo ghəə ghə tii. Abə wù loʼ khənə ghə i loʼ zə tə tɔʼɔ zowkeeli way, n moʼlə nə̀ Zə̀ kə î chiə diinu ghə i tii zə soʼo tə̀ wi.

1 Tesalonika 5:1

Waazə ghə, ni ghɔɔmə nya kuum nəŋə zey Yeso i bəghənə nsə tsuʼ fə tii fə. Ghəə i loʼ i kəm way dzə ghey loʼ ni dza tə̀ ghaa.

Hibru 10:16

“Mə Mûkəbii n dza nə̀ à wən loʼ kaa mən mə i zə̂ə kɔʼɔnə ghi ghə N tsuʼu n mən n bəghənə. Mə i kuu naŋŋə ndow laŋ wuŋ n fə̀ŋ tə ghə, N tɔ̀ɔ naŋa ndow soʼo n tow u ghə.”

Hibru 13:1

Ghaa ndow kə na n sə kə ni ləghə wû i ghaa zə tə̀ a loʼ awaazə.

1 Pita 3:8

Ni guŋ kɔʼ, ghaa adzəm khə ni teeli khə mwam wə umɔʼ, khə soʼo fə̀ŋ imɔʼ. Ghaa khə ni ləghə wû i ghaa zə tə a loʼ awaazə, dii fə̀ŋ i dzuŋu zə tə̀ ghə̂ ghə, khə soʼo zuŋ kə umwam n wû i ghaa.

1 Pita 4:8

Ghə i səŋi zey i tsəghəshinə ghəə ghə adzəm loʼ nə̀, ghaa i ləghə wû i ghaa zə n fə̀ŋ tə ghaa tə tədzəm n təŋkey, ghaa khənu nə̀ ləghə i tsədlə naŋŋə ndəmə ghəə a bəbə ghə.

2 Pita 1:7

Nghee ghaa ghəŋŋə kə ghəə ghey Zə̀ kə ləghənə, ghaa khə soʼo ni ləghə ndow waazu ghə. Nghee ghaa ləghənə waazu ghə, ghaa khə ni ləghə ndow soʼo ghə̂ ghə adzəm.

1 Jɔn 2:10

Wù wey tə ləghə tiilənə waazə wi, sey muu nə utsə, ghə i loʼ zə u way soʼo n muu i wi i loʼ ni chimmə wù loʼ nə̀ tə bwu laŋ K-a-zə̀.

1 Jɔn 3:11

Tûm zey ghaa â zow bənə n nəŋə zey ghaa â bəghəmnə tii tə̀ Klisto â loʼ nə̀ saa khə ni ləghə tiilə wû i saa zə.

1 Jɔn 3:23

Laŋ kən tə tsəʼlə bənə tə saa loʼ nə̀ saa bəghəm fuu tə waa wi Yeso Klisto nsə nə̀ saa i ləghə tiilə wû i saa zə tə Klisto dzanə tə saa.

1 Jɔn 4:21

Laŋ kən Klisto â fuu bənə tə saa, kə loʼ nə̀, wù wey tə ləghənə Zə̀ kə, khə ni ləghə soʼo waazə.