1 Tesalonika 4:5 - Kaa n Kəzə̀ n fəghə mə

⁵ Kə ghaa nə̂ muunə ni zhwɔdlɔ kaabə tsə tə̀ a loʼ nghee ghə̂ ghey ghə ka bəghəm tə̀ Zə̀ kə a ghəŋənə.

1 Tesalonika 4:5 ပူးပေါင်းရင်းမြစ်များ

Matyo 6:32

N təŋkey, ghə̂ ghey ghə ka bəghəm tə̀ Zə̀ kə, ghə nyəŋə n baa fə̂ u wən. Bày ghaa idəŋ khənu nə̀ ghaa ləghə soʼonu ni keeli fə u tii wə udzəm.

Lukas 12:30

təŋkey, ghə̂ a tətum n mbi a fa nyəŋə kaabə tsə n baa fə u tii wə, zə i loʼnə nə̀ Bày ghaa idəŋ khənu nə ghaa ləghənu fə u tii wə.

Kəfwaʼ 17:23

N sey dza n təŋkey, nghee n bwey laalə kaabə bənə luʼu tey ghə fəələnə maʼlə wə tii, mə n ndow koʼ tsu bənə kə loʼ kə nə ghaa n tɔ̀ɔ naŋa tii nə̀, ‘Tə Zə̀ key ghey khə way.’ Zə̀ key ghaa maŋa bam fey nə ghaa tɔʼ khə way, a baa loʼ kə ghi n naʼlə bə tə ghaa fa nya.

Roma 1:24

À wey loʼ ghə i tii zə Zə̀ kə zəghə maʼa ndownə ghə nə̀ ghə i ghəŋŋə ndow ghəə a bəbə ghey fə̀ŋ tə ghə tə ləghənə tə a loʼ nyaabə tə ghəə a laŋŋə ghən ghə ghəŋŋənə n wû i ghə.

Roma 1:26

À wən loʼ ghəə zey i ghəŋənə nə̀ Zə̀ kə zəghə maʼa ndow ghə nə̀ ghə i ghəŋŋə ndow dzəə dzəə tə aghəə tey fə̀ŋ tə ghə tə ləghənə. Gheyzən a ghə a nyəŋi n wû i ghə, loʼ sey nə̀ i mə khə way ni doʼo sey.

Roma 1:28

Nghee ghə kii maʼanə ghəə a Kəzə̀ ghə, Zə̀ kə n zəghə maʼa ghə nə̀ ghə i ghəŋŋə ndow ghəə ghə n jii zey moʼlə tə ghə tə bɔɔ doʼonə tii. À wey loʼ ghə i tii zə ghə ghəŋŋənə ghəə ghey a ka kpii tə̀ wù ni ghəŋə.

1 Kɔrint 1:21

I loʼ sey n təŋkey, Zə̀ kə n ghəŋə n tɔb u wi nə̀ ghə̂ a way dzə ni keeli wi n tɔb u ghə. Zə̀ kə n ghəŋə nə̀ ghə̂ a mbi a fəd keeli wi n bam i tûm i dzuŋu zən ghə naʼlənə ghə tɔŋŋənə nə̀ a loʼ ilaʼlə. Zə̀ kə n tsəm tsu ni bəghəshi ghə̂ ghey ghə bəghəmnə tə̀ tûm i dzuŋu zən ghə̂ a mbi a tɔŋŋə nə̀ a loʼ ilaʼlə.

1 Kɔrint 15:34

Fən nyi dzəŋŋə bə n na n tɔb n ghaa, ghaa buu naŋa ghəə a bəbə ghən ghaa ghəŋŋənə. Tə̀ mə, a ngii loʼ tow kə dədlə kə nə̀ ghə̂ a loʼ a loʼ n fəŋŋə kə ghaa nə ghə khə way Zə̀ kə.

Galeshia 4:8

Nghee ghaa â buʼ loʼ tsə nə̀ ghaa kam khə way Zə̀ kə, ghaa n loʼ ukɔd tə fə u loʼ wey ghaa â tɔŋɔ nə̀ a loʼ uzə̀.

Efesus 2:12

N tsuʼu n tii mə, ghaa â buʼ khə way Klisto, ghaa â way dzə n taŋ a ghə̂ ghey Zə̀ kə sàynə, tɔŋŋə ghə̂ ghə Izree. Ghaa n khə way ghə i loʼ zə kuum kaa n tii mə nsə təb key Zə̀ kə â təb naŋanə tə̀ ghə̂ a wi ghə. Ghaa n muu fa n mbi nə̀ ghaa khə way Zə̀ kə, ghaa n buʼ khə way moʼlə zə ni kɔʼ idəŋ n səə Kəzə̀.

Kolose 3:5

Sey, ghaa khə ni teeli tuu maʼa ghəə a bəbə ghən gow uwû ləghənə, tə a loʼ; ilaŋŋə, ghəə a dzəə ghə, ni mbuŋŋə ni nyəŋi ghi wù, moʼlə tə bəbə tə, nsə mə̂ wə, n təŋkey, mə̂ u loʼ ighələ tə̀ wù nə̀ ngɔɔmənə muʼu mə.

2 Tesalonika 1:8

Tə i bəghə ghi vələ u bəʼlə wə ni bə chɔd ghə̂ ghən ghə tuu maʼanə Zə̀ kə nsə ghə̂ ghən ghə ka bəghəm tûm i dzuŋu zə bòʼ Mûkəbii saa Yeso Klisto.

1 Pita 4:3

Ghaa n ngii bəəbə kɔʼ bə nəŋə zə ni ghəŋŋə ghey ghə̂ ghən ghə khə way Zə̀ kə ləghənə ni ghəŋŋə. Ghaa muu kɔʼ bə muu i ghaa ni ghəŋŋə dzəə dzəə tə aghəə tə, shiə n sə ghə n kow gheyzən ghə, məə khəə kaabə tsə nlə, ngii zəə kaabə tsə uzə̂, məə kɔʼɔ nlə bwey buʼlə kaabə tsə nbɔŋ, ngɔɔmə soʼo mmuʼu nə̀ Zə̀ kə n bàa tən.